Video Overview
At the Repgong Tamshé Seminar, scholar Khagang Tsöndrü, described the extreme challenges he faced while writing the first history book of Khagang Village. There were no surviving written records about the village, and so he personally visited local elders in order to have a glimpse of the past. Therefore, he stressed how important and challenging it was to have this gathering of elderly from different parts of Repgong. He is thrilled that people gathered to discuss the unwritten histories of other villages and record them, as well as how to preserve declining traditions and customs, particularly how to introduce and make the new generation of young people aware of their importance.
རེབ་གོང་གཏམ་བཤད་བགྲོ་གླེང་ཚོགས་འདུའི་ཐོག་ཁ་སྒང་བརྩོན་འགྲུས་ཀྱིས་ཡིག་ཐོག་ཏུ་གཅིག་ཀྱང་མེད་པར་ཡུལ་སྡེའི་རྒན་རྒོན་སོགས་ཀྱི་མདུན་ལ་དངོས་སུ་སོང་ནས་བཅའ་འདྲི་བྱས་ཏེ་གསར་འབྲི་བྱས་པའི་ཁ་སྒང་གི་ལོ་རྒྱུས་ཐོག་མ་དེའི་དཀའ་ཚེགས་དང་ཉམས་མྱོང་ནས་གཏམ་བཤད་ཚོགས་འདུ་འདི་འདྲ་ཞིག་དང་། སྒོས་སུ་འཇིག་རྟེན་རྒད་པོ་མང་པོ་ཞིག་དུས་ཐོག་གཅིག་ཏུ་མཉམ་འཛོམས་ཀྱིས་ཡིག་ཐོག་ཏུ་མེད་པའི་ཡུལ་སྡེ་སོ་སོའི་ལོ་རྒྱུས་དང་། ཡུལ་སྲོལ་གོམས་གཤིས། ངག་རྩོམ་སོགས་ཀྱི་སྐོར་ནས་བསམ་ཚུལ་བརྗེ་རེས་བྱ་ཐུབ་པའི་གོ་སྐབས་འདི་ལ་དགའ་མགུ་ཡི་རང་བྱེད་ཅིང་། ཁོང་གིས་ཀྱང་ཡིག་ཐོག་ཏུ་སྔར་མེད་པའི་དམངས་ཁྲོད་རིག་གནས་དང་། ལྷག་པར་དུ་སྡེ་བ་སོ་སོའི་ལོ་རྒྱུས་ཡིག་ཐོག་ཏུ་བཀོད་དགོས་པའི་གལ་ཆེའི་རང་བཞིན་དང་། དེ་བཞིན་གཞན་སྡེ་དང་གཞོན་སྐྱེས་དག་ལ་དེ་དག་གི་སྐོར་ནས་ངེས་པར་དུ་ངོ་སྤྲོད་བྱ་དགོས་པ་སོགས་རང་གི་ལྟ་ཚུལ་ལྷུག་པོར་བཤད་སོང་།
在热贡民间口头文学研讨会上，卡岗宗知嘉措面对很大的困难和艰苦下，他写了第一部关于卡岗村的历史书，而没有其他关于这个村的任何书面材料，他亲自拜访了村里的老人，以了解过去。因此，他强调了这次来自热贡不同地区的老年人聚会是多么重要和荣幸。他感到兴奋的是，人们聚集在一起讨论其他村庄的历史，并记录这些历史，以及如何保护衰落的传统和习俗，特别是如何介绍和让新一代年轻人认识和意识到这些口头文学重要的东西。
- Repgong
- དེ་རིང་འདི་ནས་རེབ་གོང་ས་ཆ་ཡི་གཏམ་བཤད་ཀྱི་ཚོགས་འདུ་ཞིག་བསྡུ་རྒྱུ་རེད།
- ང་ལ་མཚོན་ན་ཆུང་དུས་ནས་གྲྭ་བ་བཅོས་ནས་དགོན་པ་ནས་ནར་སོན་པའི་རྐྱེན་གྱིས།
- འདིའི་སྐོར་ལ་ཉམས་མྱོང་མེད་པ་དང་གཅིག
- དེའི་ཕན་ཆད་ནས་ཚོགས་འདུ་ལ་སོང་ནས་བགྲོ་གླེང་མ་བྱས་པས།
- དེ་ལ་སོགས་པའི་ཉམས་མྱོང་མེད།
- དེ་རིང་ཚོགས་འདུ་འདི་ལ་ཞུགས་ནས་རྣམ་པ་འདི་ལ་བལྟས་ན།
- ཧ་ཅང་དགའ་བ་ཞིག་རེད།
- ཅི་ཞིག་ལ་དགའ་བ་རེད་ཟེར་ན།
- གཅིག་ནས་ང་རང་གི་ཡུལ་དཔའ་ལུང་ཁ་སྒང་ས་ཆ་ནས་རེད།
- དེ་ལ་མཚོན་ན་གནའ་དེང་མ་ཙོང་ཁ་རྒྱལ་བོའི་ཕོ་བྲང་རེད།
- སྤྱིར་བཏང་དུ་བོད་བཙན་པོ་ཡི་ཕ་ས་ཆེས་གཙོ་བོ་གཅིག་གང་རེད་ཟེར་ན།
- དཔའ་ལུང་ཁ་སྒང་ས་ཆ་སྟེ་ཙོང་ཁའི་ཡུལ་གན་རེད།
- ཁ་སང་དེ་རིང་ཙོང་ཁའི་ཡུལ་ཁམས་འདི་ནས།
- ང་ཚོའི་བོད་ཀྱི་སྲོལ་རྒྱུན་གྱི་སྐོར་ཟེར་ན་ཆོག་གི།
- དེ་ནས་མི་རིགས་འདི་ཉམས་ནས།
- ཁ་སང་དེ་རིང་རྟག་ཆུ་ཆད་པའི་རྫིང་བུ།
- ནགས་ཚལ་གྱི་མར་མེ་བཞིན།
- ཁ་སང་དེ་རིང་གཟིམ་ལ་ཉེ་བ་དང་ཡང་ན་ཆད་ལ་ཉེ་བ།
- འདི་འདྲའི་སྐབས་ཐོག་ཅིག་ལ་ཐོན་ཡོད།
- ཐོན་ཡོད་པས་དེ་རིང་འདིར་ཡོང་ནས།
- ཁྱོད་ཚོས་འདི་འདྲའི་ཚོགས་འདུ་ཞིག་བསྡུ་བཞིན་པ་འདིར་བལྟས་ན།
- ཧ་ཅང་དགའ་སྤྲོ་བ་དེ་འདྲ་ཞིག་རེད།
- ཅི་ཞིག་ལ་དགའ་སྤྲོ་བའི་རྒྱུ་མཚན་གཅིག་གང་རེད་ཟེར་ན།
- དེ་སྔོན་ང་ཚོའི་ཁ་སྒང་ས་ཆར་ལོ་རྒྱུས་ཤིག་འབྲི་དགོས་བྱུང་བ་རེད།
- ལོ་རྒྱུས་ཤིག་འབྲི་དགོས་བྱུང་བས།
- ཁ་སང་དེ་རིང་དཔའ་ལུང་ཁ་སྒང་ས་ཆའི་ལོ་རྒྱུས་གཅིག་ཀྱང་མེད་ཀི།
- མེད་ན་ལོ་རྒྱུས་དེ་འབྲི་ཐབས་མེད་ཀི།
- མེད་པས་ཅི་རེད་ཟེར་ན།
- སྤྱིར་ས་ཆ་འགའ་རུ་མི་ཚང་མ་བློ་མཐུན་བྱུང་ནས།
- ཁ་ཤས་ཤིག་བསྡུས་པ་ཡིན་ལ་ཁ་ཤས་ཤིག་མ་གཏོགས་ཡོད་པ་མ་རེད།
- དེར་སོང་ནས་ལོ་བདུན་ཅུ་བརྒྱད་ཅུ་ཡི་རྒད་པོ་རྣམས་ལ།
- རང་ཉིད་དངོས་སུ་སོང་ནས་ཁོ་ཚོར་བཅར་འདྲི་བྱས་ཏེ།
- ཐོག་དང་པོར་ང་ཚོའི་ས་ཆ་འདི་ན་དགོན་པ་ག་ཚོད་ཡོད་པ་རེད།
- ཚོ་བ་ག་ཚོད་ཡོད་པ་རེད།
- ད་དུང་འདི་ན་ལྷ་སྡེ་ག་ཚོད་ཡོད་པ་རེད།
- སྐབས་ཐོག་དེར་གྲྭ་བ་ག་ཚོད་ཡོད་པ་རེད་ཅེས།
- ཁོ་ཚོ་རེ་རེ་ལ་དྲིས་ན།
- སྤྱིར་ང་ཚོའི་ཁ་སྒང་ས་ཆ་ཡི་སྲོག་རྩ་གང་ན་ཡོད་ཟེར་ན།
- ད་ལྟ་ཁ་སྒང་ས་ཆ་ན་ཡོད་པའི་ལོ་བདུན་ཅུ་བརྒྱད་ཅུ་ཡི་རྒད་པོ་ཚང་མའི་ངག་ཐོག་ཏུ།
- ཁ་སྒང་ས་ཆའི་ལོ་རྒྱུས་རྙེད་པ་རེད།
- དེ་གཞི་བྱས་ནས་ང་རང་གིས་ཁ་སྒང་ས་ཆའི་ལོ་རྒྱུས་འདི།
- ཡར་མར་ནས་བླ་མ་རྣམས་ཀྱི་གསུང་འབུམ་དང་།
- མདོ་སྨད་ཆོས་འབྱུང་ལ་སོགས་པར་བལྟས་ནས་བསྡད་དེ།
- ལོ་རྒྱུས་ཐུང་ཐུང་ཞིག་བྲིས་ནས།
- དེའི་མིང་ལ་ངའི་ཕ་ཡུལ་གྱི་ཆགས་འཇིག་ཅེས་པའི་དཔེ་ཆ་ཞིག་བྲིས་པ་ཡིན།
- སྤྱིར་བཏང་དུ་སྔོན་ལ་སྲིད་པ་རྒན་པོ་ཟེར་བ་ནི།
- བོད་ཀྱི་ཆོས་ལྡན་གྱི་རྒྱལ་བོ་དང་བཙན་པོ་རྣམས་ལ་བཤད་པ་རེད།
- ཁ་སང་དེ་རིང་སྲིད་པ་རྒན་པོ་ཟེར་བ་ནི།
- ཁྱེད་ཚོ་སྟེ་སྐབས་ཐོག་འདིའི་ལོ་བདུན་ཅུ་བརྒྱད་ཅུ་ཅན།
- རྒད་པོ་འདི་རྣམས་སྲིད་པ་རྒན་པོ་ཡིན་པ་རེད།
- འདི་ཡིན་པ་མ་ཟད་ང་ཚོ་བོད་མི་རིགས་ཀྱི།
- ཁ་སང་དེ་རིང་འདས་ཟིན་པའི་ལོ་རྒྱུས་ཀྱི་སྲོག་རྩ་ཁྱེད་ཚོའི་ཐོག་ན་ཡོད་པ་མ་གཏོགས།
- ང་ཚོའི་ས་ཆར་མཚོན་ན་གཅིག་ཀྱང་མེད་པ་དེ་འདྲ་ཞིག་རེད།
- དེ་བས་ཁ་སང་དེ་རིང་རེབ་གོང་ས་ཆར་བལྟས་ན།
- སྡེ་བ་སོ་སོའི་ལོ་རྒྱུས།
- ལྷ་སྡེ་དང་དགོན་པ།
- ཚོ་བ་རེ་རེའི་ལོ་རྒྱུས་ཀྱི་དཔེ་ཆ་བྲག་རི་ལྟ་བུ་ཡོད་ཀི།
- དེར་བལྟས་ན་ཧ་ཅང་ཉམས་དགའ་བ་ཞིག་རེད།
- ཁ་སྒང་ས་ཆའི་ལོ་རྒྱུས་ཐུང་ཐུང་ཞིག་ང་ཚོས་བཤད་ན།
- ཁྱོད་ཚོས་ཉན་འདོད་མེད་ན་ཐང་མོད་མོད་ངེས་པར་དུ་བཤད་དགོས།
- ཅི་ཞིག་རེད་ཟེར་ན་ང་ཚོ་ཁ་སྒང་ས་ཆ་རུ།
- སྔོན་མར་ཚོ་བ་ལ་བུ་རྒྱུད་བཅོ་བརྒྱད།
- སྐྱ་ལམ་ཚོ་ཆེན་བཅོ་བརྒྱད།
- ཁ་སྒང་ཚོ་བ་བཅོ་བརྒྱད་ཅེས།
- འདི་འདྲ་ལ་སོགས་པའི་ཚོ་བ་ཡ་མཚན་ཏག་ཏག་ཡོད་ཀི།
- ཁ་སང་དེ་རིང་ཚོ་བ་ཐམས་ཅད་ཉམས་ནས།
- ད་ལྟ་ཁ་ཤས་ཤིག་ལས།
- སྐབས་ཐོག་འདིར་ཁ་སྒང་ས་ཆའི་ལོ་རྒྱུས་ངས་མི་འབྲི་བ་ཡིན་ན།
- ཁ་སྒང་ས་ཆའི་ལོ་རྒྱུས་འདི་ཚར་སོང་བ་རེད།
- ཁ་སྒང་ས་ཆ་དེར་ལབ་ཙེ་ཅི་འདྲ་ཞིག་ཡོད་པ།
- སྐྱེས་ལྷ་ཅི་འདྲ་ཞིག་ཡོད་པ།
- དགོན་པ་ཅི་འདྲ་ཞིག་ཡོད་པ་དེ་དག་ཐམས་ཅད་མཇུག་བསྡུས་པ་རེད།
- མཇུག་བསྡུས་པ་མ་ཟད་ཁ་སང་དེ་རིང་ཁ་སྒང་ས་ཆའི་ལོ་རྒྱུས་དེར།
- དབྱེ་ཞིབ་མ་བྱས་པའི་སྟབས་ཀྱིས་ཅི་ཞིག་རེད་ཟེར་ན།
- དཔའ་ལུང་གི་ཧེ་ཧེ་དེ་ཚོ་ཚང་མས་བོད་སྐད་བཤད་བཞིན་འདུག
- བོད་ཐམས་ཅད་ཕར་ལ་ཧེ་མགོར་ལོག་པ་རེད་ཅེས།
- རང་གིས་བོད་མི་རིགས་འདི་ལ་དབྱེ་ཞིབ་མ་བྱས་པར་དེ་ལྟར་བཤད་བཞིན་འདུག
- དེ་ཅི་ཞིག་རེད་ཟེར་ན་ཧེ་ཧེ་ཚོས་བོད་སྐད་བཤད་པ་དག་བོད་ཧེ་མགོར་ལོག་པ་རེད་ཅེས།
- དེ་གཏན་ནས་ཡིན་པ་མ་རེད།
- དེ་ན་ཁ་སང་དེ་རིང་གྲོང་ཁྱེར་ནང་གི་བྱིས་པ་ཚོས་བོད་སྐད་མི་ཤེས།
- དེ་ཡིས་ཀྱང་རྒྱ་སྐད་བཤད་པས་རྒྱ་ཡིན་ནམ།
- དེ་རྒྱ་ཡིན་པ་མ་རེད།
- དེ་ན་ཅི་རེད་ཟེར་ན་ང་ཚོའི་ས་ཆ་རུ་ཧ་ང་ཚབས་ཆེ་བ་ཞིག་ཡོད་པ་ནི།
- བོད་མོ་མང་པོ་ཞིག་ཡོང་ནས།
- ལྷ་ས་དང་གཞིས་ཀ་རྩེ་ལ་སོགས་པ།
- ཡུལ་ཤུལ་དང་མགོ་ལོག་ལ་སོགས་པ།
- འབོ་ར་ཨ་མཆོག་ལ་སོགས་པ་ནས་མང་པོ་ཞིག་ཡོང་ནས།
- ཧེ་མགོར་ལོག་ཡོད་པ་ཧ་ཅང་མང་གི།
- དོན་དག་འདི་ཧ་ཅང་ཚབས་ཆེན་ཞིག་རེད།
- དོན་དག་འདི་སུ་ཞིག་གིས་སྒྲུབ་དགོས་པ་རེད།
- དགོན་སྡེ་སོ་སོའི་ཨ་ལགས་ཐམས་ཅད་ཀྱིས་དམངས་ཚོགས་ལ་སློབ་གསོ་བཏང་ནས།
- ང་ཚོ་ཧེ་མགོར་ལོག་མི་ཉན་པ།
- གཅིག་ཡིན་ན་རང་གི་ཆོས་ལུགས་ལ་ཕྱི་ནང་གཉིས་ཀའི་སྟེང་ནས།
- ཕྱི་རོལ་བ་ཡི་ལྟ་བ་ལ་ཞུགས་ནས་དེ་ལྟར་བྱེད་པ།
- གཉིས་ནས་བོད་མི་རིགས་ཀྱི་མི་གྲངས་ཇེ་ཉུང་ལ་འགྲོ་བ།
- གསུམ་ནས་བོད་མི་རིགས་ཀྱི་ཞབས་འདྲེན་བྱེད་པ།
- དེ་དག་ཐམས་ཅད་པོ་དེ་རིང་གི་འདི་ལྟ་བུའི་ཚོགས་འདུའི་སྟེང་ནས།
- རྒད་པོ་བསམ་ཤེས་ཡིན་ན་ཆོག་གི་མཁས་པ་ཡིན་ན་ཆོག་གི།
- ཚང་མས་རང་རང་ས་ནས་འདིའི་སྐོར་འདི་ཁྱབ་བསྒྲགས་བྱས་ནས།
- འདི་ལྟར་བྱེད་མི་ཉན་པ།
- ང་ཚོས་ཀྱང་ལ་རྒྱ་ཞིག་འཛིན་དགོས།
- དཔེ་བཞག་ན་དོན་དག་ཆུང་ཆུང་ཞིག་གི་སྟེང་ནས་བཤད་ན།
- རེབ་གོང་ས་ཆ་འདི་ལ་མཚོན་ན་དེ་རེད།
- ཡར་ན་དགོན་པ་འདི་འདྲ་ལེགས་པོ་ཞིག་ཡོད་པ་རེད།
- མར་གྱི་རྒྱ་སྲིང་ནས་ཟ་ཁང་ཡིན་ན་ཆོག་གི།
- ཡོང་སྒོ་བཙལ་སའི་མགྲོན་ཁང་ཐམས་ཅད་པོ་མི་རིགས་གཞན་གྱིས་བཟུང་ཡོད་པ།
- ཡུལ་སྐོར་བ་ཐམས་ཅད་པོ།
- སློབ་གྲྭར་འགྲོ་བ་དང་བྱིས་པ་ན་གཞོན་ཐམས་ཅད་པོ།
- གང་ལ་བལྟ་རུ་ཡོང་བ་རེད་ཟེར་ན།
- རེབ་གོང་སྒྱུ་རྩལ་དང་རེབ་གོང་རིག་གནས་ལ་བལྟ་རུ་འགྲོ་ཞེས་ཡོང་བའི།
- དེའི་ཡོང་སྒོ་ཐམས་ཅད་པོ་སུས་ལེན་བཞིན་པ་རེད་ཟེར་ན།
- མི་རིགས་གཞན་གྱིས་ལེན་བཞིན་པ་རེད།
- ང་ཚོས་འདི་ལྟར་བལྟས་ན་ཤེས་པ་རེད།
- ང་ཚོ་བོད་ཀྱི་མགྲོན་ཁང་རེབ་གོང་ས་ཆ་ན་དུ་ཡོད།
- ཟ་ཁང་དུ་ཡོད།
- ཁེ་ལས་གཉེར་མཁན་ངར་བ་དུ་ཡོད།
- དེ་དག་ཚང་མས་སྤྱི་ཚོགས་ཀྱི་སྟེང་དུ་ནུས་པ་ག་ཚོད་ཐོན་བཞིན་ཡོད།
- ཟི་ལིང་ནས་ཁ་སང་དེ་རིང་ལ་ཧེ་ཧེ་ཚོས།
- དབྱི་སི་ལན་ཚོགས་པ་ཞེས་དེ་འདྲའི་རྩ་འཛུགས་དང་ཚོགས་པ་བཙུགས་ནས།
- དེ་ཚོས་མཁར་ཤར་ནས་ཡར་ལ་བཟུང་ནས་ཟི་ལིང་གྲོང་ཁྱེར་འཛིན་རྒྱུ་དེ་རེད།
- དེ་རུ་ཞབས་ཞུ་བ་དང་གཡོག་པོ་ཐམས་ཅད་པོ་ང་ཚོ་བོད་རེད།
- དེ་དག་ཐམས་ཅད་ལ་ང་ཚོས་འདང་ཞིག་རྒྱག་དགོས།
- སྐད་ཆ་འདི་གཅིག་གིས་གཅིག་ལ་བཤད་ནས་ཁྱབ་ཁོངས་ཇེ་ཆེར་སོང་ན།
- ད་གཟོད་དོན་དག་ཅི་ཞིག་ཡིན་རུང་གཅིག་གི་སྟེང་ལ་འབབ་ཐུབ།
- དེ་བས་ཅི་ཞིག་རེད་ཟེར་ན།
- ང་ཚོའི་དཔའ་ལུང་ཁ་སྒང་ས་ཆ་འདི་ཡིན་ན་ཆད།
- བ་ཡན་ས་ཆ་འདི་ཐམས་ཅད་པོ་ཁ་སང་དེ་རིང་ཚར་ནས་འགྲོ་བཞིན་པ།
- དེ་དག་ཐམས་ཅད་ཀྱི་ལོ་རྒྱུས་ཀྱི་སྲོག་རྩ་སུ་རེད་ཟེར་ན།
- རྒད་པོ་ཚོའི་འདི་ན་ཡོད་པ།
- དེ་རིང་འདི་ལ་འཚོགས་ཡོད་པ་ཚང་མ་ལོ་ལོན་རྒན་པོ་ཏག་ཏག་རེད།
- ཁྱེད་ཚོའི་སྟེང་དུ་མི་རིགས་ཀྱི་ལས་དབང་ཟེར་ན་ཆོག་གི།
- མི་རིགས་ཀྱི་སྲོག་རྩ་ཞིག་ཁྱེད་ཚོའི་སྟེང་ན་ཡོད་པ་རེད།
- ཁྱེད་ཚོར་མཚོན་ན་མི་རབས་རྗེས་མ་ལ།
- རིན་ཐང་མེད་པའི་རིག་གནས་འདི་མི་རབས་རྗེས་མ་ལ་འཇོག་པ།
- མི་རབས་རྗེས་མ་ལ་འཇོག་རྒྱུ་ང་རང་གི་རེ་བ་ཡིན།
- དེའི་ཕན་ཆད་ནས་གཅིག་ནས་དུས་ཚོད་ཐུང་བ་རེད།
- གཉིས་ནས་ངས་སྔོན་ལ་བཤད་པ་ལྟར་ང་ལ་ཉམས་མྱོང་ཡང་ཆེན་པོ་མེད།
- དུས་ཚོད་ཐུང་ཐུང་འདི་ལ་འདི་འདྲ་ཞིག་བཤད།
Loading ... - Northeastern Tibet (Amdo) Collections
- Repgong
- Oral Traditions
- Repgong
- Repgong
- Amdo Group
- གཏམ་བཤད
- བགྲོ་གླེང
- ཚོགས་འདུ