05 Jan 2016
2 min 2 sec
Video Overview
Creators:
Tibetan & Himalayan Library, Dudul Dorjee
This is a video of Tsethar Bum from Yonru Village in Chentsa singing a song called "We Are Overjoyed to Sing Together." This song is part of a collection of folk songs from the Rebgong cultural area.
འདི་ནི་རེབ་གོང་ས་ཁུལ་གྱི་དམངས་གླུ་ཞིག་སྟེ། ཕ་ཁུ་དང་མ་སྲི། ན་ཟླར་བརྩེ་བ་བརྗོད་པའི་གླུ་ཞིག་ཡིན།
གླུ་འདིའི་རིགས་ནི་དུས་རྒྱུན་ལོ་སར་དང་སྟོན་མོ་སོགས་མི་ཚོགས་ཆེ་སར་ལེན་པ་དང་། ནང་དོན་ཡང་གྲལ་མགོར་བཞུགས་པའི་རྒན་པ་རྣམས་ཕ་དང་མཚུངས་པ་དང་། གྲལ་རྔར་བཞུགས་པའི་མ་སྲི་རྣམས་མ་དང་མཚུངས་པ། གྲལ་སྐེད་ཀྱི་ཁ་ཡ་ན་ཟླ་རྣམས་རང་ཉིད་ཀྱི་སྤུན་དང་མཚུངས་བར་བརྗོད་དེ་ཁོང་ཚོར་བཅངས་པའི་བརྩེ་བ་སྟོན་ཡོད།
- ༼ཡེ་་་་་་་་་་་་དུང་ལོ་ལོ་་་་་་་་་གླུ་ཞིག་ལེན་དགོ ཞང་ཡ་རེ་འཇོག་ལ་གླུ་ཞིག་ལེན།༽
- སྒའི་རྔ་རུ་མཐོན་པོར༼དུང་ལོ་ལོ༽ཕ་འདང་བཞག །
- ཕྱི་རུ་དམའ་མོར༼དུང་ལོ་ལོ༽མ་འདང་བཞག །
- འོབས་ཆེན་གོར་མོ༼དུང་ལོ་ལོ༽སྤུན་འདང་བཞག །
- རྟ་མཉམ་རྒྱུགས་བྱས་ན༼དུང་ལོ་ལོ༽ཉམས་རེ་དགའ། །
- ༼ཡེ་་་་་་་་་་་་དུང་ལོ་ལོ་་་་་་་་་གླུ་ཞིག་ལེན་དགོ ཞང་ཡ་རེ་འཇོག་ལ་གླུ་ཞིག་ལེན།༽
- གྲལ་མགོ་ཕ་ཁུར༼དུང་ལོ་ལོ༽ཕ་འདང་བཞག །
- གྲལ་རྔའི་མ་སྲིར༼དུང་ལོ་ལོ༽མ་འདང་བཞག །
- གྲལ་སྐེད་ན་ཟླར༼དུང་ལོ་ལོ༽སྤུན་འདང་བཞག །
- གླུ་མཉམ་ལེན་བྱས་ན༼དུང་ལོ་ལོ༽ཉམས་རེ་དགའ། །
- གླུ་ཤེས་ཁུལ་བྱེད་ལ༼དུང་ལོ་ལོ༽དགོད་ཁ་སློངས། །