Video Overview
གླུ་དབྱངས་འདིའི་ནང་དུ་བོད་ཀྱི་འབྲོག་པའི་ཁྱིམ་ཚང་ཅིག་ལ་མཚོན་ན་རྟ་ནོར་ལུག་གསུམ་ནི་སེམས་དང་འཚོ་བའི་རྟེན་ས་ཡིན་པ་བརྗོད་ཡོད།།
གླུ་དབྱངས་འདིའི་བརྗོད་བྱའི ་སྙིང་བོ་ནི་བོད་ཀྱི་འབྲོག་པའི་ཁྱིམ་ཚང་ཅིག་གི་མི་རེ་རེའི་དངོས་པོ་དང་བསམ་པའི་འཚོ་བ་ཞིབ་བརྗོད་བྱས་པ་ཞིག་རེད། གླུ་དབྱངས་འདིར་ཁྱོན་དུམ་ཚན་གསུམ་ཡོད་ལ། དུམ་ཚན་རེ་རེས་བརྗོད་བྱ་ཁ་ཚང་རེ་སྟོན་གྱིན་ཡོད། དུམ་ཚན་དང་པོས་ཨ་ཁུ༼ཨ་མདོའི་ཡུལ་སྐད་དུ་སྐྱེས་པ་ལོ་ཆེན་པོ་དག་ལ་གོ༽་འབྲོག་པ་ཞིག་ལ་མཚོན་ན་ཁྱུམ་གྱི་ལས་ཀའི་ཁྲོད་དུ་རྟ་དང་འབྲེལ་བའི་ལས་ཀ་མང་པོ་ཞིག་ཁོ་ཚོས་འགན་ཁུར་བ་ཡིན་ཏེ། དཔེར་ན་རྟ་ལ་ཁ་ལོ་བཏུལ་བ་དང་རྟ་ཚོང་བྱེད་པ། རྟ་ལ་གཟན་སྟེར་སོགས་སོ། དུམ་ཚན་གཉིས་པའི་ནང་དུ་འབྲོག་པའི་བུ་ཕྲུག་ཆུང་ཆུང་ཞིག་གི་ལས་ཀ་གཅོ་བོ་ནི་ནོར་ལུག་གི་ རྫི་བོ་ཡིན་པ་བཤད་འདུག། དུམ་ཚན་གསུམ་པའི་ནང་དུ་ཁྱིམ་གྱི་མ་སྲུ་དག་ལ་མཚོན་ན་བཞོན་ཕྱུགས་ཀྱི་ལས་ལེགས་པོ་སྒྲུབས་ཏེ་མར་ཕྱུར་གསོག་པར་འབད་རྒྱུ་དེ་ཁོ་མོ་ཚོའི་ལས་ཀ་གཙོ་བོ་ཡིན་པ་བརྗོད་འདུག
This song emphasizes how a nomadic family relies on their horses, yak and sheep for their livelihood.
这首民歌主要强调了对于一个游牧家庭而言，马匹、牦牛和羊群来为何成为他们精神和社会生活的重要依赖。
这首民歌主要讲述了一个游牧家庭的每一个成员的物质和精神生活。这首歌共有三节，每一部分都表达了完整的含义。第一节讲述了与马打交道的活主要由年长的男人（在安多地区年长的男人被称为阿库）负责。比如：在一个家庭里，驯服野马及其他相关马的工作。第二节叙述了放牧牦牛与羊群是儿童的主要任务。第三节说明了妇女的主要任务是挤牛奶、制作酥油和奶酪等家务活。
- བྱང་སྐྱབས།ངའི་ས་གར་སའི་ལུང་གོང་མ་ན།།
- རྩྭ་ཡར་སྐྱེས་རྩེ་མོ་དགུང་ལ་མཉམ།།
- ངེད་རྒོད་མ་བརྒྱ་བོས་རྩྭ་འགོ་ཤད།།
- ངའི་རྟེའུ་ཆུང་བརྒྱ་བོས་རྩེད་རིགས་འཐེན།།
- ངེད་སྒྲོག་དང་ཆ་རུས་དོ་ཞིག་བརྩིགས།།
- ངེད་ཨ་ཁུའི་བསྟན་པ་ཡར་དར་རེད།།
- ངའི་ས་གར་སའི་ལུང་བར་མ་ན།།
- རྩྭ་ཡར་སྐྱེས་རྩེ་མོ་དགུང་ལ་མཉམ།།
- ངེད་མ་མོ་བརྒྱ་བོས་རྩྭ་འགོ་ཤད།།
- ངའི་ལུག་ཆུང་བརྒྱ་བོས་རྩེད་རིགས་འཐེན།།
- ངེད་བལ་དང་ཕྱིང་བས་དོ་ཞིག་བརྩིགས།།
- ངེད་ཞི་ལུའི་བསྟན་པ་ཡར་དར་རེད།།
- ངའི་ས་གར་སའི་ལུང་ཞོལ་མ་ན།།
- རྩྭ་ཡར་སྐྱེས་རྩེ་མོ་དགུང་ལ་མཉམ།།
- ངེད་འབྲི་མོ་བརྒྱ་བོས་རྩྭ་འགོ་ཤད།།
- ངའི་བེའུ་ཆུང་བརྒྱ་བོས་རྩེད་རིགས་འཐེན།།
- ངེད་མར་དང་ཕྱུར་བའི་དོ་ཞིག་བརྩིགས།།
- ངེད་སྲུ་མོའི་བསྟན་པ་ཡར་དར་རེད།།
Loading ... - Northeastern Tibet (Amdo) Collections
- Folk songs (glu)
- Music of Amdo
- Animal husbandry
- Ngawa
- Ngawa Amdo