རྡོ་འབའ་ནི་མདོ་སྨད་རེབ་གོང་གསེར་མོ་ལྗོངས་ཀྱི་བསེ་རི་ཆུ་བར་གསུམ་གྱི་ཡ་ཀྱལ། ཆུ་མ་སྡེ་བརྒྱད་ཚོ་དགུའི་ནང་ཚན་མར་རྐ་སྡེ་བའི་སྡེ་མི་ཡིན་ལ། དགུང་ལོ་བདུན་ཅུའི་ནང་དུ་ཡོད། ཁོང་ནི་ཆུང་དུས་ནས་རིག་པ་བཟང་ཞིང་སྨྲ་ལྕེ་ཤིན་ཏུ་བདེ་བ་དང་། སྡེ་དོན་ཚོ་དོན་ལ་ལྷག་བསམ་རྣམ་པར་དག་པ་ཞིག་ཡིན་པས། སྡེ་མི་ཀུན་གྱིས་གོང་དུ་བཀུར་བ་དང་། སྡེ་བ་དང་ཚོ་བའི་ཕྱོགས་ཀྱི་དོན་དག་ཆེ་མ་ཆུང་གསུམ་ཇི་སྙེད་ཅིག་ལ་ཞུགས་ཏེ། སྲོལ་རྒྱུན་གྱི་འགྲོ་ཕྱོགས་ལྟར་དོན་དག་མང་པོ་ཞིག་ཐག་གཅོད་བྱས་མྱོང་བ་རེད། བརྙན་ཐུང་འདིའི་ཁག་དང་པོར་ཁོང་གིས་མི་གཞན་ལ་བཙན་གཏམ་བཤད་ཚུལ་དང་། ཁག་གཉིས་པར་མནའ་མ་སློང་ཚུལ། ཁག་གསུམ་པར་ན་གཞོན་རྣམས་ལ་ཁ་ཏ་སློབ་གསོ་བཏང་ཚུལ་སོགས་ཡོད་དོ། །