05 Jan 2016
2 min 1 sec
Video Overview
Creators:
Tibetan & Himalayan Library
This is a video of Tsethar Bum from Yonru Village in Chentsa singing a song called "The Three Colors of the Sky." This song is part of a collection of folk songs from the Rebgong cultural area.
གླུ་འདིའི་དོན་གྱི་ཆ་ནས་བལྟས་ན་གླུ་ཆེས་རྙིང་བ་ཞིག་ཡིན་པར་འདོད། འདིའི་ནང་དུ་ཐོག་མར་དགུང་སྔོན་གནམ་ལ་བསྟོད་པ་བྱས་ཡོད་པ་དང་། ལྷག་པར་གནམ་མཁའ་ན་འཁོར་ཞིང་རྒྱུ་བའི་ཉི་མ་དང་ཟླ་བ། སྐར་མ་གསུམ་ལ་བསྟོད་པ་བྱས་ཡོད་པ་དང་། ཡང་ཚན་པ་རྗེས་མར་དོག་མོ་ས་ནས་སྐྱེས་པའི་འབྲུ་རིགས་ལོག་དཀར་དང་གྲོ་ནས། ཟར་མ་རྣམས་ལ་བསྟོད་པ་བྱས་ཡོད།
- ༼ཡེ་་་་དུང་ལོ་ལོ་ཡ་རེ་ལེན་་་བྱང་ཡ་རེ་ཟེར་ར་དུང་ལོ་ལོ་གླུ་ཞིག་ལེན༽
- དགུང་གནམ་ན༼དུང་ལོ་ལོ༽མདོག་གསུམ་ཡོད། །
- ཉི་མ་སེར་པོ༼དུང་ལོ་ལོ༽གསེར་མདོག་རེད། །
- ཟླ་བ་དཀར་པོ༼དུང་ལོ་ལོ༽དུང་མདོག་རེད། །
- སྨིན་དྲུག་ཁྲ་མོ༼དུང་ལོ་ལོ༽གཡུ་མདོག་རེད། །s
- དགུང་ཨ་སྔོན་དཀྱིལ་གྱི༼དུང་ལོ་ལོ༽མདོག་གསུམ་རེད། །
- ༼ཡེ་་་་དུང་ལོ་ལོ་ཡ་རེ་ལེན༽
- དོག་མོ་ས་ལ༼དུང་ལོ་ལོ༽མདོག་གསུམ་ཡོད། །
- ལོག་དཀར་མེ་ཏོག༼དུང་ལོ་ལོ༽གསེར་མདོག་རེད། །
- གྲོ་ཡི་མེ་ཏོག༼དུང་ལོ་ལོ༽དུང་མདོག་རེད། །
- ཟར་མའི་མེ་ཏོག༼དུང་ལོ་ལོ༽གཡུ་མདོག་རེད། །
- དོག་མོ་ས་ཡི༼དུང་ལོ་ལོ༽མདོག་གསུམ་རེད། །