05 Jan 2016
2 min 10 sec
Video Overview
Creators:
Tibetan & Himalayan Library
This is a video of Drolle from Serchen, Amdo singing a song called "The Wild Yak on the Mountain." This song is part of a collection of folk songs from the Rebgong cultural area.
འདི་ནི་ཕ་ཨ་ཁུ་དང་ནང་ན་ཟླ། མ་སྲུ་མོ་བཅས་ལ་བསྟོད་པའི་གླུ་ཞིག་ཡིན།
གླུ་འདིའི་ནང་དོན་གཙོ་བོ་ནི་ཕ་ཨ་ཁུ་གྲལ་ན་བཞུགས་པ་འབྲོང་རུ་དམར་རྫ་ན་འགྱིང་བ་དང་མཚུངས་ལ། ནང་ན་ཟླ་གྲལ་ན་འགྱིང་བ་སྟག་དམར་ཡག་ནགས་ན་འགྱིང་བ་དང་འདྲ། མ་སྲུ་མོའི་མཛེས་པ་ངོམ་པ་ཝ་དམར་པོའི་གྲལ་ཁ་དག་པ་དང་མཚུངས་པ་བརྗོད་ཡོད།
- ༼ཡེ་་་ཡ་རེ་ཡ་རེ་་་་ཡ་རེ་ལེན་དགོ ཞང་ཡ་རེ་རང་གི་ལེན་ཕྱོགས་རེད༽
- འབྲོང་རུ་དམར་ཁིས་ནས་འགྱིང་འདྲ་བོ། །
- རྭ་སྨུག་པོས་ཁིས་ཁ་བཅད་འདྲ་བོ། །
- ཆགས་མ་བཞག་ཅི་ཡིན་མ་ཤེས་ཐལ། །
- ཆགས་བཞག་ན་རང་གི་ཕ་ཁུ་རེད། །
- སྟག་དམར་ཡག་ནགས་ནས་འགྱིང་འདྲ་བོ། །
- སྟག་ཐིག་ལེ་སྐར་ཚོགས་ཤར་འདྲ་བོ། །
- ཆགས་མ་བཞག་ཅི་ཡིན་མ་ཤེས་ཐལ། །
- ཆགས་བཞག་ན་རང་གི་ན་ཟླ་རེད། །
- ཝ་དམར་བོ་ཁུང་ལ་འཛུལ་འདྲ་བོ། །
- གྲལ་དམར་པོས་ཁུང་སྒོ་བཅད་འདྲ་བོ། །
- ཆགས་མ་བཞག་ཅི་ཡིན་མ་ཤེས་ཐལ། །
- ཆགས་བཞག་ན་རང་གི་མ་སྲུ་རེད། །
- གླུ་ཤེས་ནི་མིན་ཡང་དགོད་ཁ་སློངས། །