04 Nov 2014
17 min 31 sec
Video Overview
Creators:
Tibetan & Himalayan Library
Dorjé from Gartsé village in Repgong tells the story of the minister's ugly son and how he comes to learn of his serpent-spirit heritage.
- རྒྱལ་བོ་ཞིག་ཡོད།
- རྒྱལ་བོ་དེར་བློན་པོ་ཞིག་ཡོད།
- དེ་ནས་རྒྱལ་ཁབ་གཞན་པ་བཙན་པོ་ཞིག་གིས།
- གཞན་ལ་བཙན་བཀོལ་བ་དང་རྒྱལ་ཕྲན་ལ་བཙན་བཀོལ་ནས་བསྡད་ཡོད་པ་ཞིག་གིས།
- རྒྱལ་བོ་དེར་ཙི་གུ་ཞིག་གསོས་ནས་སྐུར་བ་རེད།
- རི་དྭགས་འདི་ཅི་རེད་འདི་ལ་མིང་ཨེ་ཐོགས་ཞེས་དྲིས་ཏེ།
- འདི་ལ་མིང་མ་ཐོགས་ན་ངས་དམག་དྲངས་རྒྱུ་ཞེས་བཤད་དེ།
- ཙི་གུ་དེ་སྐུར་བ་རེད།
- དེ་དུས་རྒྱལ་བོ་དེས་རྒྱལ་བློན་ཐམས་ཅད་པོ་བསྡུས་ནས།
- ཚང་མ་ལ་འདི་ཨེ་ཤེས་འདི་ཅི་ཞིག་རེད་ཅེས་དྲིས།
- དེ་ལྟར་ཚང་མས་དེར་དཔྱད་པ་ཞིག་བཏང་དུས།
- གཅིག་གིས་ཀྱང་མ་ཤེས།
- མ་ཤེས་པས་པ་བློན་ཟེར་བ་སྟེ།
- བློན་པོའི་ནང་ནའང་གཙོ་བོ་ཞིག་ཡོད་པ།
- དེར་བཀའ་བབས་ནས།
- ཁྱོད་ཀྱིས་འདི་ཉིན་བདུན་གྱི་རིང་ལ་མ་ཤེས་ན་སྲོག་གི་ཆད་པ་ཡིན།
- དེ་ལྟར་བཤད།
- དེ་ལྟར་བཤད་པ་རེད།
- བློན་པོ་དེར་བྱིས་པ་བུ་ཞིག་སྐྱེས།
- བུ་ཞིག་སྐྱེས་པ་དེར་ལྟ་སྲོལ་མེད།
- ལུས་པོ་སྡོང་བོའི་ཤུན་པ་དང་འདྲ་བར།
- མི་ཞིག་དང་མི་འདྲ་བ་དེ་འདྲ་ཞིག་ཡིན།
- བློན་པོ་ཆེ་ཆུང་གང་ལ་བུ་རེ་སྐྱེས་ན་སྟོན་མོ་བྱེད་དགོས།
- སྟོན་མོ་ཅི་ལྟར་བྱེད་དེ་འདི་སྟོན་སྲོལ་མེད་པས།
- ཁྱོད་ཀྱིས་འདི་མེད་པར་བཟོས།
- ཆུང་མ་ལ་ཁྱོད་ཀྱིས་འདི་མེད་པར་བཟོས།
- འདི་སྟོན་སྲོལ་མེད་ཀི།
- བློན་པོས་དེ་ལྟར་བྱིས་པ་སྐྱེས་ཡོད་ཅེས་གང་དུ་ཡང་མ་བཤད།
- ཕ་དང་མ་ཡི་སེམས་མི་འདྲ་བ་དེ་ནའང་རྟགས་ཡོད་པ་རེད།
- ཨ་མས་མེད་པར་བཟོ་མ་ཐུབ་པར་ཁང་པ་ཞིག་གི་ནང་ནས་ཟ་མ་བླུད།
- བཞག་པ་རེད།
- གསར་བུར་གྱུར་རག་བར་དུ་དེ་ནས་གསོས་ནས་བཞག
- དེ་དུས་ཁོ་གཉིས་ལ་ཟ་ས་འཐུང་ས་མེད་པར།
- བྱ་འདི་བཙོག་པ་ལ་ཞེས་ཆུང་མ་ལ་རྒྱུ་མཚན་དེ་བཤད་དེ།
- ཉིན་བདུན་གྱི་རིང་ལ་མ་ཤེས་ན་ང་སང་ཉིན་རྒྱལ་བོས་གསོད་རྒྱུ་རེད།
- ཡིན་མོད་རྒྱལ་བློན་ཐམས་ཅད་འཚོགས་ནས་མ་ཤེས་པས།
- ང་ལ་ཡིན་ན་མིན་ན་ཉིན་བདུན་གྱི་ནང་དུ་ཤེས་དགོས་ཟེར།
- མ་ཤེས་ན་གསོད་རྒྱུ་ཟེར།
- ད་ཐེངས་གསོད་དུ་འཇུག་རྒྱུ་ལས་ཅི་བྱེད།
- དེ་ལྟར་བཤད་རྗེས་ཨ་མ་སོང་ནས་བྱིས་པ་དེར་ཟ་མ་བླུད།
- ཁྱོད་གཉིས་ཀྱིས་ཨ་བྱ་འདི་ཟེར་བ་ཅི་ཡིན་ཞེས་དྲིས་པར།
- ཅི་ཡིན་ཟེར་ན་རྒྱལ་ཁབ་གཞན་ཞིག་གིས་རི་དྭགས་ཤིག་སྐུར་ནས།
- དེ་རི་དྭགས་ཅི་ཞིག་ཡིན་པ་མ་ཤེས་ན་དམག་གཏོང་རྒྱུ་ཡིན་ཟེར།
- རྒྱལ་བློན་ཐམས་ཅད་འཚོགས་ནས་དཔྱད་པ་བཏང་མོད།
- གཅིག་གིས་ཀྱང་མ་ཤེས་པས་ཨ་ཕ་ལ་བཀའ་བབས་ནས།
- ཉིན་བདུན་གྱི་རིང་ལ་མ་ཤེས་ན་ཨ་ཕ་གསོད་རྒྱུ་ཟེར།
- ངེད་གཉིས་ཀྱིས་ཨ་བྱ་འདི་ཟེར་བ་དེར་བཤད་པ་ཡིན་ཞེས་བཤད།
- དེ་ཨ་བྱ་འདི་ཟེར་དགོས་པ་མ་རེད།
- སང་ཉིན་ཁྱོད་ཀྱིས་ཤེས་སོང་ཁུལ་བྱས་ནས།
- ཨ་ཕ་ཡི་ཕུ་ཐུང་ནང་དུ་བྱི་ལ་ཞིག་བཞག་ནས།
- ཕར་སོང་ནས་རི་དྭགས་དེར་གཅིག་སྟོན་དང་།
- བྱི་ལ་དེ་འབའ་ན་གཞན་དེ་ཅུང་ཙམ་འཚབ་ན།
- ས་བཟང་ས་ཞིག་གི་ཙི་གུ་ཞིག་རེད་ཅེས་བཤད་ན་དེ་ཡིན།
- དེ་ལྟར་བཤད་པར་ཨོ་ཡ་ཡ་ཞེས་བཤད་དེ།
- དེ་ནས་མོས་དེ་ལྟར་འདོད་ཅེས་བློན་པོ་ལ་བཤད་པས།
- སྡུག་ལ་ཐུག་ཡོད་པས་ཡ་ཡ་ཞེས་བཤད་དེ།
- ཙི་གུ་ཞིག་ཆད་ཡིན་རྩ་བ་ནས་མིན་མོད་སྡུག་ཐུག་པ་རེད།
- དེ་ནས་བྱི་ལ་ཞིག་ཁྱེར་ནས་སོང་སྟེ་ཕུ་ཐུང་ནང་ནས་ཕ་རོལ་བོ་ལ་གཅིག་བསྟན་དུས།
- ཕ་རོལ་བོ་དེ་གུམ་སོང་བ་རེད།
- དེ་ནས་འདི་ས་བཟང་ས་ཞིག་གི་ཙི་གུ་ཞིག་རེད་ཅེས་སྐུར་བས་རེད་ཟེར།
- དེ་ནས་ཡང་དྲེལ་མ་བུ་བརྒྱ་སྐུར་ནས།
- འདིའི་ནང་གི་མ་གང་རེད་བུ་གང་རེད་ཅེས།
- དེ་མ་ཤེས་ན་ཡང་དམག་རྒྱག་རྒྱུ་ཞེས་བཤད་དེ་ཡང་སྐུར་ཡོང་།
- དེ་ནས་ཡང་རྒྱལ་བློན་རྣམས་འཚོག་ནས་འདིའི་ནང་གི་མ་གང་རེད་བུ་རེད་ཅེས་དྲིས་དུས།
- གཅིག་གིས་ཀྱང་མི་ཤེས་ཏེ་ཨ་ན་མ་ན་ཡིན་པ་དང་མཐོ་དམན་མེད་པས།
- དེ་ནས་ཡང་བློན་པོ་དེར་ཉིན་བདུན་གྱི་ནང་དུ་ཁྱོད་ཀྱིས་འདི་ཤེས་དགོས།
- མ་ཤེས་ན་ཁྱོད་ལ་སྲོག་གི་ཆད་པ་ཡིན།
- རྒྱལ་བོས་དེ་ལྟར་བཤད།
- དེ་ལྟར་བཤད་དུས་ད་ཐེངས་ཐར་བ་མེད་ཀི།
- ད་ཐེངས་མི་ཤེས་ཁོ་ཐག་རེད།
- དེ་ལྟར་བཤད་དེ་ཕྱིར་ཡོང་ནས་ཚང་མ་ཙོག་སྟེ།
- ཅི་བྱས་རུང་ཐར་རྒྱུ་མ་རེད་ཅེས་བཤད་དེ།
- དེ་ནས་ཨ་མ་སོང་ནས་བྱིས་པ་དེར་ཅིག་ལྡུད་དུས།
- ཁྱོད་གཉིས་ཀྱིས་བྱ་འདི་ཟེར་བ་ཅི་ཡིན་ཞེས་དྲིས་པར་དེ་ལྟར་བཤད།
- དེ་ལྟར་བཤད་དུས་དེ་སྐྱོན་མེད་ཟེར།
- ཁྱོད་ཀྱིས་ཉིན་གཅིག་གཉིས་ཤིག་ལ་དེ་ཚོར་ཆས་མ་སྟེར་ཆུ་མ་ལྡུད།
- ཐོགས་ནས་ཞོག
- དེ་ནས་ཉིན་གཉིས་གསུམ་གྱི་རྗེས་སུ་ཆས་སྔུན་ལ་བཞག་ན།
- ཨ་མ་དེས་རེ་མ་ཟ་ངེས་ཡིན།
- བུ་དེས་ཨ་མས་ཟ་རག་བར་དུ་ཁོས་མི་ཟ།
- དེར་རྟགས་རྒྱག་པ་སྟེ་བུ་འདི་རེད་དང་མ་འདི་རེད་ཅེས།
- དེ་ལྟར་སྐུར་ན་དེ་ཡིན་ཟེར།
- དེ་ནས་ངས་དེ་ལྟར་འདོད་ཅེས་བློན་པོར་བཤད།
- ཚོད་ལྟ་ཞིག་བྱེད་ཅེས་བཤད་དེ་སོང་ནས།
- ཉིན་གསུམ་བཞི་ཞིག་ལ་རྩྭ་དང་ཆུ་བཀག་ནས།
- དེའི་ཕྱི་ཉིན་སྔུན་ལ་བཞག་དུས།
- ངོ་མས་མ་བུ་དེ་ཁ་མ་གཅིག་ནས་འདུག་པ་དང་།
- གཅིག་གིས་མ་བཟས་པར་འདུག་པ་དང་གཅིག་གིས་བཟས།
- དེའི་འཕྲོར་མ་དེས་བཟས་རྗེས་བུ་དེས་ཀྱང་ཟ་བ་རེད།
- རྟགས་བརྒྱབ་ནས་འདི་མ་རེད་འདི་བུ་རེད་ཅེས་བཤད་དེ་ཕྱུར་སྐུར།
- རེད་ཅེས་བཤད་པ་རེད།
- དེ་ནས་ཡང་ཅི་ཟེར་ཞེ་ན།
- སྡོང་བོ་སྦོམ་ཕྲ་མེད་པ་བརྒྱ་སྐུར་ནས།
- འདིའི་ནང་གི་མགོ་གང་རེད་རྔ་མ་གང་རེད།
- འདི་མ་ཤེས་ན་དམག་རྒྱག་རྒྱུ་ཞེས་བཤད་པ་རེད།
- སྡོང་བོར་བལྟས་ན་ཨ་ན་མ་ན་རེད།
- སྦོམ་ཕྲ་ཡོད་པ་མ་རེད།
- རྒྱུན་ལྡན་གྱིས་སྡོང་བོའི་རྩེ་མོ་ཕྲ་བ་དང་།
- ཞབས་ནས་སྦོམ་པ་དེ་འདྲ་ཞིག་ཡིན་མོད་དེར་དེ་འདྲ་མེད།
- མགོར་རྔ་རྟིང་གཞུག་མེད་པ་དེ་འདྲ་བརྒྱ།
- དེ་ནས་ཡང་ཕྱིར་ཡོང་ནས་བློན་པོ་རྣམས་འཚོག་དུས་གཅིག་གིས་ཀྱང་མི་ཤེས།
- མ་ཤེས་པས་ཡང་བློན་པོ་དེར།
- ཉིན་བདུན་གྱི་ནང་དུ་ཁྱོད་ཀྱིས་ཐག་གིས་གཅོད་དགོས།
- དེ་མིན་ན་ཁྱོད་གསོད་རྒྱུ།
- དེ་ལྟར་བཤད་པས་ད་ཐེངས་མི་ཐར་ཁོ་ཐག་རེད་ཅེས་བཤད་དེ།
- ཡང་བཟའ་བ་གཉིས་གྱིས་ཨ་བྱ་འདི་ཞེས་བཤད།
- ཡང་བྱིས་པ་ཡིས་ཁྱོད་གཉིས་ཀྱིས་ཨ་བྱ་འདི་ཟེར་བ་ཅིའི་ཕྱིར་ཞེས་དྲིས་པར།
- འདི་ལྟར་བཤད།
- ཨ་ཕ་ལ་བཀའ་བབས་ནས་ཉིན་བདུན་གྱི་ནང་དུ་མ་ཤེས་ན།
- སྲོག་གི་ཆད་པ་ཡིན་ཟེར་བ་དེར་བྱ་འདི་ཞེས་བཤད་པ་ཡིན།
- དེ་སླ་མོ་ཞིག་རེད།
- ཁྱོད་ཀྱིས་སྡོང་བོ་ཆུ་ཁར་ཁྱེར་ནས་སོང་སྟེ།
- ཆུའི་མཐའ་ནས་ནང་དུ་འཕང་ན།
- རྟིང་བ་མར་ལ་རྟིང་འགྲོ་བ་དང་རྩེ་མོ་ཡར་ལ་ཆུ་ཁར་གཡེང་འགྲོ།
- དེར་རྟགས་བརྒྱབ་ནས་རྩེ་མོ་འདི་རེད་དང་རྟིང་བ་འདི་རེད་ཅེས།
- དེ་ལྟར་བྱས་ནས་སྐུར་ན་དེ་ཡིན།
- དེ་ལྟར་བཤད།
- དེ་ནས་མོས་བློན་པོ་ལ་མོས་དེ་ལྟར་འདོད་ཅེས་བཤད་པར།
- དེ་ནས་བཏུས་ནས་སོང་སྟེ་ཆུ་ཁར་སོང་ནས་ཆུ་ནང་དུ་འཕངས།
- རྩེ་མོ་ཡར་ལ་ཆུའི་ཁར་གཡེང་བ་དེར་རྟགས་བརྒྱབ་ནས་རྩེ་མོ་རེད་ཅེས་བཤད་དེ།
- མར་གྱི་གཞུང་ལ་ལྷུང་བ་དེ་རྟིང་བ་རེད་ཅེས་རྟགས་བརྒྱབ་ནས་སྐུར་དུས།
- རེད་ཟེར།
- དེ་ནས་ཅི་ཟེར་ཞེ་ན་ཕོ་བྱ་ཞིག་གི་སྒོ་ང་ཁྱེར་ཤོག་ཟེར།
- དེ་མིན་ན་དམག་རྒྱག་རྒྱུ་ཟེར།
- མ་བཟང་སྟེ་ཕོ་བྱ་ཞིག་ལ་གང་ནས་སྒོ་ང་ཡོད།
- མ་བཟང་སྟེ་ད་ཐེངས་ཐར་བ་ཡོད་རྒྱུ་མ་རེད་ཅེས་བཤད་དེ།
- བློན་པོ་རྣམས་འཚོག་དུས་ཀྱང་།
- ལག་ཏུ་ཨེ་ཡོང་ཞེས་དྲིས་པར་གཅིག་གིས་ཀྱང་གང་ནས་ལག་ལ་ཡོང་།
- བློན་པོ་དེར་ཉིན་བདུན་གྱི་ནང་དུ་ཁྱོད་ཀྱིས་ཡིན་ན་མིན་ཕོ་བྱ་ཡི་སྒོ་ང་ཁྱེར་ཡོང་དགོས།
- དེ་མིན་ན་ཁྱོད་ལ་སྲོག་གི་ཆད་པ་ཡོད།
- དེ་ལྟར་བཤད་པ་རེད།
- དེ་ལྟར་བཤད་པས་ད་ཐེངས་ཐར་རྒྱུ་མ་རེད།
- དེ་འདྲ་ཞིག་གང་ན་ཡོད་དམ།
- དེ་ནས་ཕྱིར་ཡུལ་ལ་ཡོང་ནས།
- ཨ་བྱ་འདི་མ་བཟང་ཐལ།
- དེ་ལྟར་བཤད་ནས་ཡང་བུ་ལ་ཅིག་ལྡུད་དུས།
- ཁྱོད་གཉིས་ཀྱིས་ཡང་བྱ་འདི་ཟེར་བ་ཅིའི་ཕྱིར་ཞེས་དྲིས་པར།
- དེ་ཡིན་ཞེས་བཤད།
- ད་ཐེངས་ཨ་ཕ་ཐར་རྒྱུ་མ་རེད་ཅེས་བཤད་པར་དེར་སྐྱོན་མེད་ཟེར།
- དེ་ཚིག་ཅིག་རེད།
- ཉིན་བདུན་གྱི་རྗེས་ནས་བློན་པོར་ཤོག་ཟེར་བ་རེད།
- དེ་དུས་ཨ་ཕ་འགྲོ་མི་དགོས་ཏེ་ཨ་མ་ཁྱོད་སོང་།
- བློན་པོ་ཅིའི་ཕྱིར་མ་ཡོང་པ་ཡིན་ཁྱོད་ཅིའི་ཕྱིར་ཡོང་བ་ཡིན་ཞེས་དྲིས་ན།
- བློན་པོས་མདང་དགོང་བྱིས་པ་ཞིག་སྐྱེས་ནས་ཡོང་མ་ཐུབ་པས་ང་ཡོང་བ་ཡིན།
- དེ་ལྟར་བཤད་ན་འཆའ་ལོངས་སེ་འགྲོ་ངེས།
- སྐྱེས་པ་ཞིག་ལ་བྱིས་པ་སྐྱེས་སམ་ཞེས་བཤད་དེ།
- རྒྱལ་བོ་ཕ་རོལ་བ་དེ།
- དམག་རྒྱག་རྒྱུ་ཟེར་བ་དེའི་མི་ཡང་ཡོད་པ་རེད།
- ཉིན་མོ་དེར་ཐག་གིས་གཅོད་རྒྱུ་བྱས་ནས།
- ཁོ་ཚོ་ཚང་མ་ཡོད་ས་ནས་དེ་ལྟར་བཤད་ན་འཆའ་ལོངས་སེ་བུད་འགྲོ།
- དེ་ན་ཕོ་བྱ་སྒོ་ང་ཟེར་བ་གང་ན་ཡོད།
- སྐྱེས་པ་ལ་བྱིས་པ་སྐྱེས་རྒྱུ་མེད་ན་ཕོ་བྱ་ལ་སྒོ་ང་གང་ན་ཡོད།
- དེར་དེ་ཡིས་ཆོག
- ཨོ་ཡ་ཡ་ཞེས་བཤད་དེ།
- ཕྱིར་ཡོང་ནས་མོས་དེ་འདྲ་ཞིག་འདོད་ཀི་ཞེས་བཤད་པར།
- སྡུག་ཐུག་ན་དེ་འདྲ་བྱེད་དགོས་རྒྱུ་རེད་ཅེས་བཤད་དེ།
- དེ་ནས་བློན་པོ་ལ་ད་ཐོན་དུ་བཅུག
- ཕོ་བྱ་ཡི་སྒོ་ང་ཁྱེར་ནས་ཤོག་ཅེས་བཤད་པ་རེད།
- དེ་ནས་མོ་སོང་དུས།
- ཁྱོད་ཅིའི་ཕྱིར་ཡོང་བ་ཡིན།
- ཁྱོད་ཚང་གི་བློན་པོ་གང་དུ་བུད་སོང་ཞེས་དྲིས།
- བློན་པོས་མདང་དགོང་བྱིས་པ་ཞིག་སྐྱེས་པས་ཡོང་མ་ཐུབ།
- དེ་བས་ང་ཡོང་བ་ཡིན་ཞེས་བཤད།
- ཨ་ཙི་སྐྱེས་པ་ལ་བྱིས་པ་ཞིག་སྐྱེས་རྒྱུ་གང་ན་ཡོད་ཅེས་འཆའ་ལོངས་སེ་སོང་།
- དེ་ན་ཕོ་བྱའི་སྒོ་ང་གང་ནས་ཁྱེར་ཡོང་དགོས།
- དེ་ལྟར་བཤད་པས་དེ་ཡིས་ཆོག་སོང་།
- དེ་བས་རྒྱལ་ཁབ་དེ་ཡིས་ཀྱང་རིམ་པ་དེ་ལྟར་བྱས་ནས་མ་ཐུབ་པ་རེད།
- དམག་རྒྱག་རྒྱུ་མཚམས་བྱས་པ་རེད།
- མ་བརྒྱབ་པ་རེད།
- དེ་ནས་བློན་པོ་དེ་ཡིས་འདང་ཞིག་བརྒྱབ་ནས།
- དཔེ་མེད།
- ཁྱོད་ཀྱིས་འདི་ཅི་ལྟར་ཤེས་པ་ཡིན།
- ཁྱོད་ཀྱིས་འདི་འདྲ་ཞིག་ཤེས་སམ།
- འདི་ཅི་ཡིན་པ་ཁྱོད་ཀྱིས་ང་ལ་ཤོད་དང་ཞེས་བཤད་པར།
- ཅི་ཞིག་ཡིན་རྒྱུ།
- འུ་གཉིས་ཀྱི་བྱིས་པ་ལྟ་སྲོལ་མེད་པ་དེ་ངས་གསོད་མ་ཐུབ་པར་གསོས་ཡོད།
- དེས་ད་ཐེངས་ཁྱོད་ཀྱི་སྲོག་སྐྱབས་པ་རེད།
- དེ་མིན་ངས་དེ་འདྲ་ཞིག་གང་ནས་ཤེས།
- ཅི་འདྲའི་ལེགས་པ་ལ་ངས་ཀྱང་གཅིག་བལྟ་དགོས་ཞེས་བཤད་དེ།
- རྩིབ་ལ་སོང་ནས་གཅིག་བལྟས་དུས་ལྟ་སྲོལ་མེད།
- ཅི་ཞིག་ཡིན་རུང་གང་ལྟར་ཀྱང་།
- ངའི་སྲོག་སྐྱོབ་ཀྱི་བུ་ཕྲུག་རེད།
- ང་ཚོས་བུ་ཞིག་སྐྱེས་ན་སྟོན་མོ་བྱེད་དགོས་མོད།
- ཅིག་ལ་སྟོན་སྲོལ་མེད་པས་ཁ་རོག་གེར་བསྐྱུར་དང་ཞེས་བཤད་དུས།
- ཨ་ཕ་ང་ལ་ཆུང་མ་ཞིག་དགོས་ཟེར།
- ཁྱོད་ལ་ཆུང་མ་ཞིག་ལེན་ས་མི་འགྲོ།
- དེ་ལྟར་བཤད་པས་ལེན་ས་འགྲོ་བ་རེད་ཟེར།
- སང་ཉིན་ངས་ཁང་བའི་དྲ་མའི་ནང་ནས་ལྟ་ནས་འདུག
- ཁྱོད་ཀྱིས་གཞོན་དུ་མ་མང་པོ་གན་ལ་བསྡུས།
- བསྡུས་ན་ངའི་ཆུང་མ་ལ་བུ་མོདེ་སློང་ཞེས་ངས་ཁྱོད་ལ་སྟོན།
- དེ་སློང་ན་དྲག་གི།
- དེ་ལྟར་བཤད་པར་ཨོ་ཡ་ཡ་ཞེས་ལན་བཏབ།
- དེ་ནས་གཞོན་ནུ་མ་མང་པོ་བསྡུས་ནས་འཚོག་ཏུ་བཅུག
- ཁོས་སྒེའུ་ཁུང་ནང་ནས་བལྟས་ནས་བསྡད་དེ།
- མི་གཞན་གིས་མི་རིག་པ་བྱས་ནས།
- བུ་མོ་གན་ཁོའི་ཆུང་མར་སློང་ཟེར།
- དེ་ནས་བློན་པོ་དེ་སོང་ནས་ཁྱེད་ཚང་གི་བུ་མོ་ངེད་ཀྱི་བུ་ལ་སྟེར་དགོས།
- ང་སློང་དུ་ཡོང་བ་ཡིན་ཞེས་བཤད་པར།
- ཨ་ཙི་་་བློན་པོ་རེས་བུ་རེ་སྐྱེས་ན་སྟོན་པོ་བྱེད།
- ཁྱེད་ཚང་གིས་སྟོན་མོ་མི་བྱེད་པ་ཅི་ཡིན།
- ད་བར་དུ་ཁྱེད་ཚང་ལ་བུ་ཞིག་ཡོད་པ་མ་ཤེས།
- ལས་ཨེ་ཡོང་འདོད་དེ་ངས་མ་བསྒྲགས།
- དེ་མ་གཏོགས་ང་ལ་བུ་ཞིག་ཡོད།
- དེ་བས་ང་སློང་དུ་ཡོང་བ་ཡིན་ཞེས་བཤད་པར་སྟེར་ཟེར།
- དེ་ལྟར་བཤད།
- དེ་ནས་བྱིན་པ་དང་སང་ཉིན་མག་པར་འགྲོ་དགོས་པས་ཅི་བྱེད།
- དེ་ལྟར་བུ་ལ་བཤད་པས།
- ཁྱོད་ཀྱིས་ཐག་རིང་ཞིག་ནས་ཕོ་ཡག་ཅིག་གཡོར་དང་།
- གོན་པ་སྐོན་ནས་ངའི་ཚབ་ལ་མག་པར་འགྲོ་རུ་བཅུག
- དེ་ལྟར་བུ་མོ་ཁྱིམ་ལ་བསྡུས་ན་སྐྱོན་མེད།
- དེ་ལྟར་བཤད་པས་སྐྱེས་པ་ཞིག་གཡར་ནས་ཡོང་སྟེ་མག་པ་བཅོས་ནས།
- དེ་ལྟར་བྱས་ནས་བུ་མོ་ཁྱིམ་ལ་ལེན་ཐབས་བྱས།
- དེ་ལྟར་བྱས་རྗེས་ད་ཅི་བྱེད་དགོས་ཞེས་དྲིས་པར།
- སང་ཉིན་ཁྱོད་ཀྱིས་མནའ་མ་ལ་ཇ་སྐོལ་དུ་བཅུག
- ཁྱོད་ཀོ་ཁའི་ཡར་ནས་ཙོག
- སྐྱེས་པ་དེ་ཀོ་ཁའི་དཀྱིལ་ནས་ཙོག་ཏུ་བཅུག
- མནའ་མར་ཇ་སྐོལ་དུ་བཅུག་ནས་དེ་ལྟར་བྱོས།
- སང་ཉིན་ཉིན་གུང་ཆུ་ཐོག་ཡོང་ནས།
- འབྲུག་གྲགས་ནས་གློག་འཁྱུག་སྟེ།
- ཐོགས་འཕངས་ནས་གསོད་ལ་བྱེད།
- ཁྱོད་ཀྱིས་གོ་ཁའི་ཡར་ནས་ཨུན་ཧུན་མི་དགོས་ཞེས་བཤད་དེ་མགོ་གཡུག
- དེ་ལྟར་བཤད་ན་མནའ་མས་ཨ་ཕ་ཅི་ཞིག་བཤད་པ་རེད་ཅེས་འདྲི་ངེས།
- དེས་ཅི་ཡང་བཤད་པ་མ་རེད་ཅེས་ཤོད།
- ཡང་འབྲུག་གྲགས་ནས་གློག་འཁྱུག་སྟེ་གསོད་ལ་བྱེད།
- ཨུན་ཧུན་མི་དགོས་དཔེ་ཞིག་ཡོད་དམ།
- མི་དགོས་ཞེས་ཤོད།
- ཨ་ཕ་ལོ་ལོ་ཅི་ཞིག་བཤད་བཞིན་འདུག་ཅེས་དྲིས་ན།
- དེས་འདི་འདྲ་བཤད་པ་རེད།
- ཁྱེད་ཚང་གི་བུ་དང་བུ་མོ་གཉིས་ཀ་འདི་འདྲ་ཞིག་ཡག་ན་ཁྱེད་ཚང་ལ་ལས་ཡོང་རྒྱུ་མ་རེད།
- གཅིག་ཇེ་བཙོག་ལ་གཏོང་ཞེས་བཤད་པ་རེད།
- དེ་བས་ངས་མི་དགོས་ཞེས་བཤད་པ་ཡིན།
- ཁྱོད་ཀྱིས་དེ་ལྟར་བཤད་ན་མནའ་མའི་ཁ་ནང་ནས་ཅིག་ཡོང་བ་རེད་ཅེས་བཤད།
- དེ་ནས་ཕྱི་ཉིན་བུ་གཡར་མ་དེ་གོ་ཁའི་དཀྱིལ་ནས་ཙོག་པ་དང་།
- ཁོ་གོ་ཁའི་ཡར་ནས་ཙོག་སྟེ།
- མནའ་མར་ཇ་སྐོལ་དུ་བཅུག་ནས་བསྡད་དུས་གནམ་ངོ་ཞིག་ཡོང་ནས་གསོད་ལ་བྱས།
- ཨུན་ཧུན་མི་དགོས་་་དཔེ་ཞིག་ཡོད་དམ།
- མི་དགོས་ཞེས་བཤད་དུས།
- མནའ་མས་ཨ་ཕ་ཅི་ཞིག་བཤད་བཞིན་འདུག་ཅེས་དྲིས་པར་ཅི་ཡང་བཤད་བཞིན་མེད་ཟེར།
- མི་དགོས་ཞེས་བཤད་དེ་མགོ་གཡུག་ནས་དེ་ལྟར་བྱས།
- ཨ་ཕ་ལོ་ལོ་ཅི་ཞིག་བཤད་པ་རེད་ཅེས་དྲིས་པར།
- དེ་བཤད་རེད་ཅེས་བཤད།
- ཁྱེད་ཚང་གི་བུ་དང་བུ་མོ་གཉིས་ཀ་འདི་འདྲ་ཞིག་ཡག་ན།
- ཁྱེད་ཚང་ལ་ལས་ཡོང་རྒྱུ་མ་རེད།
- གཅིག་ཇེ་བཙོག་ལ་ཐོངས་ཟེར་བས་ངས་མི་གཏོང་ཞེས་བཤད་པ་ཡིན།
- དེར་མི་དགོས་ཞེས་བཤད་པ་ཡིན།
- ང་ཅི་འདྲ་ཞིག་ཡིན་པ་རིག་ནོ་འདི་རེད།
- ཁོ་ཇེ་བཙོག་ལ་བཏང་ན་ང་མི་འདུག་པ་མེད།
- དེར་ཁྱོད་ཀྱིས་ཡ་ཞེས་ཤོད་ཟེར།
- དེ་ནས་ཁོ་ཡིས་ཡ་ཞེས་ལན་བཏབ་པས་གནམ་ངོ་དྭངས་སོང་།
- དེ་ནས་བུ་གཡར་མ་དེ་ཁ་རོག་གེར་ཡུལ་ལ་སྐྱེལ་ནས།
- སྔོན་ལ་བུ་ཅི་འདྲ་ཞིག་ཡིན་པ་ཁྱོད་ཀྱིས་རིག་ནོ་དེ་རེད།
- ད་ལྟ་ཁྱོད་ཀྱི་སྐྱེས་པ་འདི་རེད་ཅེས་བཤད་པར་དེ་ལོས་ཡིན་ཟེར།
- ཞེས་བཤད་དེ་བསྡད་པ་རེད།
- བསྡད་ནས་ཉིན་ཞིག་ལ་སྟོན་མོ་ཞིག་ཡོད།
- ང་འགྲོ་སྲོལ་ཡོད་པ་མ་རེད།
- འུ་ཚང་ལ་ཞོན་པ་མེད་པ་དང་གོན་པ་མེད་པ་མ་རེད།
- སྟོན་མོར་སོང་།
- མནའ་མ་ལ་སྐྱེས་པ་དེས་དེ་ལྟར་བཤད།
- ཡ་ཡ་ཞེས་བཤད་དེ་སྟོན་མོར་བུད་སོང་།
- དེ་ནས་ཁོ་ཡིས་ཤུན་པ་དེ་ཕུད་དེ།
- སྐྱེས་པ་དེ་ཀླུ་ཞིག་ཡིན།
- ཤུན་པ་དེ་ཕུད་དེ་རྟ་དཀར་པོ་ཞིག་ལ་ཞོན་ནས།
- མི་དཀར་པོ་ཞིག་གིས་སྤྲུལ་ཏེ།
- གོན་པ་དཀར་པོ་ཞིག་གྱོན་ནས་སྟོན་ཐོག་ལ་ཁ་རོག་གེར་སོང་དུས།
- དེ་ཚང་གི་སྟོན་མོར་མ་བལྟས་པར།
- ཅི་འདྲའི་མི་ཞིག་ཡོད་ཀི།
- འདི་ཡང་མིན་ན་ལྷ་ཞིག་རེད།
- ཡང་མིན་ན་ཀླུ་ཞིག་ཡིན་རྒྱུ་རེད།
- ང་ཚོའི་འཇིག་རྟེན་གྱི་མི་ཞིག་མ་རེད་ཅེས་སེམས་ཅན་དེར་ལྟད་མོར་བལྟས་ནས།
- མོས་ཀྱང་འདི་འདྲ་ཞིག་ཡོད་པ་ཅི་ཞིག་ཡིན་ནམ་འདོད་དེ།
- དེ་ནས་བལྟས་ནས་བསྡད་དུས་གཅིག་བགད་པས།
- མདུན་སོའི་ཐོག་ན་ཅུང་ཙམ་ཞིག་ཆག་ཡོད་པ་དེ།
- མོའི་སྐྱེས་པ་ལ་ཅུང་ཙམ་ཞིག་འདྲ་བྱུང་ཞེས་ཡིད་ལ་ཤར།
- དེ་ནས་ཕྱིར་ཡུལ་ལ་ཡོང་།
- སྟོན་མོ་ཨེ་ཡག་གི་ཞེས་དྲིས་པར།
- ཡག་སྟེ་སྟོན་མོ་ཡག་ལ།
- དེ་རིང་རྟ་དཀར་པོ་ལ་ཞོན་པའི་གསར་བུ་ཞིག་ཡོད་པ་དེ་ཅི་ཞིག་ཡིན་ནམ།
- སེམས་ཅན་དེར་མཚར་ནས་དེར་བལྟས་ནས་བསྡད།
- སྟོན་མོ་ལ་མ་བལྟས།
- མི་ཞིག་ལ་དེ་འདྲ་ཞིག་མཚར་རྒྱུ་ཅི་ཡོད་ཅེས་བཤད།
- ཁྱོད་ཀྱིས་དེ་མ་རིག་པ་རེད།
- ཁྱོད་འགྲོ་སྲོལ་ཞིག་ཡོད་རྒྱུ་ན།
- དེ་ཡང་མིན་ན་ལྷ་ཕྱུག་ཅིག་ཡིན་པ་དང་ཡང་མིན་ན་ཀླུ་ཕྲུག་ཅིག་རེད།
- དེ་མིན་ན་འཇིག་རྟེན་གྱི་མི་ཞིག་དང་མི་འདྲ།
- སེམས་ཅན་དེར་མཚར་ནས་དེར་བལྟས་ནས་བསྡད་ཅེས་བཤད་པར་ཨོ་ཟེར།
- དེ་ནས་ཕྱི་ཉིན་ཡང་སྟོན་མོ་ཡོད།
- ཁྱོད་ཚོང་སོང་དང་ང་འགྲོ་ནི་མ་རེད་ཅེས་བཤད།
- ཉིན་དེར་ཡང་སྟོན་མོ་བྱེད་ས་ནས།
- རྟ་སྔོན་མོ་ཞིག་ལ་ཞོན་པ་དང་མི་སྔོ་སང་ཞིག་ལ་སྤྲུལ་བའི་གསར་བུ་ཞིག
- གོན་པ་སྔོན་པོ་ཞིག་གོན་ནས་ཡོང་ཡོད་མོད།
- ཡང་སེམས་ཅན་གྱིས་ཁ་སང་ལས་ཀྱང་ལྷག་གི་ཞེས་དེར་ལྟད་མོར་བལྟས།
- མོས་ལྟ་ཡག་ཅིག་བྱས་རྗེས་མདུན་སོ་འདི་ཆག་ཡོད་པ།
- ཁ་སང་ཡང་རེད་ལ་དེ་རིང་ཡང་དེ་འདྲ་ཞིག་རེད།
- མོའི་སྐྱེས་པ་ཡི་མདུན་སོ་ཆག་ཡོད་པ་དེ་དཔར་ཡོད་པ་འདྲ།
- ཡ་མཚན་འདི་ཅི་ཡིན་ནམ་ཞེས།
- དེ་ལྟར་འདོད་པས་སེམས་ཅན་མ་གྲོལ་གོང་ལ་རྟར་ཞོན་ནས་ཡུལ་ལ་རྒྱུགས་ནས་ཡོང་དུས།
- ཤུན་པ་དེ་ནས་ཕུད་དེ།
- སྐྱེས་པ་དེ་ཡུལ་ན་མེད་པ་རེད།
- དེ་ནས་རེ་མ་དེ་ཁྱེར་ནས་སོང་སྟེ་ཐབ་ལ་མེ་ཞིག་བཞག་ནས་ཐབ་ཁུང་ནང་དུ་གཡུག
- དེ་ནས་བསྡད་དུས་རྟ་སྔོན་པོ་ཞིག་ལ་ཞོན་ནས་མོའི་སྐྱེས་པ་ཐོན་བྱུང་།
- ཤུན་པ་ཅི་ཞིག་བྱས་སོང་ཞེས་དྲིས།
- ངས་ཤུན་པ་མེ་ནང་དུ་འཕངས་བ་ཡིན།
- ཁྱོད་ཀྱིས་འདི་འདྲ་ཞིག་བྱས་ནས་བསྡད་དེ་ཅི་བྱེད།
- ཁྱོད་འདི་འདྲའི་ཡག་པོ་ཞིག་གིས་འདི་འདྲ་བྱས་ནས་ཅི་བྱེད།
- དེ་མིན་མོད་ད་འུ་གཉིས་མཉམ་དུ་འདུག་མི་ཐུབ།
- ང་ཀླུ་ཕྱུག་ཅིག་ཡིན།
- འདི་ལྟར་མ་བསྡད་ན་ང་འཇིག་རྟེན་འདི་ནས་འདུག་མི་ཐུབ།
- དེ་བས་ངས་གོན་པ་འདི་གོན་ནས་བསྡད་པ་ཡིན།
- ད་འུ་གཉིས་མཉམ་དུ་འདུག་ཐུབ་པ་མ་རེད་ཅེས་བཤད་པར།
- དེ་དུས་སྐྱེས་པ་དེ་ཤི་གསོན་གྱི་མཚམས་ན་ཡོད།
- དེ་ནས་མོ་ལ་ཁྱོད་ཀྱིས་ཐུབ་ན་སྲིན་པོ་ཅིག་མ་ཅིག་གན་ན་ཡོད་པ་དེ།
- ཁྱོད་ཀྱིས་དེ་བཙལ་ན་བསམ་མོད་ཁྱོད་ལམ་ནས་ཐར་བ་མ་རེད།
- དེ་ནས་ཁྱོད་ཀྱིས་ངའི་སྙིང་ཁྱེར་ནས་ཡོང་ཐུབ་ན་ང་འདུག་ཐུབ།
- དེ་མ་གཏོགས་འདུག་ཐུབ་པ་མ་རེད།
- དེ་ནས་མོས་ཀྱང་སྙིང་དེ་ཨེ་ལོན་འདོད་དེ།
- དེ་ནས་ཐུ་བ་ལག་ཏུ་བཟུང་ནས་རྒྱུགས་ནས་སོང་དུས།
- རྟ་རྒན་ཞིག་གིས་ཁལ་མགོར་དྲུད་ནས་བསྡད་འདུག
- རྟ་རྒན་དེ་འགྲོ་ས་མ་སོང་བར་དེ་ལྟར་བསྡད་འདུག
- དེ་རེ་མ་ཇེ་དྲང་ལ་བཏང་སྟེ།
- དེ་ནས་རྒྱུགས་ནས་སོང་དུས་འབྲི་རྒན་ཞིག་འདམ་ལ་ཟུག་ནས།
- དེ་ན་འབྲི་རྒན་དེ་འཆི་ལ་ཉེ།
- འཐེན་ནས་འདམ་ལས་ཡར་བླངས་ཏེ།
- དེ་ནས་རྒྱུགས་ནས་སོང་དུས།
- སྲིན་པོ་དེའི་ཁང་བའི་དཀྱིལ་ན་སྙིང་མང་པོ་ཞིག་ཡོད།
- སྙིང་དེའི་གྲལ་ན་སྙིང་གཅིག་ལ་རླངས་པ་ཡོང་བཞིན་པའི་སྙིང་སོ་མ་ཞིག་ཡོད།
- དེར་ཨར་ལག་ཅིག་བྱས་ནས་ལག་ཏུ་ཡོང་སྟེ་བྲོས་ནས།
- དེ་ལྟར་མོའི་རྗེས་ལ་སྙེག་ལ་ཉེ་དུས།
- རྟ་རྒན་དེས་བུ་མོ་དེས་ཁོར་ཕན་བཏགས་བསམ་ནས།
- རྟ་རྒན་དེ་སྔུན་ལ་ལྡིང་ནས་བཀག་པས་མོ་ཅུང་ཙམ་ཇེ་རིང་ལ་བཏང་།
- དེ་ནས་བྲོས་ཏེ་སོང་བ་ན།
- ཡང་རྗེས་ལ་སྙེག་ལ་ཉེ་དུས།
- འབྲི་རྒན་དེས་བུ་མོ་འདིས་ང་ཤི་རུ་མ་བཅུག་ཅེས་བཤད་དེ།
- དེས་མཚམས་ལ་ལྡིང་བ་དང་མོ་རྒྱུགས་ནས།
- སྙིང་དེ་ཁྱེར་ནས་སྒོར་ཁར་ཐོན་པ་ན་ཁ་སྦུབ་ཀྱིས་བརྒྱབ་ནས།
- སྙིང་དེ་ཤོར་ནས་སྐྱེས་པ་དེའི་ཁོག་ལ་ཐོན་པས་སྐྱེས་པ་སོས་སོང་།
- མོས་མིག་ཕྱེ་དུས་སྐྱེས་པ་ཡིས་སྐྱོར་ཡོད།
- དེ་ནས་བཟུང་སྐྱོན་མེད་པར་གཉིས་ཀ་མཉམ་དུ་འདུག་ཐུབ་པ་རེད།
Loading ... Collection:
Subcollection
- Northeastern Tibet (Amdo) Collections
- Oral Traditions
Subject
- Folklore
- Folk Story
Recording Location
- Gartsé
- Tsekhok
Language
- Amdo Group
Producer:
Tibetan & Himalayan Library
Director:
Dudul Dorjee
Cinematographer:
Dudul Dorjee
Cinematographer:
Tsedan Rgyal
Editor:
Yidam Tsering
Editor:
Dudul Dorjee
Contributing Performer:
Dorjee
Data Entry:
Visibility:
Public (group default)
Shanti AV Id:
2464
