༉  ཐིམ་ཕུག་ ཝང་སྲིན་མུ་ལས་ཀུན་ལེགས་ཀྱིས་འཐེན་མི་ཝང་གཞས་འདི་ མ་གཞི་ ཞབས་ཁྲ་རྐྱབ་མི་ཚུ་གི་འཁྲབ་སྟེ་འཐེནམ་ཨིན་མས། རྒྱལ་རབས་དང་འཁྲིལ་བ་ཅིན་ ཝང་གཞས་འདི་ ཞབས་དྲུང་ངག་དབང་རྣམ་རྒྱལ་གྱིས་བརྩམས་བརྩམས་ཨིནམ་ད་ དེ་ཡང་ ཞབས་དྲུང་རིན་པོ་ཆེ་ཁོ་ར་ པང་རི་ཟམ་པ་ལུ་བཞུགས་པའི་སྐབས་ ཝང་གི་མི་ཚུ་གིས་ འབྲུག་རྒྱལ་ཁབ་ནང་ཕེབས་སུ་ཞུ་མི་ལུ་དགའ་ཚོར་སྦེ་ཨིན་མས། ཝང་གཞས་འདི་ འགོ་དང་པ་རང་ ཝང་གི་ཚེས་བཅུའི་སྐབས་འཁྲབ་ཞིནམ་ལས་ འབྲུག་རྒྱལ་ཁབ་ག་ཏེ་ལུ་ཡང་ཡོངས་གྲགས་ཅན་སྦེ་ཐོན་ཏེ་ཡོདཔ་ཨིན། འབྲུག་གི་རྒྱལ་རབས་དང་འཁྲིལ་བ་ཅིན་ གཞུང་གྲྭ་ཚང་དགེ་འདུན་ཚུ་ བྱཱར་དགུན་ སྤུ་ན་ཁ་དང་ཐིམ་ཕུག་ལུ་གསོལ་འབྱོན་པའི་སྐབས་འཁྲབ་ཨིནམ་ད་ ད་རེས་ནངས་པར་ གལ་ཆེ་བའི་དགའ་སྟོན་དང་རྒྱལ་ཡོངས་དུས་ཆེན་ དེ་ལས་ ཚེས་བཅུ་དང་འགོ་འབྱེད་རྟེན་འབྲེལ་གྱི་སྐབས་ལུ་ལེའུ་འཁྲབ་སྟེ་འཐེནམ་ཨིན། དེ་ཡང་ མང་ཆེ་ཤོས་ཅིག་ རྒྱལ་ཡོངས་འཆམ་དང་ཟློས་གར་སློབ་སྦྱོང་ལྟེ་བའི་ཞབས་ཁྲ་རྐྱབ་མི་ཚུ་གིས་འཁྲབ་དོ་ཡོདཔ་ད་ དེ་གིས་འབད་ ཞབས་དྲུང་གི་མཛད་ཤུལ་བཟང་པོ་ཚུ་ འབྲུག་རྒྱལ་ཁབ་ནང་ཡུན་དུ་གནས་ནིའི་བརྡ་སྟོནམ་ཨིན།