ཡ་གླུ་མ་རིག་འཛིན་སྒྲོལ་མ་ཁྱེད་བདེ་མོ་ཡིན་ནམ།

བདེ་མོ་ཡིན། བདེ་མོ་ཡིན།

ཡ་བདེ་མོ།

དེས་ན་ཐོག་མར་ཁྱེད་ཀྱིས་འདི་ནས་ང་ཚོའི་བཅར་འདྲི་དང་ལེན་བྱས་པ་ལ་ངས་སྙིང་ཐག་པ་ནས་བཀའ་དྲིན་ཆེ་ཞུས་པ་ཡིན།

ཡ

དེས་ན་ཁྱེད་རང་ལ་མཚོན་ན་ད་ལྟ་ང་ཚོ་བོད་ཁམས་ཡོངས་ན

སྙན་པའི་གྲགས་པ་འབར་བཞིན་པའི་གླུ་མ་ཞིག་རེད། ད་ཉན་མཁན་མང་བོ་ཞིག་ལ་མཚོན་ན

ཁྱེད་ཀྱི་སྙན་ཞིང་འཇེབས་པའི་སྐད་ངག་ལ་བརྟེན་ནས་ད་གཟོད་ཁྱེད་ངོ་ཤེས་པ་རེད།

དེ་ན་ད་ཡིན་ན་ཡང་མི་མང་བོ་ཞིག་གིས། ཁྱེད་ཀྱི་གླུ་དབྱངས་མང་བོ་ཞིག་ལེན་རྒྱུ་རེད།

དཔེར་ན།༼ཁ་སང་གི་གཏམ་རྒྱུད།༽ ༼འབྲི་མོ་དུང་ཆུང་དཀར་མོ།༽འདི་འདྲའི་མང་བོ་ཞིག་ལ་ཆ་རྒྱུས་ཡོད་རྒྱུ་རེད།

ད་ཁྱེད་རང་མི་སྒེར་གྱི་ལོ་རྒྱུས་དང་ཡང་ན་ཁྱེད་རང་ཚུལ་ཅི་ལྟ་བུ་ཞིག་གི་སྒོ་ནས་གླུ་དབྱངས་ཀྱི་ལམ་འདིར་ཞུགས་པའི་གནས་ཚུལ་ལ་ཆ་རྒྱུས་ཡོད་པ་མ་རེད།

ད་དེས་ན་དེ་རིང་གི་གོ་སྐབས་འདི་བཟུང་ནས་ཁྱེད་ཀྱིས་རྣམ་པ་ཚོར་རང་གི་ལོ་རྒྱུས་མདོར་བསྡུས་ཤིག་དང་།

ཁྱད་པར་དུ་དེ་རིང་གླུ་དབྱངས་ལེན་པའི་ལམ་འདིར་ཅི་ལྟར་ཞུགས་པའི་གནས་ཚུལ་རྣམ་པ་ཚོར་ངོ་སྤྲོད་མདོར་བསྡུས་ཤིག་བྱས་ན་ཅི་འདྲ་རེད།

ཡ་ཡ། ད་ང་ལ་མཚོན་ན་ཐོག་མར་ཆུང་དུས་སུ་སློབ་གྲྭར་མང་པོར་སོང་མ་མྱོང་།

ཆུང་དུས་ལོ་དྲུག་འདྲ་འདི་མོ་ཞིག་ནས་བོད་ཡིག་ཙ་གི་ཙིག་གེ་རེ། བོད་ཡིག་ཕར་ཆེར་དམའ་འབྲིང་དེ་འདྲ་ཞིག་ལམ་ཁྲིད་པ་རེད།

རེད།

བོད་ཡིག་ཅུང་ཞིག་ཁྲིད་པ་རེད། དེ་ནས་ཆུང་དུས་ནས་ཕར་ཆེར་གཙོ་བོ། ངའི་ཨ་མ།

རེད།

ཨ་མ་ནད་པ་ཡིན་པ་རེད། ཆུང་དུས་ནས་རང་གི ངའི་ཤེས་ཚོད་གྱིས། ཆུང་དུས་ཞིག་ནས་ཨ་མ་ནད་པ་ཧ་ཅང་ལྕི་མོ་ཞིག་ཡིན།

རེད།

དེའི་རྐྱེན་གྱིས། དེའི་སློབ་གྲྭ་འགྲོ་རྒྱུའི་གོ་སྐབས་ཟེར་དགོས་ནི་འེ་རེད།

རེད།

དེ་ཤིན་ཏུ་ཉག་ཕྲ་བ་རེད། ད་ཨ་མ་ལ་ནད་ཀྱི་སྐྱོན་ཡོད་པའི་དོན་དུ། སློབ་གྲྭར་མང་པོ་མ་སོང་།

དེ་ནས་བོད་ཡིག་སྦྱངས་བ་ལ་སོགས་པ། སློབ་གྲྭའི་ནང་ནས་དཔེ་ཆ་རྣམས་མ་བསྐྱུར་བར། ནངས་དགོང་། དགོང་མོ་དང་སྔ་མོ་སོགས་སུ།

གཞན་པ་རྣམས་མ་ལངས་པའི་སྔོན་ལ་ཡར་ལངས་ནས་དཔེ་ཆར་བལྟས་པ་ཡིན།

དེ་ནས་དམའ་འབྲིང་ཙམ་ཞིག་ལ་སློབ་གྲྭར་སོང་བ་ཡིན།

སྐབས་དེའི་སྦྱངས་འབྲས་ཅུང་ལེགས་པོ་འདུག སློབ་གྲྭའི་ནང་གི་རྒྱུགས་སྤྲད་སྐབས་ཕར་ཆེར་ཨང་དང་པོ་དང་གཉིས་པར་འདུག

ངས་གླུ་ལེན་བཞིན་པའི་སྐབས་སུ་ཕར་ཆེར་ལོ་བཅུ་དགུ་ཙམ་ཞིག་རེད།

དང་པོ་ཆུང་དུས་ནས་རང་ཉིད་གླུ་ལེན་པར་ཧ་ཅང་དགའ།

དམངས་ཁྲོད་ནས་རང་གི་ཁྱིམ་རྒྱུད་ནས་བཤད་ན།

ཕ་རྒྱུད་དང་མ་རྒྱུད་སོགས་གང་ཡིན་ཡང་རྩེད་མོ་དང་གླུ་ལེན་པར་ཧ་ཅང་དགའ་བོ་འདུག

ལོ་སར་དང་ཁྱིམ་མཚེས་སོགས་ཀྱི་སྟོན་མོའི་སྐབས་སུ་གླུ་ལེན་པར་དགའ།

རེད་རེད། ཨ་ཕ་ཡིན་ཡང་ཆོག་ཨ་མ་ཡིན་ཡང་ཆོག་གླུ་ལེན་པར་དགའ་བོ་འདུག

ཁྱིམ་ཚང་ཞིག་གི་སྟོན་མོ་བྱེད་པའི་སྐབས་སུ་ཡིན་ན།

བུ་མོ་ཞིག་གནས་ལ་སྐྱེལ་མ་བྱེད་པའི་སྐབས་སུ་ཡིན་ན། ཨ་མ་སོང་ནས་སྐྲ་ཕབས་གྱི་གོ་རིམ་དེ་མར་བླངས་ནས། སྒོར་ཕུད་དུས།

ཨ་ཕ་གནས་ཚང་ལ་ལེན་པར་སོང་།

རེད།

དེ་འདྲ་ལ་དུས་རྒྱུན་དུ་འགྲོ་དགོས།

དེ་ནས་ལོ་སར་གྱི་སྐབས་སུ་ཁྱིམ་ལ་མགྲོན་པོ་རེ་ཐོན་དུས།

མང་ཤོས་ཞིག་ལ་ལོ་སར་གྱི་སྐབས་སུ་ཁྱིམ་ལ་མི་མེད་ས་མང་བོ་རེད།

དེ་ནས་ལོ་སར་གྱི་སྐབས་སུ་རྒྱུན་པར་ཨ་ཕ་ཨ་མ་གཉིས་གྱི་རྗེས་སུ་སོང་བ་ཡིན།

དེ་དུས་གླུ་མང་བོ་ཉན་པའི་བག་ཆགས་ཡིན་རྒྱུ་རེད་འདོད་ཀི

གླུ་ལེན་པར་ཧ་ཅང་དགའ།

དེ་རྗེས་ལོ་བཅུ་དགུ་ཙམ་ཞིག་ལ་རྒྱལ་ནང་གི་རྒྱལ་ཁབས་རིམ་པའི།

དམངས་ཁྲོད་ཀྱི་གླུ་དབྱངས་འགྲན་སྡུར་ཞིག་གི་གོ་སྐབས་ཞིག་ཡོད་སོང་།

དེའི་ནང་ལ་ཞུགས་པ་ཡིན།

རྫོང་ཐོག་གི་དམངས་ཁྲོད་ཀྱི་གླུ་བ་རེ་བཙལ་ནས་འགྲན་བསྡུར་ལ་ཞུགས་དགོས་ཟེར།

ངས་དེ་དུས་གླུ་ཅང་ལེན་ཤེས་པ་མིན། ང་ཚོའི་ཤང་ཐོག་ནས་ཚོགས་འདུ་ཞིག་འཚོགས།

བྱ་བ་གཞན་པ་རྣམས་ལ་ཕྱུག་ལས་དང་ཞིང་ལས་ཀྱི་ཕྱོགས་ནས་ཚོགས་འདུ་འཚོགས།

སྡེ་བ་རེ་ནས་མི་གཉིས་དང་གསུམ་རེ་སོང་།

ང་རང་དེའི་གྲས་སུ་མངགས་པ་རེད།

ཚོགས་འདུའི་སྐབས་སུ་རྫོང་ཐོག་ཏུ་གླུ་དབྱངས་ཀྱི་འགྲན་བསྡུར་ཞིག་ཡོད། དེ་ལ་འགྲོ་མཁན་རེ་འེ་ཡོད་ཞེས་དྲིས་ནས་དམངས་ཁྲོད་ནས་གླུ་བ་བཙལ།

དེ་དུས་རང་ཉིད་ལ་གླུ་ལེན་འདོད་ཆེན་པོ་མི་འདུག

གཞན་པ་སློབ་གྲྭར་སོང་ནས་རྒྱུགས་མ་འཕྲོད་པར་ཕྱིར་ཕ་ཡུལ་ན་བསྡད་ནས་ཡོད་པ་རྣམས་ལ་སྙིང་ཆེ་བོ་འདུག

ང་ཚོ་ཞིང་གྲོང་ནས་རྒྱུན་འདུག་པ་རྣམས་ལ་མི་མང་བོའི་དབུས་སུ་གླུ་ལེན་དགོས་ན་ཅུང་སྐྲག་སྣང་འདུགགཞན་པའི་སྙིང་སྟོབས་ལ་བསྡུར་ཐབས་མེད།

དེ་ནས་མི་གཞན་པ་རྣམས་ཀྱི་གླུ་བླངས་ནས་ཚོད་ལྟ་རེ་བྱས་བའི་ཁྲོད་དུ་སོང་ནས་ཉན།

རང་གི་སྣང་བསྙན་ཞིག་ལ་དེ་འདྲའི་གླུ་སྙན་མོ་ཞིག་མི་འདུག

ཕལ་ཆེར་རང་ཉིད་ལོ་ཆུང་བའི་སྟབས་ཀྱི་ང་རྒྱལ་ཞིག་སྐྱེས་སོང་།

དེ་དུས་རང་དང་ལྷན་དུ་ཆུང་དུས་མཉམ་འགྲོགས་ཀྱི་གྲོགས་པོ་རེ་གཉིས་དང་ལྷན་དུ་ཡོད།

དེ་དུས་ངའི་གྲོགས་པོ་རྣམས་ཀྱིས། འདི་ཚོར་བལྟས་ན་ཁྱོད་ཀྱིས་འདི་ཚོའི་དགའ་ཞིག་ལེན་མི་ཐུབ་ནས་ཞེས་ཟེར་གི

རང་གི་དེ་འདྲ་ལེན་ཐུབ་རྒྱུ་མ་རེད། ང་སྐྲག་ཀི དེ་དུས་གཞན་པ་རྣམས་ཀྱིས་ཁྱོད་ཀྱིས་ལེན་ཤེས་ན་ལོངས་ཟེར། ཡིན་ཡང་ངས་ལེན་ཤེས་པ་མ་རེད།

དེ་ནས་ཤང་ཐོག་གི་སྲིད་གཞུང་གི་ཁང་པ་ཞིག་གི་ནང་ནས་ཚོད་ལྟ་ཞིག་བྱས་པ་ཡིན། སྤྱིར་ཡིན་ན་ཁང་པའི་ཕྱི་ལོགས་སུ་ར་སྐོར་ནང་གི་ཚོད་ལྟ་བྱེད་བཞིན་ཡོད།

རང་གི་ཆུང་དུས་ཀྱི་རྩེད་གྲོགས་རྣམས་ཀྱིས་ཁྱོད་ཀྱིས་ངེས་པར་དུ་ཚོད་ལྟ་ཞིག་བྱེད་དགོས་ཟེར།

ངས་རང་ཉིད་ངོ་ཚ་བོ་འདུག ངེས་པར་དུ་ལེན་དགོས་ན་ངའི་ཁང་བའི་ནང་ནས་ལེན།

ཁྱེད་ཚོས་ཕྱི་རོལ་ནས་ཉོན་ཞེས་བཤད།

དེ་ནས་ང་ནང་ལ་སོང་ནས་གླུ་བླངས།

དམངས་གླུ་འེ་རེད།

རེད། དམངས་གླུ་རེད།

རྒྱུན་པར་རང་གིས་ཨ་ཕ་ཨ་མའི་མདུན་ནས་ཀྱང་གླུ་ལེན་མ་མྱོང་།

དེ་དུས་མི་ཧ་ཅང་མང་གི ཤང་གཉིས་ཀྱི་མི་འདུས་ཡོད།

རང་ཉིད་ངོ་ཆུང་བའི་སྟབས་ཀྱིའི་ཁང་པའི་ནང་ནས་གླུ་བླངས་པ་ཡིན།

དེ་ནས་གླུ་ཞིག་བླངས་དུས་ཁོ་ཚོས། ད་ཕར་ཆེར་ཁྱོད་སོང་ན་འགྲིག་རྒྱུ་རེད་ཟེར།

ཁོ་ཚོས་བཤད་རྒྱུར་ད་ཁྱོད་ཕ་ཡུལ་ལ་སོང་དང་།

དེ་དུས་ཕར་ཆེར་ཁ་པར་དར་མེད།

ཕ་ཡུལ་ན་ཕར་ཆེར་གློག་ཡང་མེད།

དེ་རྗེས་ཕར་ཆེར་ཟླ་བ་གཅིག་ཙམ་ཞིག་འགོར་དུས།

ཤང་ཐོག་གི་མི་ཞིག་བརྡ་གཏོང་གི་ཡོང་ནས།

ད་ཁྱོད་རྫོང་ཐོག་ལ་འགྲོ་རན་གི་ཟེར།

རང་ཉིད་ལ་མཚོན་ན་རྫོང་ཐོག་ལ་ཐེངས་གཅིག་ཀྱང་འགྲོ་མ་མྱོངས།

དེ་ནས་འཕྲུལ་རྟ་ཞིག་ལ་ཞོན་ནས་རྫོང་ཐོག་ལ་སོང་བ་ཡིན།

ཕ་ཡུལ་ནས་རྫོང་བར་ལ་བར་ཐག་ཧ་ཅང་རང་གི

ཕར་ཆེར་རི་འགོ་བརྒྱུད་ནས་འགྲོ་དགོས།

ཕ་ཡུལ་ནས་རྫོང་བར་ལ་སྤྱི་ལེ་ག་ཚོད་ཡོད།

སྤྱི་ལེ་ཕར་ཆེར་བརྒྱ་དང་བཞི་བཅུ་ཡས་མས་ཞིག་ཡོད་རྒྱུ་རེད།

ངའི་ཕ་ཡུལ་གྱི་ལམ་ཧ་ཅང་གི་ཀྱག་ཀྱོག་ཞིག་ཡིན་པ་མ་ཟད་རྫ་མགོ་མང་བོ་བརྒྱུད་དགོས།

དེ་དུས་ཕར་ཆེར་ཟླ་གསུམ་པ་ཡས་མས་ཞིག་ཡིན་རྒྱུ་རེད། ཞིང་འདེབས་བཞིན་པའི་སྐབས་ཞིག་རེད།

འཕྲུལ་རྟའི་སྟེང་གི་གྲང་ངར་ཡང་ཧ་ཅང་ཆེ་བོ་འདུག

དེ་དུས་ཞིང་ཆེན་རེ་ལ་གླུ་བ་གསུམ་ཡས་མས་ཞིག་ལས་དགོས་པ་མ་རེད།

འོ་རེད་རེད།

དེ་ནས་འགྲན་ཚོགས་སུ་ཞུགས་པའི་གླུ་བ་རྣམས་གྱིས་བླངས་ནས་འགོ་ཁྲིད་རྣམ་པས་ཉན་ནས་རིམ་བཞིན་ངས་ཡང་གླུ་ཞིག་བླངས།

དམངས་ཁྲོད་ཀྱི་གླུ་ཞིག་བླངས་དུས།

འགོ་ཁྲིད་རྣམས་ཀྱིས་ཁྱོད་ཀྱིས་རྒྱ་སྐད་ཀྱིས་ལེན་འེ་ཤེས་ཟེར།

ངས་རྒྱ་སྐད་གཅིག་ཀྱང་བཤད་མི་ཤེས།

འོན་ཀྱང་དེ་དུས་སྒྲ་བསྡུད་འཕྲུལ་ཆས་ལ་ཉན་པའི་སྟབས་ཀྱིས་གཅིག་གཉིས་རེ་ལེན་ཤེས།

དེ་ནས་ངས་ལེན་ཤེས་ཞེས་བཤད།

དེས་ན་ཁྱོད་ཀྱིས་ལོངས་ཟེར།

དེ་ནས་ངས་གླུ་ཞིག་བླངས་དུས་འགོ་བ་རྣམས་ལ་རང་བཞིན་གྱིས་ངོ་གདུང་ནས་མིག་ཆུ་འཐོར་སོང་།

འོ་འོ། འདི་ཚོ་འདི་འདྲའི་ལྷད་མ་འདྲེས་པའི་སྐད་སྙན་མོ་ཞིག་འདུག་ཟེར།

ད་ཁྱོད་འགྲན་ཚོགས་ལ་འགྲོ་དགོས་པ་རེད་ཟེར། ངས་འོ་ཡ་ཞེས་ལན་བཏབས།

དེ་ནས་ཡང་གཟའ་འཁོར་གཅིག་ཙམ་ཞིག་ལ་བསྒུགས།

དེ་རྗེས་ཀོང་ཞི་ནན་ནེན་ལ་སོང་།

དེ་དུས་དངོས་གནས་གར་སྟེགས་མཐོང་མ་མྱོངས་ལ།

སྐད་སྦུག་ཀྱང་མཐོང་མ་མྱོངས།

དེ་ནས་ང་ཚོ་རྫོང་ནས་ཡོང་དུས། ང་ཚོ་ཧོར་གྱི་རྫོང་རེད།

གོས་ལ་སོགས་པ་རྫོང་གིས་གྲ་སྒྲིག་བྱས་ཡོད།

ཁོ་ཚོས་བཤད་པར་བོད་ལྭ་གྱོན་མི་ཆོག་ཟེར།

དེ་ན་འོ་ཡ་ཞེས་ལན་བཏབས།

རང་གི་འདང་ཞིག་བརྒྱབས་ནས་འདི་གོ་སྐབས་ཞིག་རེད་བསམ།

དེ་ནས་སྲིད་གཞུང་གི་ཧོར་གོས་ཞིག་སྤྲད་སོང་། ཧོར་གོས་རིགས་གཉིས་སྤྲད།

དེ་ནས་ཧོར་གྱི་གླུ་ཞིག གླུ་འདི་གསར་དུ་བརྩམས་པའི་གླུ་ཞིག་རེད།

གླུ་འདི་རྒྱ་སྐད་ཀྱིས་ལེན་དགོས། གླུ་འདི་ཆེས་ཐོག་མར་བོད་ཀྱི་གླུ་མ་ཞིག་གིས་བླངས་པའི་གླུ་ཞིག་རེད།

ལེན་མཁན་གྱི་གླུ་མ་འདི་ཧ་ཅང་ཕུལ་བྱུང་ཞིག་མ་ཡིན་པའི་སྟབས་ཀྱིས། གླུ་འདི་སྐད་དང་དབྱངས་སོགས་ཀྱི་ཕྱོགས་ནས་དཀའ་ཁག་ཆེན་པོ་མི་འདུག

དེ་ནས་ང་ཚོ་འགྲོ་དུས་མེ་འཁོར་ལ་བསྡད་ནས་སོང་བ་ཡིན།

ལམ་བར་དུ་སྒྲ་སྡུད་འཕྲུལ་ཆས་ཆུང་ཆུང་ཞིག་དང་སྒྲ་ཐག་ཞིག་སྤྲད་ནས།

འདིའི་ནང་གི་གླུ་འདི་སྦྱངས་ནས་ལེན་དགོས་པ་རེད་ཟེར།

དེ་དུས་ལོ་ཆུང་བ་དང་དགའ་བའི་སྟབས་ཀྱིས་གླུ་ཚིག་བློར་འཛིན་པ་ཧ་ཅང་སླ་བོ་འདུག

དེ་ནས་མེ་འཁོར་ནང་གི་གླུ་ཚིག་ལ་ཐེངས་གཉིས་ཙམ་ལས་མ་ཉན།

མེ་འཁོར་ལ་བསྡད་པ་ཐེངས་དང་པོ་ཡིན་སྟབས་ཅུང་ངལ་བོ་འདུག

སང་ཉིན་སྔ་དྲོ་གླུ་འདི་ལེན་རན་པ་ཡིན།

དེའི་སྟབས་ཀྱིས་དགོང་མོ་གླུ་ལ་ཉན་ཁུལ་བྱས།

གླུའི་ནང་དོན་མ་གོ་ཡང་ཉན་ཁུལ་བྱས་པ་ཡིན། གླུ་ལ་ལད་མོ་བྱས་ནས་ཉན་དེ།

གླུ་ཚིག་མི་ཤེས་པ་རྣམས་ལ་བོད་ཡིག་གི་སྒྲ་ཙམ་གྱི་རྟགས་རེ་བྱས་ནས་ཉན་པ་ཡིན།

དེ་ནས་ཕྱི་ཉིན་ཐོན་ནས་གླུ་བླངས་པ་ཡིན། གླུ་ཐེངས་གསུམ་ལ་ལེན་དགོས།

ཐེངས་དང་བོ་དང་གཉིས་པ་འདོད་པ་ལྟར་ཞིག་ལེན་ཐུབ་སོང།

དེ་དུས་དགེ་རྒན་རྣམས་ཀྱིས་བཤད་རྒྱུུར། ཁྱོད་ཀྱིས་ལེགས་པོ་ལོངས་དང་ཕར་ཆེར་ཁྱོད་དང་པོ་ཡིན་རྒྱུ་རེད་ཟེར།

སྐབས་དེར་རང་ཉིད་ལ་སྐྲག་སྣང་ཅུང་འདུག

སྔ་དྲོ་སེམས་ཁུར་བྱས་ནས། ད་ཕྱི་དྲོ་ངས་གླུ་ཅི་ལྟར་ལེན། མི་མང་བོ་ཡོད་ན་རང་ཉིད་སྐྲག་ངེས་བསམ།

སྐབས་སུ་བབས་དུས་དགོང་མོ་ཡིན་ལ། གར་སྟེགས་སྟེང་ལ་གློག་ཡོད་པའི་ལྟད་མོ་བ་རྣམས་གཅིག་ཀྱང་མི་མཐོང་བའི་སྐྲག་སྣང་ཅི་ཡང་མི་འདུག

རེད་རེད།

སྐབས་དེར་ཨང་དང་པོ་མ་ཐོབ་ལ་གཉིས་པ་ཐོབ་སོང་།

རེད་རེད། སྐབས་དེར་ཁྱེད་ཀྱི་མེ་འཁོར་ནང་གི་སྦྱངས་བ་འེ་རེད།

རེད། ལམ་བར་ནས་ཉན་པ་རེད། དེ་དུས་ལོ་ཆུང་བའི་སྟབས་ཀྱིས་བློ་འཛིན་ཅུང་བཟང་གི

རེད། དེ་ཁྱོད་ལ་རོལ་མོའི་ཕྱོགས་ཀྱི་ཤེས་རབ་དེ་བཟང་བས་རེད།

གཞན་པ་ལོ་ཆུང་ན་ཡང་མེ་འཁོར་ནང་གི་ཐེངས་འགའ་ལ་སྦྱངས་པ་ཙམ་གྱིས་དེ་འདྲ་ལེན་རྒྱུ་དཀའ་མོ་ཡིན་པ་རེད།

ཆུང་དུས་གླད་པ་ཅུང་མྱུར་བོ་འདུག དེ་དུས་ཕར་ཆེར་ལོ་ཆུང་བའི་སྟབས་ཀྱིས་ཡིན་རྒྱུ་རེད།

དེའི་སྐབས་སུ་སྒྲ་བསྡུད་འཕྲུལ་ཆས་ལ་ཉན་ན། རང་ཉིད་དགའ་སའི་གླུ་རེ་ཡིན་ན་ཐེངས་གཅིག་ལ་ཉན་དུས་ཕར་ཆེར་བློར་འཛིན་ཐུབ་གི

དེ་ད་ཁྱོད་རང་ཉིད་ལ་རོལ་མོའི་ལྷན་སྐྱེས་ཞིག་ཡོད་པའི་སྟབས་ཀྱིས་རེད།

སྤྱིར་བཏང་གི་རོལ་མོའི་ཤེས་རབ་མེད་པའི་མི་ཞིག་ལ་མཚོན་ན།

ཐེངས་མང་པོ་བླངས་ན་ཡང་དེ་འདྲའི་འགྲིག་པོ་ཞིག་ལེན་མི་ཐུབ་གི

ད་རེད་རེད། ད་འདི་ཕར་ཆེར་རྒྱུ་རྩལ་དེའི་ཕྱོགས་སུ་དགའ་བའི་སྟབས་ཀྱིས་ཡིན་རྒྱུ་རེད།

རེད་རེད། གཙོ་བོ་དེ་རེད།

དེ་འདྲ་ཞིག་རེད། དེ་ནས་ད་ཕྱིར་ལ་ཡོང་ནི། བྱ་དགའ་ཨང་གཉིས་པ་ལོན་སོང་།

རེད་རེད། དེའི་བྱ་དགའ་ཨང་གཉིས་པ་དེ་རྒྱལ་ཡོངས་ཀྱི་འེ་རེད།

རེད། རྒྱལ་ཡོངས་ཀྱི་རེད།

དེ་དུས་ངས་གར་སྟེགས་སྟེང་ནས་རྒྱན་གོས་གྱོན་མ་ཤེས། ཧོར་གྱི་གྱོན་པ་བདག་གིས་མཐོང་ཡང་མ་མྱོངས།

ངའི་ཕ་ཡུལ་ན་བོད་རྐྱང་བ་ལས་ཧོར་ཞིག་ག་ལ་ཡོད།

དེ་ནས་ཁ་པར་བཏང་ནས་ཧོར་གྱི་གོས་གྱོན་ཚུལ་དྲིས།

དེ་ནས་ཕར་ཆེར་ཉིན་ཉི་ཤུ་ཙམ་ཞིག་ལ་བསྡད་སོང་།

གཅིག་ནས་གོས་གྱོན་མི་ཤེས་པ་དང་། གར་སྟེགས་སྟེང་གི་ལྷམ་ལ་སོགས་པར་ཉམས་འཇོག་བྱེད་དགོས།

གོས་གྱོན་ཚུལ་མ་འགྲིག་ན་ཡང་སྐར་མ་མི་ཐོབ་གི

ཉིན་གང་བོ་ཞིག་ལ་གོས་གྱོན་ཚུལ་མ་འགྲིག་ནས།

དགེ་རྒན་རྣམས་ཀྱིས་བདག་ལ།

ཁྱོད་གར་སྟེགས་སྟེང་ལ་འགྲོ་འེ་མྱོངས་ཟེར།

ངས་མ་མྱོངས་ཞེས་ལན་བཏབས།

དེ་ནས་ཁོ་ཚོས་ཁྱོད་ཀྱི་ལྷམ་མི་འགྲིག་གི་ཟེར།

ངའི་དབྱར་ལྷམ་ཞིག་གྱོན་ཡོད།

ཁྱོད་ཀྱི་ལྷམ་གྱི་ཆེ་ཆུང་དང་གཟུགས་ཀྱི་རིང་ཚད་སོགས་ཤོད་དང་།

ཁྱོད་ཀྱིས་མི་ཤེས་ན་ང་ཚོ་སོང་ནས་ཉོས་ཡོང་ཟེར།

དེའི་ཕྱི་ཉིན་དགེ་རྒན་བཀོད་སྒྲིག་བྱེད་མཁན་རྣམས་ཀྱིས་བདག་ལ་གྱོན་གོས་མང་བོ་ཞིག་ཉོས་ཡོང་།

ཁོ་ཚོས་སྐད་ཆ་བཤད་པའི་བརྒྱ་ཆ་ལྔ་བཅུ་དྲུག་ཅུ་ཙམ་ལས་གོ་མི་ཐུབ་གི

ངས་བཤད་པ་ཁོ་ཚོའི་ཕར་ཆེར་གོ་མི་ཐུབ་གི

ཕར་ཆེར་ང་དེ་ནས་གཟའ་འཁོར་གཉིས་ཙམ་ཞིག་ལ་བསྡད་སོང་།

འོན་ཀྱང་ངས་དེ་ནས་སྐད་ཆ་མང་བོ་བཤད་མ་ཐུབ།

སྐད་བཤད་ན་ཚིག་གི་དོན་མི་གོ

བཀང་ཤེས་ནན་ནེན་གྱི་རྒྱལ་ཡོངས་ཀྱི་གྲངས་ཉུང་མི་རིགས་ཀྱི་དམངས་ཁྲོད་ཀྱི་གླུ་དབྱངས་འགྲན་བསྡུར་འདི། ཁྱོད་ཀྱི་གླུའི་གར་སྟེགས་ཀྱི་ཐེངས་དང་བོ་འེ་རེད།

རེད། ཐེགས་དང་བོ་རེད།

དེའི་རྗེས་སུ་། དཔེ་ལྟར་ན། གོམ་པ་རིམ་པ་གཉིས་པ་དེ་གང་རེད།

དེ་ནས་ནན་ནེན་ནས་ཁྱོད་ཕྱིར་ལ་མ་སོང་ན་འེ་ཆོག དེ་ན་ཆ་རྐྱེན་ཚང་མ་འཛོམས་པ་རེད་ཟེར།

རྫོང་ཐོག་གི་གླུ་གར་ཚོགས་པའམ་ཟླུས་གར་ཚོགས་པ་འེ་རེད།

མ་རེད། ནན་ནེན་ཞིང་ཆེན་གྱི་གླུ་གར་ཚོགས་པ་རེད།

ཁོ་ཚོས་ཁྱོད་ཀྱིས་རྒྱ་ཡིག་རྒྱ་སྐད་སྦྱངས་བ་དང་འདུག་གནས་སོགས་སུ་ཆ་རྐྱེན་འཛོམས་པོ་ཡིན།

ཁྱོད་མ་སོང་ན་ཅི་འདྲ་རེད། བསྡད་ཆོག་ན་ཆ་རྐྱེན་ཅི་དགོས་ལ་ང་ཚོས་རོགས་བྱེད་ཟེར། ཁོ་ཚོས་དེ་འདྲ་བཤད་ཀྱང་།

ང་འདུག་ཡུན་རིང་བས་ཕ་ཡུལ་དྲན་གི སྐད་ཆ་མི་འཕྲོད་པ་ལས་གཞན་ཟ་མ་ཡང་མ་འཕྲོད་པ་དང་ཚ་གྲང་ཆེན་པོ་འདུག

རེད། སྐད་ཆ་མི་འཕྲོད་པ། ཟ་མ་མི་མི་འཕྲོད་པ། ཚ་གྲངས་མི་འཕྲོད་པ། ཚང་མ་མི་འཕྲོད་གི

དེ་ནས་ཧ་ཅང་གི་སྡུག་བསྔལ་ཡོད་འདོད་སོང།

དེ་ཡིན་རྒྱུ་རེད། དེ་ལོ་ཆུང་བའི་སྟབས་ཀྱིས་ཡིན་པ་རེད།

དེ་ནས་མ་བསྡད་པར་ཕྱིར་ཕ་ཡུལ་ལ་ཐོན་ཡོང་།

ཕྱིར་མཚོ་སྔོན་ལ་ཐོན་དུས་མཚོ་སྔོན་གྱི་འགོ་བ་རྣམས་ཀྱང་ཧ་ཅང་དགའ་སོང་།

རྫོང་ཐོག་ནས་བྱ་བ་རེ་ལས་ཟེར།

ཡིན་ཡང་རང་གི་ཕྱིར་ཕ་ཡུལ་ལ་སོང་ནས་ཕ་མ་རྣམས་ལ་གྲོས་རེ་མ་བྱས་ན། རང་གིས་ལས་འདོད་པ་ཡིན་ཡང་།

ཕྱོགས་གང་ཐད་ནས་གྲོས་མོལ་རེ་མ་བྱས་ན་དཀའ་མོ་ཡིན་རྒྱུ་རེད།

རང་གི་བོད་ཡིག་ལས་རྒྱ་ཡིག་ཡང་མི་ཤེས།

ང་ཚོའི་རྫོང་ལ་མཚོན་ན་རྒྱ་མང་བོ་རེད། བོད་ཉུང་ཤོས་རེད། བོད་ཡིག་བཀོལ་སྤྱོད་བྱེད་ས་མེད།

དེ་འདྲ་ཡིན་ན་འདི་ནས་ལས་ཀ་ལས་ན་དཀའ་ཁག་ཡོད་པ་རེད་འདོད་གི དེ་ནས་ཡུལ་ལ་སོང་ནས་གྲོས་མོལ་རེ་བྱས།

ཨ་མ་ཅུང་འཐད་པ་རེད། ཨ་ཕ་ཆེན་པོ་མི་འཐད་གི

ཨ་ཕས་ཁྱོད་སོང་ན་དཀའ་རྒྱུ་རེད། སོང་ན་ཁྱོད་རང་གི་ཁ་གསོ་ཐུབ་དཀའ་རྒྱུ་རེད་ཟེར། གལ་ཏེ་ཁྱོད་དེར་སོང་ནས་ལས་ཀ་མ་ཐུབ་པར་ཕྱིར་ལ་ཡོང་དགོས་བྱུང་ན།

སྡེ་བའི་མདུན་དུ་ངོ་རེ་ཚ། ཁྱོད་རང་ཉིད་ལ་ཡང་སྡུག་བཟོས་པ་རེད་འདོད་གི

ཁྱོད་རང་གིས་བསམ་བློ་ཐོངས།

བུད་མེད་རྣམས་ནར་སོན་དུས་གནས་ལ་འགྲོ་དགོས་པ་སྲོལ་རྒྱུན་རེད།

རེད་རེད།

དེ་རྒྱུན་ལྡན་གྱི་བྱ་བ་རེད།

ཡིན་ཡང་ཁྱོད་ཀྱི་ལས་ཀ་དེ་གཞན་པ་ཚང་མས་མཐོང་བ་རེད།

ཁྱོད་ཀྱི་ལས་ཀ་ལེགས་པོར་བསྒྲུབས་ཐུབ་ན་འགྲིག་པ་རེད།

འོན་ཀྱང་མ་འགྲུབ་ན་ཕྱིར་ལ་ཡོང་ཚུལ་མེད་ལ། དེ་ནས་བསྡད་ན་རང་ལ་སྡུག་འཁུར་བ་རེད།

དེ་འདྲའི་གནས་སུ་སོང་ན་ཧ་ཅང་དཀའ་བོ་འདུག

རང་གིས་བསམ་བློ་ཐོངས་ཟེར།

དེ་འདྲ་བྱས་ནས་ཕར་ཆེར་ཟླ་བ་གཅིག་གཉིས་ཙམ་ཞིག་ལ་བསྡད་སོང་།

རྫོང་ཐོག་གི་ཡང་ཁྱོད་ལ་རྒྱ་སྐད་སློབ་པའི་ཕྱོགས་སུ་གྲ་སྒྲིག་ལེགས་པོ་བྱས་ཆོག

རྫོང་ཐོག་འདི་ནས་མིང་གྲགས་པ་ཁྱོད་ལྟ་བུ་མེད་པས་ཁྱེད་ཀྱི་རང་རྫོང་ནས་བྱ་བ་མ་ལས་ན་ཁོ་ཚོའི་སེམས་ཡང་བདེ་མོ་མིན་ཚུལ་བཤད།

རྒྱལ་ཁབ་རིམ་པའི་འདི་ལྟ་བའི་བྱ་དགའ་རེ་ཐོབས་ཐུབ་པ་ལས་སླ་མོ་མིན་པས།

ཁྱོད་ཀྱིས་རང་རྫོང་ནས་བྱ་བ་ལས་རྒྱུ་དེ་ཁོ་ཚོའི་རེ་བ་ཡིན་ཟེར།

དེ་ནས་ཨ་ཕས་དེས་ན་ཁྱོད་ཀྱིས་ལོ་གཉིས་ཙམ་ཞིག་ལ་ཚོད་ལྟ་ཞིག་བྱས་ཟེར།

དེ་ནས་བཟུང་ངས་རྫོང་ཐོག་ལ་སོང་ནས་བྱ་བ་ལས་པ་ཡིན།

རྫོང་ཐོག་གི་རིག་གནས་ཅུས་ནས་བྱ་བ་ལས་པ་ཡིན། དེ་དུས་ཟློས་གར་ཚོགས་པ་སོགས་མེད།

དེ་ནས་བྲོ་སྦྱངས་བ་དང་གླུ་བ་སོགས་ལོ་ཉུང་གི་སྐོར་བཅོ་ལྔ་བཅུ་དྲུག་ཞིག་ཡོད།

རང་གི་དམངས་ཁྲོད་ཀྱི་གླུ་ལས་གཞན་པའི་གླུ་ལེན་མི་ཤེས།

དེ་ནས་རོལ་དབྱངས་ཀྱི་ཕྱོགས་ནས་ཡང་མི་ཤེས།

སྐབས་དེར་དངོས་གནས་བཤད་ན་རྒྱུ་རྩལ་རིག་གནས་ཞེས་པ་དེ་ངས་རྩ་བ་ནས་མ་ཤེས། དམངས་ཁྲོད་ཀྱི་གླུ་འགའ་ཞིག་ལེན་པ་ལས་གཞན་པ་ཅི་ཡང་མི་ཤེས།

སེམས་ལྷོད་ཀྱི་མདང་ཞིག་བརྒྱབས་དུས། རང་ལ་སེམས་ཁུར་ཞིག་འདུག ཨ་ཕའི་བཤད་པ་ལྟར་ཕྱིར་ལ་འགྲོ་མ་དགོས་པ་བདེ་བ་ཡིན་ཀྱང་། འདི་ལྟར་ཉིན་བཞིན་གཞན་པའི་ཁ་ལ་བལྟ་དགོས་ན་དཀའ་རྒྱུ་རེད་འདོད་གི

ད་རང་གི་ཤེས་ཀྱང་མ་ཤེས་ཀྱང་རྒྱ་ཡིག་རེ་སྦྱངས་དགོས་རྒྱུ་རེད་བསམ་སོང་། དེ་ནས་ད་རྒྱ་ཡིག་སྦྱངས་བ་ཡིན།

སྔ་མོ་ཆུ་ཚོད་བཞི་དང་ལྔ་ཙམ་ནས་ཡར་ལངས་ནས་ཆུ་ཚོད་བརྒྱད་དང་ཕྱེད་ཀྱི་ཐོག་ནས་གཞུང་ལས་ཁང་དུ་སྦྱོང་བརྡར་བྱས་ནས་མཉམ་དུ་འགྲོ་དགོས་པ་རེད།

ནངས་ཇ་མ་འཐུང་སྔོན་ལ་དཔེ་ཆར་བལྟས་པ་ཡིན། དགོང་མོ་ཆུ་ཚོད་བཅུ་ཉིས་ནས་གཅིག་བར་ལ་བལྟས།

ཁྱེད་ཀྱི་རྒྱ་ཡིག་སྦྱངས་པའི་སྐབས་སུ་ཆེད་དུ་དགེ་རྒན་འེ་བསྟེན།

དགེ་རྒན་མ་བསྟེན། ང་དང་ལྷན་དུ་ཡོད་པ་རྣམས་ཡང་ཆེའི་སྦྱངས་ཚད་དམའ་ཤོས་ཡང་མཐོ་རིམ་མཐར་ཕྱིན་རེད།

ང་འདྲ་བོ་ཞིག་ལ་ཁྲིད་པ་སླ་བོ་རེད།

ད་ཁྱོད་ཀྱི་དགེ་རྒན་རེད ང་འདྲི་བ་ལ་ཧ་ཅང་དགའ་བས་གམ་དུ་སུ་ཡོད་ན་དེ་ལ་དྲིས་པ་ཡིན་། ངོ་ཚ་ཅི་ཡང་མི་འདུག ཁྲིད་མཁན་རྣམས་ཡང་ལེགས་པོར་དྲིས་ན་ལེགས་པོར་ཁྲིད།

དེ་འདྲ་བྱས་ནས་རྫོང་ཐོག་གི་ལོ་གཉིས་ཙམ་ཞིག་ལ་བསྡད།

ཡང་དེ་ནས་བསྡད་ན་འདུག་མི་ཐུབ་གི།

ཆུང་དུས་རང་གི་བོད་ཡིག་སྦྱངས་བས་བོད་ཀྱི་སྲོལ་རྒྱུན་རིག་གནས་ཙུང་ཙམ་ཤེས།

ཡུལ་དེར་བོད་གླུ་བླངས་ན་དེ་འདྲ་མི་འཕྲོད་པ་རེད།

བོད་སྐད་ཤེས་མཁན་ཉུང་བས་བོད་གླུ་བླངས་ན་དེ་འདྲ་མི་འཕྲོད།

རང་ཉིད་བོད་ཞིག་ཡིན་པའི་ཆ་ནས་བོད་གླུ་ཞིག་ལེན་མ་ཐུབ་ན་དེ་འདྲའི་སེམས་བདེ་མོ་ཞིག་མི་འདུག

གཅིག་ནས་རང་གི་ཤེས་པ་དེ་ལེན་མ་ཐུབ་ན་དཀའ་མོ་ཞིག་རེད།

གཉིས་ནས་གཞན་པའི་རྗེས་སུ་སོང་ནས་སྦྱངས་དགོས་པ་དེ་ཡང་ཞེ་བདེ་མོ་ཞིག་མ་རེད།

གཞན་ཟླ་ཕོགས་ཡང་དམའ་བ་ཡིན། ཟླ་བ་གཅིག་ལ་སྒོར་སུམ་བརྒྱ་ཙམ་ཞིག་རེད།

ཟླ་ཕོགས་ཀྱིས་ཟ་མ་ཉོས་ནས་གྱོན་གོས་གྱི་རིན་མེད་ལ།

གྱོན་གོས་ཉོས་ན་ཟས་རིན་མི་འདང་བ་ཞིག་རེད། དཔལ་འབྱོར་གྱི་ཕྱོགས་ནས་དཀའ་ངལ་ཆེན་པོ་ཡོད།

ལོ་གཅིག་ལ་བསྡད་པའི་རྗེས་ནས་ཟི་ལིང་གི་དགེ་རྒན་ཞིག་བསྟེ།

དགེ་རྒན་དེ་འཁྲབ་སྟོན་བྱེད་སྐབས་ང་ཚོའི་རྫོང་ཐོག་ལ་ཡོང་ནས།

ངས་ངོ་མི་ཤེས། ཁོང་གི་ང་བཙལ་ནས་ཡོང་བ་རེད།

དགེ་རྒན་དེས་ཁྱོད་ལ་སྐད་ཀྱི་ཕྱོགས་ནས་ཆ་རྐྱེན་ཧ་ཅང་བཟང་གི དེའི་ཕྱོགས་ནས་སློབ་སྦྱོང་རེ་བྱས་ན་ད་རུང་ཇེ་ལེགས་སུ་འགྲོ་བ་རེད།

ཁྱོད་རང་གིས་བསམ་བློ་ཐོངས་དང་།

སློབ་འདོད་ན་ཁྱོད་ཀྱི་ཆ་རྐྱེན་ཚང་མ་ངས་ཤེས་ཡོད། སློབ་ཡོན་མི་དགོས།

གཟའ་ཉི་མའི་ཉིན་ཟི་ལིང་ལ་ཤོག་དང་། དེའི་ཕྱོགས་ནས་སྦྱོངས་བརྡར་རེ་བྱེད་ཆོག་ཟེར།

དེ་ནས་གཟའ་ཉི་མ་རེ་རེར་ཟི་ལིང་ལ་སོང་ནས་སྦྱངས་བ་བྱས་ཏེ་སློབ་ཁྲིད་རེ་བྱས་དུས། ལམ་རིན་སོགས་ཀྱི་འགྲོ་སོང་བྱས་དུས་མ་དངུལ་ལ་དཀའ་ངལ་ཆེན་པོ་བྱུང་།

དེ་དུས་ཉིན་རེར་ཇ་གཅིག་ལས་མ་འཐུང་། ནངས་ཇ་མ་འཐུང་། ཉིན་གུང་འཐུང་ནས་ནུབ་ཇ་མ་འཐུང་།

ཇ་དུས་ལྟར་འཐུང་ནས་ལམ་རིན་ལ་འགྲོ་སོང་བྱས་དུས་དཀའ་ངལ་ཆེན་པོ་བྱུང་།

རང་གི་ཕྱོགས་ནས་འབད་པ་བྱས་ནས། རྒྱ་སྐད་དང་རྒྱ་ཡིག གླུ་དབྱངས་དང་སྒྱུ་རྩལ་སོགས་རང་ལ་ཐུག་པ་རེད་འདོད་ནས་འབད་པ་བྱས།

ཡང་བར་ཆད་འདྲ་བྱུང་ནས། ལས་ཁུངས་ནང་ནས་ངས་འབད་པ་བྱེད་བཞིན་པ་ཁོ་ཚོས་མ་ཤེས་པར།

ཁོང་ཚོའི་སེམས་ཞིག་ལ་ང་རྒྱུན་དུ་ཟི་ལིང་ལ་སོང་ནས་ནམ་ཞིག་འགྲོ་བསམ་བཞིན་པ་རེད་འདོད་ནས།

ང་ལ་སློབ་སྦྱོང་བྱེད་དུ་མ་བཅུག དེ་ནས་ཉིན་བཞིན་སློབ་ཁྲིད་ལ་སོང་ནས་ཕྱིར་ལ་ཐོན་དུས།

ཚོགས་འདུའི་ཁྲོད་ནས་སྐྱོན་བརྗོད་བྱས། དེ་དུས་རང་གི་སེམས་ཡང་ཧ་ཅང་སྡུག་གི

རང་གི་ཐ་ན་ཟ་མ་སོགས་མ་ཟོས་པར་འབད་པ་བྱས་ཀྱང་།

གཞན་པའི་སེམས་སུ་དེ་འདྲ་མ་ཡིན།

རང་ཉིན་རྫོང་ཐོག་གི་བཀོད་སྒྲིག་ལྟར་སློབ་ཁྲིད་འགྲིམས་པའི་ཕན་ཆད་ནས་སྦྱངས་བ་བྱས་པ་ཡིན།

གནས་ཚུལ་དེ་བཤད་ཀྱང་ཁོ་ཚོས་ཁས་མ་བླངས།

དེ་ནས་རང་གི་དེ་འདྲ་བྱས་ན་མི་འགྲིག་གི

ཡང་ན་རྫོང་ཐོག་ནས་མ་བསྡད་པར། ལོ་གཉིས་ཀྱི་རྗེས་ནས་ཟི་ལིང་ལ་སོང་ན།

དེ་ནས་སློབ་སྦྱངས་རེ་བྱས་ན་དེ་ན་ཆ་རྐྱེན་ཡང་འཛོམས་པ་རེད།

སྒྱུ་རྩལ་གྱི་ཕྱོགས་ནས་ཡང་དགེ་རྒན་མང་པོ་འདུག དགེ་རྒན་གང་དང་གང་གི་འགྲམ་ནས་སྦྱངས་བ་རེ་བྱས་ན་རིག་གནས་དང་ཉམས་མྱོང་མང་བོ་ཐོབ་རྒྱུ་རེད།

དེ་འདྲ་བྱས་ན་རང་ལ་གོ་སྐབས་མང་ཇེ་མང་ཡོད་རྒྱུ་རེད།

དེ་དུས་མི་སྣ་མང་བོའི་ཁྲོད་དུ་བྱ་བ་ལས་ན་ཉམས་མྱོང་ཐོབ་པ་རེད།

རེད་རེད།

དེ་རྗེས་ཟི་ལིང་ལ་སོང་བ་ཡིན། ཟི་ལིང་ནས་ཆ་རྐྱེན་བཟང་གི

དེ་ནས་སྒྱུ་རྩལ་གྱི་ཕྱོགས་ནས་ཡིན་ཡང་དབྱངས་ཚིག་རྩོམ་པ་པོ།

ཡང་བོད་ཀྱི་བརྙན་འཕྲིན། དེ་དུས་མཚོ་སྔོན་གྱི་བོད་སྐད་བརྙན་འཕྲིན་གསར་དུ་འཛུགས་བཞིན་པ་རེད།

རླུང་འཕྲིན་ཁང་ཡོད་པ་རེད།

དེ་ནས་དུས་མཚམས་སུ་བོད་སྐད་བཤད་པ་དང་བོད་མི་རེ་འགའ་མཐོང་དུས་རང་གི་སྣང་བ་ཡང་སྐྱིད་པ་ཞིག་རེད། རྒྱ་སྐད་མ་ཤེས་པའི་རྐྱེན་གྱིས་ཡིན་རྒྱུ་རེད།

དེ་ནས་ཟི་ལིང་གི་ལོ་གཅིག་ཙམ་ཞིག་ལ་བསྡད་ཡོད་རྒྱུ་རེད།

མཚོ་སྔོན་གྱི་སྒྱུ་རྩལ་སློབ་གྲྭ་ལ་སོང་ནས་དགེ་རྒན་རྣམས་ལ་ཆ་རྐྱེན་མེད་ས་ཞིག་ཡིན། ཁྱེད་ཚོའི་སློབ་ཁྲིད་ལ་ཉན་ནས་སྦྱངས་བ་རེ་བྱས་ནས་འེ་ཆོག་ཞེས་བཤད།

རེད ། ཟུར་ཞུགས་རེད།

དེ་ནས་དེའི་སློབ་ཁྲིད་ལ་ཉན་ནས་ལོ་གཅིག་ཙམ་ཞིག་ལ་བསྡད་།

དེ་རྗེས་རྒྱལ་ནང་གི་ལོ་གསུམ་གྱི་ནང་ལ་གཅིག་འཚོགས་པའི་རྒྱལ་ཡོངས་ཀྱི་ན་གཞོན་གླུ་བའི་འགྲན་ཚོགས་ཆེན་མོ།

དེ་རྒྱལ་ནང་གི་ཁུལ་སོ་སོ་དང་ཞིང་ཆེན་སོ་སོ་ནས་འཚོགས་ནས་ཨང་དང་བོ་དང་གཉིས་པ། གསུམ་པ་སོགས་སོང་ནས་རྒྱལ་ཡོངས་ནས་འགྲན་སྡུར་བྱེད་དགོས་པ་ཞིག་རེད།

ང་མཚོ་སྔོན་ནས་ཞུགས་པ་ཡིན།

དེ་དུས་ངས་ཨང་དང་བོ་བླངས་པ་ཡིན།

དེའི་རྗེས་ནས་དངོས་གནས་སྒྱུ་རྩལ་གྱི་ལམ་འདིར་གོམ་ཁ་ཇེ་མང་ནས་ཇེ་མང་དུ་གྱུར་སོང་།

དེ་དུས་ནས་ཞིང་ཆེན་གྱི་བརྙན་འཕྲིན་དང་རླུང་འཕྲིན། སྲིད་གཞུང་སོགས་ཀྱི་བྱ་བ་གལ་ཆེན་རེ་ཡོད་དུས་ང་བཙལ་ནས་ཡོང་གི

དཔེ་བཞག་ན། སྐབས་འགར་ཁོང་ཚོའི་འདི་ནས་གླུ་ཞིག་ལེན་དགོས་ལ།

ཁྱེད་ཀྱི་གླུ་ཞིག་བླངས་ནས་སྒྲ་རུ་བླངས་ན་འེ་ཆོག་ཟེར་བ་སོགས་ཡོད།

དེ་དུས་རང་བར་བར་དུ་རང་ལ་སློབ་སྦྱོང་གི་གོ་སྐབས་རེ་ཡོད་སོང་།

དེ་ནས་རང་ལ་ཉམས་མྱོང་ཡང་ཇེ་མང་དུ་གྱུར།

ད་དཔེར་ན། དང་པོ་བྱ་དགའ་བླངས་སོང་།

འགྲན་ཚོགས་དེ་གྲོལ་ནས་གཟའ་འཁོར་གཅིག་ཙམ་ཞིག་ནས།

དེ་ནས་བོད་ཀྱི་དབྱངས་རྩོམ་པ་པོ་ཀུན་དགའ་ཚེ་བརྟན།

རེད། ཀུན་དགའ་ཚེ་བརྟན།

ཁོས་ཁ་པར་ཡོང་གི ངས་ཁོ་ངོ་མི་ཤེས།

འགྲན་ཚོགས་ཀྱི་སྐབས་སུ་ཁོང་སྐར་མ་རྒྱགས་མཁན་གྱི་གྲས་སུ་ཡོད་པ་ལས་ངོ་མི་ཤེས།

དེ་དུས་ང་ཚོ་དབང་ཆུང་བའི་སྐད་ཆ་འདྲི་བ་དང་བཤད་པ་སོགས་སུ་སྐྲག་དགོས་པ་རེད།

ཁོས་ཁ་པར་ཡོང་ནས། ཁོ་ཀུན་དགའ་ཚེ་བརྟན་ཡིན།

ཁོང་ཚོས་འདི་ནས་སྒྲ་ཐག་ཞིག་ལས་དགོས།

དེའི་གྲས་སུ་བོད་ཀྱི་གླུ་བ་སྐོར་ཞིག་ཡོད་ལ།

ཁྱོད་འགྲན་ཚོགས་སུ་ཞུགས་ནས་གྲུབ་འབྲས་ལེགས་པོ་ཐོབ་སོང་།

སྐད་ཀྱི་ཕྱོགས་ནས་ཡང་ལེགས་པོ་འདུག་པས་ཁྱོད་ཀྱི་སྒྲ་ཐག་གི་གྲས་སུ་གླུ་ཞིག་ལེན་འདོད་ན་ཁྱོད་ཀྱིས་བསམ་བློ་ཐོངས་དང་།

ཨང་གྲངས་འདི་ངའི་ཁ་པར་ཨང་གྲངས་ཡིན། ལེན་འདོད་ན་ང་ལ་ཁ་པར་ཐོངས་དང་། ངས་ཁྱོད་ལ་གླུ་དབྱངས་ཞིག་སྟེར།

ཁྱོད་རང་གིས་འགྲོ་སོང་བྱེད་མི་དགོས།

སྒྲ་བླངས་པའི་རིན་གཞན་པ་རྣམས་ཀྱི་ལག་ནས་ལེན་པ་རེད།

དེ་ནས་ཁྱོད་ཤོག་དང་ང་ཚོས་ཐུབ་ཚོད་ཀྱིས་རོགས་བྱེད་ཟེར།

རང་ཉིད་ལ་དངོས་གནས་དགའ་སྤྲོ་རེད།

དེ་དུས་རང་གི་སེམས་སུ་དངོས་གནས་དགའ་བོ་ཡིན་པ་རེད། ཁོ་ཚོའི་སེམས་ཀྱི་སྐད་ཆ་རེད།

རང་གི་མི་ཚེ་འདི་ལ་སྒྲ་ལེན་པ་ཞིག་མཐོང་མ་མྱོངས། དེ་ནས་སོང་ནས་ཐེངས་དང་པོ་བླངས་པའི་གླུ་དེ་ཚེ་འགྲོ་མི་སྐྱིད་རེད།

རིག་འཛིན་སྒྲོལ་མ། འོ་རེད་རེད།

:

ང་ཚོ་མཚོ་སྔོན་ཡུལ་ཤུལ་ས་ཁུལ་གྱི་དམངས་ཁྲོད་ཀྱི་གླུ་ཞིག་རེད།