དར་དཀར་ན་རྫོང་ཁག་ ཀར་ན་རྒེད་འོག་ བར་ཚྭ་གཡུས་ཚན་ལས་ བཀྲིས་རྒྱལ་མཚན་གྱིས་ དང་ཕུགས་ལས་ཡོད་པའི་ གཞུང་སྒྲའི་གླུ་གཞས་ གླུ་གར་ཁྲམ་མོ་ཟེར་མི་འདི་འཐེནམ་ཨིན་པས། འབྲུག་གི་གཞུང་སྒྲའི་གླུ་གཞས་ ཧ་ལམ་མང་ཤོས་ཅིག་ མདངས་འཕྲོ་མཐུད་ཞིནམ་ལས་ རིངམོ་སྦེ་འབད་ཞིནམ་ལས་ ཆོས་དང་འབྲེལ་བའི་ཚིག་ཚུ་ བཙུགས་འོངམ་མ་ཚད་  གླུ་གཞས་འདི་ཚུ་རྐྱབ་པའི་སྐབས་ ཞབས་བྲོ་རྐྱབ་མི་ མི་ལྔ་དང་ཁལ་གཅིག་དེ་རེ་ གྱལ་བསྒྲིག་སྟེ་རྐྱབ་ཨིན་པས། ཁོང་གིས་ ཞབས་བྲོ་འདི་ གཟུགས་དང་ལགཔ་ཚུ་ གོ་ལེ་སྦེ་སྤར་ཐོག་ལས་ ཁོང་གི་སླ་ལས་གཅིགགིས་་ རྩིས་དཔོན་སྦེ་ཞབས་བྲོ་འདི་འཁྱིད་དོ་ཡོདཔ་ད་ རྩིས་དཔོན་འདི་ སྦུག་ལུ་སྡོད་དེ་ ཞབས་བྲོ་རྐྱབ་མི་གཞན་མི་ཚུ་གིས་ སྐད་དང་ལེའུ་འདི་ མོ་དང་འཁྲིལ་ཏེ་འབད་དགོཔ་ཨིན་པས། གླུ་གར་ཁྲ་མོ་འདི་ བླམ་དང་སློབ་དཔོན་ཚུ་ལུ་ གུས་བཏུད་ཞུ་ནིའི་དོན་ལུ་ བརྩམས་ཡོད་པའི་གླུ་གཞས་ཅིག་ཨིནམ་ད་ གླུ་གཞས་རྙིངམ་ཚུའི་གྲངས་སུ་ལས་ཅིག་ཨིནམ་ལས་ རྩམ་པ་པོ་དང་ འབྱུང་ཁུངས་འདི་ཤེས་མི་ཚུགས་པས།