Video Overview
54-year-old Tempo from Bartsa Gewog, Dagana, recites several enmity Lozay, or Ballads. Lozay is an oral tradition, utilizing poetic phrases and metaphors to either impress or disparage another performer. Lozay can convey a variety of sentiments. It is usually recited by two or more people during their work in fields or during other times of leisure. Today, this tradition is in decline, usually taking place as a competition among students or for entertainment, and no longer done in villages as in the past.
དར་དཀར་ན་རྫོང་ཁག་ བར་ཚྭ་གཡུས་ཚན་ལས་ སྐྱེས་ལོ་ ༥༤ ལངས་མི་ ཨཔ་བརྟན་པོ་གིས་ བློ་ཟེ་ལེ་ཤ་ཅིག་འགྱུརཝ་ཨིནམ་ད་ བློ་ཟེ་འདི་ཡང་ ཡབ་མེས་ཚུའི་སྐབས་ལས་ ལག་ལེན་འཐབ་སྲོལ་ཡོད་པའི་ ཁ་རྒྱུན་རིག་གཞུང་གི་སླ་ལས་ཅིག་ཨིན། འདི་ཡང་ སྙན་ཚིག་གི་བརྒྱན་པའི་ ཚིག་བཅད་ཀྱི་རྩོམ་རིག་དང་ བློ་ཟེ་ མཚུངས་དཔེ་ཚུ་སླབ་ཏེ་ མི་གཞན་མི་འདི་ ཧ་ལེགས་པ་དང་ ཡང་ན་ སུན་ཁག་ཁ་བཟོཝ་ཨིན་པས། བློ་ཟེ་འདི་ གཉེན་གླུ་དང་ དགྲ་གླུ་ སྐྱོ་གླུ་དང་ དགའ་གླུ་ས་ལོགས་པའི་ རྩོམ་རིག་ཅིག་ཨིནམ་ད་ འདི་ཚུ་ཡང་ མང་ཤོས་ཅིག་ རིག་རྩལ་ཅན་དང་ སྤྲོ་སྣང་ཅན་གི་ མི་ཚུ་གིས་ བརྩམས་བརྩམསམ་ཨིན་པས། བློ་ཟེ་འདི་ མི་གཉིས་དང་ ཡང་ན་ འདི་ལས་ལྷགཔ་སྦེ་ ཞིང་ལཱ་འབད་བའི་སྐབས་དང་ དལ་ཁོམ་རེ་འབྱུང་པའི་སྐབས་འགྱུར་སྲོལ་ཡོདཔ་ཨིན། ཏེ་ད་རེས་ནངས་པ་ ལམ་སྲོལ་འདི་ཉམས་ནི་ལྷོད་ཡོདཔ་ད་ ད་རེས་ནངས་པ་ སློབ་ཕྲུག་ཚུའི་བར་ན་ རིག་རྩལ་འགྲན་བསྡུར་རེ་འབད་བའི་སྐབས་དང་ གཞན་ཡང་སྤྲོ་སྟོན་ཚུ་ནང་རྐྱང་ཅིག་འགྱུརཝ་ཨིནམ་ད་ དང་ཕུག་བཟུམ་སྦེ་ ད་རེས་ནངས་པ་ གཡུས་སྒོ་ཚུ་ནང་ཡང་ གནམ་མེད་ས་མེད་ཅིག་ འགྱུར་ས་མི་མཐོང་པས།
- Dagana
- བརྟན་པོ་ཁྱོད་ཕུ་ཡས་ལུ་བཞུགས་མི་སྒོམ་ཆེན་འདི། ། ཁྱོད་ནང་ཐུགས་དམ་ག་དེ་ཡོད་རུང་། ། ཁྱོད་རྐང་དུང་སེང་སྐད་དྲག་མ་དྲག །ཟེར་ཨིན་མས་ལགས།
- བརྟན་པོ་ཁྱོད་གཡུས་ཀྱི་སྟག་ཤར་གཞོནམ། ། ཁྱོད་ང་རྒྱལ་ཕྲག་དོག་མ་ལངས། །ཟེར་ཨིན་མས། ཁྱོད་ང་རྒྱལ་ཕྲག་དོག་ལངན། ། ཁྱོད་རིན་ཆེན་སྲོག་དང་བསྒྲལ་འོང་། །ཟེར་
- བརྟན་པོ་ཁྱོད་ཁྱིམ་ཐོག་ཟུར་གི་ཨོ་ལ། ། ཁྱོད་ང་རྒྱལ་འདེ་རང་མ་ལངས། ། ཁྱོད་ང་རྒྱལ་འདེ་རང་ལངན། ། མཆོ་ཏོ་རྡོ་དང་བསྒྲལ་འོང་། །ཟེར་ཨིན་མས།
- བརྟན་པོ་ཁྱོད་གདངས་རེ་སྦུག་གི་ཡུར་ཆུ། ། སྐད་གླང་སྐད་བ་སྐད་མ་རྐྱབ། ། སྐད་གླང་སྐད་བ་སྐད་རྐྱབན། ། འབགན་བྱི་ལི་རོ་ཡང་མི་ཐེག་པས། །ཟེར་ཨིན་མས།
- བརྟན་པོ་བུམོ་ཁྱོད་དང་(བྱ་རིགས་ཕངས་ཁུ་?)འདྲ། །ཟེར་ཨིན་མས། བུམོ་ཁྱོད་དང་(བྱ་རིགས་ཕངས་ཁུ་?)འདྲ། ། སྒརཔ་ང་ཡང་ཨ་ཀུ་དོམ་དང་འདྲ། ། ཨ་ཀུ་དོམ་འོངམ་ལས། ། ཁྱོད་(བྱ་རིགས་ཕངས་ཁུ་?)ཕར་ཕུར་འབད། ། ཏེ་བསྣད་བཞག་འོང་ཟེར།
- བརྟན་པོ་ཁྱོད་གཡུས་ཀྱི་སྨན་ཆུང་བུམོ། ། བུམོ་ཁྱོད་དང་འཁན་པ་ལྕུག་གུ་འདྲ་བས། ། སྒརཔ་ང་ཡང་ར་པོད་དར་རྒྱས་ཨིན། ། ང་ར་པོད་དར་རྒྱས་འོངམ་ལས། ། ཁྱོད་འཁན་པ་ལྕུག་གུ་འདི་སྤུ་ར་(ག་ར་)ང་བཟའ་བཞག་འོང་། །ཟེར་མས།
- བརྟན་པོ་བུམོ་ཁྱོད་དང་(ཡོད་ཚི་དཔེད་ལྟག་?)འདྲ། ། སྒརཔ་ང་ཡང་(རྩི་ཀུ་རྡོ་ཏེ་?)འདྲ། ། སྒརཔ་(རྩི་ཀུ་རྡོ་ཏི་?)འོངམ་ལས། ། ཁྱོད་(ཡོད་ཚི་དཔེད་ལྟག་?)འདི་ནང་རང་བསྒྲལ་ནི། ཟེར་ཨིན་མས།
- བརྟན་པོ་ཁྱོད་པད་དཀར་སེར་པོའི་མེ་ཏོག ། ཁྱོད་(ཧིང་མི་?)ཕྱོགས་སུ་མི་སྡོད་ག ། ཁྱོད་(ཧིང་མི་?)ཕྱོགས་སུ་མ་སྡོདན། ། (ང་ཏོག་ཏོ་ལྷིཝ་རྡུང་སྟེ། ། ཚམས་རྒྱལ་བའི་གནས་ལུ་གཡིབ་བཞག་འོང་། །?)ཟེར་ཨིན་མས།
- བརྟན་པོ་བུམོ་ཁྱོད་དང་བྱི་ཙི་ཨེ་མ་འདྲ། ། སྒརཔ་ང་ཡང་(རྩི་ཀུ་རྡོ་ཏི་?)འདྲ། ། ང་(རྩི་ཀུ་རྡོ་ཏི་?)འོངམ་ལས། ། ཁྱོད་སྡོད་རྒྱུ་མེད་རུང་ཨ་ཙི་སྡོད། ། སྒརཔ་ང་ཡང་ཆང་འདོད་ཆེ་སུ་ཨིན། ། ཁྱོད་ཆང་དང་ཅིག་ཁར་ང་བཟའ་སྡོད་འོང་། །ཟེར་ཨིན་མས།
- བརྟན་པོ་བུམོ་ཁྱོད་དང་ཧོག་ཀ་གྱེན་ཐེག་འདྲ་བས། །ཟེར་ཨིན་མས་ལགས། སྒརཔ་ཆེ་ཆུང་མེད་པར་སྒོམ་ས་ཨིན། །ཟེར་ བུམོ་ཁྱོད་དང་(ཀ་ཤ་ཀོ་ཅུང་?)འདྲ། ། སྒརཔ་ཆེ་ཆུང་མེད་པར་འཕུར་ས་ཨིན། །ཟེར་ཨིན་མས་ལགས།
- བརྟན་པོ་བུམོ་ཁྱོད་དང་ཁྱི་མའི་ལྕ་མ། །(བཅུ་ཤེད་?)འདྲ་བས་ཟེར་ཨིན་མས། བྱ་ཆེ་ཆུང་མེད་པར་ཆགས་ས་མས། ། ཁྱོད་ཁོད་སྨད་ཚ་ཆུ་སྨན་ཆུ་འདྲ་བས། ། སྒརཔ་ཆེ་ཆུང་མེད་པར་སྦང་ས་ཨིན། །ཟེར་ཨིན་མས།
- བརྟན་པོ་ཆུ་མས་ཀྱི་བ་ཟམ་མཐོ་མ་དྲག ། མཇུག་ནམ་ཅིག་བྱེ་མ་སིམ་སིམ་འདྲ་བས། །ཟེར་ཨིན་མས། ཏེབ་བྱ་གནག་མོའི་འོག་ལས། ། སྐུ་གཟུགས་ཁྱོད་ར་དཀར་བས། །ཟེར་ཨིན་མས། བྱ་རིགས་(འཕང་གུའི་?)འོག་ལས། ། སྐུ་གཟུགས་ཁྱོད་ར་རིངམ་མས། །ཟེར་ཨིན་མས།
- བརྟན་པོ་ཁྱོད་ལ་གཡག་གླིང་གཞི་མར་གི་མཛོད། ། གཏོརམ་དཀར་རྒྱན་མེད་པའི་ཧའུ་རིལ་རི། ། གཏོརམ་དཀར་རྒྱན་མེད་པའི་ཧའུ་རིལ་རི། ། ང་ཞལ་ཟས་མར་གྱིས་རང་བཞེངས་ཏེ་སྡོདཔ་ཨིན། །ཟེར་ཨིན་མས་ལགས།། །།
Loading ... - Oral Traditions
- Lozey
- Dagana
- Bartsha
ཤེས་རིག་དང་ལམ་སྲོལ་གྱི་དོན་ལུ་ཕབ་བཟུང་ཞུས། ཤེས་རྒྱུན་ལས་སྡེ་ལས་གནང་བ་མེད་པར་བསྒྱུར་སྤེལ་འབད་མི་ཆོག།
For educational and cultural use only. Reproduction is strictly prohibited without permission from Shejun.