༉  བུམ་ཐང་ ཁྲལ་ལྷ་ཁང་དེ་ཡང་ ལོ་བརྒྱ་གི་ཧེ་མ་ལས་ པད་མ་གླིང་པ་གིས་གདན་ས་བཅགས་ཏེ་བཞེངས་གནང་བའི་ལྷ་ཁང་ཅིག་ཨིན་མས། པད་མ་གླིང་པ་གིས་གདན་ས་བཅགས་གནང་གནངམ་འབད་ནི་དེ་གིས་ ལྷ་ཁང་གི་གཡས་དང་གཡོན་ལུ་ པད་མ་གླིང་པའི་གྲུབ་ཆུ་དང་ པད་མ་གླིང་པས་མགར་བའི་ཕྱག་ལཱ་མཛད་པའི་མཛད་ཤུལ་ ལྕགས་རོ་ཚུ་ ད་ལྟོའི་བར་ན་ཡང་ཨ་ཙི་རེ་འཐོབ་ནི་ཡོད་ ཟེར་བཤད་ནི་འདུག ལྷ་ཁང་གི་ནང་རྟེན་ལྡེབས་རིས་ཚུ་ཡང་ ཧེ་མ་འབད་བ་ཅིན་ སངས་རྒྱས་སྟོང་གི་སྡོད་ཅི་ ཟེར་ཨིནམ་ད་ ཤུལ་ལས་ལོ་མང་པོ་འགྱོ་ཞིནམ་ལས་ཉམས་གསོ་ཞུ་སྟེ་འབདཝ་ད་ ལྷ་འབྲིཔ་ཚུ་གིས་ ཧེ་མ་ཕམ་གི་སྐབས་ལུ་བཟུམ་སྦེ་ག་ཏེ་འབད་ཚུགས་ནི་ཟེར་ གཡས་ཁ་ཐུག་ གུ་རུ་མཚན་བརྒྱད་དང་སྒྲོལ་མ་ཉི་ཤུ་རྩ་གཅིག་ དེ་ལས་ལྟུང་བཤགས་ཚུ་བཞེངས་ཏེ་ཡོདཔ་ཨིན་མས། ཚེ་རིང་རྡོ་རྗེ་ཁོ་ར་ དངུལ་ཕོགས་འདྲཝ་ གཞུང་ལས་ཡང་མེདཔ་མ་ཚད་ མི་སེར་དམངས་ལས་ཡང་མེདཔ་ཨིན་རུང་ ཧེ་མ་ཕ་མའི་སྐབས་ལས་ར་དཀོན་གཉེར་སྦེ་སྡོད་སྡོདཔ་ཅིག་འབདཝ་ལས་ ཐོབ་ལམ་བཟུམ་ཅིག་ག་ནི་ཡང་མེད་རུང་ དཀོན་གཉེར་སྦེ་སྡོད་ཡི་ར་ ལོ་དྲུག་ཅུ་དེ་ཅིག་འགྱོ་དོ་ཡོདཔ་སྦེ་བཤདཔ་ཨིན་པས།