ཨ་ཞེམོ་འདི་ཕྱུག་པོའི་རིགས་ བཟའ་འཐུང་ཡང་ལངམ་སྦེ་ཡོདཔ་མས། ནུམོ་འདི་སྔུ་ཡི་སྔུ་ཡི་ ཨ་ནཱི་ཚལ་མ་ནང་གི་ཟྭོ་ཆག་ བཟའ་ནི་གི་འོང་བ་ཏེ་མེན་ན? ཟྭོ་ཆག་འཐུ་བར་ཡར་སོ་ནུག་ལོ་ཙེའུ་འབག་སྦེ་ ཕྱི་རུ་གི་ལྟོ་ དྲོ་པ་གི་ལྟོ་ ཨ་ནཱི་སྦེ་ར་ཟ་སྟེ་ དབའེ་ཁྱོད་ག་ཏེ་འགྱོཝ་སྨོ་ཟེརཝ་ད་ ཨ་ཞེམོ་ ང་བཅས་ལྟ་མ་བཟའ་ནི་ཡང་མེད་ ཟྭོ་ཆག་འཐུ་བར་འགྱོཝ་ཨིན་ཟེར་སླབ་སླབ་ཨིན་ལོ། དབའེ་ངེའི་མགུ་ཏོ་གི་ཤིག་ལྟ་ཤིག

ང་གི་མགུ་ཏོ་གི་ཤིག་དང་སོ་མ་ག་ར་བཏོན་བཀོ་ད་ ཕྱེ་བྲེ་གང་བྱིན་གེ་སྨེ་ ཟེར་སླབ་དེས་ལོ་ ཨ་ཞེམོ་གིས། ཕྱེ་བྲེ་གང་བྱིན་གེ་སྨེ་ ཟེར་སླབ་དེས་ལོ། ང་གི་མགུ་ཏོག་ཁའི་ཤིང་ལྟ་ཤིག དེ་ལས་ ཕྱེ་བྲེལ་གང་བྱིན་གེ་ཟེར་སླབ་ནུག དེ་ལས་ག་ར་འཐུ་ད་ཡི་ ད་མེད་ ཁྱོད་ཀྱི་སྐྱ་ག་ར་གྱངས་ཁ་རྐྱབ་ཚར་ཡི་ཟེར་སླབ་ནུག དེ་ལས་ཨ་ཞེམོ་གིས་ གཅིག་སེན་མོ་ནང་བཙུགས་བཞག་ནུག་ལོ།

དེ་ལས་ མོ་གི་མགུ་ཏོག་ཁ་ལས་ཀྲེགཔ་ད་ གཅིག་ཐོབ་ནུག དེ་ལས་ ད་ང་མི་བྱིན་ཁྱོད་ལུ་ཟེར་ བྱིན་མ་བཏུབ་པས་ ཏེ་མོ་སྔུཝ་སྦེ་འགྱོཝ་ད་ མོ་གི་བསོད་བདེ་བསོད་ནམས་འོང་ནུག་ལོ། དོམ་གྱིས་ ཁྱོད་ག་ཅིག་འབད་སྔུཝ་སྨོ་ ཟེར་དྲིས་ནུག

ཏེ་ཁྱོད་སྔུ་མི་དགོ་ ཟྭོ་ཆག་ཡང་བཏོག་མི་དགོ་ ང་འབག་འགྱོ་སྨ་རེད་ ཟེར་སླབ་ནུག དེ་ལས་འབག་ཐལ་མ་ཐལཝ་སྦེ་འབག་ ཁྱིམ་ནང་ལྷོད་ནུག་ལོ། དེ་ལས་ ཟུར་བཞི་ཆ་རང་[བྱི་?]རྐྱབ་ དེ་ལས་དཀར་མེ་ཕུལ་སྦེ་ ཁྱོད་ར་ཡར་སོང་ ཟེར་སླབ་ནུག

ཏེ་དྲོ་པ་ཤོག་སྨ་རེད་ དེ་ལས་དྲོ་པ་འོངམ་ད་ དཀར་མེ་ཡང་འདུག་ལོ་ དེ་ལས་ ཏི་རུ་སྤུང་བཞག་སྦེ་ དོམ་འདི་ག་ཏེ་བྱོག་འགྱོ་ཡི་ག་མིན་འདུག་ལོ། དེ་ལས་མོ་གི་ཨ་ལོ་ལུ་ ཨ་ལོ་ ཨམ་ཅུམ་འབད་སར་སོང་སྦེ་བྲེ་འབག་ཤོག ད་ང་བཅས་ འདི་སྤུངས་བཞག་དགོ་ཟེར་སླབ་ནུག

དེ་ལས་ཨམ་ཅུམ་བྲེ་གནང་ལོ་ཟེར་སླབ་ད་ དེ་ལས་མོ་གིས་ མ་འབདན་བྲེ་ལེན་ནི་རང་མེད་ ག་ཅི་འཇལ་ནི་ཨིན་ན་མནོ་ བྲེ་དེ་གི་འོག་ལས་ནོར་གྱི་ཨ་ཝ་སྦྱར་བཏང་ནུག དེ་ལས་ ཏི་རུ་འདི་འཇལ་ཡི་ར་བླུགས་བཞག་ནུག་ལོ།

དེ་ལས་ ཨ་ལོ་སོང་ ཨམ་ཅུམ་གྱི་བྲེ་སྐྱེལ་སོང་ ཟེར་བཏང་ནུག དེ་ལས་ ཨ་ཞེམོ་གིས་བལྟཝ་ད་ཏི་རུ་མཐོང་སྟེ་ མོ་སྔུ་ཡི་རང་འོང་ནུག ཁྱོད་ཀྱིས་ཏི་རུ་མཇལ་ནུག ཏི་རུ་འདི་བཟུམ་ལེ་ཤ་ག་ཏེ་ལས་ཐོབ་ཅི་ ཟེར་སླབ་ནུག

ཧེ་མ་གི་ལན་རྐྱབ་ནི་འབད་ ཏེ་ང་འདི་ཨ་ཞེམོ་གི་ཕྱེ་བྲེ་གང་མ་བྱིནམ་ལས་ སྔུ་ཡི་ར་ཟྭོ་ཆག་བཏོག་སྡོདཔ་ད་ དོམ་ཅིག་གིས་བྱིན་ཡི་ ཟེར་སླབ་ནུག ཐད་རི་བ་རི་ཨིན་ན་ནུམོ་ཟེརཝ་ད་ ཨིན་ཨ་ཞེམོ་ཟེར་སླབ་ནུག

དེ་ལས་ མོ་གིས་ཡང་ཕྱི་རུ་སྔུ་ཡི་རང་ ནུམོ་ག་ཏེ་འགྱོ་སར་སོང་ནུག་ལོ། ད་རུང་དོམ་འདི་ཙིགཔ་ཟ་སྟེ་ ག་ཅི་འབདཝ་སྨོ་ ཟེར་སླབ་ནུག ཏེ་མོ་གིས་ ང་ཁྱིམ་ནང་བཟའ་ནི་མེད་ཟེར་སླབ་ནུག ཟྭོ་ཆག་མ་བཏོག་ ང་འབག་ཟེར་སླབ་ནུག དེ་ལས་མོ་གིས་དོམ་འདི་འབག་ དོམ་གྱི་ཨ་ཝ་བཏང་ཡི་རང་ཁྱིམ་ནང་ལྷོད་ནུག

དེ་ལས་ ཁྱིམ་ཟུར་བཞིཔོ་ཆ་ར་[བྱི་?]རྐྱབ་ དཀར་མེ་ཕུལ་སྦེ་ཁྱོད་རང་ཡར་སོང་ ཟེར་སླབ་ནུག ནངས་པར་ཤོག་སྨ་རེད་ ཟེར་སླབ་ནུག དེ་ལས་དྲོ་པ་སྒོ་ཕྱེཝ་ད་ ཟུར་བཞིཔོ་ཆ་ར་ཨ་ཝ་སྤུངས་བཞག་ནུག་ལོ། ག་ཅི་གིས་བཏང་ཡི་ག་མ་ཤེས་པས།

དེ་ལས་ ཨ་ཞེམོ་སྤྱང་ཀ་སྤྱང་ཀ་འགྱོ་ དེ་ལས་ནུམོ་གི་ཁྱིམ་ནང་ལས་ལྷང་བཟའ་དགོཔ་ཐལ་ནུག དེ་ལས་ནུམོ་གིས་ ཧེ་མ་ཁྱོད་ཀྱིས་ ཉིམ་གཅིག་ཤི་བལྟ་བཅུག་སྦེ་ ཕྱེ་བྲེ་གང་ཡང་མི་བྱིན་ དེ་འབདཝ་ད་ ད་རེས་ཁྱོད་ར་ག་འབག་ཚུགས་ཚུགསཔ་ཅིག་འབག་ཟེར་ བྱིན་བཏང་ནུག དེ་ལས་ནུམོ་འདི་ ཉིམ་གཅིག་བ་ཉིམ་གཅིག་ཕྱུགཔོ་དང་ ཨ་ཞེམོ་འདི་ཉིམ་གཅིག་བ་ཉིམ་གཅིག་སྤྱང་ཀ་ཐལ་སོ་ནུག། །།