05 Jan 2016
2 min 20 sec
Video Overview
Creators:
Tibetan & Himalayan Library, Dudul Dorjee
This is a video of Tsethar Bum from Yonru Village in Chentsa singing "Before Your Youth Is Wasted." This song is part of a collection of folk songs from the Rebgong cultural area.
འདི་ནི་བསླབ་བྱའི་རང་བཞིན་ལྡན་པའི་དམངས་གླུ་ཞིག་སྟེ། མདོ་སྨད་ཕྱོགས་སུ་རྒྱུགས་ཆེའོ། །
གླུ་འདིའི་ནང་དོན་ལ་ཅུང་བསླབ་བྱའི་རང་བཞིན་ལྡན་པ་དང་བོད་མིའི་མི་ཚེའི་རིན་ཐང་ལྟ་ཚུལ་ཡང་མངོན་ཡོད། ཐོག་མར་མིག་གི་གཟི་མདངས་མ་ཤོར་གོང་ཡུལ་སྣ་ཚོགས་ལ་བལྟ་དགོས་པ་དང་། བར་དུ་ལུས་ལང་ཚོ་དར་དུས་སུ་གོས་ཡག་བཙོག་སྣ་ཚོགས་གོན་དགོས་པ། མཐའ་མར་སོ་སུམ་ཅུའི་ཕྲེང་བ་མ་འཐོར་གོང་ཟས་གང་ཞིམ་བཟའ་དགོས་པ་བསྟན་ཡོད་པ་དང་། མདོར་ན། ལོ་ཆུང་དུས་སུ་སྐྱིད་ལ་རོལ་དགོས་པ་དང་། རྒས་དུས་རོལ་འདོད་ཀྱང་ལུས་ཀྱིས་མི་ལྕོགས་པ་བསྟན་ཡོད་དོ། །
- ༼ཡེ་་་་་དུང་ལོ་ལོ་་་་ཡ་རེ་ལེན་་་་ཞང་ཡ་རེ་ཟེར་ར་གླུ་ཞིག་ལེན།༽
- མིག་ཁྲ་རིལ་གཟི་མདངས༼དུང་ལོ་ལོ༽མ་ཤོར་གོང་། །
- ཐག་རིང་ཐུང་གཉིས་ལ༼དུང་ལོ་ལོ༽ལྟ་བཞིན་སྡོད། །
- མིག་ཁྲ་རིལ་གཟི་མདངས༼དུང་ལོ་ལོ༽ཤོར་སོང་ན། །
- ལྟ་འདོད་ཀྱང་ཐག་རིང༼དུང་ལོ་ལོ༽རིག་རབས་མེད། །
- ༼ཡེ་་་་དུང་ལོ་ལོ་་་་ཡ་རེ་ལེན་་་་ཞང་ཡ་རེ་ཟེར་ར་གླུ་ཞིག་ལེན།༽
- ལུས་ཕྲ་མོ་ཨ་ལུང༼དུང་ལོ་ལོ༽མ་རྒས་གོང་། །
- གོས་ཡག་བཙོག་གཉིས་ཀ༼དུང་ལོ་ལོ༽གྱོན་གྱིན་སྡོད། །
- ལུས་ཕྲ་མོ་ཨ་ལུང་༼དུང་ལོ་ལོ༽སྒུར་སོང་ན། །
- གོན་འདོད་ཀྱང་གོས་འདི༼དུང་ལོ་ལོ༽གོན་རབས་མེད། །
- ༼ཡེ་་་་དུང་ལོ་ལོ་་་་ཡ་རེ་ལེན་་་་ཞང་ཡ་རེ་ཟེར་ར་གླུ་ཞིག་ལེན།༽
- སོ་སུམ་ཅུའི་ཕྲེང་བ༼དུང་ལོ་ལོ༽མ་འཐོར་གོང་། །
- ཟས་ཞིམ་པོ་ཡོད་ན༼དུང་ལོ་ལོ༽ཟ་བཞིན་སྡོད། །
- སོ་སུམ་ཅུའི་ཕྲེང་བ༼དུང་ལོ་ལོ༽འཐོར་སོང་ན། །
- ཟས་ཞིམ་པོ་ཡོད་ཀྱང༼དུང་ལོ་ལོ༽ཟ་རབས་མེད། །