མདོ་སྨད་ཁྱུང་མཆུའི་ཟངས་དཀར་ཡུལ་ནས་འབྲོག་པ་འབྲོག་མོ་རྒན་པ་དག་གི་རང་གི་བྱིས་དུས་ཀྱི་ཉམས་མྱོང་བརྒྱུད་དེ། འབྲོག་ཁུལ་འདིར་དེང་སྐབས་ཀྱི་སློབ་གྲྭ་མ་ཚུགས་སྔོན་དུ་ཁྱིམ་ཚང་དང་ཡུལ་སྡེ་ཡི་འབྲོག་པའི་སྲོལ་རྒྱུན་གྱི་བྱིས་པའི་སློབ་གསོ་དང་འབྲེལ་བའི་རིག་གནས་སྐོར་ངོ་སྤྲོད་བྱས་ཡོད། ནང་དོན་གྱི་ཆ་ནས་བྱིས་པ་སྐྱོང་སྟངས་དང་བྱིས་པའི་རྩེད་མོ། གནའ་གཏམ། གབ་ཚིག དམངས་གླུ་བཅས་ཕྱོགས་ལྔ་ཡོད་པར། བརྙན་འདིར་འབྲོག་པ་ཞིག་གི་ཕྱིར་དྲན་བརྒྱུད་དེ་ས་ཆ་འདིའི་འབྲོག་པའི་སྲོལ་རྒྱུན་དུ་ཕ་མས་རང་གི་བྱིས་པ་སྐྱོང་ཚུལ་དང་། བྱིས་པ་ཕོ་མོས་རྩེད་མོ་སྣ་ཚོགས་དང་རྩེད་མོར་རོལ་བའི་ཁོར་ཡུག་གི་སྤྱིའི་རྣམ་པ། དེ་མ་ཟད་སྐབས་དེའི་བྱིས་པ་འཚར་ལོངས་བྱུང་སའི་ཟ་མ་དང་གྱོན་གོས་སོགས་ཀྱི་འཚོ་བའི་ཆ་རྐྱེན་གྱི་གནས་ཚུལ། སྤྱིར་བཏང་གི་སྤྱི་ཚོགས་ཁོར་ཡུག་སོགས་དེང་སྐབས་དང་བསྡུར་བ་བརྒྱུད་ནས་འགྲེལ་བཤད་བྱས་ཡོད།