ད་རང་གི་ངས་སྔོན་ལ་བཤད་པ་ལྟར་རེད། མི་རེ་རེ་ནས་དམིག་ཡུལ་མི་འདྲ་བ་རེད།

དམིག་ཡུལ་མི་འདྲ་བ་སོ་སོ་ནས་བྱ་བ་ལས་ན། སོ་སོའི་འབྲས་བུ་ཡང་མི་མཚུངས་པ་རེད།

དངོས་གནས་མི་རབས་ཕ་མས་ཡང་མས་ནས་དར་ཡོང་བ་ཞིག་རེད།

ད་སྐབས་དེ་མི་ཡག་གི དེ་ལས་རྒྱ་གླུ་ཞིག་ལ་ཉན་དེ་ཡག་པོ་འདུག

དངོས་གནས་ང་ཚོའི་མི་རབས་འདི་ལ་དེ་ཡག་མིག་བཤད་པའི་དབང་ཆ་ཡང་མི་འདུག དངོས་གནས་ངོ་ཚ་ཞིག་རེད།

ཡིན་ཡང་འགའ་ཞིག་གི་དེ་འདྲ་བཤད་མཁན་འདུག

བོད་ཀྱི་ས་ཆ་སོ་སོ་ན་ན་ཆུང་འགའ་ལ་དམངས་གླུ་བླངས་ན་མུ་དགའ་མཁན་ཡོད་པ་རེད།

དེ་འདྲ་རེ་མཐུང་དུས་བྱ་གང་འདྲ་བྱེད་དགོས་པ་དང་།

དེ་ལས་གཞན་ཡང་ངས་གླུ་རེ་བླངས་པ་དང་ཁྲབ་སྟོན་རེ་བྱས་ན།

ཁྱོད་ཕ་ཡུལ་གང་ནས་ཡིན་ཞེས་འདྲི་མཁན་ཡང་མང་བོ་ཡོད།

བརྙན་འཕྲིན་གྱི་ལམ་ནས་མཐོང་བ་ལས་ངའི་ཕ་ཡུལ་གང་ཡིན་ལ་ཆ་རྒྱུས་མི་འདུག

མི་ལ་ལས་འདི་ཁམས་ཕྱོགས་ཀྱི་རེད་ཞེས་པ་དང་ལ་ལས་འདི་ཡང་ཕྱོགས་གཞན་པ་རེ་ནས་རེད་ཟེར་མཁན་ཡང་ཡོད།

དཔའ་རིས་ནས་ཡིན་པ་བཤད་དུས། ཁོང་ཚོའི་སེམས་ཞིག་ལ། འེ་ཁྱོད་དཔའ་རིས་ནས་ཡིན་རྒྱུ་མ་རེད།

དཔའ་རིས་པ་རྣམས་ཀྱིའི་་བོད་སྐད་མུ་ཤེས།

ཁོང་ཚོའི་སེམས་ཀྱི་ཚད་ཐིག་ཞིག་ལ་དཔའ་རིས་ནི་ཅི་ཡང་མེད་པ་དང་ཅི་ཡང་མུ་ཤེས་པའི་ཚད་ཧ་ཅང་དམའ་བོ་ཞིག་ཏུ་སྣང་།

རྒྱལ་མཚན། རེད་རེད། དཔའ་རིས་ཡིན་ན་སློབ་གྲྭའི་ཁྲོད་དུ་བོད་ཡིག་མ་ཁྲིད་པ་དང་། རེད། ཁོང་ཚོའི་དེ་འདྲ་བཤད་དུས་ངའི་སེམས་ལྷག་ཏུ་སྐྱོ་བ་ཞིག་ཏུ་གྱུར།

དངོས་གནས་སྐབས་རེ་ལ་མིག་མཐའ་ཡང་མཆི་མའི་བསྐོར་དུས་རེ་ཡོད།

ཁོང་ཚོའི་མི་འགྲིག་པ་སྐོར་ཞིག་བཤད་ཡོང་།

དེ་འདྲ་མི་འགྲིག་ན་ང་ཅི་ལྟར་བྱས་སོང་བ་རེད།

དཔའ་རིས་ལ་ཕྱོགས་སོ་སོ་ནས་མི་འགྲུག་པ་བཤད་མཁན་མང་བོ་འདུག

དེ་ནས་ངས་འགྲེལ་བཤད་བྱེས།

ང་ཚོའི་དཔའ་རིས་ནས་བོད་སྐད་མི་ཤེས་པ་བདེན་ལ། ཁྱེད་ཚོ་ལྟ་བུའི་ཆ་རྐྱེན་འཛོམས་པ་ཞིག་ཀྱང་མིན།

ཁྱེད་ཚོའི་འབྲོག་ས་ཡིན་ན་བོད་ཀྱི་སློབས་གྲྭ་རེ་ཡོད་པ་རེད།

གང་ལྟར་བྱ་བ་བསྒྲུབས་མཁན་མི་རེ་འགའ་ཡོད་པ་རེད།

ང་ཚོ་ལ་མི་ངན་སོང་བ་མ་ཡིན་ལ། འཁོར་ཡུག་གི་དབང་གི་རེད།

བོད་ཞིག་ཡིན་ན་རང་གི་སྐད་ཡིག་དང་རང་གི་རིག་གནས་ཤེས་ན་མི་འདོད་པ་གཅིག་ཀྱང་ཡོད་རྒྱུ་མ་རེད།

ཡིན་ཡང་ཤེས་འདོད་ཀྱང་ཤེས་ཐབ་མེད་པ་རེད།

ང་སློབ་གྲྭ་ལ་འགྲོ་དུས་དཔེ་དེབ་ཡང་སྔོན་མ་རྣམས་ཀྱིས་བལྟས་ཚར་ནས་ང་ཚོའི་བལྟས་ལ་ང་ཚོའི་བལྟས་ཚར་དུས་རྗེས་མ་རྣམས་ལ་སྤྲད་པ་ལས་དཔེ་ཆ་ཉོ་རྒྱུ་ཡང་མི་འདུག

དེའི་རྐྱེན་གྱི་དམངས་ཁྲོད་ཀྱི་གླུ་ཚིག་དང་གཞན།

བུད་མེད་ཞིག་ལ་མཚོན་ན་ས་ཆ་གཞན་པ་ལ་སོང་ན་དེ་འདྲ་ཉུང་བ་རེད།

རྒྱུན་འདོན་གྱི་སྐོར། འདོན་པའི་སྐོར།

གདུག་དཀར་དང་བཀའ་བསྡུས་ལ་སོགས་པ། ངའི་ན་ཚོད་རྣམས་གྱི་ཡོད་ཚད་གྱིས་བློར་བཟུང་ཡོད།

རྒྱུ་མཚན་བོད་ཡིག་ཁྲིད་མཁན་མེད་པའི་རེད།

གེ་སར་གྱི་སྒྲུང་ལ་སོགས་པ་མང་བོ་ཞིག་བློར་བཟུང་ཡོད་པ་རེད།

དཔེ་ཆ་མེད་པའི་དམངས་ཁྲོད་ནས་ཡོད་ཚད་ངག་ཐོག་གི་རྒྱུན་འཛིན་བྱེས་པ་རེད།

རྒྱལ་མཚན། རེད་རེད། ང་ཚོའི་ས་ཆ་ན་ཡང་དམངས་ཚོགས་ཀྱིས་ཁ་ཏོན་འདོན་ཆེད་བད་ཡིག་སྦྱངས་མཁན་ཡང་ཡོད།

དེ་དངོས་གནས་སྲོལ་རྒྱུན་གྱི་ཁྲིད་ལྟབས་ཞིག་རེད།

རྒྱལ་མཚན། གར་སྟེགས་སྟེང་ན་ཁྱོད་ཀྱིས་བོད་མི་རྣམས་ལ་སྙན་ཞིང་འཇེབ་པའི་གླུ་མང་བོ་ཞིག

རྒྱལ་མཚན། སྙན་དབང་གསོ་བའི་བདུད་རྩི་དང་བསམ་པའི་ལོང་སྤྱོད་འགྲིབས་བཞིན་ཡོད།

རྒྱལ་མཚན། དེ་ལས་གཞན་ཡང་གར་སྟེགས་འོག་ནས་ཡང་།

རྒྱལ་མཚན། དུས་རྒྱུན་གྱི་འཚོ་བའི་ཁྲོད་ནས་ཡང་མི་རིགས་སྤྱི་མཐུན་གྱི་ལས་དོན་འདི་འདྲའི་མང་བོ་ཞིག་ལས་བཞིན་ཡོད་པ་ཡང་ང་ཚོའི་ཐོས་སོང་།

རྒྱལ་མཚན། དཔེར་ན་ཁྱོད་ཀྱི་ཕ་ཡུལ་དཔའ་རིས་ས་ཆ་ནས་རང་གི་སྐད་དང་ཡི་གེ་ཕྱོགས་སུ་ནུས་པ་ཡོད་ཚད་ཀྱི་ཁྱབ་སྤེལ་བྱེད་བཞིན་ཡོད།

རྒྱལ་མཚན། དེ་ན་ཁྱེད་ཀྱི་འདིའི་སྐོར་གྱི་ཁ་བརྡ་འགའ་བྱས་ན། ཁྱེད་ལ་བསམ་ཚུལ་གང་འདྲ་ཡོད་ནས་ལམ་འདིར་ཞུགས་པ་དང་།

རྒྱལ་མཚན། ལམ་བར་ནས་དཀའ་ཁག་གང་འདྲ་ཡོད་ཚུལ།

རྒྱལ་མཚན། ཁྱོད་རང་ལ་གྲུབ་འབྲས་གང་འདྲ་ཐོབ་པ་དང་ཉམས་མྱོང་གང་འདྲ་ལོན་པ་སོགས། ཁ་བརྡ་ཞིག་བྱས་ན།

རེད་རེད། ངས་གོང་ནས་བཤད་པ་དང་གཅིག་མཐུན་རེད། སྲོལ་རྒྱུན་ལ་སོང་ནས།

གླུ་དང་སྟོན་བཤད། བཤད་པའི་སྐོར་དང་།

དངས་ཁྲོད་ནས་བསྡུ་བའི་སྐབས་སུ་ལོ་ཆུང་རྣམས་ཀྱི་ཁྲོད་ན་ཤེས་མཁན་མེད་པ་རེད།

རྒན་པ་རྣམས་ཀྱི་ཁྲོད་ན་ཤེས་མཁན་ཡོད་ཀྱང་ཡི་གེ་མི་ཤེས་པ་རེད།

རྒན་པ་རྣམས་ལ་འདྲི་བའི་སྐབས་སུ་ངུ་མཁན་ཡང་མང་བོ་ཡོད།

བསམ་བློ་རེ་བཏང་ན་ཁོང་ཚོས་སྔོན་ཆད་དཔེ་ཆ་འགའ་རེ་བློར་བཟུང་ཡོད་པ་རེད།

ཁོང་ཆོས་ད་བར་དུ་ལོ་ཉུང་ཞིག་གི་ཁྱོད་ཀྱིས་ཤོད་དང་ངས་ཉན་ཟེར་མཁན་ཞིག་ལ་ཐུག་མ་མྱོང་ཟེར།

ངས་སོང་ནས་དྲིས་དུས་ཁོང་ཚོ་སེམས་གཏང་ནས་དགའ་བོ་འདུག

ཁོང་ཚོས་ཡང་ཤེས་ཚོད་ཐུབ་ཚོད་གྱི་བཤད་པ་རེད།

དེ་ལས་གཞན་ལོ་ཉུང་རྣམས་ཀྱི་ཁྲོད་དུ་ཡང་།

དཔའ་རིས་ཡོངས་རྫོགས་ཡང་མ་རེད།

རྒྱ་སྐད་མི་ཤེས་པ་ཡང་སྐོར་ཞིག་ཡོད་པ་རེད།

རྒྱ་བོད་གཉིས་ཀྱི་སྐད་ཤེས་མཁན་ཡང་ཡོད་པ་རེད།

མཐའ་ཕྱོགས་ན་ཡོད་པ་རྣམས་ལ་ཡང་བོད་སྐད་མི་ཤེས་པ་སྐོར་རེ་ཡོད།

དེ་དངོས་གནས་བཤད་ན་འཁོར་ཡུག་གི་དབང་གི་རེད།

འཁོར་ཡུག་བཟང་ས་ནས་ན་ཆུང་རྣམས་ཀྱི་རྒྱ་བོད་གཉིས་ཀྱི་སྐད་ཤེས་ལ།

དེངས་དུས་ཀྱི་རྒྱའི་སློབ་གྲྭ་ན་ཡང་ལེ་ཚན་ཅུང་ལྕི་བོ་འདུག

ཆུང་ཆུང་ཡིན་དུས་བོད་སྐད་བཤད་ནས།

ཅུང་ཆེ་བའི་སྐབས་སུ་རྒྱ་རིགས་སློབ་གྲྭ་ལ་སོང་དུས།

རྒྱ་སྐད་བོད་སྐད་འདྲེ་མ་བཤད་ནས་བོད་སྐད་དྭངས་མ་ཞིག་མི་བཤད།

དེའི་གནས་ཚུལ་གང་ལ་སོང་ཡོད་པ་རེད།

དེ་ནས་ལོ་ལོན་རྒན་པ་རྣམས་ཀྱི་ཤེས་པ་བ་དེ། ཁོང་ཚོ་མེད་སོང་བའི་དུས་ནས་ཤེས་བྱ་དེ་བླངས་ནས་འཁྱེར་ཐབ་མེད་པའི།

དེ་དུས་ཡོད་ཚད་ཚར་སོང་བ་རེད།

ཁོང་ཚོས་ན་ཆུང་རྣམས་ལ་ཁྲིད་ན་འདོད་ཀྱང་ན་ཆུང་རྣམས་ཀྱི་ཡི་གེ་མི་ཤེས་པའི་སློབ་ཐབ་མེད།

ཞེས་བཤད་དུས་རང་གི་སེམས་དངོས་གནས་སྐྱོ་བ་ཞིག་རེད། དེ་ནས་ཡང་ལོ་སར་ལ་སོགས་པར་སྡེ་བ་སོ་སོ་ལ་སོང་ནས།

ལོ་ལོན་རྒན་པ་རྣམས་ལ།

དམངས་ཁྲོད་ཀྱི་ཁོང་ཚོའི་སྐབས་ཀྱི་མི་ཚེ་ཉམས་མྱོང་སྐྱིད་སྡུག་སོགས་ཀྱི་གནས་ཚུལ་རེ་ཤེས་ན་བཟང་གི་ཉམས་ནས།

རྒན་པ་རྣམས་ལ་མི་ཚེའི་ལོ་རྒྱུས་རེ་དྲིས་དུས།

མང་བོ་ཞིག་འདི་རེད།

ང་ཚོའི་བོད་ཀྱི་ས་ཆ། བོད་འདི་འདི་ལྟར་བྱེས་ནས་ཚར་དགོས་པ་འེ་རེད། བོད་སྐད་ཞིག་ཤེས་དགོས་པའི་གོ་སྐབས་ཞིག་ཡོད་དམ་མེད།

བརྙན་འཕྲིན་ནང་ལ་བལྟས་དུས་ཕྱོགས་སོ་སོ་ནས་ན་ཆུང་རྣམས་ལ་བོད་ཡིག་ཁྲིད་བཞིན་འདུག ང་ཚོའི་ས་ཆ་ན་བོད་ཡིག་ཁྲིད་ཐུབ་པ་འེ་རེད།

འདི་གནད་དོན་ཞིག་རེད།

ཟེར་བཞིན་མིག་ཆུ་གཏོར་ནས་བཤད་མཁན་མང་བོ་འདུག

དེ་དུས་རང་གི་དངོས་གནས་སྙིང་རྗེ་འདོད་སོང་། ཁོང་ཚོའི་མི་ཚེ་གཅིག་གི་ནད་ལྟ་བུ་ཞིག་འདི་རེད།

རང་གི་ཤ་ཁྲག་གི་མི་རྒྱུད་ཡིན་ལ།

རང་གི་ཤེས་པ་དེ་གཞན་ལ་བཤད་ཀྱང་ཤེས་མུ་ཐུབ་པ་དེའི་བར་ན།

རང་གི་ཚ་བུ་བུ་རྒྱུད་ནས་རང་གི་བར་ལ་བར་ཐག་ཞིག་འདུག།

བྱ་བ་བྱེད་མཁན་ཡང་མེད་པའི་ཁོང་ཚོའི་སེམས་ཡང་སྐྱོ་བཞིན་འདུག

དེ་དུས་རང་གི་ཡང་བསམ་བློ་རེ་བཏང་ནས།

རང་གི་ཐུབ་ཚོད་ཀྱི་འབད་པ་བྱས།

རང་གི་ལོ་ལྔ་ནས་ལོ་དྲུག་གི་བར་ལ་སློབ་མ་རེ་ཁྲིད་ནས་ཚོད་ལྟ་རེ་བྱས་ན།

ངས་ཡང་ཆེན་པོ་ཞིག་ཐུབ་པ་མ་རེད།

ང་ཡང་རང་གི་ས་ནས་རིག་གནས་མེད་ལ།

ཆ་རྐྱེན་ཅན་ཡང་ཡིན་པ་མ་རེད།

དབང་ཆ་ཅན་གྱི་དཔོན་པོ་ཡང་མ་ཡིན།

རང་གིས་ནུས་པས་ཐུབ་ཚོད་ཀྱིས་སློབ་མ་འདི་ཚོ་ཁྲིད་ནས་འཁོར་ཡུག་ཞིག་བསྐྲུན་ན།

དེ་ལས་གཞན་པའི་གནས་ཚུལ་ལ་རིམ་གྱིས་རིམ་གྱིས་བལྟས་ནས་སོང་ན་བསམ།

རྒྱལ་མཚན། རེད། མིག་སྔར་ཁྱོད་ཀྱི་འཛིན་གྲྭ་དེ་ལ་སློབ་མ་ཅི་འདྲ་ཞིག་ཡོད།

རྒྱལ་མཚན། དུས་ཚོད་གང་འདྲ་ཞིག་བཀོད་བསྒྲིག་བྱས་ཡོད།

འདི་འདྲ་ཞིག་རེད།

དབྱར་ནང་དང་དགུན་ནང་ཞིག་རེད།

གསབ་བསྦྱོངས་འཛིན་གྲྭ་ཞིག་རེད།

སློབ་ཁང་ལ་སོགས་པ་མེད་ལ།

སྡེ་བའི་ནང་ནས། སྡེ་བ་ཕར་ཆེར་གཅུ་གཅིག་འདྲ་ཞིག་ཡོད།

རྒྱལ་མཚན། རེད། སྡེ་བ་བཅུ་གཅིག

སྡེ་བ་རེ་ལ་ཁོང་ཚོའི་སྲིད་གཞུང་གི་ཚོགས་འདུ་འཚོགས་སའི་ཁང་བ་ཡོད་པ་སོགས་གཡར་ནས།

འགའ་རེར་སྔོན་གྱི་སློབ་གྲྭ་རེ་ཡོད།

འགའ་རེ་སློབ་ཁང་ཡང་མེད།

སློབ་ཁང་མེད་པ་ལ་ཐབ་མེད་འདུག

ན་ནང་དབྱར་ཁ་སྦྲ་ཞིག་ཕུབ་པ་ཡིན།

ཉི་མ་ཚ་དུས་གུར་ནང་ནས་ཚ་བ་ཤིན་ཏུ་ཆེ།

ཆར་བབས་དུས་ཡང་ཧ་ཅང་གྲང་ངར་ཆེ།

ཡིན་ཡང་ཐབ་མེད་པ་རེད་། ཆ་རྐྱེན་གྱི་དབང་གི་རེད།

གཞན་ཡང་སྡེ་བ་གཅིག་ལ་སྦྱིན་བདག་ཞིག་ཡོད་ནས།

དམངས་ཚོགས་ཀྱིས་ང་ཚོའི་བོད་ཡིག་ཞིག་ཤེས་ཐུབ་ན་དེ་ལས་ལྷག་པའི་བཀའ་དྲིན་ཅན་ཡོད་པ་མ་རེད་ཟེར་ནས།

ཁྱིམ་ཚང་གི་གུར་ཞིག་ཕུབ་ནས་ཁང་བ་ང་ཚོ་ལ་གཡར།

དེ་ནས་ང་ཚོའི་ཁང་བའི་ནང་གི་སློབ་ཁྲིད་བྱས།

ཁོང་ཚོས་ཐུབ་ཚོད་ཀྱི་ང་ལ་རོགས་བྱས་ནས།

ཁོང་ཚོའི་བུ་ཕྲུག་རྣམས་ལ་ཕན་ཐོག་ན།

ནུས་ཚོད་ཀྱི་རོགས་བྱེས་པ་རེད།

དེ་ནས་ངས།

སྡེ་བ་བཅུ་གཅིག་ཡོད།

དེ་ལ་སློབ་མ་ཕར་ཆེར་༣༤༠ཡོད།

རྒྱལ་མཚན། འོ་༣༤༠ ངོས་གནས་མང་བོ་རེད།

༣༤༠ནང་གི་སྡེ་བ་སོ་སོའི་སྐད་རིགས་ཀྱི་ཆ་རྐྱེན་ཤེས་པ་མ་ཡིན།

འགའ་རེའི་བོད་སྐད་རྒྱ་སྐད་གཉིས་ཤེས།

འགའ་རེའི་རྒྱ་སྐད་ཆེན་པོ་མུ་ཤེས།

འགའ་རེ་ལ་བོད་སྐད་མུ་ཤེས་པ་ཡང་ཡོད།

དེ་ཡིན་ན། ལོ་གཅིག་ལ་ཁྲིད་ཟིན་པ་རེད།

ཁོང་ཚོའི་གྲུབ་འབྲས་ཡང་མུ་འདྲ།

བོད་སྐད་རྐྱང་བ་ཤེས་མཁན་རྣམས་མགྱོགས་པ་རེད།

རྒྱ་སྐད་དང་བོད་སྐད་ཤེས་མཁན་ཡང་བཟང་བོ་འདུག

བོད་སྐད་མུ་ཤེས་པ་རྣམས་ཅུང་ཞན་པ་རེད།

དེ་ལས་གཞན་ངས་དཔེར་ན།

སྡེ་བའི་ནང་གི་སློབ་མ་ཉུང་ཤུས་ལ་ཉི་ཤུ་དང་མང་ཤོས་ལ་སློབ་མ་བརྒྱད་བཅུ་ལྷག་ཙམ་ཞིག་རེད།

དེ་ནས་སློབ་མ་བཞི་བཅུའི་ཡན་ཆད་ཀྱི་སྡེ་བ་ལ་དགེ་རྒན་གསུམ་རེ་མངགས།

དེ་ལ་བོད་ཡིག་དགེ་རྒན་གཉིས་དང་དབྱིན་ཡིག་དགེ་རྒན་གཅིག

དབྱིན་གི་དེ་ཡང་ངེས་པར་དུ་ཤེས་དགོས་པ་ཞིག་རེད།

ཡིན་ཡང་ས་གནས་ཀྱི་རྒྱུན་ལྡན་གྱི་སློབ་གྲྭ་རྣམས་ཀྱི་དབྱིན་ཡིག་དེ་འདྲ་ལེགས་པོ་ཞིག་སྦྱོངས་ཐུབ་ཀྱི་ཡོད་པ་མ་རེད།

ང་སོང་ནས་སྡེ་བ་གཞན་པ་རྣམས་ལ་རྒྱུས་ལོན་རེ་བྱས་ནས་དྲིས་དུས།

དབྱིན་ཡིག་སྦྱངས་པ་དེ་འདྲ་ལེགས་པོ་མ་རེད་ཟེར།

ཕར་ཆེར་སློབ་ཆུང་གི་ལོ་རིམ་བཞི་བ་ལ་མ་ཐོན་པར་དབྱིན་ཡི་མེད་པ་རེད།

དེ་ནས་ངས་དབྱིན་ཡིག་ཞིག་ཤེས་ན་བཟང་གི་དོད་སོང་།

སློབ་མ་བཞི་བཅུའི་མན་ཆད་ལ་བོད་ཡིག་དགེ་རྒན་གཅིག་དང་དབྱིན་ཡིག་དགེ་རྒན་ཅིག་རེ་མངགས།

དགེ་རྒན་བཙལ་བའི་ཕྱོགས་ནས་ཡང་དཀའ་ངལ་ཞིག་འདུག

བོད་ཡིག་དགེ་རྒན་བཙལ་བ་ཅུང་དཀའ་བོ་འདུག

དབྱིན་ཡིག་དགེ་རྒན་བཙལ་བ་སླ་བོ་རེད། སློང་གྲྭ་གྲོལ་དུས་དེའི་ནང་ན་དབྱིན་ཡིག་ལ་ངར་བ་མང་བོ་རེད།

བོད་ཡིག་གི་ཕྱོགས་ནས། བོད་ཡིག་ཤེས་མཁན་མང་ཡང་།

ང་ཚོའི་ས་གནས་སྐད་ཆ་ལ། ས་གཞན་ནས་དགེ་རྒན་ཡོང་དུས།

སློབ་ཆུང་ལ་ཅུང་དཀའ་བོ་འདུག

དེ་ནས་ང་ཚོ་ལ་བརྡ་རྙིང་སྐད་ཆ་མང་བོ་འདུག

བོད་སྐད་མི་ཤེས་མཁན་རྣམས་ལ་ཡང་།

ཁོང་ཚོའི་ས་གནས་ཀྱི་སྐད་ཆ་དཔའ་རིས་ཀྱི་སྐད་ནས་བཤད་ན་ཁོང་ཚོའི་གོ་བ་འདུག

ལན་འདེབ་མ་ཤེས་པ་ལས་དོན་གོ་བ་འདུག

དེ་ལ་ས་ཕྱོགས་གཞན་ནས་དགེ་རྒན་ཡོང་ན་ཁོང་ཚོའི་དོན་མི་གོ

དེ་ཡིན་ན་དགེ་རྒན་གྱི་ཕྱོགས་ནས་དཔའ་རིས་ཀྱི་ཕ་སྐད་མིན་ན་དཀའ་བོ་འདུག

དེ་ཡང་གནད་དོན་ཞིག་རེད།

དེ་ནས་ཡང་ཅི་ནུས་ཀྱི་དཔའ་རིས་ཀྱི་དགེ་རྒན་རེ་བཙལ་བ་ཡིན།

དཔའ་རིས་ནས་ཡང་ཁྲིད་ལྟབས། དམངས་ཁྲོད་ཀྱི་ཁྲིད་ལྟབས་ལེགས་པོ་ཞིག་འདུག

དཔའ་རིས་ཀྱི་སྐད་ཆ་ལ་སྨྲ་དག་པོ་འདུག

རྒྱུས་ལོན་ན་དཔའ་རིས་ཀྱི་སྐད་ནས་ལོ་རིམ་གསུམ་པ་ལ་དཔའ་རིས་ཀྱི་སྐད་ཡིན་ན།

སྨྲ་བརྗོད་པའི་ཕྱོགས་ནས་ཡང་རྨང་གཞི་ལེགས་པོ་འདུག

ལོ་རིམ་གསུམ་པའི་རྗེས་སུ་ཕྱོགས་གཞན་ནས་དགེ་རྒན་ཡོང་ན་མི་འགྲིག་ས་མེད།

རྒྱལ་མཚན། རེད། ན་ཆུང་བྱས་པ་རྣམས་ནར་སོན་ན་ཡུལ་གང་ལ་སོང་ན་ནུས་པ་ཐོན་པ་རེད།

རྒྱལ་མཚན། རང་གི་ཕ་སྐད་ནས་སོང་ན་མགྱོགས་པ་རེད།

སྡེ་བ་གཉིས་ཙམ་ཞིག་ལ་ལོ་གཉིས་ཡས་མས་ཞིག་འགོར་ཡོད།

སྡེ་བ་གཞན་པ་རྣམས་ལ་ལོ་གཅིག་ཙམ་ཞིག་རེད།

དབྱར་ནང་དང་དགུན་ནང་གཅིག་རེད།

ད་སྐབས་ཡང་དབྱར་ནང་གི་དགེ་རྒན་འཚོལ་བསྡུ་བྱེད་པའི་དུས་ཚོད་རེད།

རྒྱལ་མཚན། རེད། དཔེར་ན།

རྒྱ་སྐད་ལས་བོད་སྐད་མུ་ཤེས་པ་རྣམས་ཀྱི་ཕ་མ་རྣམས་ལ་བོད་ཡིག་སྦྱོངས་པ་ལ་སྤྲོ་བ་འེ་ཡོད།

སྤྲོ་བ་ཡོད། སྦྱངས་རྒྱུ་རེ་ཡོད་ན་ཚོད་ལྟ་རེ་བྱེད།

འགའ་རེ། དང་བོ་ངའི་དམིག་ཡུལ་ཡིན་ན་རང་གི་སྡེ་བ་གཉིས་ནས་གསུམ་ཙམ་ཞིག་ལ།

དེའི་ནང་གི་སྐད་ཆའི་ཆ་རྐྱེན་ཅུང་བཟང་བ།

བོད་སྐད་ཤེས་པ་དང་ཡང་ན་བོད་སྐད་རྒྱ་སྐད་གཉིས་ཤེས་པ།

དེ་འདྲའི་སྡེ་བ་འགའ་ཞིག་གི

སློབ་མ་ཕར་ཆེར་བདུན་ཅུ་བརྒྱད་བཅུ་ཡས་མས་ཞིག

དེ་ལས་མང་སོང་ན་རང་གི་ནུས་པའི་མི་ཐོན་འདོད་སོང་།

དེ་འདྲ་ཞིག་བསམ། དེ་ནས།

དེ་ནས་སློབ་མ་བསྡུ་སྐབས། ཁོང་ཚོའི་མུ་ཤེས་པ་རྣམས་ལ་མི་ཁྲིད་ན་མི་འགྲིག་གི་ཟེར།

ཤེས་མཁན་རྣམས་ལ་སློབ་ནས་མི་ཤེས་པ་རྣམས་ལ་མི་ཁྲིད་ན་མི་འགྲི་གི་ཟེར།

དེ་ནས་ཁོང་ཚོ་ལ་སྦྱངས་འདོད་པའི་ཡིད་ཆེས་ཡོད་ན་ངས་དེ་ཕམ་དུ་བཅུག་ན་ཡང་མི་འགྲིག་གི།

དེ་ནས་རང་གིས།

དེ་ན་ཚང་མ་ཤོག ཁྱོད་ཚོས་ཚོད་ལྟ་བྱེས་དང་ངས་ཡང་ཚོད་ལྟ་བྱེད།

ངས་ལོ་གཅིག་ནས་ལོ་གཉིས་ཀྱི་བར་ལ་ཚོད་ལྟ་ཞིག་བྱེད།

གལ་སྲིད་བྱས་པ་རྣམས་ལ་སྦྱང་འབྲས་ལེགས་པོ་ཞིག་མ་ཐོབ་ན་ང་ལ་ཡང་ཐབ་མེད་པ་རེད་ཞེས་བཤད།

སྦྱངས་འབྲས་ལེགས་པ་རྣམས་ལ་ལོ་ལྔ་ནས་དྲུག་བར་དུ་ངས་རྒྱུན་སྐྱོང་བྱེད།

རང་གི་ཡིག་རྨོང་སེལ་ནས། རང་གི་མིང་འབྲི་ཤེས་པ་དང་རང་གི་དཔེ་ཆར་བལྟ་ཤེས་པ་ཞིག་གི་ཚད་ལ་ངས་འབད་པ་བྱེད།

དེ་ནས་རང་གི་རང་སྦྱངས་བྱས་ན་ཡང་ཐུབ་པ་རེད།

རྒྱལ་མཚན། རེད། དེ་ནས་ས་ཆ་གཞན་པའི་སློབ་གྲྭ་ལ་སོང་ཡང་ཆོག་པ་རེད།

དེ་ན་ཁྱོད་ཚོས་བྱས་པ་རྣམས་སློབ་གྲྭ་ལ་མངག་ན་ངས་ཡང་འབད་པ་བྱེད་ཞེས་བཤད།

ཁྱེད་ཚོ་ཕ་མ་རྣམས་ཀྱིས་ཡང་ཁྱིམ་ནས་ཡི་གེ་ལ་བལྟ་རུ་ཆུག

ངས་ཡང་སྡེ་བ་གཞན་པ་རྣམས་དང་འདྲ་མཚུངས་བྱས་ནས་དགེ་རྒན་བཙལ།

ཁྱེད་ཚོའི་འགྲོ་སོང་གཏོང་མུ་དགོས།

ང་ལ་ཆ་རྐྱེན་ཞན་ཡང་།

ངས་རང་གི་ནུས་པའི་ཐུབ་ཚོད་ཀྱི་སློབ་མ་རྣམས་ལ་དཔེ་ཆ་དང་འབྲི་དེབ། སྨྱི་གི

དགུན་དུས་སུ་རྡོ་སོལ་གྱི་རིན་སོགས་ཚང་མ་ངས་འགྲོ་སོང་བྱེད།

བོད་སྐད་ཤེས་པ་རྣམས་ཀྱི་ལོ་གཅིག་ཙམ་ཞིག་ལ་ཁྲིད་དུས་ནས་ཕར་ཆེར་ཡིག་ངོར་ཚག་དེད་བྱས་ནས་འདོན་ཐུབ།

སྦྱང་འབྲས་མི་ལེགས་པ་རྣམས་ཀྱི་ཀ་ཁའི་སློབ་དེབ་དང་བོ་ཡང་མཇུག་མ་རྫོགས།

ཧ་ཅང་གི་དལ་མོ་རེད།

ཉིན་རེ་ཚིག་འགའ་རེ་ལས་བློར་མི་ཟིན།

རྒྱལ་མཚན། རེད། མ་ཤེས་དུས་ཡང་འདོན་ཡང་འདོན་བྱེད་པ་རེད།

སྐད་ཆ་དང་ཡི་གེ་གཉིད་ཉམས་ཁྲིད་བྱེད་དགོས། དེ་དུས་ཅུང་དཀའ་བོ་འདུག།

བོད་སྐད་ཤེས་པ་རྣམས་ལ་ཡི་གེ་ཁྲིད་ནས་བོད་སྐད་ཀྱི་འབྲེལ་བཤད་བྱས་ནས་ཕར་ཆེར་ཤེས་ཐུབ།

ཁོང་ཚོ། ཁྲིད་མཁན་ཚོད་འཛིན་པའི་སྡེ་བ་རེ་རེའི་མི་ཁ་ཁ་རེད།

རྒྱལ་མཚན། དེ་ལས་གཞན། ཁྱེད་རང་གི་དངོས་ནས།

རྒྱལ་མཚན། ད་ལྟའི་བོད་ཀྱི་གླུ་དང་རོལ་མོའི་རྒྱུ་རྩལ་འདི་མུ་མཐུད་དུ་ཅེ་རྒྱས་ཅེ་ལེགས་སུ་གཏོང་བའི་ཕྱོགས་སུ།

རྒྱལ་མཚན། རང་ལ་བསམ་ཚུལ་རེ་འེ་ཡོད།

དཔེར་ན། གླུ་བ་མི་དགེར་གྱི་སྟེང་ནས་།

ད་སྐབས་བོད་ཀྱི་གླུ་བ་ཚོར།

རྒྱལ་མཚན། མི་འདང་ས་དང་འབད་རྩོན་བྱེད་དགོས་ས་གང་འདྲ་ཡོད།

རྒྱལ་མཚན། གཉིས་ནས། སྤྱི་མཐུན་གྱི་ལས་ཀ་འདི་འདྲའི་མང་བོ་ཞིག་ལས་ཡོད།

རྒྱལ་མཚན། དེ་ཕྱོགས་ནས། སྤྱི་ཚོགས་ཡིན་ན་ཆོག རང་གི་སྤྱི་ཚོགས་ལ་བཅང་བའི་རེ་བ་ཡིན་ན་ཆོག

རྒྱལ་མཚན། རང་གི་སེམས་གཏམ་གང་འདྲ་ཡོད། དེའི་ཕྱོགས་ནས་མདོར་བདུས་ཞིག་བཤད་ན།

ད་འདི་རྒྱུ་རྩལ་གྱི་ཕྱོགས་ནས་བཤད་ན།

ང་ལྟ་བུ་ཡིན་ན།

ད་ལྟ་ཀྲུང་དབྱང་མི་རིགས་སློབ་གྲྭ་ཆེན་མོ་ནས་སློབ་སྦྱོངས་བྱེད་བཞིན་ཡོད།

རྒྱལ་མཚན། རོལ་དབྱངས་རུ་ཁག

རེད་རོལ་དབྱངས་རུ་ཁག་ནས།

རང་ཉིད་ཀྱི་ཚད་ནས་བལྟས་ན།

མཐའ་གཅིག་ཏུ་རང་ལ་ལད་མོ་བྱེད་དགོས་ཞེས་པ་ཡང་མིན།

འདི་འགྲིག་གི་བསམ་པའི་སྐད་ཆ་རེ་བཤད་ན།

ང་ཚོ་བོད་ཀྱི་ནང་གི་གླུ་བ་གླུ་མ་ཡིན་ཡང་ཆོག

གཞན་པ་བྱ་བ་སྣ་ཚོགས་ལས་མཁན་རྣམས།

གཙོ་བོ་གླུ་བ་རྣམས་ལ་གནད་དོན་ཅུང་འདུག

རང་གི་དམངས་ཁྲོད་ཀྱི་ཕ་མས་ཀྱི་རྒྱུ་ནོར་དེ་བེད་སྤྱད་ནས།

རང་གི་ཆེད་ལས་ཀྱི་ཕྱོགས་སུ་སློབ་སྦྱོངས་དང་དེ་ལ་འབད་པ་བྱེད་མཁན་མེད་པ་རེད།

རང་གི་དམངས་ཁྲོད་ཀྱི་ཕ་མས་ཀྱི་རྒྱུ་ནོར་དེ་བེད་སྤྱོད་བྱས་ནས། དེ་ལ་བརྟེན་ནས།

ཆེད་ལས་ཀྱི་ཕྱོགས་སུ། རང་གི་བསམ་ཚུལ་ལ།

ཕ་མས་ཀྱི་རྒྱུ་ནོར་དེ་ཤེས་པ་དང་། དེ་ལ་རྒྱུས་ལོན་འགའ་བྱས་ནས། ས་ཆ་སོ་སོ་ནས་ཁྱད་ཆོས་མི་མཚུངས་།

ཁམས་དང་ཨ་མདོ།

རྒྱལ་མཚན། དབུས་གཙང་སོགས།

དབུས་གཙང་ཡིན་ན་ཡང་ས་ཆ་སོ་སོ་ནས་ཁྱད་ཆོས་མི་མཚུངས་།

ང་ཚོ་དཔའ་རིས་ཡིན་ཡང་། དཔའ་རིས་ལ་རྫོང་བཅུ་ལྷག་ཞིག་ཡོད།

དེ་ལ་ཡང་སྡེ་བ་རེ་རེའི་ལྟ་ཚུལ་མི་མཚུངས།

བོད་ཀྱི་གླུ་བ་ཞིག་ཡིན་ན། ས་ཆ་སོ་སོ་ལ་སོང་ནས་།

ཁོང་ཚོའི་རང་རང་གི་དམང་ཁྲོད་ཀྱི་དེ་ཚོར་རྒྱུས་ལོན་བྱས་ནས། ཤེས་དགོས་པ་ཞིག་རེད།

དེའི་ཕ་རོལ་ནས། དེ་ཤེས་པ་ཙམ་གྱི་མི་འདང་ལ།

ཁྱོད་ཀྱི་མི་ཚེ་འདིར་གཞན་གྱི་ཡོན་ཏན་དེ་བཀོལ་སྤྱོད་བྱས་ན་ཁྱོད་ལ་ཡོན་ཏན་མེད་སོང་བ་རེད།

དེ་ནས་རང་གི་རང་ལ་ཐུབ་ཚོད་ཀྱི་འཁོར་ཡུག་རེ་བསྐྲུན།

དེ་ནས་རང་གི་སློབ་སྦྱོངས་རེ་བྱེས།

དེ་ནས་རང་གི་ཆེད་ལས་ཀྱི་ཕྱོགས་སུ་ཚད་རེ་ཟིན་སོང་ན།

དེ་ནས་རང་གི་གླུ་འགའ་རེ་རྩོམས་དགོས་ན།

གླུ་ལེན་དགོས་ན།

ད་དངོས་གནས་རྒྱུ་རྩལ་འདི་གང་འདྲ་ཞིག་རེད། རོལ་མོ་འདི་གང་འདྲ་ཞིག་རེད་ཟེར་ན།

རང་གི་སེམས་སུ་ཅུང་ཤེས་པ་ཞིག་རེད།

དེ་ནས་ཆེད་ལས་དང་དམངས་ཁྲོད་ཀྱི་གླུ་འདི་གཉིས་མཉམས་དུ་བཀོལ་སྤྱོད་བྱེད་ཐུབ་ན།

ཆེད་ལས་ཤེས་སོང་ན་དམངས་ཁྲོད་ཀྱི་གླུ་གང་ལྟར་བཀོལ་སྤྱོད་བྱེད་དགོས་པ་ཤེས་པ་རེད།

ཆེད་ལས་མ་ཤེས་ན། དངོས་གནས་ཕ་མས་ཀྱི་རྒྱུ་ནོར་དེ་བཀོལ་སྤྱོད་བྱས་པ་རེད།

ཡང་ཆེད་ལས་རྐྱང་བ་ལ་འབད་ནས་། རང་གི་ཕ་སྐད་བསྐྱུར་བ་དང་སྲོལ་རྒྱུན་གྱི་རིག་གནས་དེ་ཕར་བཞགས་ནས།

དེངས་སྐབས་ཀྱི་ཕྱོགས་སུ་འབད་ནས་གསར་བརྗེ་བྱེས་ན།

དེ་སློབ་པ་དང་མ་སློབ་པ་ཡང་གཅིག་ཡིན་པ་རེད།

དེ་ལས་མ་སྦྱངས་ན་འགྲིག་པ་རེད།

དངོས་གནས་ང་ཚོའི་སྲོལ་རྒྱུན་གྱི་རིག་གནས་ཧ་ཅང་ལེགས་པ་རེད།

བྱ་བ་བྱེད་ཚུལ་ཡིན་ཡང་ཆོག

གླུ་ལེན་ཚུལ་དང་འགིག་ལུགས།

མིའི་བསམ་ཤེས་ཚུལ་སོགས་མང་བོ་ཞིག་འདུག

མི་འགའ་རེའི་རང་གི་ཆེད་ལས་ལ་འབད་ནས་།

རང་མི་རིགས་ཀྱི་དམངས་ཁྲོད་ཀྱི་སྲོལ་རྒྱུན་དེ་བརྗེད་ནས།

དེ་ཡིན་ན་ཡང་མི་འགྲིག་གི

དེ་ཤེས་པའི་ཕ་རོལ་ནས།

དེ་གཉིས་ཉམས་འབྲེལ་བྱེས་ནས། བཀོལ་སྤྱོད་བྱས་ན་བཟང་བོ་འདུག

དེ་མིན་ཡང་། ད་སྐབས་བོད་ཀྱི་ནང་ན་གླུ་བ་གླུ་མ་ཧ་ཅང་མང་བོ་འདུག

ལེན་མཁན་ཡང་རང་གི་ཕྱོགས་ཀྱི་ཁྱད་ཆོས་ཅན།

སྐད། ངག་བདེ་བ། ཧ་ཅང་གི་ཁྱད་ཆོས་ཅན་ཡང་ཡོད་པ་རེད།

བོད་འདི་རྒྱུ་རྩལ་བ་རྐྱང་རྐྱང་གི་སྐྱོན་ཞིག་ཡང་མ་ཡིན།

ཆེད་ལས་གང་ལ་སྦྱངས་པ་ཡང་མང་བོ་རེད།

རང་ལ་ཡིད་མགུ་བ་ཡང་སླ་མོ་ཡང་འདུག

དཔེར་ན་མིང་གྲགས་པ་དང་འབྱོར་བ་ཅུང་ཡོད་པ་ནས།

ད་རང་གི་ཐུབ་སོང་བ་དང་རང་ཉིད་ངར་བ་ཞིག་ཡིན་པ་འདོད།

འགའ་རེ་ཡང་ཚོང་བྱེས་ནས་མ་རྩ་ཅུང་ཡོད་དུས་ནས་ཞེ་བདེ་ནས་དེ་ལས་ལྷག་པར་ཏུ་འབད་པ་བྱེད་པའི་སེམས་པ་དེ་མེད་པ་ཞིག་རེད།

དེ་འདི་རྒྱུ་རྩལ་བ་རྐྱང་རྐྱང་གི་སྐྱོན་ཞིག་ཡིན་རྒྱུ་མ་རེད།

དེ་མི་རིགས་གང་ཡིན་ན་ཡོད་པ་རེད།

རྒྱལ་མཚན། དེ་གང་ཡིན་ན་ཡོད་པ་རེད།

གཞན། བསམ་བློ་འདི་ཞེས།

ཚུར་ལ་བསྒྱུར་བ་ཞིག་འེ་ཡོད་བསམ་པ་ཞིག་རེད།

ང་རང་གི་བསམ་ཚུལ་ལ།

ཡོད་ན་དེའི་ལྷག་ཏུ་དེ་བརྒྱ་ཡོད་ན་སྟོང་ཅི་ལྟར་བསྒྱུར།

སྟོང་ཡོད་ན་ཁྲི་ཅི་ལྟར་བསྒྱུར།

ཡོན་ཏན་གྱི་ཕྱོགས་ནས་ཡང་འདི་ཤེས་ནས་གཞན་པ་ཞིག་འེ་ཤེས།

དཔེར་ན་ཁྱོད་ཀྱི་ལེན་ཤེས་ན་རྩོམ་འེ་ཤེས།

རྩོམ་ཤེས་ན་སློབ་མ་ལ་ཁྲིད་འེ་ཐུབ།

དེ་ལས་གཞན་སྤྱི་ཚོགས་ལ་ཕན་རེ་འེ་ཐོག

དེ་མཐའ་གཅིག་ཏུ་ངས་བོད་ཡིག་ཞིག་ཁྲིད་པའི་འགན་ཁུར་བླངས་ནས།

དངོས་གནས་བཤད་ན་ངའི་ཆ་རྐྱེན་དེ་འདྲའི་ཚད་ལྡན་ཞིག་ལ་ཐོན་ཡོད་པ་མ་རེད།

ང་ལ་རྒྱུ་ནོར་མང་བོ་ཡོད་པ་མ་རེད། ཡོན་ཏན་ཡོད་པ་མ་རེད།

དབང་ཆ་ཡོད་པ་ཡང་མ་རེད།

ཡིན་ཡང་རང་གི་ཐུབ་ཚོད་ཀྱི་འབད་པ་བྱས།

རང་རང་སོ་སོའི་ཕྱོགས་ནས་འབད་པ་བྱས་ན་ང་ཚོ་བོད་ཀྱི་རིག་གནས་ཡང་མིག་སྔར་མྱུར་སྐྱོབས་བྱས་ན་ཐུབ་པ་འེ་ཡིན་བསམ་པ་ཞིག་རེད།

དེ་མིན་པ། ང་ཚོ་དཔས་རིས་ས་ཆ་ནས་སྐད་ཆ་ཉམས་མེད། འདི་རིག་འཛིན་སྒྲོལ་མའི་འགན་ཁུར་རེད་ཞེས་ན།

དེ་འདྲ་ཞིག་མ་རེད།

ང་ཚོ་དཔའ་རིས་ཀྱི་ས་ཆ་མ་ཡིན་པར་ས་ཆ་གཞན་པ་སོ་སོ་ན་ཡོད་པ་རེད།

དེ་ནས་དཔས་རིས་ས་ཆ་ནས་ཉམས་སོང་བ་ཡང་ང་ཞན་སོང་བ་ཞིག་ཡང་མ་རེད།

དམངས་ཚོགས་རྣམས་ཞན་ནས་བསམ་བློ་མེད་པར་བརྗེད་དུ་བཅུག་པ་ཡང་མ་རེད།

འཁོར་ཡུག་གི་དབང་གིས་ཁོ་ཚོས་ཡང་ཤེས་མ་ཐུབ་པར་ཡོད།

དེ་ནས་མི་སུ་དང་སུ་ཡིན་ཡང་། ཁྱོད་སློབ་གྲྭ་ཆེན་མོ་བ་ཞིག་ཡིན་ན་ཆོག། ཚོང་བ་ཡིན་ཆོག བྱ་བ་ལེས་བཞིན་པ།

མི་སོ་སོ་ནས་རང་གི་ནུས་ཚོད་ཀྱི་རང་གི་སྤྱི་ཚོགས་ལ་ཕན་ཐོག་པའི་བྱ་བ་རེ་བྱས་ན།

མི་ཡོངས་རྫོགས་ཀྱི་དེ་འདྲའི་བསམ་བློ་ཞིག་བཅང་ནས་བྱ་བ་རེ་བྱས་ན་འགྲུབས་པ་ཞིག

སྲོལ་རྒྱུན་གྱི་རིག་གནས་ཕུན་སུམ་ཚོགས་པ་ཡོད་པ་རེད།

དངོས་གནས་ཕྱོགས་གང་ནས་བཤད་ན།

རྒྱུན་དུ་བྱས་པ་རྣམས་ཀྱི་བསམ་བློའི་ཕྱོགས་དང་།

རྒྱུ་རྩལ་གྱི་ཕྱོགས་ནས་ཡིན་ཡང་།

གང་གི་ཕྱོགས་ནས་ཡིན་ཡང་སྲོལ་རྒྱུན་གྱི་རིག་གནས་འདིའི་ཡན་ཞིག་མེད་པ་རེད།

དངོས་གནས་དེ་ལས་ལྷག་པའི་རིན་ཐང་ཅན་གྱི་བྱ་བ་མི་འདུག

མི་སུ་དང་སུ་ཡིན་ཡང་རྒན་པ་རྣམས་ལ་རྩི་བཀུར་རེ་བྱེས།

ཕན་གང་ཐོག་རེ་བྱེས། མཐའ་གཅིག་ཏུ་ཕན་མ་ཐོག་ན་རང་གི་འབད་པ་བྱས་ན།

རྒྱལ་མཚན། ལྷག་བསམ་ཞིག་ཡོད་དགོས་པ་དེ་ཧ་ཅང་གི་གཙོ་བོ་ཞིག་རེད།

སོ་སོ་ནས་དེ་འདྲ་བྱེས་ན།

ད་རུང་རྗེས་ཕྱོགས་ཀྱི་ཆུང་བ་རྣམས་ལ་ཡང་རེ་བ་ཞིག་ཡོད་པ་རེད།

དེ་མིན་པར་གཅིག་གིས་ཀྱང་ཉམས་མ་བཞག་པར་བུད་སོང་ན། ང་ཚོའི་མི་རབས་དེ་ཚར་ནས།

རྗེས་མ་རྣམས་ཀྱི་ཅི་ལྟར་བྱེད།

ད་ཕར་ཆེར་ཅང་མི་ཤེས་ཚོད་རེད།

རང་རང་གི་རིག་གནས་དེ་ཤེས་པའི་ཕན་ཆད་དུ་གཞན་པའི་རིག་གནས་དེ་དང་ལེན་བྱས།

རང་གི་སློབ་སྦྱོང་བྱེད་ས་ཡིན་ན། དེ་ཡིན་ན་ད་གཟོད་ཁྱོད་ཚད་ལྡན་ཞིག་རེད།