ཨམ་དབང་མོ་གིས་ གླུ་གཞས་འདི་ མོ་རའི་ཨའི་ལས་ ལྷབ་ཡོདཔ་མ་ཚད་ གཞོནམ་སྦེ་སྡོད་པའི་བསྒང་ མོ་ར་སྐྱོ་འགྱམ་ རབ་གནས་ཀྱི་སྐབས་ རྩེད་དཔོན་སྦེ་ཡང་ ཞབས་བྲོ་ཚུ་རྐྱབ་ཡོདཔ་ལས་ ཞོར་ཁ་ལུ་ མོ་ར་གིས་ཤེས་ཡོདཔ་སྦེ་སླབ་ཨིན་པས། གླུ་གཞས་འདི་ ཨམ་དབང་མོ་གིས་ མོ་རའི་ཨའི་ལས་ ལྷབ་ཅི་ཟེར་ཨིན་རུང་ ཚིག་བརྩམས་མི་དང་ གདངས་བཟོ་མི་ག་ཨིན་ན་ ཁ་གསལ་སྦེ་མི་ཤེས་པས། གླུ་གཞས་འདི་ གསར་སྨད་ཀྱི་གཡུས་ཁར་ དར་ཁྱབ་ཆེ་ཏོག་ཏོ་སྦེ་ རྐྱབ་སྲོལ་ཡོད་རུང་ ལུང་ཕྱོགས་གཞན་ཁར་ལས་ཕར་ གནམ་མེད་ས་མེད་ཅིག་ འཐེན་ས་དང་ རྐྱབ་ས་མ་འཐོང་།  གླུ་གཞས་འདི་གིས་ རིན་ཆེན་གསེར་ གངས་རིས་སྟེང་དང་ བར་དང་ དེ་ལས་འོག་སྐོར་བཤད་དོ་ཡོདཔ་ཨིན་མས།