ཧེ་མ་ གཡུས་ཝ་ར་ཎ་སི་ལུ་ཨིན་མས་འ་ནཱི་འདི། གཡུས་ཝ་ར་ཎ་སི་ལུ་ རྨགཔ་དང་ཨམ་སྲུ་གཉིས་སྤྱང་ཀ་ཨིན་པས་སྤྱང་ཀ དྲོ་པ་བཟའ་ནི་གི་དྲོ་པ་ལྷང་ ཉི་མ་བཟའ་ནི་གི་ཉི་མ་ལྷང་ ཕྱི་རུ་བཟའ་ནི་གི་ཕྱི་རུ་ལྷང་སྟེ་ དེ་སྦེ་ར་ཟ་སྡོད་དོ་ཡོདཔ་མས། ཁོང་གཉིས་ཨིན་རུང་རུང་མེན་རུང་ གོ་ལ་མེད་པའི་སྒྱེན་མོ་ཨིན་པས། ཁོང་གཉིས་ལུ་ ཨིན་རུང་མེན་རུང་ཁ་ཤ་ ཁ་གང་གྲུ་བཞི་མ་གཅིག་ཡོདཔ་ཨིན་མས། མི་ཊར་དེ་ཅིག་གི་གྲུ་བཞི་མ་གཅིག་རྐྱངམ་ཅིག

ཏེ་ རྨགཔ་ལྟོ་ལྷང་པར་འགྱོཝ་ད་ལུ་ ཨམ་སྲུ་འདི་རྩྭ་སྐམ་ནང་ན་ རྩྭ་སྐམ་ནང་ན་འཛུལ་སྡོད་དོ་ཡོདཔ་མས། ཏེ་རྨགཔ་འདི་འ་ནཱི་ཁ་ཤ་དཀྱིས་སྦེ་འགྱོ་དོ་ཡོདཔ་མས། དེ་ལས་ ཨམ་སྲུ་ལྟོ་ལྷང་པར་འགྱོཝ་ད་ལུ་ སོར་ཡི་སོར་ཡི་འགྱོ་དོཝ་མས། ཏེ་ཨམ་སྲུ་ལྟོ་ལྷང་པར་འགྱོཝ་ད་ལུ་ རྨགཔ་རྩྭ་སྐམ་ནང་འཛུལ་སྡོད་དོཝ་མས་ ཏེ་རྨགཔ་འགྱོ་དོཝ་མས།

དེ་སྦེ་ར་ མི་ཚེ་ལྷོདཔ་ཅིག་ ཏེ་བར་རྒན་འགྱོ་དོཝ་མས། རྒྱལ་པོའི་ཕོ་བྲང་རྩ་བ་ཅིག་ལུ་ཨིན་པས་ཨིན་ཡང་། ཚར་གཅིག་ཟེརཝ་ད་ལུ་ རྒྱལ་པོའི་ཕོ་བྲང་ནང་ན་སྦེ་ རྒྱལཔོ་གིས་འབད་ ཏེ་རོགས་སངས་རྒྱས་ཤཱཀྱ་ཐུབ་པ་གདན་འདྲེན་ཞུ་སྦེ་ ཆོས་འཁོར་ཅིག་བཙུགས་ནུག ཆོས་འཁོར་བཙུགས་སྦེ་ ཏེ་ཆོས་གནང་དོ་ཡོདཔ་མས། ཆོས་གནངམ་ད་ལུ་ ང་བཅས་གཉིས་འདིནི་ ཕུལ་ནི་ག་ནི་ཡང་མེད་སྨོ་ཟེར་

ཚེ་ད་རེས་ལུ་ ཏེ་འ་ནཱི་བཟུམ་སྦེ་ ཏེ་མ་དག་པ་ལས་ཀྱིས་འབད་རང་ལུ་ ཧེ་མ་སྡིག་པའི་ལས་མངམ་འབད་ནི་དེ་གིས་ ང་བཅས་གཉིས་ལུ་འབྱོར་པ་ཕུན་སུམ་ཚོགསཔ་ག་ནི་ཡང་མེད། ད་ལྟོ་ ད་རེས་བཟའན་ ནངས་པར་བཟའ་ནི་མེད་ ནངས་པར་བཟའན་ གནངས་ཚེ་བཟའ་ནི་མེད་ དྲོ་པ་བཟའན་ ཉི་མ་བཟའ་ནི་མེད་ ཉི་མ་བཟའན་ ཕྱི་རུ་བཟའ་ནི་མེདཔ་འགྱོ་མི་འདི་ ཚེ་སྔ་མ་ཚོགས་མ་བསགས་པའི་རྟགས་ཨིན་པས་སྨོ་ཟེར་

ད་རུང་ལོག་སྟེ་ ང་བཅས་གཉིས་མི་ཚེ་ཧ་ལམ་ཕྱེད་ཀ་ཡར་སོ་ཡི་ད་བར་རྒན་ཡར་སོ་ཡི་ཟེར་ ཤི་སོ་རུང་ ལོག་སྟེ་འ་ནཱི་བཟུམ་ཅིག་ལུ་རང་ སྤྱང་ཀ་གནམ་མེད་ས་མེད་སྤྱང་ཀ་ འ་ནཱི་བཟུམ་ལུ་སྐྱེ་ནི་ཨིན་མས་ང་བཅས་གཉིས་སྨོ་ཟེར་ ཏེ་ང་བཅས་གཉིས་ལུ་ཡོད་རུང་མེད་རུང་ གཞན་ག་ནི་ཡང་མེད་ ཕུལ་ནི་གི་གཞན་འདི་ག་ནི་ཡང་མེད་ཟེར་ སངས་རྒྱས་ཤཱཀྱ་ཐུབ་པ་ལུ་ ཏེ་དད་པ་དང་མོས་གུས་ཀྱི་ཐོག་ལས་འབད་དེ་ སྙིང་ཐག་པ་ལས་འབད་ རང་གི་བརྩེ་བའི་ཐོག་འབད་དེ་ དད་པ་ལྷག་པར་དུ་བསྐྱེད་སྦེ་ ང་བཅས་གཉིས་ཀྱིས་ཁས་བླངས་འབད་དེ་ ཁ་ཤ་ཁ་གང་གྲུ་བཞི་མ་འདི་ ཆུ་འཁྱུ་སྦེ་ ཏེ་ཧིང་སང་ས་བཟོ་སྦེ་ ཕུལ་གཏང་གེ་མེན་ན་ཟེར་ བསྟུན་གྲོས་རྐྱབ་ནུག

ཏེ་རྨགཔ་གིས་སླབ་ནུག་ཨམ་སྲུ་ལུ་ལྟ་སྟེ། ག་དེ་འབད་ནི་སྨོ་ ཕུལ་གཏང་གེ་ཟེརཝ་ད་ལུ་ ཏེ་ཨམ་སྲུ་གིས་སླབ་ནུག དབའེ་ནངས་པར་ལས་ལྟོ་ལྷང་པར་འགྱོཝ་ད་ ག་ཅི་དཀྱིས་འགྱོ་ནི་ ཏེ་ང་སྒྱེན་མོ་སྦེ་རྩྭ་སྐམ་ནང་འཛུལ་སྡོདཔ་ད་ལུ་ ཁྱོད་དཀྱིས་འབག་སྦེ་ ཁྱོད་འགྱོ་ནི་ཡོད། ཁྱོད་འ་ནཱི་བཟུམ་རྩྭ་སྐམ་ནང་སྡོདཔ་ད་ལུ་ ང་དཀྱིས་འབག་སྦེ་འགྱོ་ནི་ཡོད། འ་ནཱི་བཟུམ་འབདཝ་ད་ང་བཅས་ གནས་སྟངས་ཨ་ཙི་ སྟབས་མི་བདེ་བས་མེན་ན་ ང་བཅས་གཉིས་ལྟོ་བཀྱེས་ཏེ་ཤི་ནི་གི་དུས་ཚོད་རེ་ཤར་འོང་སྨེ་ཟེར་ འ་ནཱི་བཟུམ་སྦེ་འདི་ མ་ཕུལ་གེ་མེན་ན་ ཟེར་སླབ་ནུག

ལྟོ་བཀྱེས་ཏེ་ཤི་རུང་ཤི་གེ་ མི་ཚེ་གཅིག་ནང་ སྐྱེས་ཞིནམ་ལས་ ཤི་ར་ཤི་དགོ་ ཤི་དགོ་པའི་རང་བཞིན་ར་ཨིན། སྐྱེས་ཞིནམ་ལསན་ ཤི་དགོ་པའི་ལས་རང་ཨིན་ཟེར་ འཇིག་རྟེན་རང་བཞིན་ཨིན་ཟེར་ ཤི་ནི་ལུ་མནོ་བསམ་བཏང་སྟེ་འདྲོག་མི་དགོ་ད་ ཚེ་སྔ་ཚོགས་མ་བསགས་པ་ཅིན་ ལོག་སྟེ་སྐྱེ་བ་ཐོབ་རུང་ ད་རུང་ར་དུས་ཚོད་འདི་བཟུམ་ཅིག་ལུ་ འ་འདི་བཟུམ་ཅིག་ལུ་སྐྱེ་བ་ལངས་ཏེ་ ང་བཅས་གཉིས་ ད་རུང་ འ་ནཱི་བཟུམ་སྦེ་ལས་སྲིད་ནི་རྐྱངམ་ཅིག་ཨིན་མས་ ད་ཕུལ་གཏང་ནི་ད་ཟེར་ དེ་ལས་ཁ་ཤ་འདི་ཆུ་འཁྱུ་སྦེ་ ཧིང་སང་ས་འབད་འཁྱུ་སྦེ་ སངས་རྒྱས་ལུ་ཕུལ་བར་འབག་ནུག

ཕུལ་བར་འབག་གེ་ཟེར་རུང་ ག་ཅི་འབད་ཚུགས་ནི་ ཁོང་གཉིསནི་ སྒྱེན་མོ་ཡོད་བ་ཏེ་ ཕྱི་ཁར་དགེ་སློང་གཅིག་མཇལཝ་ད་ དགེ་སློང་ལུ་ཞུ་སྦེ་ སངས་རྒྱས་ཀྱི་སློབམ་དགེ་སློང་ཅིག་མཇལ་མཇལཝ་མས། དགེ་སློང་ཅིག་མཇལ་བའི་སྐབས་ལུ་ ཏེ་དགེ་སློང་ལུ་ལྟ་སྟེ་ཞུ་ཞུཝ་མས་ ཨའེ་ ད་རེས་ནཱ་ ཆོས་འཁོར་ཅིག་བཙུགས་ས་ལུ་ ཏེ་སངས་རྒྱས་ལུ་ཕུལ་ནི་གཞན་འདིནི་ ག་ནི་ཡང་མེད་ ཏེ་ང་བཅས་བཟའ་ཚང་གཉིས་ལུ་ཨིན་རུང་མེན་རུང་ འ་ནཱི་ཁ་ཤ་ཁ་གང་གྲུ་བཞི་མ་གཅིག་ཡོད་ འ་ནཱི་ ཏེ་སངས་རྒྱས་ལུ་ཕུལ་ནི་ཟེར་ ད་རེས་འབག་འོང་ཡི་ ཁྱོད་ཀྱིས་ཨ་ཙི་ སངས་རྒྱས་ལུ་ཕུལ་གནང་ཟེར་ ཏེ་ང་ནང་ན་འགྱོ་ནི་གོ་སྐབས་མིན་འདུག ང་སྒྱེན་མོ་ཡོད་ ཁྱོད་ཀྱིས་ཨ་ཙི་ཕུལ་གནང་ཟེར་ དགེ་སློང་ལུ་ལྟ་སྟེ་ཕུལ་བཏང་བཏངམ་མས།

ཏེ་དགེ་སློང་ལུ་ཕུལ་བཏངམ་ད་ལུ་ ཏེ་སངས་རྒྱས་ཀྱིས་མངོན་ཤེས་ཐོགས་པ་མེད་པར་གཟིགས་ཏེ་ ཁ་ཤ་ཕར་ཕུལ་བར་ལྷོདཔ་ད་ ཡ་ ཁོང་གཉིསཔོ་ ཨིན་རུང་མེན་རུང་ཁོང་གཉིས་ལུ་རྒྱུ་ནོར་ལོངས་སྤྱོད་གཞན་ག་ནི་ཡང་མིན་འདུག་ དྲོ་པ་བཟའ་ནི་དྲོ་པ་ལྷང་ ཉི་མ་བཟའ་ནི་ཉི་མ་ལྷང་ ཕྱི་རུ་བཟའ་ནི་ཕྱི་རུ་ལྷང་ཟ་སྟེ་ ཁོང་གཉིས་བསྡོམས་སྦེ་ཡོད་རུང་མེད་རུང་ ཁ་ཤ་ཁ་གང་གྲུ་བཞི་གཅིག་རང་མས།

ཨིན་ཏེ་འབད་རུང་ཁོང་གཉིས་ ཏེ་བསམ་པ་ཆོས་ལུ་དམིགས་ཏེ་ ཁོང་གཉིས་ ཏེ་བསམ་པ་ཆོས་བཞིན་དུ་འགྲུབ་ནི་ཟེར་ འ་ནཱི་སྦེ་ཨིན་པས་ཟེར་ ཁོང་གཉིས་ལུ་ ཏེ་ག་ནི་ཡང་མེད་རུང་ ཏེ་ཁ་ཤ་ཁ་གངམ་ཅིག་ཡོད་རུང་ ཁ་ཤ་ཁ་གངམ་ར་རྡུགས་ཅིག་ཡོད་རུང་ ཏེ་དད་པ་བསྐྱེད་སྦེ་ འ་ནཱི་བཟུམ་སྦེ་ཕུལཝ་མས་ཟེར་ སྤ་་་་ འ་ནཱི་བཟུམ་དགོ་ཟེར་ ཆོས་ལུ་དད་པ་དང་མོས་གུས་བསྐྱེད་མི་འ་ནཱི་བཟུམ་དགོ་སྨ་རེད་ཟེར་ ཏེ་ག་ཅི་ལོ་ སངས་རྒྱས་ཀྱིས་གསུངས་གནང་ནུག ཆོས་ཞུ་མི་ཚུ་དང་རྒྱལ་པོ་ རྒྱལ་པོའི་བཙུན་མོ་ཚུ་ལུ།

དེ་ལས་རྒྱལཔོ་གིས་ཡང་སྙན་དྭངས་ཡི་བ་ དེ་ལས་ ཁོང་གཉིས་ག་ཏེ་འདུག་ཟེརཝ་ད་ དེ་ཁར་འདུག་ཟེར་ རྒྱལ་པོའི་ཕོ་བྲང་ལུ་ དེ་སྦེ་སྡོད་ནུག རྩྭ་སྐམ་ནང་ན་འཛུལ་ཏེ་དེ་སྦེ་སྡོད་ནུག ཁྱིམ་ཡང་མིན་འདུག་ཟེར་ ཏེ་སྙན་སྒྲོན་དེ་སྦེ་ཞུཝ་ད་ལུ་ རྒྱལ་པོ་གིས་ ཏེ་ཁོང་གཉིས་མི་ཚེ་གཅིག་ལང་པའི་ས་ ཁྱིམ་ཡང་རྐྱབ་བྱིན་ཏེ་ རྒྱུ་ནོར་ལོངས་སྤྱོད་ལེ་ཤ་ ཏེ་དཔེར་ན་ རྒྱ་ཆེན་ གོས་ཆེན་ འ་ནཱི་བཟུམ་ཚུ་ ཏེ་ཁོང་གཉིས་མི་ཚེ་གཅིག་ལུ་ལང་པའི་ བཟའ་ནི་གི་ནོརབུ་གནང་ཡི་ཟེར་ཨིན་མས་བ།

དེ་བཟུམ་སྦེ་ དཔེ་འབད་བ་ཅིན་ ཏེ་བསམ་པ་བཟང་པོ་གི་ཐོག་ལས་འབད་བ་ཅིན་ ང་བཅས་ར་བྱ་བ་ལམ་འགྲོ་ཡང་ལེགས་ཤོམ་འགྱོ་ནི་ཨིན་པས། ཏེ་བསམ་པ་ངན་པ་གི་ཐོག་ལས་འབད་བ་ཅིན་ ཏེ་ཕ་རོལ་པོ་ལུ་སེམས་ཟོགཔ་ཅིག་མནོ་སྦེ་འབད་བ་ཅིན་ རང་གི་ལས་ བྱ་བ་ལམ་འགྲོ་ཡང་ལེགས་ཤོམ་མི་འགྲུབ་ རང་ག་ཅི་ར་འབད་རུང་ ཏེ་མི་ཚེ་གཅིག་ལུ་ ཏེ་ཡང་ན་ ལས་འབྲས་སྲིད་ནི་ཡང་འོང་ཟེར་ ཏེ་རང་གིས་བསམ་པ་ལེགས་ཤོམ་བསྐྱེད་དེ་འབད་བ་ཅིན་ འ་ནཱི་བཟུམ་སྦེ་འབྲས་བུ་ ལེགས་ཤོམ་ཐོབ་འགྱོཝ་ཨིན་མས། ལས་རྒྱུ་འབྲས་འ་ནཱི་བཟུམ་ དཔེ་འབད་བ་ཅིན་ ཏེ་ལྕགས་ངར་བཟུམ་ཅིག་གིས་བརྐོ་སྦེ་ རི་འ་ནཱི་བཟུམ་རི་ དལ་ཚུགསཔ་སྦེ་ བརྐོ་ནི་སྦེ་དད་པ་བསྐྱེད་དེ་བརྐོ་བ་ལས་ བསོད་ནམས་མེ་ཟིལམ་བཟུམ་ཅིག་བསགས་བསགསཔ་དག་ ཟེར་གསུངས་བཞག་སྟེ་ཡོད།

ཁོང་གཉིས་བསོད་ནམས་བསག་ནི་གི་ལཱ་འདི་ ར་རྡུགས་ཁ་གངམ་ཅིག་ཕུལཝ་ལས་བརྟེན་ཏེ་ ཁོང་གཉིས་མི་ཚེ་གཅིག་ལང་པའི་ རྒྱུ་ནོར་ལོངས་སྤྱོད་ཡང་གྱུར་སྦེ་ ཏེ་རྒྱལཔོ་གིས་མ་བཏུབ་བཏུབ་སྦེ་ ཁོང་གཉིས་ལུ་གསོལ་རས་གནང་སྦེ་ མི་ཚེ་འདི་ དེ་སྦེ་མི་ཚེ་མཐའ་སྐྱོང་སྟེ་སྡོད་དེ་ཡོད། བཀའ་དྲིན་ཆེ་ དེ་ཅིག་རང་ཨིན།། །།