Video Overview
འདི་ནི་བུ་ཞིག་འདྲེ་ཡིས་བཟུང་བར་བ་མོས་སྲོག་བསྐྱབས་ཤིང་ལོངས་སྤྱོད་གནང་བའི་གཏམ་རྒྱུད་ཅིག་ཡིན།
གཏམ་རྒྱུད་འདིའི་ནང་དུ་མིང་སྲིང་གཉིས་ཡོད་པར་མིང་པོས་རྟ་དག་ཁ་དོག་ཇི་བཞིན་ཆུ་ལྡུད་པ་ན་སྲིང་མོས་དེ་དག་གོ་རིམ་འཆོལ་དུ་བཅུག་པས་འདྲེ་མོས་སྲིང་མོ་བཟུང་། སྲིང་མོའི་ཚབ་ཏུ་མིང་པོ་བཟུང་། མིང་པོ་འདྲེ་མོས་ཟ་བའི་དུས་ཆད་བཞག་ཡོད་པའི་སྐབས་སུ་བ་གླང་ཞིག་ལ་ཕྲད་ཅིང་། བ་གླང་གིས་མིང་པོ་སྐྱོབ་ཏུ་འོངས་ཞེས་པ་བཞིན་བ་གླང་ལ་ཞོན་ནས་བྲོས་ཤིང་། འདྲེ་མོས་བདའ་སྐབས་ལག་ནས་དངོས་པོ་ཆུང་ཆུང་འགའ་ཕྱིར་གཡུག་ནས་དེ་དག་རི་ཆུ་ནགས་སོགས་ཡུལ་ལྗོངས་ཆེན་པོར་གྱུར་ཏེ་ཁོང་གཉིས་ཐར། བ་གླང་གིས་རང་སྲོག་བློས་བཏང་བའི་ཡན་ལག་ལས་བུ་ལ་ལོངས་སྤྱོད་དང་ཆུང་མ་སོགས་ཐོབ།
这是一则关于一个男孩被魔鬼捉去后,被黄牛救出并赐予财富的故事。
这个故事主要讲述了一户人家有两个兄妹。哥哥按照马的颜色为它们饮水,妹妹因打乱了马的顺序而被魔女捉去。哥哥代替妹妹让魔女抓他。哥哥在被魔女吃掉之前遇见了一头奶牛,奶牛答应救他出去。于是,哥哥骑着奶牛逃跑。魔女在追赶的时候,哥哥扔掉手里的小东西变成了山水河流阻断了魔女的来路,他和奶牛成功逃脱了魔女的追赶。最终,奶牛献出了自己的躯体,为男孩带来了财富及妻子。
The story of a boy being stolen by a demon and rescued by a cow, who gives him wealth with her sacrifice.
- དཀོན་མཆོག་སྐྱིད།གནའ་ཞིག་ལ།
- མིང་སྲིང་གཉིས་ཡོད།
- དེ་གཉིས་ལ་རྟ་མང་པོ་ཞིག་ཡོད།
- རྟ་མང་བས་བུ་དེས་ཚེ་གང་བོར་ཆུ་མགོ་ཞིག་གི་མགོར་དེད་ནས།
- རྟ་དཀར་པོ་དཀར་པོ་དང་།
- རྐྱང་རྐྱང་རྐྱང་རྐྱང་དང་།
- ཁྲ་ཁྲ་ཁྲ་ཁྲ་དང་།
- ཁམ་ཁམ་ཁམ་ཁམ་དང་།
- ངམ་ངམ་ངམ་ངམ་བྱས་ནས་ཁ་དོག་བཀར་ནས་ཆུ་བླུད།
- ཆུ་མགོ་དེ་ལས་ཆུ་མེད།
- དེ་ནས་ཉིན་ཞིག་ལ་ཁོ་ཡི་ཨ་ཅེ་ཡིས།
- དེ་རིང་མོ་རྟ་ལ་ཆུ་ལྡུད་དུ་འགྲོ་རྒྱུ་ཟེར།
- ཁྱོད་ཀྱིས་ཆུ་ལྡུད་ཤེས་ནི་མ་རེད།
- རྟ་རྐྱང་རྐྱང་རྐྱང་རྐྱང་བགར་དགོས་ནི་རེད།
- ཁྲ་ཁྲ་ཁྲ་ཁྲ་བྱས་ནས།
- ནག་ནག་ནག་ནག་བྱས་ནས།
- དཀར་པོ་དཀར་པོ་བྱས་ནས།
- དེ་ལྟར་བསྡད་ནས་ཁ་དོག་བཀར་ནས།
- ངམ་ངམ་ངམ་ངམ་བྱས་ནས་བཀར་དགོས་ནི་རེད།
- དེ་ལྟར་བཀར་ནས།
- ཆུ་ལྡུད་ས་རེ་རེ་ཡོད་ནི་རེད།
- ཁྱོད་ཀྱིས་ལྡུད་ཤེས་པ་མ་རེད་ཟེར།
- ཁྱོད་འགྲོ་མི་དགོས་ཞེས་བཤད་རུང་མོ་ལ་བཀོད་པ་མེད་པ་རེད།
- དེ་ནས་ཁྱོད་དེ་ལྟར་འགྲོ་ན།
- ཁྱོད་ཀྱིས་དེ་ལྟར་དགར་ཐུབ་བམ་ཟེར་དུས་ཐུབ་ཟེར།
- དེ་ན་ཆུ་མགོ་ཡི་མགོ་ན་རྡོ་ལེབ་ཅིག་ཡོད།
- ཁྱོད་ཀྱིས་དེ་ཁ་མ་ཕྱེ་ཟེར།
- ཡ་ཡ་མི་ཕྱེ་ཟེར།
- ཨ་ཅེ་ཁྱོད་ཀྱིས་དེ་ཁ་མ་ཕྱེ་ཟེར།
- ཡ་ཡ་མི་ཕྱེ་ཟེར།
- ཁོ་ཡིས་ཐེངས་གསུམ་ལ་བཤད།
- ཡ་ཡ་ཟེར།
- དེ་ནས་མོ་ཡིས་རྟ་དགར་མ་ཤེས་བར།
- དགར་མ་ཐུབ་པར་ཆུ་ཁར་བརྒྱབ་ནས་ཆུ་འཐུང་དུ་བཅུག
- མོ་སོང་ནས་རྡོ་ལེབ་ཏེ་ཕྱེ།
- དེ་ན་ཅི་ཞིག་ཡོད་འདོད་ནས་ཕྱེ།
- མོ་སྲིན་མོ་ཞིག་གིས་བཟུང་བ་རེད།
- ནུ་མ་ཕྱེད་ཀ་ཐང་ལ་དྲུད་ནས།
- ནུ་མ་ཕྱེད་ཀ་ཕྲག་ལ་འཕངས་བ་ཞིག་གིས་མོའི་ལག་མགོ་ཡིས་བཟུང་ནས།
- ཁྱོད་ཐོན་ན་བཟང་བ་རེད།
- ངས་ཁྱོད་ཟ་རྒྱུ་ཟེར།
- ཁྱོད་ཀྱིས་མོ་མ་ཟ་དང་ངས་ཁྱོད་ནུ་བོ་སྟེར་ཟེར།
- ཁྱོད་ཀྱིས་ཅི་ལྟར་མོ་ལ་སྟེར་རྒྱུ་ཟེར།
- སང་ཉིན་ངེད་ཚང་གི་རི་འགུལ་བ་ཡིན།
- ཁོང་གཉིས་ཀྱིས་རི་འགུལ་དུས།
- མོས་མདའ་གཞུ་བསྐྱུར་ནས་ཡོང་ན།
- དེའི་རྗེས་ལ་ཡོང་བ་རེད།
- ཁྱོད་ཀྱིས་དེ་དུས་བཟུང་ན་ཆོག་པ་རེད།
- ཡ་ཟེར་བ་རེད།
- དེ་ནས་མོ་ཕྱིར་ཡོང་ནས།
- ཨ་ཅེ་ཁྱོད་ཀྱིས་རྟ་དེ་ལྟར་བཀར་རམ་ཟེར།
- བཀར་ཟེར།
- དེ་ནས་ཁྱོད་ཀྱིས་རྡོ་ལེབ་དེ་མ་ཕྱེའམ།
- མ་ཕྱེ་ཟེར།
- དེ་ནས་སང་ཉིན་ངེད་གཉིས་ཀྱིས་རི་འགུལ་ཟེར།
- གཉིས་ཀས་རི་བཀལ་བ་རེད།
- དེ་ནས་ཁོ་ཡིས་ཨ་ཅེ་ཁྱོད་ཀྱིས་ངའི་མདའ་གཞུ་གཉིས་ཀ་བསྡུ་དགོས་ཟེར།
- ཡ་ཡ་ཟེར།
- ཅུང་ཙམ་འགོར་ནས།
- དེ་ནས་ཨ་ཅེ་ཁྱོད་ཀྱིས་ངའི་མདའ་གཞུ་གཉིས་ཀ་བསྡུ་དགོས་ཟེར།
- ཡ་ཡ་ཟེར།
- དེ་ནས་ཅུང་ཙམ་འགོར་ནས།
- ཨ་ཅེ་ཁྱོད་ཀྱིས་ངའི་མདའ་གཞུ་གཉིས་ཀ་བསྡུ་དགོས་ཟེར།
- ཡ་ཡ་ཟེར་ནས་ཁོ་ཡིས་ཐེངས་གསུམ་ལ་བཤད།
- ཡ་ཡ་ཟེར་ཚུལ་བྱས་ནས་མོ་ཡིས་བསྐྱུར་དང་།
- དེ་ནས་ཕ་རོལ་ལ་སོང་ནས།
- ཨ་ཧ་བོ་ངས་ཁྱོད་ཀྱི་མདའ་གཞུ་གཉིས་ཀ་བརྗེད་སོང་ཟེར།
- ཨ་ཧ་བོ་ངས་ཁྱོད་མདའ་གཞུ་གཉིས་མ་བསྐྱུར་ཞེས།
- ངས་ཁྱོད་ཅི་འདྲ་བཤད་པ་ལ།
- ད་ལྟ་ང་རྗེས་ལ་འགྲོ་དགོས་ཟེར་ནས་ཕྱིར་སོང་དུས།
- སླ་ང་མགོ་ན་རིས་ཐོ་ཞིག་བཞག་ཡོད།
- མདའ་གཞུ་གཉིས་ཐོམ་མགོར་བཏགས་ཡོད།
- དེ་ནས་ཁྱིམ་ན་རྒན་མོ་ཞིག་བསྡད་ཡོད།
- ཨ་ཅེ་ཁྱོད་ཀྱིས་ང་ལ་མདའ་གཞུ་དེ་གཉིས་བྱིན་ཟེར།
- ཁྱོད་དལ་ན་བཀོག་འཚབ་ན་ཆོད་ལ་སོང་ཟེར།
- ཁོ་འཚབ་ཟེར་ནས་བཅད་ནས་བྲོས་སོང་།
- མཚམས་དེར་འདྲེ་མོ་དེས།
- སྲིན་མོ་དེས་གུ་ལུ་རྒྱུགས་སྟག་མ་རྒྱུགས་ཞེས།
- རྒྱུགས་ནས་རྟ་ཡི་རྐང་བ་གཉིས་བཅད།
- དེ་ནས་ཁོག་སྨད་བཅད་ནས་རྟ་བསད་ནས།
- ཁོ་བཟུང་སྟེ་ཕྱིར་ཁྱེར་སོང་།
- དེ་ནས་ཨ་རོད་བུ་ཆུང་སོང་ནས་ཁྱ་མ་ཐུས།
- དོ་དགོང་ཁྱོད་ཀྱི་རྟའི་ཤ་ཟ།
- སང་ཉིན་ཁྱོད་ཀྱི་ཤ་ཟ་ཟེར།
- དེ་ནས་ཁོ་ནགས་གསེང་ལ་ངུ་བཞིན་སོང་སྟེ་ཁྱ་མ་བཏུས་ནས་བསྡད་དུས།
- ཡུ་མོ་ཞིག་དང་འཕྲད།
- ཡུ་མོ་དེས་ཨ་རོད་བུ་ཆུང་ཁྱོད་ཅི་ཞིག་ལ་ངུ་བ་ཡིན་ཟེར།
- ཁོར་ཨ་ཅེ་བསམ་ནག་མ་ཞིག་ཡོད་པ་རེད།
- ཁོའི་མདའ་གཞུ་གཉིས་ཀ་མཚེར་ནས་བསྐྱུར་ཏེ།
- ཁོ་སྲིན་མོས་བཟུང་བ་རེད།
- དོ་དགོང་ཁོའི་རྟ་ཡི་ཤ་ཟ་རྒྱུ་རེད།
- སང་ཉིན་ཁོའི་ཤ་ཟ་རྒྱུ་ཟེར།
- དེ་བས་ང་ངུ་བ་ཡིན་ཟེར།
- ཁྱོད་ངུ་མི་དགོས།
- ཁྱོད་ཀྱིས་ཁྱ་མ་བཏུས་ནས་ཡུལ་ལ་སོང་།
- དགོང་མོ་ང་ཡོང་།
- དེ་དུས་ཨ་ར་བུ་ཆུང་གན་ལ་རྒྱོབ་ཟེར་ནི་རེད།
- དེ་དུས་ཁྱོད་མོ་ལ་ཞོན་ན།
- ངེད་གཉིས་བྲོས་ན་ཤོར་འགྲོ་བ་རེད་ཟེར།
- དེ་ནས་ཡ་ཡ་ཟེར་ནས་ཁོ་མ་ངུས་པར།
- ཁྱ་མ་འཁུར་ནས་ཕྱིར་སོང་།
- དགོང་མོ་སྲིན་མོས་རྟ་ཤ་ཟོས་ནས་གཉིད་སོང་།
- དེ་ནས་གཉིད་དུས་ཡུ་མོ་དེ་ཡོང་བ་ཤེས་དུས།
- ཨ་རོད་བུ་ཆུང་གན་ལ་སོང་ནས་རྒྱོབ་ཟེར།
- དེ་ནས་རྒྱག་ཚུལ་བྱས་ནས་ཞོན་ནས་བྲོས་སོང་།
- གུ་ལུ་རྒྱུགས་སྟག་མ་རྒྱུགས་ཟེར།
- སྔོན་ལ་ཡུ་མོ་དེའི་རྐང་པ་གཉིས་བཅད་ནས།
- དེ་ནས་ཡུ་མོ་དེའི་ཁོག་སྨད་བཅད་ནས།
- ཡུ་མོ་བསད་ནས་ཁོ་བཟུང་སྟེ་ཕྱིར་ཁྱེར་ནས་བུད་སོང་།
- ཕྱིའི་ནངས་མོར་ནམ་ལངས་དུས་ཨ་རོད་བུ་ཆུང་སོང་ནས་ཁྱ་མ་ཐུས།
- དགོང་མོ་ཡུ་མོའི་ཤ་ཟ།
- སང་ཉིན་དགོང་མོ་ཁྱོད་ཀྱིས་ཤ་ཟ་ཟེར།
- དེ་ནས་ཁོ་ངུ་ཞོར་དུ་སོང་ནས་ཁྱ་མ་བཏུས།
- དེ་ནས་རི་བོང་ཞིག་ཐོན་བྱུང་།
- རི་བོང་དེ་ཐོན་ནས།
- ཨ་རོད་བུ་ཆུང་ཁྱོད་ཅི་ཞིག་ལ་ངུ་བ་ཡིན་ཟེར།
- ཁོར་ཨ་ཅེ་བསམ་ནག་མ་ཞིག་ཡོད་པ་རེད།
- ཁོ་གཉིས་ཀྱིས་རི་འགུལ་དུས་ཁོའི་མདའ་གཞུ་བསྐྱུར་ནས།
- ཁོ་སྲིན་མོས་བཟུང་བ་རེད།
- ཁ་སང་དགོང་མོ་རྟ་ཤ་ཟོས་པ་རེད།
- དོ་དགོང་ཡུ་མོའི་ཤ་ཟ་རྒྱུ་ཟེར།
- སང་ཉིན་དགོང་མོ་ང་ལ་ཁྱོད་ཀྱི་ཤ་ཟ་རྒྱུ་ཟེར།
- ཁོ་སང་ཉིན་དགོང་མོ་ཟོས་འཇོག་ནི་རེད།
- ཁོ་དེ་བས་ངུ་བ་ཡིན།
- ཁྱོད་ངུ་མི་དགོས།
- ཁྱོད་ཀྱིས་ཁྱ་མ་འཁུར་ནས་ཡུལ་ལ་སོང་།
- དགོང་མོ་ང་ཡོང་ནས་སྲིན་མོ་ལ་སྟོབས་འཁྲུག་བྱེད།
- ཨ་རོད་བུ་ཆུང་གན་ལ་རྒྱོབ་ཟེར་ངེས།
- དེ་ནས་ཁྱོད་ང་ལ་ཞོན་ན་ངེད་གཉིས་བྲོས་ན་ཤོར་འགྲོ་ཟེར།
- ཡ་ཡ་ཟེར་ནས་ཁོ་མ་ངུས་པར།
- ཁྱ་མ་འཁུར་ནས་ཕྱིར་ཡོང་ནས་བསྡད།
- ཡང་དགོང་མོར་མོ་ཡིས་ཡུ་མོའི་ཤ་ཟོས།
- ཁོ་ཁ་རོག་གེར་བསྡད།
- དེ་ནས་ཁོ་གཉིས་གཉིད་སོང་།
- གཉིད་ནས་རི་བོང་ཡོང་ནས་སྟོབས་འཁྲུག་བྱས།
- ཨ་རོད་བུ་ཆུང་གན་ན་རྒྱོབ་ཟེར།
- དེ་ནས་ཁོ་རི་བོང་ལ་ཞོན་ཏེ་གཉིས་ཀ་བྲོས།
- ཡང་གུ་ལུ་རྒྱུགས་སྟག་མ་རྒྱུགས་ཟེར།
- སྔོན་ལ་རི་བོང་དེའི་རྐང་པ་གཉིས་ཀ་བཅད།
- དེ་ནས་རི་བོང་དེའི་ཁོག་སྨད་བཅད།
- རི་བོང་བསད་ནས་ཁོ་ཁྱེར་ཏེ་ཕྱིར་བུད་སོང་།
- དེ་ནས་ཕྱིའི་ནངས་མོར་ནམ་ལངས་དུས།
- ཨ་རོད་བུ་ཆུང་སོང་ནས་ཁྱ་མ་ཐུས་ཟེར།
- དོ་དགོང་རི་བོང་གི་ཤ་ཟ།
- སང་ཉིན་དགོང་མོ་ཁྱོད་ཀྱི་ཤ་ཟ་ཟེར།
- ཡང་ཁོ་ནགས་གསེང་ལ་སོང་ནས།
- ངུ་ཞོར་དུ་ཁྱ་མ་བཏུས་ནས་བསྡད་པས།
- བ་མོ་ཁྲ་ཁྲ་ཞིག་ཐོན།
- བ་མོ་ཁྲ་ཁྲ་དེས་ཁྱོད་ཅི་ཞིག་ལ་ངུ་བ་ཡིན་ཟེར།
- ཁོ་ལ་ཨ་ཅེ་བསམ་ནག་མ་ཞིག་ཡོད།
- ཁོའི་མདའ་གཞུ་ཤུལ་ནས་བསྐྱུར་བས།
- ཁོ་སྲིན་མོ་ཡིས་བཟུང་བ་རེད།
- ཁེ་དགོང་མོ་རྟ་ཡི་ཤ་ཟོས་པ་རེད།
- མདང་དགོང་ཡུ་མོའི་ཤ་ཟོས་པ་རེད།
- ཁེ་དགོང་མོ་རྟ་ཡི་ཤ་ཟོས་པ་རེད།
- མདང་དགོང་ཡུ་མོའི་ཤ་ཟོས་པ་རེད།
- དོ་དགོང་རི་བོང་གི་ཤ་ཟ་རྒྱུ་ཟེར།
- སང་ཉིན་དགོང་མོ་ང་ལ་ཁྱོད་ཀྱི་ཤ་ཟ་རྒྱུ་ཟེར།
- ཁོ་དེ་བས་ངུ་བ་ཡིན་ཟེར།
- དོ་དགོང་མོ་ཡོང་།
- སྲིན་མོ་ཡི་རི་ཐོ་དཀྲུག
- དེ་ནས་ཁྱོད་མོ་ལ་ཞོན་ནས།
- ངེད་གཉིས་བྲོས་ན་ཤོར་འགྲོ་ཟེར།
- མི་དགོས་ཏེ་རྟ་ཞོན་ནས་བྲོས་པས་རྟ་བསད་པ་རེད།
- ཡུ་མོར་ཞོན་ནས་བྲོས་པས་ཡུ་མོ་བསད་པ་རེད།
- རི་བོང་ལ་ཞོན་ནས་བྲོས་པས་རི་བོང་བསད་པ་རེད།
- ཁྱོད་བ་མོ་ཞིག་རྒྱུགས་རྒྱུ་ཅི་ཞིག་ཡོད་ལ།
- མི་དགོས་ཏེ་ཁྱོད་ཀྱང་བསད་བཏང་ན།
- ཁོ་ཟ་ན་ཟ་རུ་བཅུག་ཟེར་ནས།
- དེ་སྐྱོན་ཡོད་པ་མ་རེད།
- ཁྱོད་ཡུལ་ལ་ཕྱིར་སོང་ན།
- གྲོད་པུ་དེ་ལ་ཁབ་གཙག་བརྒྱ་དང་འབིགས་གཙག་བརྒྱ་བྱོས།
- དེ་ལྟར་བྱས་ན་མོ་ཆུ་ལ་འགྲོ་ནི་རེད།
- དེའི་ཤུལ་ནས་ཁྱོད་ཀྱིས་མོའི་སྟན་འོག་ལ་ལྟོས་དང་།
- གསེར་གྱི་རྟགས་མ་ཞིག་དང་དངུལ་གྱི་རྟགས་མ་ཞིག་ཡོད།
- དེ་གཉིས་མྱུར་དུ་ཁྱོད་ཀྱིས་ཞུས།
- ཁྱོད་ཀྱི་རོ་སྟོད་ཅུང་སྲ་མོ་ཡིན་ན་འདྲ།
- དེ་ལྟར་བྱས་ན་གུ་ལུ་རྒྱུགས་སྟག་མ་རྒྱུགས་ཟེར་ན།
- རྒྱུགས་ནི་ཡོད་པ་མ་རེད།
- དེ་དུས་ཁྱོད་མོ་ལ་ཞོན་ནས་ངེད་གཉིས་བྲོས་ན་ཤོར་འགྲོ་བ་རེད།
- དེ་ནས་ཡ་ཡ་ཟེར་ནས་མ་ངུས་པར་ཕྱིར་ཡོང་།
- མྱུར་དུ་གྲོད་པུ་དེ་ལ་ཁབ་གཙག་བརྒྱ་དང་འབིགས་གཙག་བརྒྱ་བྱས།
- སྲིན་མོ་དེ་ཆུ་ལ་སོང་།
- སྲིན་མོ་དེ་ཆུ་ལ་སོང་ནས།
- མོ་ཡིས་གྲོ་ཐོ་བཏགས་ནས་ཐུམ་ལོ་བརྒྱབ་ནས།
- ཐུམ་ལོ་བརྒྱ་དང་བརྒྱད་བྱས་ནས།
- མོས་དེ་ནས་ཆུ་འཁུར་ནས་ཡོང་།
- ཁོས་མྱུར་དུ་ཤུལ་ནས་སྟན་འོག་ལ་བལྟས།
- གསེར་གྱི་རྟགས་མ་དང་དངུལ་གྱི་རྟགས་མ་ཞིག་ཡོད།
- དེ་གཉིས་མྱུར་དུ་བཞུས་ནས་སྣེ་ཐོ་གཉིས་ཀྱི་ནང་དུ་བླུགས་ནས།
- རོ་སྟོད་དཀྱིལ་དུ་སྲ་མོ་ཞིག་བཏགས་ནས་ཁོ་བསྡད།
- དེ་ནས་དགོང་མོ་ཡང་རི་བོང་གི་ཤ་ཟོས་ནས་མོ་དེ་ལྟར་བསྡད།
- དེ་ནས་གཉིད་སོང་།
- དེ་ནས་བ་མོ་ཡོང་དུས་མོ་འཁྲུགས་ནས།
- ཨ་རོད་བུ་བུ་ཆུང་སོང་ནས་གན་ལ་རྒྱོབ་ཟེར།
- དེ་ནས་ཁོས་རྡེག་ཚུལ་བྱས་ཏེ་བ་མོ་ལ་ཞོན་ནས་གཉིས་ཀ་བྲོས།
- གུ་ལུ་རྒྱུགས་སྟག་མ་རྒྱུགས་ཟེར་ནས་རྒྱུགས་རྒྱུ་མེད་པ་རེད།
- དེ་ནས་མོའི་ནུ་མ་ཕྱེད་ཀ་ས་ལ་དྲུད་ནས།
- ནུ་མ་ཕྱེད་ཀ་ཕྲག་ལ་འཕངས་ནས་བདའ་བ་རེད།
- དེད་ནས་རྗེས་ཆོད་ལ་ཉེ་དུས།
- བ་མོ་དེས་ཨ་རོད་ཁྱོད་ཀྱི་རོ་སྟོད་དཀྱིལ་ན་ཡོད་པ་དེ་གཅིག་བཅད་ནས།
- ས་གཏོར་དང་གནམ་གཏོར་བྱོས་ཟེར།
- དེ་ནས་མྱུར་དུ་གསེར་སྣེ་ཐོ་གང་བོ་ས་འཕེན་གནམ་འཕེན་བྱས།
- དེ་ནས་ཡང་སྲིན་མོ་དེ་རྐང་སྡུག་དང་།
- བྱ་བྱེའུ་འབའ་འབུ་ལ་སོགས་པར་འཐུ་རོགས་བྱོས།
- དེ་ནས་ཚང་མས་འཐུ་རོགས་བྱས།
- དེའི་རིང་ལ་ཁོ་གཉིས་ཡུན་རིང་ཞིག་ལ་ཤོར་སོང་།
- དེ་ནས་ཡང་སྲིན་མོ་དེ་རྗེས་ཆོད་ལ་ཉེ་དུས།
- ཨ་རོད་ཁྱོད་ཀྱི་རོ་སྟོད་དཀྱིལ་ན་གཅིག་ཡོད་པ་དེ།
- ས་འཕེན་གནམ་འཕེན་བྱོས།
- དངུལ་སྣེ་ཐོ་གང་བོ།
- དངུལ་སྣེ་ཐོ་གང་བོ་ས་གཏོར་དང་གནམ་གཏོར་བྱས།
- ཡང་སྲིན་མོ་དེས་རྐང་སྡུག་དང་།
- བྱ་བྱེའུ་འབའ་འབུ་ལ་སོགས་པར་བཙན་གྱིས་འཐུ་རོགས་བྱོས་ཟེར།
- ཚང་མར་འཐུ་རོགས་བྱེད་དུ་བཅུག
- ཡང་གཉིས་ཀ་དེའི་རིང་ལ་ཕ་རོལ་ཞིག་ལ་ཤོར་སོང་།
- དེ་ནས་ཡང་བདའ་ནས་རྗེས་ཆོད་ལ་ཉེ་དུས།
- བ་མོ་དེ་སྐུ་ལུས་ཕྱིའི་རྒྱ་མཚོའི་ནང་དུ་ལྡིང་།
- ཕྱིའི་རྒྱ་མཚོའི་ནང་དུ་ལྡིང་དུས་རྔ་མའི་བཟུང་བ་རེད།
- རྔ་མའི་བཟུང་ནས་བ་མོ་དེས་རྔ་རྒྱང་ཞིག་བྱས་པས།
- སྲིན་མོ་དེའི་མིག་གཉིས་ཕུད་པ་རེད།
- དེ་ནས་ཁོ་གཉིས་ཤོར་བ་རེད།
- དེ་ནས་ཕྱིའི་རྒྱ་མཚོ་ཕ་རོལ་ལ་བུད་ནས།
- བ་མོ་དེས་ད་ལྟ་ཁྱོད་སྐྲག་དགོས་པ་མ་རེད།
- ཁྱོད་ཀྱིས་མོ་བཤོས་ཟེར།
- བཤས་ནས་ཤ་གྲུ་བཞི་བྱས་ནས་བརྩིག་ནས།
- དོན་སྙིང་ཐམས་ཅད་ལ་གྲིམ་ཤོར་དུ་མ་འཇུག
- སྤུ་བཏོག་ནས།
- སྤུ་དཀར་པོ་དཀར་པོ་གཅོད་པ་དང་།
- ནག་པོ་ནག་པོ་བཅད་ནས།
- དམར་པོ་དམར་པོ་བཅད་ནས།
- ཁྱོད་ཀྱིས་ཉག་མ་དེ་ཡ་ལག་ལ་བཞག
- ཁྱོད་ཀྱིས་མཁལ་མ་གཉིས་ཡར་མར་གཉིས་ལ་བཞག
- དེ་ལྟར་བྱས་ནས།
- སྨོན་ལམ་ཞིག་བཏབ་ནས་གཉིད་ཟེར།
- སད་ན་ཁྱོད་ལ་བལྟ་རྒྱུ་ཞིག་ཡོད།
- དེ་མི་དགོས།
- ཁོའི་སྲོག་སྐྱོབ་ཀྱི་དྲིན་ཅན།
- ཁོས་གསོད་མི་ཐུབ་ཟེར་ནས་མ་བཤས་པ་རེད།
- དེ་ནས་མོ་འཕག་འཚག་ཅིག་བརྒྱབ་ནས་ཤི་སོང་།
- དེ་ནས་ཁོ་སྙིང་འཕར་ནས་བ་མོ་ཡི་རེ་བ་ལྟར་དུ།
- ཤ་གྲུ་བཞི་བྱས་ནས་བརྩིག་པ་དང་།
- བ་མོའི་ཐོག་གི་སྤུ་དཀར་པོ་བཏོག་ནས་ས་ཆར་གཏོར་བ་དང་།
- ནག་པོ་ནག་པོ་གཏོར་བ་དང་།
- དམར་པོ་དམར་པོ་གཏོར་བ་དང་།
- མཁལ་མ་གཉིས་ཀ་ཡར་མར་གཉིས་ལ་བཞག་ནས།
- ཉག་མ་དེ་ཡ་ལག་ལ་བཞག་ནས།
- ཉག་མ་དེའི་སྣེ་མོ་ཏག་ཏག་ཁོས་ལེན་དུས་ཤོར་སོང་།
- དེ་ནས་ཁོས་སྨོན་ལམ་ཞིག་བཏབ་ནས་གཉིད་སོང་།
- གཉིད་ནས་སད་དུས་ར་རྒན་ནག་ལྡང་ཞིག་གིས།
- ཁྱིམ་གཞི་བརྩིགས་ནས།
- ཨ་ཡེ་ཡག་པོ་ཞིག་གིས་ཇ་བསྐོལ་ནས་ལས་ཀ་ལས་བཞིན་ཡོད།
- སྟག་ཁྱི་གཟིག་ཁྱི་གཉིས་ཡར་མར་གཉིས་ན་བསྡད་ཡོད།
- སྒོར་བུད་ནས་ཡར་ལྟ་མར་ལྟ་བྱས་ནས།
- རྟ་ལ་སྒ་བསྟད་ནས་སྒོ་ཁ་ན་བཏགས་ཡོད།
- དེ་ནས་ཕྱིར་ཡོང་ནས།
- ཟས་རང་འགྲུབ་དང་གོས་རང་འགྲུབ་ཡིན།
- གཉིས་ཀ་དེ་ལྟར་བསྡད་ཡོད་དུས།
- ཁོ་ཡི་ཨ་ཅེ་ཡིས་སྲིན་མོ་དེ་ཁྲིད་ནས།
- མིག་མེད་པ་དེ་ཁྲིད་དེ་འདབས་ནས།
- སྙིང་རྗེ་ཆེ།
- ཨ་ཅེ་ལ་ལྟོས་དང་ཨ་ཅེ་ཐོན་ཐལ་ཟེར།
- ཁོ་སྐྲག་ནས་ངེད་གཉིས་མྱུར་དུ་འབྲོ་ཟེར།
- དེ་ནས་ཁོའི་ཆུང་མ་ཡིས་སྐྲག་དགོས་ནི་མ་རེད།
- ཁྱོད་ཀྱིས་སྟག་ཁྱི་གཟིག་ཁྱི་གཉིས་མྱུར་དུ་ཐོང་ཟེར།
- ཁོས་མྱུར་དུ་སྐྲག་ཞོར་དུ་སྟག་ཁྱི་གཟིག་ཁྱི་གཉིས་བཏང་ནས།
- སྲིན་མོ་དེ་གཉིས་གཙང་མར་ཟོས།
- གཉིས་ཀ་སྐྱིད་པོ་བདེ་མོ་བྱས་ནས་བསྡད་པ་རེད།