Video Overview
A tale warning of the effects of greed and subterfuge.
- སྤུན་གཉིས་ལ་ཕ་ཞིག་ཡོད་པ་ནད་ཀྱིས་
- ཤི་མི་ཐུབ་པར་བསྡད།
- ཤི་མི་ཐུབ་པར་བུ་ཆུང་བར་ཆགས་ནས་བསྡད།
- བུ་ཆེ་བས་ཨ་ཕར་ཁྱོད་ཤི་ལ་ཁད་བྱས་ནས་
- ཤི་མི་ཐུབ་པ་ཅི་ཡིན་དྲིས་པར།
- ཁོས་བུ་ཆུང་བར་ཆགས་ཟེར་བར།
- བུ་ཚེ་བས་ཁྱོད་ཆགས་མི་དགོས་ལ་
- བུ་ཆུང་བ་དེ་ངས་གཅེས་ཆོག་ཞེས་བཤད།
- ཧ་ཅང་ཤ་ཚ་བོ་བྱེད་ཞེས་པར་ཕས་དངོས་གནས་
- གཅེས་རྒྱུ་རེད་བསམ་སྟེ་དངུལ་བཅུ་གོར་ཞིག་
- སྔས་མགོའི་ཞབས་ལ་ཡོད་པ་བླངས་ཏེ་བུ་གཉིས་ཀར་
- བྱིན་ནས་ཕ་ཤི་འགྲོ་མོད་སྐྱོན་མེད་ཟེར།
- ཕ་ཤི་རྗེས་ཁོ་གཉིས་ཀས་དངུལ་དེ་བཟུང་ནས་ལྡོམ།
- ཉུལ་ནས་སོང་དུས་ཟམ་ཞིག་གི་མགོར་ཐོན་དུས་
- ཕུ་བོས་ནུ་བོ་མེད་ན་དངུལ་འདི་རང་གི་ཡིན་བསམ།
- ནུ་བོ་ཆུང་བ་དེ་དགོས་མེད་ང་ལ་གསོ་རྒྱུ་ལས་
- ཆུ་ནང་དུ་འཕེན་དགོས་བསམ།
- ཕས་དངུལ་དེ་གཉིས་ཀའི་བགོ་དགོས་ཞེས་བཤད་ཡོད།
- དངུལ་མ་བགོས་པར་ཁོ་གཉིས་ལྡོམ།
- ཟམ་ཐོག་ཏུ་ཐོན་དུས་སྤྱིར་ནུ་བོས་ཁུར་ཡོད་མོད་
- ཕུ་བོས་ནུ་བོར་ད་ངས་ཁུར་ཟམ་ཐོག་ཏུ་ཁྱོས་ཁུར་ན་
- ཁྱོད་ལྷུང་ཉེན་ཡོད་པས་ཞེས་ཁོ་རང་གི་ཁུར་ཏེ་
- ཟམ་དཀྱིལ་དུ་ཐོན་དུས་ནུ་བོ་གཏད་དེ་ཆུ་ནང་དུ་འཕང་།
- ཆུ་ནང་དུ་འཕང་རྗེས་ནུ་བོ་སྡུག་གི་མཐའ་ཞིག་ལ་
- རྟ་དཀར་དཀར་མདུང་དར་དཀར་བོ་ཅན་ཞིག་གིས་
- ཆུའི་ཕ་རོལ་ལ་ཕུད། ས་ཡར་བལྟས་པར་གོང་གི་
- ཁ་ཞིག་ན་ཉི་མ་ལེགས་པོ་ཞིག་ཤར་འདུག
- ཁོ་ཆུ་ནང་གི་ཐོན་པར་འཁྱག་པས་དེའི་ཁ་རུ་སོང་།
- དེའི་ཁར་ཐོན་དུས་ཉལ་ས་ཆུང་ཆུང་གསུམ་ཡོད།
- ཉལ་ས་ཆུང་བ་དེ་ཅུང་དྲོ་བས་དེའི་ཞབས་ནས་ཉལ།
- སྐབས་ཤིག་ལ་སྟག་དང་རི་བོང་སོགས་ཐོན་ཏེ་ཉལ།
- ཉལ་རྗེས་རི་བོང་གིས་ཨ་བུ་སྟག་སྟག
- ངའི་ཉལ་སའི་ཞབས་ན་འབའ་འབའ་ཞིག་དང་
- འབུར་འབུར་ཞིག་ཡོད་ཟེར་བར།
- སྟག་གིས་ཅི་ཞིག་གི་འབའ་འབའ་འབུར་འབུར།
- ཁ་སུམ་ལས་འཆའ་འཆའ་ལྡད་ལྡད་བྱེད་ཟེར།
- དེ་ནས་ཁོ་ཚོས་ཁ་བརྡ་བྱས།
- དེའི་ཕར་རྒྱབ་ན་སྡེ་བ་ཞིག་ཡོད་པར་ཆུ་ལེན་སའི་
- ལམ་བར་ནས་སྟག་དང་དྲེད་མོང་སོགས་ཀྱིས་
- ཟོས་འགྲོ་བས་ཆུ་ཧ་ཅང་དཀོན།
- ཆུ་མེད་པས་དཀའ་མོད་དེ་ཚང་གི་སྒོ་ཁར་
- རྡོ་ཕ་བོང་ཞིག་ཡོད་པ་དེ་གསེས་ཏེ་
- ཞབས་ཀྱི་ཆུ་བུད་རྗེས་ང་ཚོའི་ཟ་རྒྱུ་མི་རྙེད།
- ཆུ་ལེན་དུ་མི་ཡོང་བས་ཞེས་ཁ་བརྡ་བྱས།
- རྡོ་གཏོར་དགོས་པ་ཤེས་སམ་ཟེར་བར་
- ཁོའི་འགྲིག་སོང་དེ་གཏོར་བར་སྐུལ་དགོས་བསམ།
- དྲེད་མོང་སོགས་ནམ་དཀར་དུས་སོང་།
- རང་རང་གི་གནས་སུ་རི་མགོར་སོང་།
- ཁོ་སྡེ་བ་དེར་སོང་ནས་ང་ལ་ཇ་ཞིག་ཨེ་བླུད་ཞེས་པར།
- དེ་ཚོས་ཁོ་ལ་རྩམ་པ་ཞིག་མཁོ་ན་སྟེར་ཆོག་པ་ལས་
- ཇ་ཞིག་བླུད་རྒྱུ་མེད་ང་ཚོས་ཆུ་ལེན་ཐུབ་པ་མིན།
- ཆུ་ལེན་པར་སོང་ན་སྟག་དང་དྲེད་མོང་སོགས་ཀྱིས་
- ཟོས་འགྲོ་ཟེར། ཁོས་དེ་ཚོར་ཆུ་ལེན་རྒྱུ་སླ་མོ་རེད།
- ཁྱེད་ཚང་གི་ང་ལ་ཇ་ཞིག་བླུད་དང་ཞེས་པ་ན།
- ཁྱིམ་ཚང་དེའི་ཁོ་ལ་ཇ་བླུད།
- ཇ་འཐུང་རྗེས་སྒོ་ཁ་ནས་རྡོ་ཕ་བོང་དེ་
- གཏོར་དགོས་པས་རུ་སྡེ་བར་བོས་ཏེ་རྡོ་གཏོར།
- དེའི་འོག་ནས་ཆུ་དྭངས་མོ་ཞིག་བུད།
- སྡེ་བ་དེར་འཐུང་ཆུ་ཡོད་པར་གྱུར།
- ཁོ་ལ་སྡེ་མི་ཚོས་ཁ་དྲོ་ཞུས་ཏེ་རྒྱལ་པོར་བསྐོས།
- དེ་ནས་ཡུན་རིང་ཞིག་ལ་ཞི་ལུ་ཁོ་རང་སྐྱིད་པོ་བྱུང་། [
- ད་དུང་ཁོ་ཚོས་དགོན་པ་བཞེང་དགོས་པར་ནགས་ཞིག་ཏུ་
- ང་ཡིན་ང་ཡིན་ཟེར་མཁན་ཞིག་ཡོད་པ་དེ་མིན།
- ང་མིན་ང་མིན་ཟེར་མཁན་ཞིག་ཡོད་པ་དེ་ཡིན།
- ཙན་ཏན་སྡོང་བོ་ཞིག་མ་རྙེད་པར་འདུག་ཞེས་པ་ཡང་གོ།
- ཐང་ཞིག་ཏུ་དགོན་པ་ཆགས་དགོས་པ་དེ་ཡང་ཁོས་ཤེས།
- ཁོས་ཚང་མ་བཤད་པས་ཁོ་རང་རྒྱལ་པོར་བསྐོས།
- དེ་ནས་སྡེ་བ་དེར་ཆུ་འཐུང་རྒྱུ་ཡོད་ལ།
- དགོན་པ་ཡང་ཆགས་ནས་ལེགས་པོ་ཞིག་ཏུ་གྱུར།
- ཉིན་ཞིག ཁོའི་ཕུ་བོ་ཁོ་རང་ཆུ་ནང་དུ་
- འཕེན་མཁན་དེ་སྤྲང་བོ་ཚོའི་གྲས་སུ་ཡོད།
- ཁོ་རང་སྤྲང་བོ་ཚོའི་གྲས་སུ་འགྲོ་བཞིན་པར་
- ཁོས་ཁྱོད་ནི་ངའི་ཕུ་བོ་ཡིན་ཞེས་པར།
- མི་དེས་མིན་ང་ལ་ཁྱོད་ལྟ་བུའི་ནུ་བོ་ཞིག་མེད་ཟེར།
- ཁོས་ཅི་ལ་མེད། ཁྱོད་ཀྱིས་ང་ཆུ་ནང་དུ་བསྐྱུར་ལ་
- ཨ་ཕས་ངེད་གཉིས་ལ་དངུལ་བྱིན་པ་དེ་ཡང་ཁྱོད་ཀྱིས་
- ཁྱེར་སོང་བ་ཡིན་མོད། ང་ལ་མི་གནོད་ཟེར།
- ཕུ་བོས་ངེད་གཉིས་ནི་ཕ་གཅིག་གི་བུ་ཡིན་པས་ང་ཡང་
- ཟམ་ཐོག་དེ་ནས་ལྡིང་ན་ལམ་ཞིག་ཡོད་བསམ།
- ནུ་བོས་ངས་དེ་ལྟར་བྱས་ཡོང་བ་ཡིན།
- ཉལ་ས་དེའི་ནང་ནས་ཉལ་བ་སོགས་བཤད་པས་
- ཕུ་བོས་ང་ཡང་དེ་ལྟར་སོང་དང་ངེད་གཉིས་ནི་
- ཕ་གཅིག་གི་བུ་ཡིན་བསམ་སྟེ། ཟམ་ཐོག་ཏུ་སོང་ནས་ལྡིང་།
- ཆུར་ལྕེབས་པར་ཆུས་ཁྱེར་ནས་སོང་རྗེས་རྟ་ནག་ནག་
- མདུང་དར་ནག་པོ་ཅན་ཞིག་གིས་ཆུའི་ཕ་རོལ་ལ་ཕུད།
- ཡར་བལྟས་དུས་དངོས་གནས་གོང་ན་ཉི་མ་དྲོ་བའི་
- ཉལ་ས་གསུམ་ཡོད་པར་ནང་དུ་སོང་ནས་ཉལ།
- རི་བོང་ཉལ་སར་སྔར་ནུ་བོ་ཇི་ལྟར་ཉལ་བ་ལྟར་དུ་ཉལ།
- རི་བོང་གིས་ཨ་བུ་སྟག་སྟག་ངའི་ཉལ་སའི་ཞབས་ན་
- འབའ་འབའ་ཞིག་དང་འབུར་འབུར་ཞིག་ཡོད་ཟེར་བར།
- ཡར་བྱིན་དང་འཆའ་འཆའ་ལྡད་ལྡད་བྱེད་འཇོག་ན་ལས་
- ཡར་སྔོན་ང་ཚོས་ཅི་བཤད་ཚང་མ་གོ་འདུག་པ་དེ་ཡིན་ཞེས།
- ཕུ་བོ་དེར་འཆའ་འཆའ་ལྡད་ལྡད་བྱས་སོ།།