02 Feb 2016
7 min 21 sec
Video Overview
Creators:
Sonam Tobgye, Sangay Tshomo
This is a story about the Religious King Norzang and a woman he loved. The story conveys the message that when two persons are in love, they always find a way to be together. In the past, there was a tradition of giving something to a loved one before parting ways. In this story, the beloved woman gives King Norzang a gold ring as a souvenir so that he would not forget her.
མོང་སྒར་གླིང་མཁར་ལས་ འཇིགས་མེད་ཀྱིས་གཏང་མི་སྲུང་དེ་ འཇམས་དབྱངས་དང་སངས་རྒྱས་ཤཱཀྱ་ཐུབ་པ་གཉིས་ བསྟན་པ་བཙུགས་ནི་གི་དོན་ལུ་ གབ་ཐོབ་རྐྱབ་པའི་སྐོར་ལས་ཨིན་པས། དེ་ཡང་ སངས་རྒྱས་ཁོ་ར་ ཆོས་མ་མཛད་པའི་ཧེ་མ་ རྗེ་བཙུན་འཇམ་དཔལ་དབྱངས་ཀྱི་བཀའ་གནང་ཞིནམ་ལས་རྐྱངམ་ཅིག་ ཆོས་བསྒྲུབས་ཏེ་སངས་རྒྱས་པའི་ལོ་རྒྱུས་སྦེ་བཤདཔ་ཨིན་པས། དེ་འབད་ནི་འདི་གིས་ ཁོ་གིས་གཏང་མི་སྲུང་དེ་ བདེན་པ་ཅིག་ཨིན་པ་ཅིན་ སངས་རྒྱས་ཧེ་མ་བྱུང་ཡི་ག་ ཆོས་ཧེ་མ་བྱུང་ཡི་ག་གི་དོགས་པ་ཡང་སེལ་ཚུགས་ནི་ཨིན་པས། ཨིན་རུང་ འཇིགས་མེད་ཁོ་ར་ཡང་དོགས་པ་ཟ་སུ་ཅིག་སྦེ་ ཨ་པ་དང་ཨ་རྒས་ཀྱིས་ འ་ནི་སྦེ་གསུངས་ནི་འདུག འ་ནི་འབདཝ་ད་ ཡང་ཅིན་ལེགས་ཤོམ་འོང་ ཡང་ཅིན་ཟོགཔ་འོང་ ཟེར་སླབ་ནི་འདུག།
- Thangrong
- Lingkhar
- འཇིགས་མེད།/Jigmeད་ལྟོ་ དང་ཕུ་ ཆོས་རྒྱལ་ནོར་བཟང་དང་ ཐུང་ལེམ་སྒྲོལ་མ་ཟེར་སྡོད་སྡོདཔ་མས། ཆོས་རྒྱལ་ནོར་བཟང་ཟེར་མི་འདི་ ག་ཅི་སྨོ་ཟེར་བ་ཅིན་ ཨ་རྟག་རང་ ཁོ་ནོར་འཚོ་བར་འགྱོ་དོ་ཡོདཔ་མས། ནོར་འཚོ་བར་འགྱོ་སྡོདཔ་ད་ ཉིནམ་ཅིག་ཟེརཝ་ད་ལུ་ བྱ་དཀརཔོ་དཀརཔོ་ཅིག་ལྷོད་དེས་ ཟེར་ཨིན་མས།
- འཇིགས་མེད།/Jigmeཏེ་ འ་ནཱི་བྱ་གཅིག་ཁར་སྡོདཔ་ད་ལུ་ ནོར་ ཉིནམ་འཛུལ་སོང་སྟེ་ ཁོ་གི་ནོར་ བྱ་ལྟ་སྡོདཔ་ད་ ཉིནམ་འཛུལ་ཏེ་ དེ་ལས་ ཁྱིམ་ནང་ལྷོདཔ་ད་ ཨ་པ་དང་ཨའི་གིས་ཚོགས་བརྡ་བཏང་དོ་ཡོདཔ་མས། ག་ཅི་སྨོ་ ཁྱོད་ཀྱི་ནོར་ ཏེ་ ཁོ་གི་ཨ་ཞང་གིས་འདི་ ག་ཅི་ཚོགས་བརྡ་བཏངམ་སྨོ་ ཁོ་གི་ནོར་འདི།
- འཇིགས་མེད།/Jigmeཏེ་ རྐངམ་ཚ་ ཨོམ་སྐམ་འོང་ཟེར་ འགྲོས་ཀྱིས་འབད་བདའ་འོང་འོངམ་ཨིན་ ཚོགས་བརྡ་མ་བཏང་ཟེར་ སླབ་སླབ་ཨིན་པས། ཏེ་ ཉིནམ་ཅིག་ཟེརཝ་ད་ བུམོ་ཅིག་ལྷོད་ལྷོདཔ་ཨིན་མས་འ་ནཱི་བྱ་ལུ་ འ་ནཱི་བྱ་ ང་ལུ་གནང་ ཟེར་སླབ་དོ་ཡོདཔ་མས། ཏེ་ མི་བྱིན་ངེའི་བྱ་ལེགས་ཤོམ་ཡོད་ མི་བྱིན་ ཟེར་སླབ་སླབ་མས། གནང་ས་ ཟེར་སླབ་སླབ་མས།
- འཇིགས་མེད།/Jigmeཏེ་ བྱིན་སྦེ་ ད་ ང་བཅས་གཉིས་གཉེན་རྐྱབ་ནི་ ཟེར་སླབ་སླབ་ཨིན་པས། ཏེ་ གཉེན་རྐྱབ་སྦེ་ དེ་ལས་ བུམོ་ལུ་བྱིན་སྡོདཔ་ད་ ཏེ་ གཉིད་ལོག་སོ་ནུག་ཁོ་འདི་ ཏེ་གཉིད་ལོག་སྡོདཔ་ད་ལུ་ ཏེ་ མོ་གི་ ཕར་ལས་ཁྱིམ་ནང་ལས་ བུམོ་འདི་གི་ མོ་གི་ཨ་པ་གིས་ཤོག་ཟེར་ ལྷོད་དོ་ཡོདཔ་མས། ཤོག་ཟེར་སླབ་ད་ལུ་ ཏེ་ དབའི་ཆོས་རྒྱལ་ནོར་བཟང་ ང་འགྱོ་ནི་ འགྱོ་ནི་ཟེརཝ་ད་ལུ་
- འཇིགས་མེད།/Jigmeཏེ་ གཉིད་ཚོར་ནི་མེད་པར་ ཨ་ གསེར་གྱི་མཛུབ་དཀྱི་བཏོན་ཏེ་ བཙུགས་བྱིནམ་སྦེ་ ཡར་སོང་སོངཔ་མས་ གཉིད་མ་ཚོར་བར་ བཀོ་བཞག་སྟེ་འགྱོ་སྦེ་ ཏེ་ གཉིད་ཚོར་བལྟཝ་ད་ལུ་མིན་འདུག་ ཟེར་ཨིན་མས། ཨ་ ག་ཏེ་ཡར་སོང་ཡི་ག་ ཡར་སོ་ནུག་སྨོ་ མོ་རའི་ཁྱིམ་ནང་ཟེར་ ཏེ་ ནོར་ཡང་མི་བལྟ་ང་ཟེར།
- འཇིགས་མེད།/Jigmeཁྱིམ་ནང་ནོར་བདའ་འབག་སྦེ་ ནངས་པ་ལས་ ང་ནོར་མི་བལྟ་ ངེའི་ཨམ་སྲུའི་རྟིང་བདའ་འགྱོ་ནི་ཟེར་ ཡར་སོང་ནུག་ ཁོ་གིས་འགྱོཝ་ད་ལུ་ ཕར་ ཤིང་ གནམ་མེད་ས་མེད་ ཤིང་སྦོམ་ཅིག་གིས་ ལམ་མ་བཏང་ ཟེརཝ་མས་ལོ། མ་བཏང་པར་སྔུ་སྟེ་ ལོ་གསུམ་དེ་ནང་སྔུ་སྟེ་ལུས་ཡི་ཟེར་སླབ་ཨིན་པས་ཁོ།
- འཇིགས་མེད།/Jigmeདེ་ལས་ ཤིང་ལྟོ་ཚང་གིས་ དབའི་ ཁྱོད་ཀྱི་སྦོ་ལོགས་ཁར་ མི་གནགཔ་ཁྱི་གནགཔ་ཅིག་ལྷོད་ནུག སྔུ་སྟེ་དཀའཝ་དཔྱད་ཅི་ཁོ་ ལོ་གསུམ་ཡར་སོ་ཡི་ གཏང་ད་ ཟེར་སླབ་ད་ལུ་ གཉིད་ཚོར་བལྟཝ་ད་ལུ་ ཁོ་གིས་མིག་ཏོ་བཙུམ་སྡོད་དེ་ མིག་ཏོ་ཁ་བརྒྱངས་བལྟཝ་ད་ལུ་ ལམ་བཏང་སྟེ་ཡོདཔ་ལས་ འགྱོ་ཡི་ལོ་ ཨ་ན་ལས་ ཨ་ན་ལས་འགྱོ་སྦེ་ ད་རུང་རང་ བྱག་གནམ་མེད་ས་མེད་བྱག་སྦོམ་འཕྱད།
- འཇིགས་མེད།/Jigmeཨ་ནཱ་ ད་རུང་ ལོ་གསུམ་ལུས་སོ་ཡི་ ཟེར་སླབ་ཨིན་མས་སྔུ་སྟེ་ཁོ་ ཨེའི་ དེ་ལས་ དབའི་ མི་གནགཔ་ཁྱི་གནགཔ་ཅིག་ལྷོད་ནུག ཁྱོད་ཀྱི་སྦོ་ལོགས་ཁར་ ལམ་གཏང་ད་ཟེར་ བྱག་ལྟོ་ཚང་གིས་སླབ་སྦེ་ བཏང་ཡི་ལོ། དེ་ལས་ འགྱོ་ཡི་ལོ་ཁོ་ འགྱོ་སྦེ་ གནམ་མེད་ས་མེད་ ཕར་ལྷོད་ནི་འབདཝ་ད་ལུ་ མཆེཝ་གནམ་ཁ་ལུ་བཙུགས་བཙུགསཔ་ ས་ལུ་བཙུགས་བཙུགསཔ་ སྦོམ་ ཁ་བརྒྱངས་སྡོད་སྡོདཔ་ཅིག་འཕྱད་དེ་ ཨའེ་་་་ འ་ནཱ་ལུ་ ང་བཟའ་ནི་ཨིན་མས་སྨོ་ཟེར་ ཨ་ནཱ་ལུ་ལོ་གསུམ་སྔུ་ཡི་ ཟེར་ཨིན་མས་ཁོ་གིས།
- འཇིགས་མེད།/Jigmeདེ་ལས་ དབའི་ གཏང་ད་ མི་གནགཔ་ཁྱི་གནགཔ་ཅིག་ལྷོད་ཅི་ ཁོ་དེ་ནང་ གཏང་ད་ལམ་ཟེར་ སླབ་སླབ་ཨིན་པས། དེ་ལས་ ཏེ་ གཉིད་ མིག་ཏོ་ཁ་བརྒྱངས་བལྟཝ་ད་ལུ་ ལམ་བཏང་སྟེ་ཡོདཔ་ལས་འགྱོ་འགྱོ་མས། འགྱོ་སྦེ་ ཕར་ལྷོདཔ་ད་ ཨང་རྒས་ཅིག་ཆུ་སྐྱེལ་སྡོད་ནུག་ ཟེར་སླབ་ཨིན་མས། ཨང་རྒས་ཆུ་སྐྱེལ་སྡོད་སར་ ཨང་རྒས་ལུ་ ཆུ་སྐྱེལཝ་ཨིན་ན་ ཟེརཝ་ད་ ཨིན། འཐུང་ནི་གི་སྨོ་ ག་ཅི་གི་སྨོ་ ཟེརཝ་ད་ མེན་ ཐུང་ལེམ་སྒྲོལ་མ་ཟེར་མི་ མི་གནགཔ་ཁྱི་གནགཔ་དང་གཅིག་ཁར་གཉེན་རྐྱབ་སྟེ་ སྒྲིབ་ཕོག་ནུག ཁྲུས་བསང་འབད་དོ་ ཟེར་སླབ་སླབ་ཨིན་མས།
- འཇིགས་མེད།/Jigmeཡ་ ཨང་རྒས་སྒུགས་སྒུགས་ཟེར་ གསེར་གྱི་མཛུ་དཀྱི་བཏོན་ཏེ་ དེ་ལས་ འ་ནཱི་ཆུ་ཟངས་ནང་ན་ལས་ཕར་ བཀོ་བཀོཝ་ཨིན་མས་ཁོ་གིས་ ཏེ་ ཕར་ལྷོདཔ་ད་ ཆུ་བླུགསཔ་ད་ལུ་ ཐུང་ལེམ་སྒྲོལ་མ་གིས་ མཛུ་དཀྱི་གིས་སྐད་རྐྱབ་དོ་ཡོདཔ་མས་ ཀྲང་ཀྲང་ཀྲང་ཟེར་སྐད་རྐྱབ་ད་ལུ་ ཨང་རྒས་སྒུགས་སྒུགས་ ག་ཅི་ཅིག་འདུག་ ཟེར་སླབ་ད་ལུ་ ཏེ་ འ་ནཱི་གསེར་གྱི་མཛུ་དཀྱི་ ངོ་ཤེས་ཤེསཔ་ཨིན་མས། དེ་ལས་ ལག་པར་བཙུགས་སྦེ་ ཏེ་ འ་ནཱ་ལས་ ད་ ང་འདི་ཁྲུས་བསང་ཡང་མི་འབད་ད་ ཟེར་སླབ་སླབ་ཨིན་མས།
- འཇིགས་མེད།/Jigmeཏེ་ ཕྱི་རུ་འཐོན་ཏེ་གླུ་འཐེན་དོ་ཡོདཔ་མས་ གླུ་གཞས་འཐེན་ཏེ་སྡོདཔ་ད་ལུ་ དབའི་ ཐུང་ལེམ་སྒྲོལ་མ་ ག་ཅི་གླུ་གཞས་འཐེན་སྨོ་ ནམ་དང་ནམ་རང་མ་འཐེན་པར་ཟེར་ མོ་རའི་ཨ་པ་གིས་ཚོགས་བརྡ་བཏང་དོ་ཡོདཔ་མས། ཨ་པ་ ཏེ་ མི་གནགཔ་ཁྱི་གནགཔ་ཅིག་ལྷོད་པ་ཅིན་ ག་དེ་སྦེ་བཞག་ནི་སྨོ་ ཟེར་སླབ་ད་ལུ་ བྱ་རོགས་བཟོ་བཞག་ནི་འོང་ ཟེར་སླབ་དོ་ཡོདཔ་མས། ཨའེ་་་་ ཨ་པ་གིས་མི་བྱིན་ནི་མས་སྨོ་ཟེར་ དེ་ལས་ད་རུང་ ཉིནམ་ཅིག་ཟེརཝ་ད་ ད་རུང་གླུ་གཞས་འཐེན་ ཏེ་ ག་དེ་སྦེ་བཞག་ནི་ མི་གནགཔ་ཁྱི་གནགཔ་ལྷོད་པ་ཅིན་ཨ་པ་ ཟེར་སླབ་ད་ལུ་
- འཇིགས་མེད།/Jigmeལྟག་ཀོ་ལུ་ ཤིང་རྟ་འཁོར་ལོ་སྒྲིག་ རྐང་མར་ལྕགས་བཀལ་བཞག་ནི་འོང་ཟེརཝ་ད་ ཨའེ་་་་ ཨ་པ་གིས་ གཉེན་མི་བྱིན་ནི་མས་སྨོ་ཟེར་མནོ་མནོཝ་མས། དེ་ལས་ ད་རུང་ གླུ་གཞས་འཐེན་དོ་ཡོདཔ་མས། གླུ་གཞས་འཐེན་ཏེ་ ཉིནམ་གསུམ་འཐེནམ་ད་ལུ་ མི་གནགཔ་ཁྱི་གནགཔ་ཅིག་ལྷོད་པ་ཅིན་ ག་དེ་སྦེ་བཞག་ནི་སྨོ་ཨ་པ་ ཟེར་སླབ་ད་ལུ་ ཡ་ ང་བཅས་གསུམ་གྱི་ བྱ་རོགས་འབད་བཞག་ནི་འོང་ ཟེར་སླབ་སླབ་ཨིན་མས།
- འཇིགས་མེད།/Jigmeདེ་ལས་ ཨ་པའི་ཕྱག་དབང་ལུ་འཁྱིད་འགྱོ་དོཝ་མས། ཏེ་ ལག་རྒྱན་བཀལ་ ལྷྭམ་བཙུགས་ ཏེ་ ཆུ་འཁྱུ་སྦེ་ ཕར་ཨ་པ་ཁྲི་གུ་བཞུགསཔ་ད་ལུ་ རྨགཔ་གི་དབང་ལུ་ འབད་མ་ཚུགས་པར་ ཨ་པ་འདི་ ཨ་ཞང་ ཁྲི་ལས་མར་གང་རྐྱལ་སྦེ་ཡར་སོང་ཡི་ ཟེར་ཨིན་མས། ཡ་ བཏུབ་བཏུབ་ ཡ་ ད་ ནཱ་ལྷོད་ཅི་ བཏུབ་པས་ཟེར་ ཏེ་ ཨ་པ་གིས་ག་ཅི་ཡང་སླབ་ནི་མིན་འདུག་ག་ ཟེར་སླབ་ནུག ནངས་པ་ག་ཏེ་ཡང་འགྱོ་གེ་ཟེར་མི་སླབ་པས་ག་ ཟེརཝ་ད་
- འཇིགས་མེད།/Jigmeཉ་གཟུང་པར་འགྱོ་གེ་ ཟེརཝ་མས་ ངེའི་ཨ་ཞང་གིས་ཟེར་ རྨག་པ་དགའ་དགའཝ་མས་ ཏེ་ ཡ་ ཨ་ཞང་གིས་ ཨ་པ་གིས་ ཁྱོད་གསད་ནི་གི་གནས་སྐབས་ཨིན། མར་ཆུའི་ཟུར་ཁ་ལུ་ གནམ་མེད་ས་མེད་ རྡོ་སྦོམ་ཅིག་ཡོད་ ཨ་པ་ཆུའི་ནང་ན་འཛུལཝ་ཅིག་ ཁྱོད་ འ་ནཱི་རྡོ་སྦོམ་ཐོག་ཁར་འཛེགས་སྡོད་སྨེ་ ཁྱོད་ཟ་ནི་ཟེར་ སྦུལ་འཐོན་འོང་སྨེ་སྦུལ་ ཟེར་སླབ་སླབ་མས། ཁོ་གི་ཐུང་ལེམ་སྒྲོལ་མ་ ཁོ་གི་ཨམ་སྲུ་གིས།
- འཇིགས་མེད།/Jigmeདེ་ལས་ ཆུ་ནང་ན་ཀྲིག་ཀྲི་འཛུལཝ་ད་ སྐད་ཚར་གསུམ་རྐྱབ་ད་ལུ་ ཡར་རྡོ་སྦོམ་ཐོག་ཁར་འཛེགས་སྡོདཔ་ད་ལུ་ གནམ་མེད་ས་མེད་ སྦུལ་སྦོམ་ཐོན་ཏེ་ འ་ནཱི་རྡོ་མཐའམ་བསྐོར་ཏེ་བསྐོར་གསུམ་རྐྱབ་སྟེ་ ཁོ་ཆུའི་ནང་ན་ཀྲིག་ཀྲི་འཛུལཝ་ད་ རྩ་བར་བབས་སྦེ་ དྲྭཝ་གྲ་སྒྲིག་འབད་སྡོད་སྨེ་ ཟེར་སླབ་སླབ་ཨིན་མས། ཏེ་ ཆུའི་ནང་ན་ཀྲིག་ཀྲི་འཛུལཝ་ད་ དྲྭཝ་གྲ་སྒྲིག་འབད་སྡོདཔ་ད་ ཨ་ཞང་འཐོན་དེས་ལོ།
- འཇིགས་མེད།/Jigmeདབའི་ ཉ་མ་ཐོན་ག་ ཟེར་སླབ་ད་ མེད་མེད་ མ་ཐོན་སྨེ་ཨ་ཞང་ ཟེརཝ་ད་ ཡ་ འགྱོ་གེ་ཏེ་ཁྱིམ་ནང་ ཟེར་ཡར་སོ་ནུག ལམ་ཚོད་ཅིག་ཁར་ལྷོདཔ་ད་ ད་རུང་སླབ་དོ་ཡོདཔ་མས། ང་བཅས་གཉིས་ ནངས་པར་ཤ་བདའ་བར་འགྱོ་ནི་སྨེ་ ཟེར་སླབ་སླབས་ཨིན་མས། ཏེ་ ཨ་པ་གིས་ག་ཅི་ཡང་སླབ་ནི་མིན་འདུག་ག་ ཟེརཝ་ད་ ནངས་པར་ཤ་བདའ་བར་འགྱོ་གེ་ ཟེརཝ་མས་ ངེའི་ཨ་པ་གིས་ཟེར་ དགའ་དགའཝ་མས་ཁོ།
- འཇིགས་མེད།/Jigmeཏེ་ འགྱོ་ནུག་ཏེ་ དབའི་ ཨ་པ་གིས་ ཁྱོད་གསད་ནི་གི་གནས་སྐབས་རང་འབདཝ་མས་སྨེ་ཟེར་ ཡར་ ནགས་ཚལ་ཤིང་སྦོམ་ཅིག་ཡོད་ ཨ་པ་ཕར་སྤོག་ཏོག་བརྒལཝ་ཅིག་ ཁྱོད་ འ་ནཱི་ཤིང་ཐོག་ཁར་འཛེགས་སྡོད་སྨེ་ ཟེར་སླབ་སླབ་ཨིན་མས་ཁོ་གི་ཨམ་སྲུ་གིས་ དེ་ལས་ ཏེ་ ཡར་འགྱོ་སྦེ་ ཕར་བརྒལཝ་ཅིག་ ཁྱོད་འ་ནཱ་སྡོད་སྨེ་ སླབ་དོ་ཡོདཔ་མས། དེ་ལས་ ཕར་བརྒལཝ་ཅིག་ ཤིང་ཐོག་ཁར་འཛེགས་སྡོད་སྡོདཔ་མས།
- འཇིགས་མེད།/Jigmeདེ་ལས་ ཕར་ སྐད་ཚར་གསུམ་རྐྱབ་ད་ སྟག་འཐོན་འོང་སྨེ་ སྟག་དམརཔོ་ སྦོམ་ཅིག་ཐོན་ཏེ་ ཁྱོད་འཛེགས་མི་ཤིང་ བསྐོར་ར་རྐྱབ་འོང་སྨེ་ ཟེར་སླབ་དོ་ཡོདཔ་མས། ཏེ་འ་ནཱི་ཤིང་བསྐོར་ཏེ་ བསྐོར་གསུམ་རྐྱབ་སྦེ་འགྱོཝ་ད་ལུ་ རྩ་བར་ལྷོད་སྦེ་ མདའ་གྲ་སྒྲིག་འབད་སྦེ་སྡོད་སྡོདཔ་མས་ཁོ་གིས། ཡ་ ཤ་མ་འཐོན་ག་ ཟེར་སླབ་ནུག མེད་མེད་ མ་འཐོན་ཨ་ཞང་ ཟེར་སླབ་ད་ ཡ་ འགྱོ་གེ་ཏེ་ ད་ ཡ་ ང་བཅས་གཉིས་ ནངས་པར་ ཕྱད་མདའ་རྐྱབ་ནི་སྨེ་ང་བཅས་གཉིས་ ཟེར་སླབ་དོ་ཡོདཔ་མས་ཨ་ཞང་གིས།
- འཇིགས་མེད།/Jigmeཏེ་ ཨ་པ་གིས་ ག་ཅི་ཡང་མི་སླབ་པས་ག་ ཟེར་སླབ་ད་ ནངས་པར་ཕྱད་མདའ་རྐྱབ་གེ་ ཟེར་སླབ་སྨེ་ ཨ་ཞང་གིས་ ཏེ་ ཨ་པ་གིས་ ཁྱེད་གཉིས་ག་དེ་སྦེ་ཉལཝ་སྨོ་ ཟེར་འདྲི་བ་ཅིན་ ཏང་ཏང་ ཏོང་ཏོང་ གྲཱའོ་གྲཱའོ་ གྲཱའོ་གྲཱའོ་འབད་ཉལཝ་ཨིན་ ཟེར་སླབ་སྨེ་ ཟེར་སླབ་སླབ་ཨིན་མས། དེ་སྦེ་སླབ་ད་ལུ་ ཏེ་ བུམོ་ཁྱེད་གཉིས་ ག་དེ་སྦེ་ཉལཝ་སྨོ་ ཟེར་སླབ་ད་ལུ་ ཏང་ཏང་ ཏོང་ཏོང་ གྲཱའོ་གྲཱའོ་ གྲཱའོ་གྲཱའོ་འབད་དེ་ཉལཝ་ཨིན་ཟེར་ ཏེ་ སླབ་ནུག རྨགཔ་གིས་ ཨ་ཞང་ལུ་ལྟ་སྟེ།
- འཇིགས་མེད།/Jigmeཡ་ ཨ་ཞང་ ཨ་པ་གིས་ ག་ཅི་ཡང་སླབ་ནི་མིན་འདུག་ག་ ཟེརཝ་ད་ལུ་ ནངས་པར་ཕྱད་མདའ་རྐྱབ་གེ་ཟེརཝ་མས་ ངེའི་ཨ་ཞང་གིས་ ཟེར་སླབ་ནུག དབའི་ ཕྱད་མདའ་ག་དེ་འབད་གདོང་ལེན་འབད་ནི་ ཨ་པ་གི་ཕྱད་མདའ་གདོང་ལེན་འབད་མི་ཚུགས། ང་གིས་གནམ་གྲུ་བཟོ་ནི་ ཁྱོད་ཀྱིས་ཁུར་ཆ་བསྡམ་སྨེ་ ཆོས་རྒྱལ་ནོར་བཟང་ ཟེར་སླབ་སླབ་ཨིན་མས།
- འཇིགས་མེད།/Jigmeདེ་ལས་ བུམོ་ གཞན་མི་ ཐུང་ལེམ་སྒྲོལ་མ་གིས་ གནམ་གྲུ་བཟོ་ ཏེ་ གཞན་མི་ ཁུར་ཆ་བསྡམས་ཏེ་ ཁོང་གཉིས་ གནམ་ཀྲིག་ཀྲི་ལངམ་ཅིག་ བྱོག་འགྱོ་འགྱོཝ་ཨིན་མས། ཨ་མི་རི་ཀ་ལས་ ཡར་ འགྱོ་འགྱོཝ་ཨིན་མས། ཨ་མི་རི་ཀ་འགྱོ་ འགྱོ་སྟེ་ ཁོང་གཉིས་གནམ་གྲུ་ལུ་བསྡམ་ཏེ་ ཨ་མི་རི་ཀ་ལུ་འགྱོ་ ཏེ་ ད་ལྟོ་ དཔེ་འབད་བ་ཅིན་ ང་བཅས་ཀྱིས་ ཨ་མི་རི་ཀའི་གནམ་གྲུ་ཟེར་ གནམ་གྲུ་[ཁག་ཏང་ཨ་ཐུར་?] ཨ་བུག་ལས་དུ་པ་འཐོན་མི་ཅིག་ འགྱོཝ་ཨིནམ་མེན་ན།
- འཇིགས་མེད།/Jigmeའ་ནཱི་འདི་ ཨ་མི་རི་ཀའི་གནམ་གྲུ་ ཟེར་མི་འདི་ ནཱ་ལས་ཕར་ལྟ་ ཆོས་རྒྱལ་ནོར་བཟང་དང་ ཐུང་ལེམ་སྒྲོལ་མ་ བྱོག་སྟེ་ཨ་མི་རི་ཀ་འགྱོ་འགྱོཝ་གི་ ཨ་མི་རི་ཀ་ལུ་འགྱོ་འགྱོཝ་གི་ དོན་ཚན་འདི་འ་ནཱི་ཨིན་ཟེར་ ཞུ་ནི་ཨིན་ལགས། བཀའ་དྲིན་ཆེ། དེམ་ཅིག་ཨིན་ལགས།། །།
Loading ... Collection:
Subcollection
- Oral Traditions
Subject
- Quasi-life Story
Referenced Places
- Thangrong
- Lingkhar
Recording Location
- Lingkhar
Time Period:
Time:
00:07:22
Creator:
Sonam Tobgye
Creator:
Sangay Tshomo
Contributing Contributor:
Jigme
Publisher:
Tibetan and Himalayan Library
Sponsor:
Arcadia Fund (Other)
Data Entry:
Copyright Owner:
Shejun
Year Published:
2018
Rights Summary:
ཤེས་རིག་དང་ལམ་སྲོལ་གྱི་དོན་ལུ་ཕབ་བཟུང་ཞུས། ཤེས་རྒྱུན་ལས་སྡེ་ལས་གནང་བ་མེད་པར་བསྒྱུར་སྤེལ་འབད་མི་ཆོག།
For educational and cultural use only. Reproduction is strictly prohibited without permission from Shejun.
Visibility:
Public (group default)
Shanti AV Id:
4504
Versions:
Date Created:
Wednesday, June 3, 2015
Date Issued:
Tuesday, February 2, 2016
Digital Format:
video mp4
File Size:
250.3 MB
Colors:
Color
Duration:
00:07:22
Start Time:
00:06:51