29 Dec 2015
6 min 21 sec
Video Overview
Creators:
Tibetan & Himalayan Library
This is a video of Shabo Tso from Khengya Village in Chentsa singing "The Three Animal Horns." This song is part of a collection of folk songs from the Rebgong cultural area.
འདི་ནི་མདོ་སྨད་རེབ་གོང་ཕྱོགས་ཀྱི་དམངས་གླུ་ཞིག་སྟེ། གྲོགས་ཕན་ཚུན་བར་ལ་སྨོན་ལམ་འདེབས་པའི་གླུ་ཞིག་ཡིན།
གླུ་འདིའི་ནང་དུ་ཤྭ་རྭ་དགོ་རྭ་འབྲོང་རྭ་གསུམ་གཞི་འཁྱོག་པོའི་མགོ་ནས་འཕྲད་པ་བཞིན། སྐྱེས་ས་མི་གཅིག་པའི་མི་རྣམས་ཆང་འཕང་ཁ་ནས་འཕྲད་དེ་སྤུན་བསྒྲིགས་པ་དང་། སྤུན་བསྒྲིགས་པ་འདི་ཡང་སྔོན་གྱི་ལས་སྨོན་ཡིན་ལ། སྤུན་ཡང་ཡང་བསྒྲིག་པའི་སྨོན་ལམ་བཏབ་ཡོད།
- ཡེ་་་་་་་་་ད་ཡ་རེ་ལེན་གོ་ཞང་ཡ་རེ་ཡེ་ཟེར་ར་་་་་་་འ་་་སིན་ཁོ་གླུ་ཞིག་ལེན་
- ཤྭ་རྭ་དགོ་རྭ་༼འ་་་ཟིན་ཁོ༽འབྲོང་རྭ་གསུམ། །
- འདི་སྐྱེས་ས་མི༼འ་་་ཟིན་ཁོ༽གཅིག་ཁ་ཁ་རེད། །
- གཞི་འཁྱོག་པོའི་མགོ་ནས་༼འ་་་ཟིན་ཁོ༽སྤུན་ཞིག་བསྒྲིགས། །
- སྤུན་ཡང་ཡང་བསྒྲིག་པའི་༼འ་་་ཟིིན་ཁོ༽སྨོན་ལམ་འདེབས། །
- ཁྲ་སྒྲོ་རྒོད་སྒྲོ་༼འ་་་ཟིན་ཁོ༽གླག་སྒྲོ་གསུམ། །
- སྐྱེས་ས་མི་གཅིག་༼འ་་་ཟིན་ཁོ༽ཁ་ཁ་རེད། །
- མདའ་ལི་མའི་མགོ་ནས་༼འ་་་ཟིན་ཁོ༽སྤུན་ཞིག་བསྒྲིགས། །
- སྤུན་ཡང་ཡང་བསྒྲིག་པའི་༼འ་་་ཟིན་ཁོ༽སྨོན་ལམ་འདེབས། །
- ཡེ་་་་་་་་་ད་ཡ་རེ་ལེན་གོ་ཞང་ཡ་རེ་ཡེ་ཟེར་ར་་་་་་་འ་་ཟིིན་ཁོ་གླུ་ཞིག་ལེན་
- ལ་ཡི་མི་དང་༼འ་་་ཟིན་ཁོ༽ལུང་གི་མི། །
- སྐྱེས་ས་མི་གཅིག་༼འ་་་ཟིན་ཁོ༽ཁ་ཁ་རེད། །
- ཆང་འཕང་གི་ཁ་ནས་༼འ་་་ཟིན་ཁོ༽སྤུན་ཞིག་བསྒྲིགས། །
- སྤུན་ཡང་ཡང་བསྒྲིག་པའི་༼འ་་་ཟིན་ཁོ༽སྨོན་ལམ་འདེབས། །
- གླུ་ཤེས་ནི་མིན་ཡང་༼འ་་་ཟིན་ཁོ༽དགའ་ནི་ཡིན། །