05 Jan 2016
2 min 8 sec
Video Overview
Creators:
Tibetan & Himalayan Library
This is a video of Drolle from Serchen, Amdo singing a song called "Thousands of Stars in the Sky." This song is part of a collection of folk songs from the Rebgong cultural area.
འདི་ནི་ཁ་མཚར་གྱི་ཚུལ་དུ་ལེན་པའི་གླུ་ཤགས་ཞིག་ཡིན།
གླུ་འདིའི་ནང་དོན་གཙོ་བོ་ནི་དགུང་ན་སྐར་ཚོགས་གྲངས་མེད་ཤར་དུས་སྐར་མ་སྨེ་བདུན་མེད་པས་སྐར་མ་སྨིན་དྲུག་གིས་བྱང་ཕྱོགས་མཚམས་ན་ཡོད་ཀི་ཟེར་བས་འདི་བདེན་ནམ་མི་བདེན་ཞེས་པ་དང་། གྲལ་ཁྲོམ་པར་མི་མང་འཛོམས་དུས་དྲིན་ཕ་མ་མེད་པས་སྔས་མགོའི་བླ་མས་བཤད་ན་ཕྱི་མའི་ཡུལ་ན་ཡོད་ཀི་ཟེར་བས་བདེན་ནམ་མི་བདེན་ཞེས་འདྲི་བའི་གླུ་ཞིག་ཡིན།
- ༼ཡེ་་་ཡ་རེ་ཡ་རེ་་་་ཡ་རེ་ལེན་དགོ ཞང་ཡ་རེ་རང་གི་ལེན་ཕྱོགས་རེད༽
- དགུང་གན་ན་སྐར་མ་ཁྲི་མ་འབུམ། །
- འདི་འབུམ་མགོ་ཚང་ནས་རིག་ནས་ཡོད། །
- འདི་མེད་ནོ་སྐར་མ་སྨེ་བདུན་རེད། །
- འདི་བྱང་ཕྱོགས་མཚམས་ན་ཡོད་ཀི་ཟེར། །
- འདི་སྨིན་དྲུག་ཁྲ་མོའི་སྐད་ཆ་རེད། །
- འདི་བདེན་ནམ་ཟེར་ལ་རྫུན་ནམ་ཟེར། །
- གྲལ་འདི་ཁྲོམ་པ་ཁྲི་མ་འབུམ། །
- འདི་འབུམ་མགོ་ཚང་ནས་རིག་ནས་ཡོད། །
- འདི་མེད་ནོ་དྲིན་ཆེན་ཕ་མ་རེད། །
- ཚེ་ཕྱི་མའི་ཡུལ་ན་ཡོད་ཀི་ཟེར། །
- འདི་སྔས་མགོའི་བླ་མའི་སྐད་ཆ་རེད། །
- འདི་བདེན་ནམ་ཟེར་ལ་རྫུན་ནམ་ཟེར། །
- གླུ་ཤེས་ནི་མིན་ཡང་དགའ་ནི་ཡིན། །