29 Dec 2015
2 min 21 sec
Video Overview
Creators:
Tibetan & Himalayan Library
This is a video of Zungbum Thar from Tangkhor, Badzong, Amdo singing a song called "Tibet is the Precious Conch Shell." This song is part of a series of folk songs from the Rebgong cultural area.
འདི་ནི་སྤྱིར་བཏང་གི་དམངས་གླུ་ཞིག་ཡིན་ལ། ནང་དུ་སྟོད་དབུས་གཙང་དང་སྨད་རྒྱ་ནག བོད་གངས་ཅན་སོ་སོར་བསྟོད་ཡོད།
གླུ་འདིའི་ནང་དུ་སྟོད་ཕྱོགས་དབུས་གཙང་གི་ཡུལ་ནི་དུང་དཀར་གཡས་འཁྱིལ་དང་མཚུངས་བར་བརྗོད་ཡོད་པ་དང་། གཙོ་བོ་དམ་པའི་ཆོས་ཀྱི་འབྱུང་ཁུངས་ཡིན་པར་བསྟན་ཡོད། སྨད་རྒྱ་ནག་དངུལ་དཀར་གྱི་མེ་ལོང་དང་མཚུངས་པར་བརྗོད་པ་འདིས་རྒྱ་ནག་གི་ཁྲིམས་དམ་པ་དང་གསལ་བོ་ཡིན་པར་བསྟན་པ་དང་། བོད་གངས་ཅན་བྱི་རུའི་ཕྲེང་བ་དང་འདྲ་བར་བརྗོད་པ་འདིས་གངས་ཅན་ཁ་བའི་ལྗོངས་སུ་རང་བྱུང་གི་གཏེར་ཁ་འཛོམས་པ་དང་འབྱོར་ཕྱུག་ལྡན་པ་བསྟན་ཡོད་པར་བསམ།
- ༼ ཡེ་་་་་་ཡ་རེ་་་་་ཨ་ན་ཟླ་ཡ་རེ་་་་་་་ཨ་ན་ཟླ་ཡ་རེ་ལེན། ༽
- སྟོད་དབུས་གཙང་དུང་དཀར་གཡས་འཁྱིལ་རེད། །
- འབུད་མི་དགོས་དུང་དཀར་རང་གྲགས་རེད། །
- སྨད་རྒྱ་ནག་དངུལ་གྱི་མེ་ལོང་རེད། །
- དཀར་མི་དགོས་མེ་ལོང་རང་གསལ་རེད། །
- བོད་གངས་ཅན་བྱུ་རུའི་ཕྲེང་བ་རེད། །
- འདོན་མི་དགོས་མ་ཎི་རང་འགྲུབ་རེད། །
- གླུ་དགའ་དགའ་འཇིག་རྟེན་རྩེ་གླུ་རེད། །