ལགས་སོ་ལགས། ཨརཝ་སྤྱང་ཀུ་གི་སྲུང་ཅིག་གཏང་ནི་སྦེ་ཨིན་ལགས་ ད་ང་གི་ཁ་ཐུག་ལས། ཏེ་ཨརཝ་སྤྱང་ཀུ་གི་སྲུང་འདི་དང་པ་ར་ རམོ་ར་པོད་ཚེ་དབང་དར་རྒྱས་གཅིག རམོ་ནག་ཅུང་གཅིག རམོ་ཆང་ཀམ་གཅིག རམོ་ལེ་ལེམ་གཅིག ཏེ་ཁོང་ཕ་སྤད་མ་སྨད་བཞི་རྩེ་རི་བརྐོ་བརྐོཝ་མས་ལགས།

I want to narrate the story about uncle wolf. And the story begins with goat named tshewang dargay, and nanny goat Nak chum, Changkam and Leylem. Once, the goat family, four of them, were doing shifting cultivation.

ཏེ་རྩེ་རི་བརྐོཝ་ད་ རམོ་ནག་ཅུང་འདི་ཁ་སྐོམ་ཆི་བ་ལུ་ མི་ནང་ཆུ་ཅིག་འཐུང་པར་འགྱོ་འགྱོཝ་མས། ཏེ་ཆུ་འདི་འཐུང་པར་འགྱོཝ་ད་ ཨརཝ་སྤྱང་ཀུ་འདི་ལམ་གི་ལྟག་ཀོ་ནང་འཛུལ་ ཁྱོད་མིག་ཏོ་མཐུད་མཐུད་ག་ལས་མཐུད་ཟེརཝ་མས་ལོ། ཏེ་ཁྱོད་ལས་འཐུད་ཟེར། རྐང་ཅུང་ཁྲབ་ཁྲབ་ག་ལས་ཁྲབ། ཏེ་ཁྱོད་ལས་ཁྲབ་ཟེར། ཁྲབ་ཁྲབ་ཁྲབ་ ཟེར་འཐུ་ཟ་དཔ་མས་ལགས།

And while carrying out the cultivation work, nanny goat Nakchum felt thirsty and went to drink water. There, uncle wolf, hiding in a bush above foot path said to nanny goat, “with whom you are linking your eyes” and she said, to you. And again he asked, “From which direction you are coming” and she answered, “From your direction”. And wolf ate nanny goat.

དེ་ལས་ རམོ་ཆང་ཀམ་འདི་འགྱོ་འགྱོཝ་མས་ལགས། ཁྱོད་མིག་ཏོ་མཐུད་མཐུད་ག་ལས་མཐུད། ཁྱོད་ལས་འཐུད་ཟེར། ཁྱོད་རྐང་ཅུང་ཁྲབ་ཁྲབ་ག་ལས་ཁྲབ། ཁྲབ་ཁྲབ་ཁྲབ་ཟེར་ འདི་ཡང་འཐུ་ཟ་དཔ་མས།

And nanny goat called changkam went to drink water. To her wolf said, with whom you are linking your eyes and she said with you. And asked from which direction you are coming from and even she was being eaten by wolf.

དེ་ལས་ ར་པོད་ཚེ་དབང་དར་རྒྱས་འདི་ དཔའ་རྟགས་ཅིག་བཏགས་འབད་སྦེ་ དོརམ་འཐུཝ་ཅིག་གཉའ་བར་བཀལ་སྦེ་ཆུ་འཐུང་པར་འགྱོ་འགྱོཝ་མས་ལགས། ཕ་ཆུ་འཐུང་པར་འགྱོ་སྦེ་འབདཝ་དན་ ཏེ་ཁྱོད་རྐང་ཅུང་ཁྲབ་ཁྲབ་ག་ལས་ཁྲབ་ཟེརཝ་མས་ལོ། ཏེ་ང་ར་ལས་ཁྲབ་ནི་རང་མམ། ག་ཏེ་ལས་ཁྲབ་བ་ཟེརཝ་མས།

མིག་ཏོ་མཐུད་མཐུད་ག་ལས་མཐུད་ཟེར་ཟེརཝ་མས། ཏེ་ང་ར་ལས་མཐུད་ནི་རང་མམ་ ག་ཏེ་ལས་མཐུདཔ་ནི་སྨོ་ཟེར་ཟེརཝ་མས། ཏེ་མཐུད་ཡང་མཐུདཔ་ཟེར་ འཐུ་བཟའ་ནི་འབདཝ་ད་ ཟ་མ་ཚུགས་པས་ལགས་ ཁོ་ཕོ་རྒྱ་འབད།

And then after sometime, male goat tshewang Dargay, went to drink water. He went with his sword dangling over his body and pant on his shoulder. On the way to drink water, the wolf asked him, “From which direction you are coming” and answered “from my own direction, from where else i would come”. Again wolf asked “With whom you are linking your eyes”. He answered “with whom should i link my eyes, it is obviously with myself”. The wolf attempted to eat him but failed.

དེ་ལས་ཁོང་གཉིས་འདི་ནང་ བྱེལཝ་བཙུགས། སྐེད་པར་བཤེད་སྡོད་སྡོདཔ་མས་ལགས། ཏེ་དེམ་ཅིག་གི་བར་ན་འ་དོམ་འདི་འཐོན་ཐོནམ་མས་ལགས། ཏེ་ཁྱོད་ཧོང་ལས་འབད་ནི་སྨོ་ ཁྱོད་ཧོང་ལས་འབད་ནི་སྨོ་ཟེར་སླབ་སླབ་མས་ལགས། ཏེ་ཨརཝ་སྤྱང་ཀུ་འདི་གིས་སླབ་སླབ་མས་ ངེའི་ཧོང་ལས་འབད་བ་ཅིན་ ང་གིས་ཏེ་ད་ཁྱོད་ལུ་ཁྲག་ཏིག་པ་ཅིག་དང་རུས་ཏོ་ཀྲུག་ཀྲུག་ཅིག་བྱིན་འོང་ཟེརཝ་མས་ལོ།

Both being masculine gender, they fought and in the scene appeared fox. And fox said, to whose side I should take a part to help. And uncle wolf replied, if you join me, i will offer you drop of blood and some bones.

ཏེ་ར་པོད་ཚེ་དབང་དར་རྒྱས་ཀྱིས་སླབ་སླབ་མས་ ངེའི་ཧོང་ལས་འབད་བ་ཅིན་ ང་བྱ་པོད་གཅིག་དང་བྱམོ་གཅིག་བྱོན་འོང་ཟེར། ཏེ་ཡུདཔ་ཅིག་ཁ་ལས་ བྱ་པོད་དང་བྱམོ་འདི་ཤུལ་ལས་ཨིན་མས། ཏེ་ད་ཁྲག་འདི་དང་ཤ་འབདན་ ད་ལྟོ་རང་བཟའ་ནི་ཡོདཔ་འདྲས་མནོ། ཨརཝ་སྤྱང་ཀུའི་ཧོང་ལས་འབད་ཆི་འདུག་ལགས། དེ་ལས་ར་པོད་ཚེ་དབང་དར་རྒྱས་འདི་བསད་ཟ་ད་འདུག་ལགས།

And tshewang dargay said, I will give you a cock and hen if you are getting along with me. After sometime, realizing getting meat and blood instantly and getting cock and hen later, he decided to fight against tshewang and help wolf. And they together killed male goat, tshewang dargay.

ཟཝ་ད་དེ་ལས་ཨརཝ་སྤྱང་ཀུ་འདི་གིས་ ཁྲག་ཡང་བྱིན་མ་བཏུབ་པས་ ཤ་ཡང་བྱིན་མ་བཏུབ་པས་ལགས། ཏེ་དེ་ལས་འ་དོམ་འདི་ཙིགཔ་ཟ་ཕར་སོང་སྦེ་ མཇུག་མ་ཅིག་མར་རྒྱ་མཚོ་ནང་སྦང་སྦེ་སྡོད་སྡོདཔ་མས་ལོ། དེ་ལས་ཨརཝ་སྤྱང་ཀུ་འདི་འོང་དེས་ཟེརཝ་མས་ལོ། ཏེ་ག་ཅི་སྨོ་ཁོ་རེད་ མཇུག་མ་འདི་མར་ཆུ་ནང་སྦངམ་ད་ ག་ཅི་འཐོན་ནི་ཡོདཔ་ཟེརཝ་མས་ལོ། ནངས་པ་དྲོ་པ་ཉི་མའི་རྩེ་ཕོགཔ་ཅིག་ རྡོ་ལེབ་གུར་རྐྱབ་འདྲཝ་ཅིག་འབད་བ་ཅིན་ ཨ་ནཱ་ལས་ཟ་བའི་ལྟོ་ བཀབ་ནི་གི་གོ་ལ་ག་ར་འཐོན་ནི་ཡོད། ག་ནི་ཡང་དཀའ་ངལ་མེད་ཟེརཝ་མས་ལོ། ང་འབད་གེ་མེན་ན་ ཟེརཝ་མས་ལོ།

While eating, the wolf refused to give neither bone, nor blood. Then fox got angry and went away somewhere far. He went to the distant place where there is lake. There, near lake, he placed his tail into the lake and when wolf arrived, he asked, what is there reason behind putting your tail inside lake. He (fox) answered, tomorrow with rising sun, if you hit the wet tail on the flat rock, you will get food to eat and clothes to wear. There won’t be any problem then.

མེན་ང་ར་ར་འབད་དགོ་ཟེར། ཏེ་ད་གབ་ཆ་ར་ཁོ་འབད་གེ་ར་ཟེར་ ཏེ་བཏུབ་ཟེར་སླབ་སྦེ་ ཁོ་སྦང་སྡོད་ནུག་ལོ། དེ་ཚེ་ཉིནམ་གཅིག་ ཏེ་མཇུག་མ་འདི་མར་རྒྱ་མཚོ་ནང་སྦང་སྦེ་ འདི་ནངས་པ་དྲོ་པ་ཉི་མའི་རྩེ་ཕོགཔ་ཅིག་ ཡར་རྡོ་ལེབ་གུར་རྐྱབ་རྐྱབ་མས་ལོ། མཇུག་མ་པགས་ཀོ་སྦྱིག་ཡར་སོང་ནུག་ལོ།

དེ་ལས་ཚ་ གནམ་མེད་ས་མེད་ཚ་ཤུགས་རྐྱབ་པ་ལུ་ ནཱ་ལས་ཕར་འ་དོམ་འདི་འབད་སར་འགྱོཝ་ད་ ཏེ་འ་དོམ་གྱིས་སྤྱིན་ཅིག་བསྐོལ་སྦེ་སྡོད་ནུག་ཟེརཝ་མས་ལོ། ཤུད་་་ ཁྱོད་[ལྗིད་?]ཡོདཔ་ཡང་འབད་ [ལྗིད་?]མེདཔ་ཡང་འབད་ ཨ་ནཱ་ང་གི་མཇུག་མ་འདི་པགས་ཀོ་སྦྱིག་བཀོ་ད་ཡི་ ཟེར་ཟེརཝ་མས་ལོ།

Wolf said, let me do this. And he responded, no! I should. And insisted and after much more insisting, fox agreed to let him do. Then he placed his tail inside lake. And with the moment of rising sun, he hit his tail on flat stone. And his skin of his tail got separated from his tail. Bearing unbearable pain, he went, looking for fox. And found him boiling glue. He said to fox; “skin of my tail got parted from my tail due to your unnecessary idea”.

ཨ་ཁ་་་་་ ཁྱོད་ར་འབད་ལུགས་མ་མཁསཔ་མས། ང་ར་འབད་བ་ཅིན་གཞན་བལྟ་ཤིག་ཏེ་ ད་ང་གིས་ཚེ་གཅིག་དྲངས་པའི་ཟས་བཏོན་དཔ་འོང་ཟེར་ཟེརཝ་མས། ཏེ་ ཡ་ཡ་ཁོ་རེད་ཨིན་མས་ཟེར་ ཏེ་ཁྱོད་སྤྱིན་བསྐོལ་སྦེ་ག་ཅི་འབད་ནི་ཟེར་ཟེརཝ་མས་ལོ། ཏེ་སྤྱིན་འདི་བསྐོལ་སྦེ་ཕྱི་རུ་ཞག་ཉལཝ་ད་ མིག་ཏོ་གུ་དབུར། རྐང་མ་དབུར།

ཨ་ནཱི་ག་ཀ་གི་ཁུག་ནང་པུ་ར་(ག་ར་)དབུར་ ཡར་[སྒོར་ཁྲམ་?]རྐྱབ་སྦེ་༼རྐང་ལག་བཀུམ་སྦེ་༽ཉལ་སྡོད། དེ་ལས་དྲོ་པ་ནམ་ནངསམ་ཅིག་ དུག་བཏང་འཕྱལ་ད་བ་ཅིན་ ཏེ་དེ་ལས་ང་བཅས་ར་ ཟ་ནི་འཐུང་ནི་ བཀབ་གོ་ལ་ག་ར་འཐོན་ཚུགས་ཟེར་ཟེརཝ་མས།

Oh shit! It is because you are not so witty. I would have accumulated things that would feed me my entire life. And he (wolf) asked, for what purpose do you boil this glue. Fox replied, we must apply this glue on our eyes, legs and all over your body and sleep folding our body, after applying all over our body. While getting up we must release our folded body instantly. If we do this, then it will benefit us in accomplishing food and cloth.

ཏེ་ང་འབད་གེ་ཟེར་ཟེརཝ་མས་ལོ། མི་དགོ་ང་ར་ར་འབད་དགོ་ཟེར་ ཡ་ཡ་དེནི་འབད་ཤིག་ཟེར་ ཏེ་དེ་ལས་ཁོ་ཞག་ཉལ་རནམ་ད་་ཨ་ནཱི་ག་ཀ་གི་ཁུག་ མིག་ཏོ་ལྟགམ་འོགམ། ལྷ་པ་ལྟག་འོགམ་པུ་ར་(ག་ར་) སྤྱིན་འདི་དབུར་ཉལ་ད་འདུག་ལགས་ སྒོར་ཁྲམ་རྐྱབ། དྲོ་པ་ནམ་ནངསམ་ཅིག་འཕྱལ་འཕྱལཝ་མས་ལགས།

འཕྱལ་བ་ཡར་གྱི་ཤ་མར་སྤོག་བཀལ། མར་གྱི་ཤ་ཡར་སྤོག་བཀལ་སྦེ་ཏེ་ག་ར་སྤོག་ཚར་འདུག་ལགས། ད་རུང་ཡང་ཁྲག་ཐོན་ ནཱ་ལས་ཕར་འགྱོཝ་ད་ ཕར་བྱག་ཅིག་གི་རྩ་བ་ལུ་འབག་ སྦྱངམ་མང་ཧེ་རྫོགསཔ་ཅིག་ ཡར་ནམ་མཁའ་ལས་མར་སྦེ་ མར་ལས་ཡར་བསང་ཅིག་བཏང་སྦེ་ རྔ་ཅིག་དང་རོལམ་ཅིག་བཞག་སྦེ་ དུང་དུང་ ཚེང་ཚེང་ ཟེར་སྡོད་ནུག་ཟེརཝ་མས་ལོ།

Again wolf asked if he could do this. Fox refused first and then let him to do this business. Then wolf applied the glue all over his body and went to bed. And as morning dawn came by, he released his folded body. This resulted in misplacing the location of his skin. The upper skin got shifted to lower and vice versa. Then started bleeding and he again went looking for fox. As he walked to find fox, he encountered fox, making fire offering and performing ritual under the cave bearing bee hive.

ཏེ་ཁ་ཙ་ཁྱོད་ཀྱིས་[ལྗིད་?]ཡོདཔ་ཡང་འབད། [ལྗིད་?]མེདཔ་ཡང་འབད་ ཨ་ནཱ་བལྟ་ཤིག་པུ་ར་(ག་ར་) ད་སྤོག་ཚར་ཡི་ཟེར་ཟེརཝ་མས་ལོ། ཨ་ཁ་ ཁྱོད་ར་འབད་ལུགས་མ་མཁསཔ་མས། འབད་ཤེས་དགོ་ཟེར། ག་ཅི་ར་འབད་རུང་སྦྱང་བ་དགོ། ཏེ་འབད་ཤེས་དགོ། འབད་མ་ཤེསཔ་ད་འ་ནཱི་སྦེ་འགྱོ་ཡི་ཟེར་ཟེརཝ་མས། ཡ་ཡ་བཏུབ་པས་དེན་ ཏེ་ཁྱོད་འདི་ནང་ལུ་འདི་འབད་འདི་གིས་ག་ཅི་ཕན་ཡོན་ཡོདཔ་ཟེར་ཟེརཝ་མས།

ཏེ་ལྟ་མ་ཉིམ་ཕོགཔ་ཅིག་ ཨ་ཡར་ལས་མར་སྦྱངམ་ཚུ་པུ་ར་(ག་ར་)དུ་པ་འདི་ཤུགས་སྦེ་བཏང་པའི་བསྒང་ལས་ སྦྱངམ་འདི་པུ་ར་(ག་ར་)སྟབས་ཅིག་ཁ་ནང་འཛུལཝ་ཨིན་ཟེར་ཟེརཝ་མས་ལོ། ཏེ་ང་འབད་གེ་མེན་ན་ཟེར་ཟེརཝ་མས། མི་དགོ་ང་ར་ར་འབད་དགོ་ ཟེར་ཟེརཝ་མས། ཏེ་འབད་གེ་ཟེར་ཟེརཝ་མས། ཏེ་འབད་གེ་ཟེརཝ་ད་འབད་གེ་ ལྟ་མ་ང་ཁམ་ཏོ་གཅིག་ཁར་ཟ། ཨ་ཕོགས་གཅིག་ཁར་བཏང་བཞག་འོང་མས་ཟེར་ཟེརཝ་མས།

Wolf said, “See, Yesterday, because of your unnecessary and junk idea, i got my skin torn and misplaced”. Fox again said, oh shit! It is due to your incompetent to carry out the job. You must have capability to anything you are supposed to. “Fine”, said wolf and continued, what benefit you would get by doing this. He answered, “When the sun strike over the hive of bee, we must let smoke to reach the bee hive. And then at once, the entire bee would fall inside our mouth”. Wolf asked fox to let him do this too and when refused, he warned fox by saying, “When i say i want to do, let me. Otherwise i will eat you in one bite and will throw you at one shit.

ཏེ་ཡ་ཡ་ འབད་ཤིག་ཟེར་ དེ་ལས་དུང་དུང་ཚེང་ཚེང་ཟེར་དུ་པ་འདི་ གཡས་བསྐོར་བསྐྱུར་བཏང་ནུག་ལགས་ཨ་ནཱི། ཏེ་ཉིནམ་རྩེ་ཕོག་རནམ་པའི་བསྒང་ལས་ སྦྱངམ་པུ་ར་(ག་ར་)ཡར་ལས་མར་དུ་པ་གིས་དྲེགས་མ་ཚུགས་པར་ སྟབས་ཅིག་གུ་མགུ་ཏོ་ཁ་ལས་མར་རྐྱབ་ལགས། པུ་ར་(ག་ར་)མདུང་རྐྱབ། ཡུདཔ་ཅིག་སྦོ་ དེ་ལས་ཏེ་ ནཱ་ལས་ཕར་འགྱོ་འགྱོཝ་མས་ལོ།

ཏེ་འགྱོཝ་ད་བལྟ་ཤིག་ཁ་ཙ་ཁྱོད་ཨ་ནི་བཟུམ་འབད་སྦེ་ ང་པུ་ར་(ག་ར་)ཨ་ནཱི་བཟུམ་སྦེ་མེདཔ་བཏང་ཚར་ཡི་ཟེར་ཟེརཝ་མས། ད་ཁྱོད་ཀྱིས་འདི་ལན་ཐེངས་གསུམ་ཡར་སོང་ཡི་ཟེར་ ཏེ་ཡར་སྒང་ཏོག་ཅིག་གུ་ལུ་ ཐལཝ་རི་བཟུམ་སྤུངས་སྦེ་འཕྱག་དེས་ཟེརཝ་མས་ལོ། ཏེ་ཁོ་རེད་ ཏེ་ད་ཁ་ཙ་ཁྱོད་ཀྱིས་སྦྱངམ་ཨ་ནཱི་སྦེ་ སྦྱངམ་ཁ་ནང་སྟབས་ཅིག་འཐོན་འོང་ཟེར་སླབ་སྦེ་ སྦྱངམ་ཁ་ནང་འོང་ནི་མེད་ ང་སྦྱངམ་མས་པུ་ར་(ག་ར་)མདུང་རྐྱབ་ཚར་ཡི་ ཟེར་སླབ་སླབ་མས།

Its ok, said fox and he let wolf to do this, again. Then, he let smoke to reach the hive. Because of it being so irresistible for bees to be in smoke, they attacked them and stung him. Again he went looking for fox and when they met, se uttered, “See! i am being stung because of your idea. You said that bees were going to fall inside my mouth but it turned opposite. My whole body is being stung now. It is third time now”. At that point of time, fox was busy piling dust on the hilltop.

ཁྱོད་ར་འབད་ལུགས་མ་མཁསཔ་མས། ག་ཅི་ར་འབད་རུང་འབད་ཤེས་དགོ་ཟེར་མི་འདི་ ང་ཧེ་མ་ལས་སླབ་ཅི། དུས་ནམ་ར་འབད་རུང་ཁྱོད་ཀྱིས་འདི་འབད་མི་ཤེས་པས་ འབད་མི་ཤེས་པས་རང་ཟེར། ནམ་ཟེར་མི་འདི་འབད་ཤེས་ནི་ཟེར་ཟེརཝ་མས། ཏེ་ད་ཁྱོད་འདི་ཐལཝ་འཕྱག་ག་ཅི་འབད་ནི་ཟེརཝ་ད་ ང་ཐལཝ་འདི་འཕྱག་སྦེ་སྡོདཔ་ད་ ལྟ་མ་དཔོན་བླམ་འདི་ཚུ་ འ་ནཱི་ལམ་བདའ་སྟེ་འབྱོན་འོང་། མ་འཕྱག་མ་འཕྱག་ཟེར་སླབ་འོང་།

ཨ་ནཱི་བསྒང་རྩ་འགེངས་འཕྱགཔ་འདྲཝ་ཅིག་འབད་བ་ཅིན་ གསོལ་རས་ཏི་རུ་ ག་ཅི་ཡང་གནང་འོང་ཟེར་ཟེརཝ་མས་ལོ། ཏེ་བཏུབ་ཟེར་ ཏེ་ང་འབད་གེ་མེན་ན་ཟེརཝ་ད། མི་དགོ་ང་ར་ར་འབད་དགོ་ཟེར། ཏེ་དེ་ལས་ཁོ་ཐལཝ་འཕྱག་བཞག་འདུག་ལོ། ཏེ་ཡུདཔ་ཅིག་ཁ་ལས་དཔོན་དང་བླམ་འདི་ཚུ་གིས་དབའེ་མ་འཕྱག་མ་འཕྱག་ ཟེར་བྱ་རོགས་ཚུ་གིས་དེ་སྦེ་སླབ་སོང་བ་ ཧེང་སྐལ་གཡས་བསྐོར་བསྐྱུར་ཕྱག་འབད་སྦེ་ དཔོན་དང་བླམ་དགོངསམ་ཁྲེལ་ རྟས་ཐག་གིས་ཨ་བ་ཤོར་ཤོརཝ་བརྡུངས་དཔ་མས་ལགས་ དེ་ལས།

Fox responded him saying, “It happened because you are not shrewd enough to handle, as i told you earlier. You always fail to handle, will there be the day when you are going to handle anything without failing?” again wolf asked, why it is so that you are sweeping the floor. And fox said, “Kings and priests are going to walk this path. And while they are going by this road, they will ask us not to sweep but if we sweep without stooping, they are going to gift us with so many money and other stuff” again he insisted to do this. After sometime king and priest came by this way, he sweep despite he was asked not to. He again got beating till he shit, as he didn’t listened when he was asked not to.

རྟས་ཐག་ཨ་བ་ཤོར་ཤོརཝ་བརྡུངས་སྦེ་ དེ་ལས་ནཱ་ལས་ཡར་སོངམ་ད་ ཁོ་ཡར་སྒང་ཏོག་གིག་ཁརལུ་ཀུ་ཏོ་ཅིག་འཐག་སྦེ་ བྱག་གི་མགུ་ཏོ་ཁར་ཀུ་ཏོ་ཅིག་འཐག་སྦེ་སྡོད་ནུག་ཟེརཝ་མས་ལོ་ལགས། ཏེ་ཁྱོད་ཀྱིས་ལཱ་འདི་ག་འབད་ས་ལས་ཕར་ ཨ་ནཱི་སྦེ་ཨིན་མས། ང་ད་རྟས་ཐག་གིས་ ད་པུ་ར་(ག་ར་)བརྡུངས་ཚར་ཡི་ཟེརཝ་མས་ལོ། ཨ་ཁྱོད་ར་འབད་ལུགས་མ་མཁསཔ་མས་ ཏེ་འབད་ཤེས་དགོ་ཟེར་ ང་སླབ་ཅི་མེ་ན་ཟེར་ཟེརཝ་མས་ལོ།

ཏེ་ཨིན་ན་ཨིན་ན་ཟེར་ དེ་ཅིག་སྦེ་བཞག་ནུག་ལགས། ཏེ་ཁྱོད་ཀུ་ཏོ་འདི་འཐག་ག་ཅི་འབད་ནི་ཟེརཝ་མས་ལོ། ཀུ་ཏོ་འདི་མགུ་ལས་མར་བཙུགས། འདི་ཁ་ལས་མར་ནོར་གྱི་ཨ་བ་[སྤྱིན་?] ཏེ་འ་ནཱི་སྒང་ཏོག་འདི་ལས་མར་རྟ་བོང་ཀུ་གཅིག་ ཝང་ཀི་ཝང་ཀི་ཟེར་སྐད་རྐྱབ་ནི་ཡོད། ཏེ་འ་ནཱི་བཟུམ་འབད་བ་ཅིན་ ཏེ་དེ་ལས་འ་ནཱི་རྟ་འདི་སྐད་རྐྱབ་ཞིན་ན་ གནམ་མེད་ས་མེད་འཆམ་བཏང་ ཨ་ནཱི་འབད་བ་ཅིན་ ཏེ་ཟ་བའི་ལྟོ་ བཀབ་ནི་གོ་ལ་པུ་ར་(ག་ར་)ནཱ་ལས་འཐོན་ནི་ཡོད་ཟེར་ཟེརཝ་མས། ཏེ་ང་འབད་གེ་མེན་ན་ཟེར་ཟེརཝ་མས།

After he got beaten, he again went to other place. Then on the mountain peak he saw fox weaving small bamboo basket muzzle, wearing one muzzle on his head. To fox, he said, “your idea is everywhere same, i got beating all over my body again” fox responded, “you are not shrewd and clever, i told you should know how to do” and wolf again asked, “what will you do after weaving all this muzzle” and then fox said, “we should wear this muzzle over our head and glue with cow dung all over bamboo basket. You should dance like the way horse do, when they are jumping making noise. If you do so, you will accumulate wealth, food and cloths” wolf asked fox saying if he could try this, but fox refused saying he is going to do this.

མེན་ང་ར་ར་འབད་དགོ་ ད་ག་ར་ཁྱོད་ལུ་གོ་སྐབས་བྱིན་ཡི་ ཏེ་འདི་འདི་ང་ར་ར་འབད་དགོ་ མཇུག་ཨིན་ཟེར་ཟེརཝ་མས། མེན་དབའེ་ང་འབད་གེ་ འབད་གེ་ཟེརཝ་ད་འབད་གེ་ ང་ལྟ་མ་ཁམ་ཏོ་གཅིག་ལུ་ཟ་ ཨ་ཕོགས་གཅིག་ལུ་གཏང་འོང་མས་ཟེརཝ་མས་ལོ། ཏེ་ཡ་འབད་ཤིག་ འབད་ཤིག་ཟེར་སླབ་འབད་སྦེ་ ཏེ་དེ་ལས་ཀུ་ཏོ་འདི་ཡར་མགུ་ལས་མར་བཙུགས། ནཱ་ལས་ཕར་པུ་ར་(ག་ར་)ཐགཔ་གིས་བསྡམས། ནོར་གྱི་ཨ་བ་གིས་ ག་ཏེ་ཡང་མིག་གིས་མ་མཐོངམ་[སྤྱིན་?]འབད་སྦེ་ ཏེ་རྟ་བོང་ཀུ་འདི་དཀྲོགསཔ་ད་སྐད་རྐྱབ་པས་བ་སྨོ་ཤིག་ལགས།

I gave all the chance to you, now I am going to take the chance and this is going to be the last on, said fox. Wolf again threatens him by saying, “when I ask you to let me do this, you better let me. If not I am going to eat you in one bite and will shit” fox said, “it is fine, as you like it. You may proceed” Then he wore muzzle over his head and holes of the muzzle was covered by dung, making it hard for him to see. Then he went near to donkey

ཏེ་རྟ་བོང་ཀུ་འདི་དཀྲོགས་པར་འགྱོ་འགྱོཝ་མས། ཏེ་རྟ་བོང་ཀུ་འདི་ཝང་ཀི་ཝང་ཀི་ཟེར་སྐད་རྐྱབ་ཅིག་ འདི་ནང་ལས་མར་འཆམ་བཏངམ་ཅིག་ བྱག་གུ་ལས་མར་འཛུལ་འབད་སྦེ་ ཏེ་འདི་ནང་ལས་མར་བོ་ཏོ་རིལ་ ཤི་སོང་ནུག་ལགས་ཁོ་དེ་ལས། འ་ནཱིམ་ཅིག་ཨིན་མས་ལགས། ཏེ་འདི་གི་ཁུངས་དང་དགོས་པ་གི་སྐོར་ལས་ཞུ་བ་ཅིན། ངན་པ་འདི་རོགས་ལུ་འབད་ནི་མི་འོང་། ངན་པ་འདི་རོགས་ལུ་འབད་བ་ཅིན་ ཏེ་ཕར་ལས་རོགས་ཀྱིས་སེམས་ཁར་བཞག་སྟེ་འ་ནཱི་སྦེ་འབད་འོང་ ཁོང་གཉིས་འདི་ འ་ནཱི་བཟུམ་ཅིག་འགྱོ་འགྱོཝ་མས་ལགས།། །།

He went to disturb horses and donkeys. And horses and donkeys made noise and jumped with anger. He (wolf was kicked to death then. Moral of the story is we should never to bad to others, otherwise they will take revenge, keeping in mind, like the way fox did to wolf.