༉  བཀྲ་ཤིས་སྒང་རྫོང་ཁག་ ཕོངས་མེད་རྒེད་འོག་ གཡུས་ཕིམ་སོང་ལས་པདྨ་ལྷ་སྒྲོན་གྱིས་ གླུ་གཞས་ཨ་འུ་ས་ལས་ཨ་འུ་ཟེར་མི་འདི་འཐེན་ནུག གླུ་གཞས་འདི་གི་འབྱུང་ཁུངས་དང་བྱུང་རབས་ བརྩམ་པ་པོ་ཚུ་ངོས་འཛིན་འབད་མ་ཚུགས་རུང་ གླུ་གཞས་འདི་ ཁོང་ར་གི་མི་རྒན་ཤོས་ཚུ་ལས་བརྒྱུད་དེ་འོང་ནུག གླུ་གཞས་འདི་ད་ལྟོ་ཚུན་ཚོད་ སྒྲ་པར་བཟུང་སྟེ་མེདཔ་མ་ཚད་ ཡིག་ཐོག་ནང་ཡང་མེདཔ་ཨིན་པས། པདྨ་ལྷ་སྒྲོན་གྱིས་བཤད་མི་ནང་ ད་རེས་ནངས་པའི་ན་གཞོན་ཚུ་གིས་ དང་ཕུ་གི་གླུ་གཞས་འཐེན་ནི་ལུ་སྤྲོ་བ་མི་ལེན་པས་ཟེར་ བཤད་དོ་ཡོདཔ་ད་ གླུ་གཞས་འདི་འཐེན་ཚརཝ་ཅིག་ མདའ་རྐྱབ་པའི་སྐབས་ལུ་གནང་སྨེ་ ཟེར་སླབ་ཨིན་མས། མོ་གིས་བཤད་དོ་བཟུམ་སྦེ་ར་ གཞོན་པའི་མདའ་མོ་མི་བཏང་མདའ་མོ་ཅིག་བཏང་ཡོད། །གཞོན་པའི་མདའ་མོ་བཏང་ན་ཤར་གྱི་ཕྱོགས་ལ་བཏང་ཡོད། །ཤར་ན་རྡོ་རྗེ་སེམས་དཔའ་མདའ་མོ་ང་ལ་གསོན་དང་། །གཡས་འདི་ལ་དཔའ་བོ་གེ་སར་རྒྱལ་པོ། །གཡོན་འདི་ལ་དཔའ་མོ་ཤེས་ལྕམ་སྒྲོལ་མ་ཟེར་ མདའ་རྐྱབ་མི་རང་འདི་ གེ་སར་རྒྱལ་པོ་ཨིནམ་སྦེ་མནོ་དགོ་ནི་ཨིན་མས།