ཧེ་མ་ཧེ་མ་ དང་ཕུ་གཡུས་ཚན་ཅིག་གི་ནང་ན་ ཨམ་མོ་རེངསམོ་ཅིག་གི་བུ་གཅིག་ཡོདཔ་ཨིན་མས་ལགས། ཏེ་ཆུང་ཀུའི་བསྒང་ལས་རང་ཤ་བདའ་ དེ་སྦེ་ཟ་སྡོད་མི་ ཉིནམ་ཅིག་ཟེརཝ་ད་ ཁོ་ཤ་བདའ་སྟེ་འགྱོཝ་ད་ལུ་ཏེ་ རི་གཅིག་ལུ་ལྷོདཔ་ད་ སེམས་ཅན་སྦོམ་ གནམ་མེད་ས་མེད་ རི་བཟུམ་ཅིག་ཕྱད་ཅི་ཟེར་ཨིན་མས་ལགས།

འ་ནཱི་ཕྱད་སྦེ་ ཏེ་ཁོ་གིས་ སེམས་ཅན་ལུ་ལྟ་སྟེ་ དབའི་ སེམས་ཅན་ཁྱོད་ ནམ་རང་མ་མཐོང་བའི་སེམས་ཅན་མཐོང་ནི་དེ་གིས་ དབའི་སེམས་ཅན་ཁྱོད་ ང་གིས་ཁྱོད་བཟུམ་མའི་སེམས་ཅན་ ག་ཏེ་ཡང་མཐོང་མ་མྱོང་ཟེར་ ཁྱོད་བྱོག་འགྱོ་བ་ཅིན་འགྱོ་ མི་ལུ་ང་ མི་གི་ནང་ལས་ཡང་ མི་ལུས་རིན་ཆེན་ནང་ལས་ཡང་ སྲ་ཀྲག་ང་ལས་ལྷགཔ་མེད་ཟེར་ དེ་སྦེ་ ཁོ་གིས་སེམས་ཅན་ལུ་སླབ་ད་ སེམས་ཅན་གྱིས་ཡང་སླབ་ནུག་ལགས།

ཏེ་ སེམས་ཅན་གྱི་ནང་ལས་ཡང་ སྦོམ་ཤོས་ཡང་ང་ལས་ལྷགཔ་མེད་ སྲ་ཀྲག་ཡང་ང་ལས་ལྷགཔ་མེད་ཟེར་ ཁྱོད་བྱོག་འགྱོ་བ་ཅིན་འགྱོ་ནི་མ་གཏོགས་ ང་མི་འགྱོ་ཟེར་ སེམས་ཅན་གྱིས་དེ་སྦེ་སླབ་སྟེ་ དེ་ལས་ཁོང་གཉིས་ ཨིན་ཟེར་བ་ཅིན་ ཁྱོད་ཨ་ཙི་མར་ཤོག་ ང་ཨ་ཙི་ཡར་འོང་གེ་ཟེར་ ཁོང་གཉིས་སྦུག་ལུ་འཛོམས་སྦེ་འབདཝ་ད་ལུ་ འ་ནཱི་ཨ་ལོ་གི་ལགཔ་ཁར་ གསེར་གྱི་ཟོརཝ་ཅིག་ཡོདཔ་ལས་བརྟེན་ཏེ་ ཁོ་གིས་གསེར་གྱི་ཟོརཝ་གིས་འབད་ འ་ནཱི་སེམས་ཅན་འདི་ བསད་ཅི་ཟེར་ཨིན་མས་ལགས།

བསད་དེ་ སེམས་ཅན་སྦོམ་དེ་ཡང་ གནམ་མེད་ས་མེད་རི་བཟུམ་ཅིག་ གནམ་ག་ར་སྤུབས་པའི་སེམས་ཅན་ འ་ནཱི་བསད་དེ། དེ་ལས་ཤ་དོས་ཡང་ཁོ་བསད་འབགཔ་ད་ཡང་ ཤ་དོས་ཁལ་གཅིག་དང་དགུ་ཐོན་ཡི་ཟེར་ཨིན་མས་ལགས། དེ་སྦེ་འབག་འགྱོ་སྦེ་ འ་ནཱི་སེམས་ཅན་སྦོམ་བསདཔ་ད་ལུ་ མགུ་ཏོ་གིས་ ང་འདི་མ་ཟ་ ང་གི་གཟུགས་འདི་ཟ་ད་ ང་འདི་མ་ཟ་ཟེར་ ཁོ་གི་མགུ་ཏོ་གིས་སླབ་སླབ་པས།

ཨ་ང་ ཁྱོད་རང་དགོཔ་ཨིན་ ཁྱོད་རང་ཟ་ནི་ཟེར་ ཁོ་གིས་འབག་འགྱོ་སྦེ་ ཕར་མགུ་ཏོ་འདི་འབག་སྦེ་ ཁྱིམ་ནང་ ཨའི་འདི་མ་ཎི་བགྱངས་སྡོད་དོ་ཡོདཔ་ཨིན་མས་ལགས་ཁོ་གི་ཨའི། དེ་ལས་ཁྱིམ་ནང་འབག་སྦེ་ ཁོ་གིས་ སྒོའི་རྒྱབ་ཁར་འབག་བཞག་བཞགཔ་མས་ཨའི་མ་མཐོངམ་སྦེ། ཏེ་བཞགཔ་ད་ལུ་ ཁོ་འདི་ཤ་ལེན་པར་ལོག་འགྱོཝ་ད་ལུ་ སྒོའི་རྒྱབ་ཁ་ལས་ ས་བ་སུ་བུ་ས་བ་སུ་བུ་ ཟེར་སྐད་རྐྱབ་ས་གོ་སྟེ་ དེ་ལས་ཨའི་གིས་ ག་ཅི་ཨིན་ན་ཟེར་འགྱོ་བལྟཝ་ད་ ཏེ་སྒོ་ཁར་བལྟཝ་ད་ འ་ནཱི་མགུ་ཏོ་མཐོང་སྟེ་ མགུ་ཏོ་གིས་ ང་སྲོག་སྐྱབས་འབད་གནང་ཟེར།

ཁྱོད་ཀྱི་བུ་གིས་ ང་ཟཝ་མས་ སྲོག་སྐྱབས་འབད་གནང་ཟེར་སླབ་ད་ དེ་ལས་མ་ཎིཔ་ཨང་རྒས་ཀྱིས་སྲོག་སྐྱབས་འདི་ག་དེ་སྦེ་འབད་ནི་ ཁྱོད་འདི་མགུ་ཏོ་རྐྱངམ་ཅིག་འདུག་ གཟུགས་མིན་འདུག་མེན་ན་ཟེརཝ་ད་ བཏུབ་ཨིན་རུང་ང་སྲོག་སྐྱབས་འབད་ཟེར་ དེ་ལས་མོ་གིས་སྲོག་སྐྱབས་འབད་ནི་ཟེར་འབག་སྟེ་ཨང་རྒས་ཀྱིས་ རྩང་ཚལ་སྦོམ་ཅིག་ནང་ ག་གིས་ཡང་འགྱོ་མ་ཚུགས་པའི་ཚལ་མ་ནང་འབག་སྟེ་བཙུགས་བཞག་སྦེ།

འ་ནཱི་ སེམས་ཅན་གྱི་མགུ་ཏོ་འདི། དེ་ལས་སོང་སྟེ་ བུ་འདི་ལོག་འོངམ་ད་ལུ་ ཁྱོད་ཀྱི་བུ་ལུ་མ་སླབ་ཟེར་སླབ་སླབ་མས། ཏེ་ལོག་འོང་སྟེ་ བུ་འདི་ཤ་དོས་འབག་འོངམ་ད་ ཨའི་ངེའི་མགུ་ཏོ་ ངའི་འ་ནཱི་མགུ་ཏོ་ག་ཏེ་སྨོ་ཟེརཝ་ད་ མ་ཤེས་ རོ་ཁྱི་དང་བྱི་ལི་གིས་ཟ་ཟཝ་འོང་ ང་འདི་མ་མཐོང་ཟེར་ ཨའི་གིས་ཤོབ་སླབ་སྟེ་ ཨའི་ཟེར་ བྱི་ལི་གིས་འདི་ག་ཏེ་ཟ་ཚར་ནི་ རོ་ཁྱི་གིས་ཡང་ཟ་མི་ཚར་ ངེའི་ཨ་ནཱི་མགུ་ཏོ་ ཁྱོད་ཀྱིས་ མགུ་ཏོ་ག་ཏེ་སྐྱེལ་བཞག་ཡི་ཨའི་ཟེརཝ་ད་ མ་ཤེས་ ང་འདི་ཤེས་རང་མ་ཤེས་སྨེ་ཟེར།

ང་འདི་མ་ཎི་བགྱངས་སྡོད་སྡོདཔ་ཨིན་ ང་འདི་ཤེས་རང་མ་ཤེས་ཟེར་ ཨའི་གིས་ཤོབ་སླབ་སྦེ་ ཏེ་སོང་སྦེ་ ཁོ་འ་ནཱི་སྦེ་སྡོདཔ་ད་ ཤ་བདའ་སྡོད་པའི་སྐབས་ དེ་ལས་ཨའི་གིས་ འ་ནཱི་སེམས་ཅན་འབད་སར་འགྱོ་བལྟ་ སེམས་ཅན་ལུ་ ལྟོ་ཨ་ཙི་རེ་ཨ་ཙི་རེ་བྱིན་ཏེ་ ལྟོ་བྱིན་ཡི་བྱིན་ཡི་ ལྷོདཔ་ཅིག་ལས་སེམས་ཅན་ རྨ་ཁ་དྲག་སྟེ་སྦོམ་འགྱོ་དོ་ཡོདཔ་མས། འ་ནཱི་སྦེ་སྦོམ་འགྱོ་སྟེ་ ཁྱོད་ཀྱི་བུ་འདི་ འ་ནཱི་སེམས་ཅན་གྱིས་སླབ་དོ་ཡོདཔ་མས་ འ་ནཱི་སེམས་ཅན་སྦོམ་གྱིས།

ཁྱོད་ཀྱི་བུ་འདི་ཏེ་ སིྲན་པོ་ངོ་མ་ཨིན་སྨེ་ སྲིན་པོ་ཨིན་ཁྱོད་ཀྱི་བུ་འདི་ ཁྱོད་ཀྱི་བུ་འདི་ སྲིན་པོ་མེན་ཟེར་བ་ཅིན་ ཁྱོད་ཀྱི་བུ་འདི་དོམ་ལུ་བྱིན་བལྟ་ཤིག་ཟེར་ དོམ་གྱིས་ཡང་མི་ཟ་སྨེ་ ཁྱོད་ཀྱི་བུ་ཟེར་ དེ་ལས་མོ་གིས་ ཏེ་ག་དེ་སྦེ་བྱིན་ནི་ ང་གིས་འདི་གནས་སྐབས་མིན་འདུག་ ག་དེ་སྦེ་བྱིན་ནི་ ཟེར་སླབ་ད་ ཨའི་གིས་ཕར་སེམས་ཅན་ལུ་སླབ་ད་ གནས་སྐབས་ང་གིས་བཏོན་གེ་ཟེར་

ཁྱོད་ན་རྫུ་བཏབ་སྟེ་ ཡར་དོམ་གྱི་ཨོམ་བཞོ་འབག་འོང་སྦེ་ དབུར་བ་ཅིན་དྲག་ནི་མས་གསེས་སླབ་ཟེར་ མོ་བཏབ་མི་ལུ་ འ་ནཱི་སྦེ་སླབ་བཏང་ད་ ཟེར་སླབ་སྦེ་ དེ་ལས་ཨ་མའི་གིས་མོ་བཏབ་མིའི་སྦོ་ལོགས་ཁར་སོང་སྦེ་ལྷུ་སྟེ་ ངེའི་བུ་སྲིན་པོ་ངོ་མ་ཨིན་མས་ དོམ་ལུ་བྱིན་བལྟ་དགོ་པས་ ཁྱོད་ཀྱིས་དེ་སྦེ་སླབ་ཟེར་ མོ་བཏབ་མི་འབད་སར་སོང་སྟེ་སླབ་སྦེ་ ཏེ་ཨའི་འདི་ན་རྫུ་བཏབ་སྟེ་ དེ་ལས་གནམ་མེད་ས་མེད་ཤི་ནི་བཟུམ་བཟོ་སྟེ་ ན་རྫུ་བཏབ་ སོང་སྦེ་ཏེ།

ཨ་ནཱི་མོ་བཏབ་མི་འབད་སར་ མོ་བཏབ་འབག་ཤོག་ས་ ང་ན་སྟེ་ཤི་ནི་མས་ ཡར་ཆོསཔ་འབད་སར་སོང་སྟེ་ བུ་འདི་ཡར་ ཆོསཔ་འབད་སར་མོ་བཏབ་པར་འགྱོཝ་ད་ ཏེ་ཆོསཔ་གིས་ ཁྱོད་ཀྱི་ཨའི་འདི་ དོམ་གྱི་ཨོམ་བཞོ་འབག་འོང་བྱིན་པ་ཅིན་ ཁྱོད་ཀྱི་ཨའི་འདི་ དྲག་ནི་མས་ དབུར་བ་ཅིན་དྲག་ནི་མས་ཟེར་ ཏེ་ཁོ་ཨིནམ་པ་ཅིན་ ང་འགྱོ་ནི་ཟེར་ ཁོ་གི་མདའ་གཞུ་ཡང་ ཡར་བཙུགས་བཞག་སྦེ་ དོམ་གྱིས་ཨོམ་བཞོ་འབག་འོང་པར་འགྱོ་འགྱོཝ་མས།

སོང་སྦེ་ ཡར་ལྷོདཔ་ད་ལུ་ ནགས་ཚལ་སྦོམ་ནང་ན་ལྷོདཔ་ད་ མདེའུ་ཕུད་རྡོག་གཅིག་འབད་མི་ཅིག་ཕྱད་ཕྱདཔ་མས། འ་ནཱི་མདའུ་འདི་ ཁ་ཡར་ལྟ་ཐེངས་ཕོག་གཅིག་ལུ་བཏོག་ ཁ་མར་ལྟ་ཐེངས་ཕོག་གཅིག་གུ་བཏོག་འབག་འགྱོཝ་ད་ འགྱོ་སྟེ་ཀྲིག་ཀྲི་སྤང་ཐང་ཅིག་ལུ་ལྷོདཔ་ད་ལུ་ དོམ་ཕྱུག་ཀུ་གཉིས་གནམ་མེད་ས་མེད་རྩེདམོ་རྩེ་སྡོད་སར་འཕྱད་ཡི་ཟེར་ཨིན་མས།

ཨ་ནཱི་སྦེ་རྩེདམོ་རྩེ་སྡོད་སར་འཕྱད་དེ་ དེ་ལས་དོམ་ཕྱུག་ཀུ་གཉིས་ཀྱིས་ ཁོ་མཐོང་སྟེ་ མགྱོགས་པ་རང་དོམ་ཕྱུག་ཀུ་གཉིས་ཀྱིས་ ཁྱོད་ག་ཏེ་འགྱོཝ་སྨོ་ཟེར་ ཁྱོད་ངའི་ཨའི་གིས་ཤེས་པ་ཅིན་ ཁྱོད་ད་ལྟ་ར་ཟ་འོང་ཟེར་སླབ་ད་ ང་གི་ཨའི་ན་སྟེ་ གནམ་མེད་ས་མེད་ནང་དོག་སྟེ་ཡོད་ ཤི་ནི་གུ་རང་ཐུག་སྟེ་ཡོད་ ཁྱེད་ཀྱི་ཨའི་གི་ཨོམ་བཞོ་འབག་འོང་པ་ཅིན་ ང་གི་ཨའི་དྲག་ནི་ཨིན་མས་ལོ་ ཟེར་སླབ་ད།

ཏེ་སེམས་ཅན་གྱིས་ འ་ནཱི་དོམ་གྱིས་ ཡ་ང་དེ་སྦེ་ཨིནམ་པ་ཅིན་ ང་བཅས་གཉིས་ལས་གཅིག་གསད་ད་ཏེ་ཟེར་སླབ་ད་ ཏེ་ཡ་ ཁྱེད་གཉིས་ལས་ག་འདི་གསད་ནི་ཏེ་ སླབ་ཟེརཝ་ད་ ང་བཅས་གཉིས་ ཁྱོད་ར་བལྟ་སྦེ་ ག་བཟུམ་གསད་རུང་གསད་ ཁྱད་མེད་ གསད་ཟེར་ ཏེ་གཅིག་སྦོམ་ཡོད་དེ་བསད་སྦེ་ ཏེ་པགས་ཀོ་བཤུབས་ཏེ་ འ་ནཱི་ནང་ན་ ཁོ་འཛུལ་ཟེར་ དོམ་གྱིས་སླབ་སྟེ་ དེ་ལས་ཁོ་ནང་ན་འཛུལ་ཏེ་ ཡ་ལྟ་མ་ཨོམ་བྱིན་པར་འཐོན་འོང་སྨེ་ ཨོམ་བྱིན་པར་འོངམ་ད་ ཤིང་འབྲས་ཚུ་འབག་འཐོན་འོང་སྨེ་ཟེར།

འབག་འོངམ་ད་ལུ་ ཕྲང་ཕྲང་ང་ ཤིང་འབྲས་ལུ་མེན་པར་ ཨོམ་ལྟ་སྟེ་འགྱོ་འོང་ ཁྱོད་ཡང་ཨོམ་ལྟ་སྟེ་འོང་སྦེ་ ཨོམ་བཞོ་སྨེ་ཟེར་ དེ་ལས་ཨའི་གིས་ཤིང་འབྲས་ཚུ་འབག་འོང་སྟེ་ཁ་ལས་སྐྱུགས་བྱིན་འོང་སྨེ་ དེ་སྦེ་བྱིནམ་ད་ལུ་ ང་གིས་ཕྲངམ་ཕྲང་སར་འ་ནཱི་ཤིང་འབྲས་གུ་མཆོངས་རྫུ་བཏབ་གེ་སྨེ་ ཁྱོད་ཡང་ཤིང་འབྲས་གུ་མཆོང་སྨ་རེད་ དེ་ལས་དོམ་གྱིས་ ཁོང་གཉིས་བསྟུན་གྲོས་འབད་དེ་ དོམ་གྱིས་སྟོན་བྱིན་ཏེ།

དེ་ལས་ཨའི་འདི་གིས་ དེ་སྦེ་འབག་འོངམ་ད་ལུ་ ཨ་ནཱི་སྦེ་ ཁོ་གིས་ག་ཅི་འབདཝ་ཅིག་ ཆ་རོགས་ཀྱིས་ག་ཅི་འབདཝ་ཅིག་ དེ་སྦེ་འབད་དེ་ ཨོམ་བཞོ་སྟེ་ པ་ལང་ནང་འདེགས་ སྦ་ནང་འདེགས་ཏེ་ དེ་ལས་ཨའི་གིས་ སྐྱུགས་ཏེ་མཆོངས་འགྱོཝ་ད་ སོ་སོ་ཆ་རོགས་ཀྱིས་ཤིང་འབྲས་ལུ་མཆོངམ་ད་ ཁོ་གིས་ཡང་ཤིང་འབྲས་ལུ་མཆོངས་ཏེ་ དེ་ལས་ཨའི་འདི་ ལོག་སྟེ་ནགས་ཚལ་ནང་ཤིང་འབྲས་འཚོལ་བར་ ནགས་ཚལ་ནང་སོང་།

ནགས་ཚལ་ནང་སོང་སྟེ་ དེ་བཟུམ་འབདཝ་ད་ལུ་ ཁྱོད་མགྱོགས་པར་སོང་ ལྟ་མ་ ཨའི་ལོགཔ་ད་ཟ་འོང་ཟེར་སླབ་སྦེ་ ཏེ་འ་ནཱི་པགས་ཀོ་འདི་ག་ཅི་འབད་ནི་ ང་འ་ནཱི་པགས་ཀོ་འདི་བཀོ་ག་ ག་ཅི་འབད་ནི་ཟེརཝ་ད་ དོམ་ཆུང་ཀུ་གིས་ མ་དགོ་པའི་དུས་ཅིག་ གཅིག་ཡང་མེད། །འདི་ཡང་དགོ་པའི་དུས་ཅིག་ཤར། །ཟེར་ དུས་ནམ་ཅིག་དགོཔ་འོང་ འ་ནཱི་པགས་ཀོ་ ཁྱོད་འབག་སོང་ཟེར་ བཏང་སྟེ་ དོམ་ཕྱུག་ཀུ་གིས་དེ་སྦེ་སླབ་སྟེ།

དེ་ལས་ དོམ་གྱི་ཨོམ་འབག་སྟེ་ ཕར་ཁྱིམ་ནང་འབག་སྦེ་ ཨའི་ལུ་དབུརཝ་བཅུགཔ་ད་ལུ་ དེ་ལས་ཨའི་འདི་ འ་ནཱི་ཧེང་སྐལ་ མེན་པའི་ལཱ་ངན་པ་འབདཝ་ལས་བརྟེན་ཏེ་ ཨའི་འདི་ཧེང་སྐལ་ན་སྟེ་ དོམ་གྱི་ཨོམ་དབུར་བཏངམ་ད་ སྦོ་སྟེ་གཟུགས་ག་ར་སྦོ་སྟེ་ དེ་སྦེ་འབད་དེ་ བླ་་་་ ང་འདི་ དོ་རུང་བུ་འདི་ཤ་བདའ་བར་འགྱོཝ་ད་ལུ་ འ་ནཱི་ཨའི་གིས་ སེམས་ཅན་སྦོམ་འབད་སར་སོང་སླབ་སྟེ།

ང་འདི་ དེ་སྦེ་དབུར་ཡི་ས་ ཧེང་སྐད་སྦོ་སྟེ་ དེ་སྦེ་དཀའཝ་སྤྱད་དེ་ན་ཡི་ཟེར་ དེ་སྦེ་སླབ་ད་ ཡ་ཁྱོད་དབུར་ནི་དེ་མེན་ དབུར་ཡི་ དབུར་ནི་ཟེར་བཞག་དགོ་ གཟུགས་འཁྱུ་ཞིནམ་ལས་ དབུར་ནི་ཟེར་བཞག་སྟེ་ དབུར་ནི་དེ་མེན་ཁྱོད་ཟེར་ ཁྱོད་ཀྱི་བུ་སྲིན་པོ་ངོ་མ་ཨིན་ཟེར་སླབ་ཅི་མེན་ན་ ཨིན་མས་གོ་ཤིག་ སྲིན་པོ་ཟེར་སླབ་སྟེ་ འ་ནཱི་ཨའི་འདི་ དེ་སྦེ་སླབ་སྟེ་ དེ་ལས་ཁྱོད་ ཁྱོད་ཀྱི་བུ་འདི་ དོ་རུང་བརྟག་དཔྱད་འབད་ནི་གི་དོན་ལས་ ཕར་སྟག་ཡོད་སར་བཏང་བལྟ་ཤིག་ཟེར།

ཏེ་སྟག་གིས་ཡང་མ་ཟ་བ་ཅིན་ ཁྱོད་ཀྱི་བུ་སྲིན་པོ་ཨིན་ཟེར་སླབ་སྟེ་ དེ་ལས་ཨའི་འདི་གིས་ ཕར་མོ་བཏབ་མི་འབད་སར་སོང་སྟེ་ དེ་སྦེ་སླབ་ཟེར་ མོ་བཏབ་མི་འབད་སར་སོང་སྟེ་ དེ་སྦེ་སླབ་སྟེ་ མོ་བཏབ་སར་སོང་སླབ་སྦེ་ དོ་རུང་ཨའི་ན་སྟེ་ ཁྱོད་ཀྱིས་ མོ་ཡང་ལེགས་ཤོམ་སྦེ་མ་བལྟཝ་འདྲས་ ལོག་སོང་སྟེ་ མོ་ལེགས་ཤོམ་སྦེ་བལྟ་ཤིག་ཟེར་སླབ་སྟེ་ དེ་ལས་དོ་རུང་ མོ་བཏབ་སར་འགྱོ་རྫུ་བཏབ་སྟེ།

དེ་ལས་ མོ་བཏབ་མི་གིས་ ཡ་་་་ ཁྱོད་ཀྱི་ཨའི་འདི་ དྲག་ནི་གི་དོན་ལས་ གཞན་འདི་ཐབས་དང་གནས་སྐབས་ག་ཅི་ཡང་མིན་འདུག་ དོམ་གྱི་ཨོམ་འདི་འབག་བྱིན་ནུག་ད་ སྟག་གི་ཨོམ་ཅིག་བཞོ་འབག་འོང་སྦེ་དབུར་བྱིན་པ་ཅིན་ འདི་གིས་དྲག་ནི་བཟུམ་འདུག་ ཁྱོད་ཀྱི་ཨའི་དྲག་འོང་ཟེར་ ཏེ་མོ་བཏབ་མི་གིས་དེ་སྦེ་སླབ་སྟེ་ ཁོ་འདི་ ཏེ་སྟག་གི་ཨོམ་བཞོ་འབག་འོང་ནི་ཟེར་སོང་སྟེ་ དོ་རུང་ར་ ནགས་ཚལ་སྦོམ་ནང་ན་ལྷོདཔ་ད་ དེ་ཡང་ སྦ་ཕུད་རྡོག་གཅིག་རྐྱངམ་ཅིག་འབད་མི་འཕྱད་ཅི་ཟེར་ཨིན་མས།

འ་ནཱི་འཕྱད་དེ་ འ་ནཱི་སྦ་འདི་ ཁ་ཡར་ལྟ་ཐེངས་ཕོག་གཅིག་གུ་བཏོག་ ཁ་མར་ལྟ་ཡང་ཐེངས་ཕོག་གཅིག་གུ་བཏོག་འབག་སྦེ་ ཡར་སྤང་ཐང་སྦོམ་ནང་ན་ལྷོདཔ་ད་ སྟག་ཕྱུག་ཀུ་གཉིས་གནམ་མེད་ས་མེད་འཐབ་སྟེ་ རྩེདམོ་རྩེ་སྡོད་སར་འཕྱད་དེ་ དེ་སྦེ་རྩེདམོ་རྩེ་སར་ ཡ་ འ་ནཱི་སྟག་ཕྱུག་ཀུ་གཉིས་ཀྱིས་ ཁོ་མཐོངམ་ད་ ཡ་ དབའེ་ ཁྱོད་ག་ཏེ་འགྱོཝ་སྨོ་ ངེའི་ཨའི་གིས་ ད་ལྟོ་རང་ཟ་འོང་ཁྱོད་ ཁྱོད་ལོག་སོང་ཟེརཝ་ད་ ང་ཁྱོད་ཀྱི་ཨའི་གི ཨོམ་བཞོ་འབག་འོང་པ་ཅིན་ ངེའི་ འ་ནཱ་ཨའི་དྲག་འོང་ཟེར་སླབ་སྟེ་ཡོད་ཟེར།

སླབ་སྟེ་ ཁོ་གིས་ སྟག་གི་ཕྱུག་ཀུ་གིས་ ཡ་ དེ་སྦེ་ཨིན་པ་ཅིན་ ང་བཅས་གཉིས་ལས་གཅིག་གསད་ཟེར་སླབ་སྟེ་ དེ་ཡང་ཁྱོད་གཉིས་ལས་ག་འདི་གསད་ནི་ཟེར་སླབ་ད་ ཁྱོད་རང་བལྟ་སྟེ་གསད་ཟེར་སླབ་སྟེ་ དེ་ལས་བསད་སྦེ་ཁོ་ ཏེ་པགས་ཀོ་བཤུབ་སྟེ་ འ་ནཱི་ཅོག་འཐདཔ་སྦེ་ དོམ་ཕྱུག་ཀུ་བཟུམ་སྦེ་ར་ པགས་ཀོ་བཤུབ་སྦེ་འཛུལ་ཏེ་ ཡ་ ལྟ་མ་ཨའི་གིས་ལྷོད་འོང་ ཤ་འབག་སྦེ་ལྷོད་འོང་ ཤ་འབག་སྟེ་ལྷོདཔ་ད་ ཤ་ལུ་མེན་པར་ ང་གིས་ཕྲངམ་ཕྲང་སར་ཨོམ་གུ་མཆོང་འོང་ཟེར།

ཁྱོད་ཨོམ་ལུ་ཤོག་ ཁྱོད་ཨོམ་བཞོ་སྨེ་ ཨོམ་འཐུང་རྫུ་བཏབ་སྟེ་ ཨོམ་བཞོ་སྨེ་ཟེར་སླབ་སྟེ་ དེ་ལས་ལྟ་མ་ཨའི་གིས་རུ་ཏོ་ གུརཔ་གུརཔ་ དཀྲུམས་བྱིན་འོང་ དཀྲུམས་བྱིན་ཏེ་ དེ་སྦེ་དཀྲུམས་ཚརཝ་ད་ ཨའི་གིས་མཆོང་འགྱོ་འོང་སྨེ་ མཆོང་འགྱོཝ་ད་ལུ་ ང་ཕྲངམ་ཕྲང་སར་ཤ་ལུ་མཆོང་རྫུ་བཏབ་གེ་ ཁྱོད་ཡང་ཤ་གུ་མཆོངས་ཏེ་ ཤ་ཟ་རྫུ་བཏབ་སྨེ་ཟེར་སླབ་སྟེ་ དེ་ལས་དེ་སྦེ་ ཁོང་ཨའི་ ཨོམ་འབག་སྟེ་ལྷོད་དོ་ཡོདཔ་མས་ ཤ་འབག་སྟེ་ ཕར་ལས་ཚུར་ལྷོདཔ་ད་ ཁོ་གིས་ཕྲངམ་ཕྲང་སར་ཨོམ་གུ་མཆོངས་མཆོངསམ་མས།

དེ་སྦེ་ ཨོམ་ལུ་མཆོངམ་ད་ལུ་ ཏེ་ཨོམ་འཐུང་རྫུ་བཏབ་སྟེ་ ཁོ་གི་པ་ལང་ནང་འདེགས་སྦེ་ ཏེ་ཧ་ལམ་ཅིག་ལས་ ཨའི་རུ་ཏོ་དཀྲུམས་ཚར་སྦེ་ མཆོངས་འགྱོ་དོ་ཡོདཔ་མས་ ཨའི་མཆོངས་འགྱོཝ་ད་ལུ་ ཕྲངམ་ཕྲང་སར་ཤ་ལུ་མཆོངས་ཏེ་ འ་ནཱི་ཨའི་ཕར་སོང་སྟེ་ ཧ་ལམ་ རྡོས་སྒོར་གྱི་དཔག་ཚད་འཚམས་ཅིག་སོ་སྟེ་ལོག་སྟེ་ རྒྱབ་ལོག་སྟེ་བལྟ་སྦེ་ ངར་སྐད་རྐྱབ་སྟེ་ར་འགྱོ་དོ་ཡོདཔ་མས་ཨའི། སོང་སྟེ་ དེ་ལསན་ཏེ་ ཁྱོད་མགྱོགས་པར་མགྱོགས་པར་སོང་ ལྟ་མ་ཨའི་ལོགཔ་ད་ཟ་འོང་ཟེར།

ཏེ་འ་ནཱི་པགས་ཀོ་འདི་ག་ཅི་འབད་ནི་ཟེར་སླབ་ད་ སྟག་ཕྱུག་ཀུ་གིས་ཡང་དེ་སྦེ་སླབ་སླབ་མས་ལགས། མ་དགོ་པའི་དུས་ཅིག་གཅིག་ཡང་མེད། །འདི་ཡང་དགོ་པའི་དུས་གཅིག་ཤར། །ཟེར་ སྟག་གིས་ཡང་ཤེས་ཤེསཔ་མས་བ་ལགས། དེ་སྦེ་འགྱོ་སྦེ་ ཏེ་ཁོ་ པགས་ཀོ་འདི་འབག་འོང་སྟེ་ ཨའི་ལུ་ཨོམ་བྱིན་ཏེ་ པགས་ཀོ་ག་ར་སྒྲོམ་ནང་བཙུགས་ཏེ་ འ་ནཱི་ ཨའི་ལུ་འ་ནཱི་པགས་ཀོ་འདི་ ཨའི་འ་ནཱི་སྒྲོམ་ནང་བཙུགས་སྨེ་ཟེར་ ཨའི་ལག་པར་བྱིན་བྱིནམ་མས། སྟག་གི་པགས་ཀོ་དང་དོམ་གྱི་པགས་ཀོ་བཙུགས་བཅུག་སྦེ།

དེ་ལས་ཁོ་སོང་སྡོདཔ་ད་ ཤ་བདའ་བར་སོངམ་ད་ ངེའི་བུ་འདི་ ཐད་རི་བ་རི་ སྲིན་པོ་ཨིན་མས་ཟེར་ སྟག་གི་ཨོམ་ཡང་བཞོ་འབག་སྟེ་ལྷོད་ཅི་ ཐད་རི་བ་རི་སྲིན་པོ་ཨིན་མས་ ངའི་བུ་ཟེར་སླབ་ད་ ཁྱོད་ཀྱི་བུ་འདི་ ཐད་རི་བ་རི་སྲིན་པོ་ཨིན་ཟེར་སླབ་ཅི་མེན་ན་ཟེར་ ཏེ་ཁྱོད་ཀྱི་འ་ནཱི་བུ་འདི་ ད་འབདན་ དོ་རུང་ར་ན་རྫུ་བཏབ་སྟེ་ དྲག་མ་བཏུབ་བཟོ་སྟེ་ ཁྱོད་མར་ སྲིན་ཡུལ་ལུ་འགྱོ་ཤིག་ཟེར།

སྲིན་ཡུལ་ལུ་བཏང་སྨེ་ ཁྱོད་ཀྱི་འ་ནཱི་བུ་སྲིན་པོའི་གཡུས་ཁར་བཏང་ད་ཟེར་ སྲིན་པོའི་བུམོ་གཅིག་གཉེན་འབག་འོང་པ་ཅིན་རྐྱངམ་ཅིག་དྲག་ནི་མས་ཟེར་སླབ་ཟེར་ དེ་ལས་མོ་གིས་ ཨའི་དེ་གིས་ན་རྫུ་བཏབ་སྟེ་ ཡར་མོ་བཏབ་སར་ཡང་དེ་སྦེ་སླབ་བཅུག་སྟེ་ ངེའི་བུ་འདི་ སྲིན་པོ་ངོ་མ་ཨིན་མས་ སྟག་གིས་ཡང་མ་ཟ་ དོམ་གྱིས་ཡང་མ་ཟ་ ད་འབདན་ཚར་གཅིག་སྲིན་པོའི་གཡུས་ཁར་བཏང་དགོ་པས་ ཁྱོད་ཀྱིས་ཡང་ སྲིན་པོའི་བུམོ་གཅིག་གཉེན་རྐྱབ་འོང་པ་ཅིན་ དྲག་ནི་མས་ཟེར་སླབ་སྨེ་ཟེར་སླབ་སྟེ།

ཡ་ དེ་བཟུམ་སྦེ་ མོ་བཏབ་མི་གིས་ཡང་ ད་རུང་ར་ཁོ་ ཤ་བདའ་སྟེ་ལོག་ལྷོདཔ་ད་ གནམ་མེད་ས་མེད་ ཨའི་གི་དཔྱལཝ་ག་ར་ཨོ་ཀྲོ་བཙུམ་སྟེ་ སྡོད་རྫུ་བཏབ་སྟོ་ཡོདཔ་མས། ཨའི་གིས་ ཡ་ ང་ ཁྱོད་ཀྱིས་ མོ་ལེགས་ཤོམ་སྦེ་བལྟ་མི་འོང་དོ་ཡོདཔ་མས། ད་ལྟོ་ཚར་གཅིག་ལོག་སོང་སྟེ་ མོ་བཏབ་མི་འབད་སར་སོང་སྟེ་ ལོག་བལྟ་བཅུག་ཤིག་ཟེར་ ང་ཤི་ནི་མས་ས་ཟེར་སླབ་སྦེ་ ཏེ་མོ་བཏབ་མི་འབད་སར་ མོ་བཏབ་པར་སོངམ་ད་ ཡར་མོ་བཏབ་མི་གིས་ ཁྱོད་ཀྱི་ཨའི་འདི།

དྲག་ནི་གི་དོན་ལས་ གཞན་ག་ཅི་ཡང་འབད་ཚར་ཡི་ ད་ཁྱོད་ སྲིན་པོའི་གཡུས་ཁར་སོང་སྟེ་ སྲིན་པོའི་བུམོ་ཅིག་དང་གཅིག་ཁར་ གཉེན་འགྲོགས་བསྡོམས་ཏེ་ གཉེན་རྐྱབ་སྟེ་བུམོ་གཅིག་འབག་འོང་པ་ཅིན་ མནའམ་སྦེ་འབག་འོང་པ་ཅིན་ ཁྱོད་ཀྱི་ཨའི་དྲག་ནི་ ཐད་རི་བ་རི་ཨིན་ཟེར་ ཐད་རི་བ་རི་དྲག་འོང་ག་ཟེརཝ་ད་ དྲག་འོང་ཟེར་སླབ་སྟེ་ ཁོ་གིས་ཁྱིམ་ནང་འོང་སྦེ་ གཞུ་འདི་ ཡར་ [གེརམ་?]གྱི་འོག་ལུ་བཙུགས་བཞག་སྦེ།

དེ་ལས་ཁོ་འགྱོ་འགྱོཝ་ཨིན་མས། འགྱོ་སྟེ་ ཕར་རྒྱ་མཚོ་ཆེན་མོའི་མཐའ་མར་ལྷོདཔ་ད་ ག་ཏེ་ཡང་འགྱོ་སར་མེད་པར་ རྒྱ་མཚོ་སྦོམ་དེ་ནང་སོང་སྟེ་ ཕར་སྡོད་པའི་བར་ན་ ཁོ་གི་ཨའི་སྨོན་ལམ་བཏབ་སྡོད་སྡོདཔ་མས། ཡ་ང་ སྲིན་པོའི་གཡུས་ཁར་འགྱོཝ་ཨིན་ ང་ལས་དགཔ་ མ་དགཔ་ཡོད་པ་ཅིན་ ང་འ་ནཱ་ རྒྱ་མཚོ་ནང་ན་ཐིམ་སྟེ་ཤི་བཅུག་ཟེར་ ང་ལས་དག་པ་ཡོད་པ་ཅིན་ ང་འ་ནཱ་ལས་ཕར་འགྱོ་བཅུག་ཟེར་ སྨོན་ལམ་བཏབ་སྟེ་ རྒྱ་མཚོ་གི་ནང་ན་རྐངམ་བཙུགས་སྦེ་ སྨོན་ལམ་བཏབ་སྦེ་སྡོདཔ་ད་ལུ་ཁོ།

གཉིད་ཚར་གཅིག་ལོགཔ་ད་ ཏེ་གཉིད་ལོགཔ་ད་ལུ་ ཁོ་གི་ འ་ནཱི་རླུང་མ་སི་རི་རི་བཏང་འབད་དོ་བཟུམ་ཅིག་ཁར་ ཏེ་ཁོ་ཕར་རྒྱ་མཚོའི་མཐའ་མར་འབག་སྐྱེལ་བཞག་ནུག་ཟེར་ཨིན་མས། ཏེ་སྐྱེལ་བཞག་སྦེ་ ཏེ་དེ་ལས་ཁོ་ཚུར་གཡུས་ཀྱི་ལོགས་ལུ་གདོང་བསྒྱིར་ཏེ་ ཡ་ ང་ལྷོད་ནི་དེ་ནཱ་རྒྱ་མཚོའི་མཐའ་མར་ལྷོད་ཅི། ཡ་ ང་ག་ཏེ་ལས་འགྱོ་ནི་སྨོ་ ད་འ་ནེམ་ཅིག་འདུག་ཟེར་ ག་ར་རི་གིས་བསྐོར་ཚར་ཚར་ཚལརཝ་ཅིག་འདུག་ ག་དེ་སྦེ་འགྱོ་ནི་ད་ ཟེར་མནོ་སྡོདཔ་ད་ལུ།

ལོག་སྟེ་རྒྱབ་བསྒྱིར་བལྟཝ་ད་ལུ་ ཏེ་སྒོ་འདི་ ཕར་ལྡེ་མིག་རྐྱབ་སའི་སྒོ་མཐོང་ གསེར་གྱི་ལྡེ་མིག་བུ་ཡང་ ལྡེ་མིག་ཆག་པ་ཅིག་མཐོང་སྟེ་ འ་ནཱི་ལྡེ་མིག་དེ་གིས་ ཕྱེས་ཡི་ཕྱེས་ཡི་ཕྱེ་ཡིས་ འ་ནཱི་གཏེར་སྒོ་ཟེར་ ཁོ་འ་ནཱི་སྒོ་ ཏེ་སྒོ་ཡང་ ཁལ་གཅིག་དང་དགུ་འདུག་ཟེར་ཨིན་མས། སྒོ་ཕྱེས་འགྱོ་ ཕར་ལྷོདཔ་ད་ སྲིན་པོའི་རྒྱལ་པོ་གི་ མར་དོ་ཀ་རེ་ཟེར་ འ་ནཱི་ ཨེ་ཁུ་གི་སྦོ་ལོགས་ཁ་ལས་ཡར་ཐོན་ཏེ་ཁོ།

ཡར་སྲིན་པོ་གི་ རྒྱལ་པོའི་དོ་ཀ་རེ་(ཨེ་ཁུག་)ལས་ཡར་འཐོན་འོངམ་ད་ སྲིན་པོའི་རྒྱལ་པོ་གིས་ དབའེ་ ཁྱེད་ཚུ་ རྟ་ཤ་མི་ཤའི་དྲིམ་ཅིག་མནམ་མས་སྨེ་ ཁྱེད་ཐབ་ཚང་པ་ཚུ་ཟེར་ རྒྱལ་པོ་གིས་སླབ་སྟེ་འགྱོ་བལྟཝ་ད་ལུ་ ཀྲིག་ཀྲི་ཕར་ལྷོད་དེ་ ག་ར་གིས་ར་ ང་བཅས་ཀྱི་ནཱ་ དབའེ་མི་ལུས་རིན་པོ་ཆེ་ ཁྱོད་ཀྲིག་ཀྲི་ནཱ་ལྷོད་དེ་ཟེར་ ཁོང་ཚུ་གིས་གསད་ནི་ཟེར་ གནམ་མེད་ས་མེད་ལྷོད་དེ་ འོངམ་ད་ལུ་ ཏེ་སྲིན་པོ་ཚུ་གིས་ཟ་ནི་ཟེར་ གནམ་མེད་ས་མེད་འོངམ་ད་ ཏེ་རྒྱལ་པོ་གིས།

དེ་ལས་ཨ་ནཱི་མི་ལུས་རིན་ཆེན་འདི་གིས་ ཁྱེད་ཀྱི་རྒྱལ་པོ་ཡོད་ས་རང་འགྱོ་ནི་ཨིན་ང་ཟེར་ ཨ་ནཱི་རྒྱལ་པོའི་ཕྱག་དབང་བཅར་ནི་ཨིན་ཟེར་ ཁོ་འགྱོ་སྟེ་ ཡར་རྒྱལ་པོའི་ཕྱག་དབང་བཅར་ནི་ཟེར་ ཡར་ལྷོདཔ་ད་ལུ་ ཏེ་རྒྱལ་པོ་གིས་ ཁྱོད་ ག་ཏེ་འགྱོཝ་སྨོ་ ཁྱོད་མི་ལུས་རིན་པོ་ཆེ་ ཁྱོད་ག་ཏེ་འགྱོཝ་སྨོ་ཟེར་ ད་རེས་ཁྱོད་ཟ་ནི་ཨིན་ཟེར་སླབ་སྟེ་ ང་འདི་ ངེའི་ཕར་ ཁྱིམ་ནང་ ཨའི་ན་སྟེ་ དེ་སྦེ་ གནམ་མེད་ས་མེད་ཤི་ནི་གུ་ཐུག་སྟེ་ཡོད་ཟེར།

རྒྱལ་པོའི་སྲསམོ་གཅིག་ ཏེ་གཉེན་རྐྱབ་སྦེ་སོང་པ་ཅིན་ ཏེ་ངེའི་ཨའི་དྲག་ནི་མས་ཟེར་འོང་འོངམ་ཨིན་ཟེར་སླབ་ད་ ཏེ་མར་ཐབ་ཚང་ནང་ ངེའི་བུམོ་གཉིས་ཡོད་ བུམོ་གསུམ་ཡོད་ཟེར་ འ་ནཱི་བུམོ་འབད་སར་འགྱོ་བལྟ་སྨེ་ཟེར་སླབ་སླབ་ཨིན་པས། དེ་ལས་བུམོ་གསུམ་འབད་སར་ ཁོ་འགྱོ་བལྟ་ཟེར་ ཕར་སོང་སྟེ་ བུམོ་སྦོམ་ཤོས་དེ་ལུ་སླབ་བལྟ་བལྟཝ་མས། ང་ཁྱེད་ཀྱི་ཨ་པ་གིས་ ཁྱེད་བུམོ་སྤུན་གསུམ་གྱི་ནང་ལས་གཅིག་ག་འབད་རུང་ གཉེན་རྐྱབ་སྟེ་འབག་ནི་འབད་ དེ་སྦེ་སླབ་སྟེ་ཡོད་ཟེར།

སླབ་བལྟ་ཟེར་ཨ་པ་གིས་ཨ་པ་གིས་བཏང་དེས་ཟེརཝ་ད་ ཏེ་ཨ་ཞིམ་དེ་གིས་ ཁྱོད་དང་གཅིག་ཁར་གཉེན་རྐྱབ་འགྱོཝ་ལས་འདི་ ང་གཞན་ཅིག་དང་གཅིག་ཁར་གཉེན་རྐྱབ་འགྱོཝ་དྲག་འོང་ཟེར་ ཏེ་ཨ་ཞིམ་དེ་སགི་ཡར་སོང་ནུག་ དེ་ལས་བུམོ་བར་ན་སྐོརམ་ལུ་སླབ་བལྟཝ་ད་ བར་ན་སྐོརམ་གིས་ཡང་ ང་ཁྱོད་དང་གཅིག་ཁར་གཉེན་རྐྱབ་འགྱོཝ་ལས་འདི་ ང་གཞན་དང་གཅིག་ཁར་གཉེན་རྐྱབ་འགྱོཝ་དྲག་འོང་ཟེར་ ཏེ་བུམོ་ཆུང་ཤོས་འབད་སར་ལྷོདཔ་ད་ལུ་ ཡ་ ང་ ཨ་པ་གིས་ ང་བཅས་སྤུན་ཆ་ཚུ་ལས་གཅིག་གིས་མ་ཉན་རུང་གཅིག་ཉོན་ཟེར་ ཚོར་བརྡ་བཏངམ་ཨིན་ཟེར་ ཏེ་ནུམོ་ཆུང་ཤོས་ཀྱིས་ཉན་བཏུབ་སྦེ།

དེ་ལས་ ཡ་འགྱོ་ཤིག་ད་ ང་བཅས་གཉིས་འགྱོ་གེ་སྨེ་ཟེར་ ཡར་ཨ་པ་འབད་སར་འགྱོ་གེ་སྨེ་ཟེར་འགྱོ་སྟེ་ ཏེ་ཕར་ལྷོདཔ་ད་ལུ་ ཕར་ བུམོ་འདི་གིས་ གཡོན་བསྐོར་སྦེ་འཁྱིད་ནི་གི་ ཁོང་ཡར་གྱི་ཁྱིམ་ཡང་ཐོག་གསུམ་ཡོདཔ་ཨིན་མས། ཏེ་ཡར་བསྐོརཝ་ད་ལུ་ ཕར་གཡས་བསྐོར་སྦེ་མེན་པར། གཡོན་བསྐོར་སྦེ་འཁྱིད་ནི་འབདཝ་ད་ ད་ མེན་པར་ ཁོ་གིས་ཆོས་བསྐོར་སྦེ་ ཚུར་ལས་བསྐོར་ཏེ་འཁྱིད་འབག་སྟེ་ འ་ནཱི་བུ་འདི་གིས་ འགྱོ་ཤིག་ཟེར་སོང་སྟེ།

ཡར་སྒོ་ཁར་ལྷོདཔ་ད་ལུ་འདི་ ཁྱོད་ཧེ་མ་འགྱོ་ཟེརཝ་ད་ བུམོ་དེ་གིས་ ཁྱོད་ཧེ་མ་འགྱོ་ཟེར་ ཏེ་ཁྱོད་ཧེ་མ་འགྱོ་ཟེརཝ་ད་ ཁྱོད་ཧེ་མ་འགྱོ་ཟེར་ དེ་སྦེ་ ནཱ་གི་མི་ལུས་རིན་ཆེན་འདི་ཧེ་མ་སོང་སྟེ་ དྭཝ་བུཚ་འདི་ ཁོ་ཧེ་མ་ནང་ན་འཛུལ་ཏེ་ ཕར་ཨ་པ་འདི་ ཁོའི་བུམོ་མ་མཐོང་ཞིནམ་ལས་ མཆེཝ་གནམ་མེད་ས་མེད་ ཡར་གྱི་མཆེཝ་གིས་མར་བཙུགས་ཏེ་ མར་གྱི་ཆེཝ་གིས་ཡར་ གནམ་མེད་ས་མེད་ བཙུགས་ཏེ་འདུག་ཟེར་ཨིན་མས་ལགས།

དེ་ལསན་ཏེ་ ཁྱོད་ཕར་ ཁྱོད་ག་ཏེ་སྨོ་བུམོ་ཟེར་ ཟ་ནི་ཟེར་སླབ་སྟེ་འབདཝ་ད་ དེ་ལས་བུམོ་འདི་གིས་ཀྲིག་ཀྲི་འཐོན་འོང་སྟེ་ ཕར་ལྷོད་པ་ད་ ཡ་ད་འབདན་ ངེའི་བུམོ་འདི་ མི་ལུས་རིན་ཆེན་འདི་ ངེའི་རྨགཔ་ལུ་གྱུར་འགྱུརཝ་ཨིན་ཟེར་སླབ་སྟེ་ དེ་ལས་བུམོ་འདི་ལུ་ མར་བསྐོར་བཤལ་འཁྱིད་འབག་ཁོ་ཟེར་ དེ་ལས་ མཆེཝ་འདི་མར་འཛུལ་ཏེ་ ལོག་འཛུལ་ཞིནམ་ལས་ བཤལ་བར་འཁྱིད་འབག་སྨེ་མར་ཟེར།

ཏེ་བཤལ་བར་འཁྱིད་དེ་ མར་ལུ་ བུམོ་འདི་གིས་བཤལ་བར་འཁྱིད་དོ་འོདཔ་མས་མར་ལྟ་བཤལ་བར་འཁྱིདཔ་ད་ མར་མར་རྩ་བར་འོག་ལུ་སྦེ་ རྟ་ཆུང་ཀུ་ཆུང་ཀུ་འབད་མི་ གནམ་མེད་ས་མེད་འདུག་ཟེར་ཨིན་མས་ལགས། ཏེ་རྟ་ཕར་བཅད་བཅད་སྦེ་ཡོད་ དེ་ལས་ཁོ་འདི་ མར་རྩ་བར་འོག་ལུ་རང་ རྟ་ཆུང་ཀུ་ཆུང་ཀུ་འབད་མི་གནམ་མེད་ས་མེད་འདུག་ཟེར་ཨིན་མས། ཏེ་རྟ་བཅད་བཅད་ཡོདཔ་ད་ དོ་རུང་གཞན་མི་བཅད་ནང་འགྱོ་བལྟཝ་ད་ མི་ཨ་ལོ་ཆུང་ཀུ་ཆུང་ཀུ་འབད་མི་ གནམ་མེད་ས་མེད་ཡོད་དེ།

དེ་ལས་དོ་རུང་ ཡར་ཐོག་ཁར་འགྱོ་བལྟཝ་ད་ དོ་རུང་ཧ་ལམ་རེ་འགྱོ་མི་འདུག་ཟེར་ཨིན་མས། ཕར་རྟ་ཡང་ ཨ་ལོ་ཚུ་ག་ཅི་ཡང་ སེམས་ཅན་ཚུ་[བར་ལང་བར་ལང་?]འགྱོ་མི་ དེ་ལས་དོ་རུང་ཡར་ཐོག་ཁར་འགྱོ་བལྟཝ་ད་ལུ་ ཧ་ལམ་རེ་འགྱོ་མི་ རྒན་རྒས་འགྱོ་འདུག་ཟེར་ དེ་ལས་ཐོག་ཁར་ ཡར་ཐོག་ཁར་འགྱོ་བལྟཝ་ད་ ཕར་རྒྱལ་པོའི་སྦོ་ལོགས་ཁར་ལྷོདཔ་ད་ལུ་ ཏེ་བླ་་་་ ཨང་རྒས་ཨ་རྒས་འགྱོ་མི་ སྐྱ་དཀརཔོ་འགྱོ་མི་ རྟ་ག་ར་རྒསཔ་འགྱོ་མི་ འདི་བཟུམ་འགྱོ་མི་ཚུ་ ཁོ་གི་ཤ་གི་གྲངས་སུ་ དེ་སྦེ་འབག་བཞག་ནུག་ཨིན་མས།

ཏེ་མཐོང་ཡི་ག་ བལྟ་ཡི་ག་ཟེརཝ་ད་ བལྟ་ཡི་ཟེར་ ག་བཟུམ་འདུག་ཟེརཝ་ད་ འདི་བཟུམ་འདུག་ཟེར་ དེ་ལས་ཨ་ཞང་ ཁོ་གི་ཨ་ཞང་རྒྱལ་པོ་ཟེར་ ཕར་སྲིན་པོ་ལུ་ཞུ་སྟེ་ ཡ་ ང་འདི་ ང་གིས་གཅིག་ ཁྱོད་ལུ་ཞུ་བ་ཅིན་ ཏེ་འ་ནཱི་ཁྱིམ་ནང་སྡོད་མི་ག་ར་ ཚེ་ཐར་བཏང་པ་ཅིན་ བཀའ་དྲིན་ཆེ་ནི་མས་ཟེར་ དེ་སྦེ་སླབ་ད་ ཏེ་བཏུབ་ཟེར་ ཁོ་གིས་སླབ་མི་ད་རེས་ ག་ཅི་ར་ཨིན་རུང་ ཁོ་གིས་སླབ་མི་འདི་ཉན་དགོ་སྨེ་ད་རེས་ཟེར་ གཡུས་ཁའི་མི་ ཨ་ནཱི་ཁོ་གི་ཤ་ཚུ་ག་ར་ ཚེ་ཐར་བཏང་སྟེ།

བཏང་སྦེ་ དེ་ལས་ཁྱོད་ རྒྱལ་པོ་ཁོ་གི་ཨ་ཞང་འདི་གིས་ རྒྱལ་པོའི་འདི་གིས་སྲིན་པོའི་རྒྱལ་པོ་གིས་ ཁྱོད་ཕག་ཤ་འདི་ཟ་ནི་སྨོ་ ག་ཅི་གི་ཤ་ཟ་ནི་ཟེར་ རྒྱལ་པོ་གིས་དེ་སྦེ་སླབ་ད་ ཡ་ ང་ད་ ག་ཅི་གི་ཤ་ཟ་ནི་སྨོ་ མིའི་ཤ་རེ་བྱིན་ནི་འོང་ ཕག་ཤ་གནང་ཟེར་རང་སླབ་དྲག་ནི་མས་ཟེར་ ང་ཕག་ཤ་འདི་ ཟ་ནི་ཟེར་སླབ་སྟེ་ དེ་ལས་ཕར་ ཐབ་ཚངཔ་ཚུ་ལུ་ དབའེ་ཐབ་ཚང་པ་ཁྱེད་ཆ་ཁྱབ་ ཨོམ་འབག་ཤོག་ཟེར་སླབ་སྟེ་ ཨོམ་འབག་སྟེ།

དེ་ལས་ ཕར་ཧོངས་མའི་སྒོ་ཕྱེས་བལྟ་ཟེར་སླབ་སྟེ་ སྒོ་ཕྱེས་བལྟཝ་ད་ལུ་ ཛའི་སྦུལ་སྦོམ་གནམ་མེད་ས་མེད་ཡོད་སར་ ཏེ་ཨོམ་གཏོར་སྦེ་ ཏེ་ཨོམ་གཏོརཝ་ད་ལུ་ འ་ནཱི་སྦུལ་སྦོམ་ཚུ་ག་ར་ཨོམ་འཐུང་སྟེ་ ཨོམ་འཐུང་ཚར་ཞིནམ་ལས་ བག་བུག་མེད་པ་གཉིད་ལོག་དེས་ཟེརཝ་མས་ལོ། ཨ་ནཱི་གཉིད་ལོག་སྟེ་ འ་ནཱི་སྦོམ་འདི་རང་བཟུང་སྟེ་ འཐེན་འབག་སྦེ་ ཁོ་ཚུར་འཐེན་ཏེ།

དེ་ལསན་ཏེ་འ་ནཱི་འདི་བསད་སྦེ་བཏོགཔ་ད་ ཛའི་ཁྲག་ཟེརཝ་ཅིག་འཐེན་མི་ འ་ནཱི་ཁྲག་འདི་ ལགཔ་ལུ་ རྒྱལ་པོ་གིས་ལགཔ་གིས་ཨ་ནཱི་སྦེ་བསྡུཝ་ད་ལུ་ ལགཔ་གིས་བཅོམ་སྟེ་བསྡུཝ་ད་ལུ་ གསེར་[ཁག་ཏང་རེ་?]གྱུར་ཏེ་ ཡ་ འ་ནཱི་འདི་རྨགཔ་ ཡ་ཁྱོད་སྐུདཔོ་ཁྱོད་ཟ་ཟེར་ ཕར་མི་ལུས་རིན་ཆེན་ལུ་བྱིན་ཏེ་ ཡ་ང་ དོ་རུང་མ་ཟ་བ་ཅིན་ འ་ནཱི་སྲིན་པོ་གིས་ཟ་འོང་སྨོ་ཟེར་ ཁོ་མིག་ཏོ་བཙུམ་སྦེ་ རྩ་འགེངས་ཏེ་ར་ཟ་བཞག་སྟེ།

ཏེ་འ་ནཱི་འདི་ ཡ་བུམོ་ཁྱོད་ཟ་ཟེར་ ཟ་ནི་བཅུག་སྟེ་ དེ་ལས་ཟ་སྦེ་ འ་ནཱི་འདི་ ཡ་ཁྱོད་ཀྱི་གཡུས་ཁར་ཨའི་ལུ་ཁྱོསམ་འབག་ཟེར་ ཁྲག་[ཁག་ཏང་?]བསྡུཝ་ད་ གསེར་[ཁག་ཏག་?]གྱུར་ཏེ་ འ་ནཱི་འབག་སྟེ་ ཨའི་གི་ཁྱོསམ་འབག་ཟེར་ འབག་སྦེ་སོངམ་ད་ མར་ལྟོ་ཟ་སྦེ་ འ་ནཱི་སྦེ་སོང་སྟེ་ ཁོ་ཕར་ལྷོད་དེ་ དོ་རུང་ ཁྱོད་ག་ཏེ་ལས་འོང་ཡི་ག་ དེ་ལས་རང་བུམོ་འཁྱིད་དེ་སོང་ཟེར་ སོང་སྟེ་ གཏེར་སྒོ་ཚུ་དམ་ཡི་དམ་ཡི་དམ་ཡི་འབག་སྟེ་ ཕར་རྒྱ་མཚོ་ཆེན་མོ་ནང་ན་དོ་རུང་ལྷོད་དེ།

ཡ་ ང་སྲིན་པོའི་ཡུལ་ལས་འོངམ་ཨིན་སྨེ་ང་ཟེར་ ང་འདི་སྲིན་པོའི་གཡུས་ཁར་སོང་སྟེ་ ང་སྒྲིབ་ཕོག་སྟེ་ ང་ལས་ངན་པ་འབད་འབདཝ་ཡོད་པ་ཅིན་ ང་འ་ནཱི་རྒྱ་མཚོ་ནང་ན་ཐིམ་སྟེ་ཤི་བཅུག་ཟེར་ ང་ལས་ངན་པ་དང་སྒྲིབ་འདི་ ཕོག་ཕོགཔ་མེད་པ་ཅིན་ ང་རྒྱ་མཚོའི་མཐའ་མར་སྐྱེལ་བཅུག་ཤིག་ཟེར་ ཀྲིག་ཀྲི་སོང་སྟེ་ཕར་ འ་ནཱི་ཁོང་གཉིས་ སྲིན་པོའི་བུམོ་ལུ་ ཁོའི་མགུ་ཏོ་གུ་ཤིག་བལྟ་བཅུག་སྟེ་སྡོདཔ་ད་ ཁོང་གཉིས་ཆ་ར་གཉིད་ཐེངས་ཕོག་གཅིག་ལོགཔ་ད།

རླུང་མ་སི་རི་རི་བཏང་འབདཝ་ད་ ཁོང་གཉིས་ཕར་རྒྱ་མཚོ་མཐའ་མར་ལོག་སྟེ་ མི་ཡུལ་ལུ་འབག་སྟེ་སྐྱེལ་བཞག་ནུག་ ཏེ་སྐྱེལ་སྦེ་ ཏེ་ཀྲིག་ཀྲི་རྒྱ་མཚོའི་མཐའ་མར་ལྷོདཔ་ད་ལུ་ ཏེ་མེ་བཟུམ་ཅིག་ ལང་ལང་ལེང་ལེང་འབད་མི་ཅིག་ འདི་བཟུམ་ཅིག་སོང་སྟེ་ སྐད་རང་མ་འདྲཝ་ཅིག་གོ་སྟེ་ ཡ་ངའི་གཡུས་ཁར་ཡང་ སྲིན་པོ་ཅིག་ དེ་སྦེ་མེདཔ་ཨིན་ད་ ང་བཅས་ཀྱི་གཡུས་ཡང་ སྲིན་ཡུལ་བཟུམ་སྦེ་འགྱོཝ་ཨིན་མས་ཟེར་ ཐུགས་བསམ་དེ་བཟུམ་ ཁོ་དེ་བཟུམ་མནོ་བསམ་བཏང་སྡོད་པའི་སྐབས་ལུ།

ཏེ་སྲིན་པོའི་བུམོ་འདི་གིས་ཡ་ ད་འབདན་ང་ ཨ་པ་གིས་སོ་སོ་འཕྱལ་ཏེ་བདའ་བཏང་བཏངམ་ཨིན་ཟེར་ ང་ལུ་གསལ་བའི་མེ་ལོང་དཔག་ད་ཡི་སྨེ་ཨ་པ་གིས་ ད་འབདན་ང་ གཡུས་ཁར་ལོག་འགྱོ་བ་ཅིན་ ཨ་པ་གིས་ང་ཟ་འོང་ཟེར་ ང་མི་ལུས་རིན་ཆེན་འགྱོ་ཚར་ཚརཝ་ཨིན་ ཨ་པ་གིས་ཟ་འོང་སྨེ་ ང་ཕར་གཡུས་ཁར་ལོག་འགྱོ་བ་ཅིན་ཟེར་ ཁོང་གཉིས་སོང་སྟེ་ ཡར་ཁྱིམ་ནང་ལྷོད་དེ་ སྡོད་དེ་ འ་ནཱི་ཨའི་འདི་ དེ་སྦེ་སྡོད་སྡོདཔ་གི་ཏེ་ ཨའི་དྲག་ནུག་ཟེར་ཨིན་མས་ ཕར་ཁྱིམ་ནང་ལྷོད་སྦེ་སྡོད་དེ།

དེ་ལས་ ཨའི་གིས་ དོ་རུང་འ་ནཱི་སེམས་ཅན་ སྦོམ་འབད་སར་སོང་སྟེ་སླབ་སླབ་མས། ཡ་ ངེའི་བུ་འདི་ ཐད་རི་བ་རི་སྲིན་པོ་ཨིན་མས་ཟེར་ སྲིན་པོའི་གཡུས་ཁར་སོང་སྟེ་ སྲིན་པོའི་བུམོ་ཡང་གཉེན་རྐྱབ་སྟེ་ལྷོད་ཅི་ཟེར་ ཐད་རི་བ་རི་སྲིན་པོ་ཨིན་མས་ཟེར་ ཏེ་ཡ་ ཁྱོད་ཀྱི་བུ་འདི་ སྲིན་པོ་ངོ་མ་ཨིན་ཟེར་སླབ་ཅི་མེན་ན་ཟེར་ ད་ཁྱོད་ཀྱི་བུ་འདི་ གཞན་ག་གིས་ཡང་དམ་བཏགས་མི་ཚུགས་ད་ ང་རྐྱངམ་ཅིག་གིས་གསད་འོང་ཟེར་།

ཁོ་གི་བསད་དེ་ གསད་ནི་ཟེར་འབད་དེ་ ག་དེ་འབད་ནི་ཟེར་ ག་དེ་སྦེ་གསད་ནི་ཟེར་ མནའམ་འཁྱིད་འོང་བའི་དགའ་སྤྲོ་ཨིན་ཟེར་སླབ་སྟེ་ ཆང་གནམ་མེད་ས་མེད་ ནང་ཆུའི་ཆང་འདི་ལས་ཆང་བཙུགས་ ཆང་ལས་ཆང་བཙུགས་ དོ་རུང་ཆང་ལས་ཆང་བཙུགས་ཏེ་ གནམ་མེད་ས་མེད་སྲ་ཀྲག་ ཕོརཔ་གཅིག་གིས་རང་འགྱེལ་བཏང་མི་ འདི་བཟུམ་བཟོ་སྟེ་ མནའམ་འཁྱིད་འོང་པའི་དགའ་སྤྲོ་ཨིན་ཟེར་ མནའམ་དང་བུ་ལུ་བྱིན་ཟེར་ ཏེ་བྱིན་སྦེ་ཁོ།

བུ་ལུ་མནའམ་འཁྱིད་འོང་པའི་དགའ་སྤྲོ་ཨིན་ཟེར་ འདི་བཟུམ་བྱིན་སྦེ་ ཏེ་ཟ་བཅུག་འཐུང་བཅུག་སྟེ་ བུ་འདི་ཆང་འགྲངས་སྟེ་ཉལ་སྡོད་སྡོདཔ་མས་ ཉལ་ཏེ་སྡོདཔ་ད་ ནངས་པར་དྲོ་པ་འབདཝ་ད་ ཧེ་མ་ར་ཨའི་ལུ་སླབ་སླབ་མས། ཡ་ ནངས་པར་དྲོ་པ་ཆུ་ཚོད་ ཉིམ་ཤརཝ་ཅིག་རང་ལྷོད་འོང་སྨ་རེད་ཟེར་ ཡར་གནམ་ག་ར་ ང་གིས་ཨིབ་བཞག་འོང་སྨེ་ གཡུས་ག་ར་ནག་དུང་དུ་འགྱོ་འོང་སྨེ་ ཁྱོད་མ་འདྲོག་སྨ་རེད་ཟེར་ རླུང་མ་གིས་འབད་གནམ་མེད་ས་མེད་ ཤིང་རྡོ་ག་ར་ འཐུ་བཀོ་སྟེ་འབག་འོང་སྨེ་ ཁྱོད་མ་འདྲོག་ འབྲུག་ལྡིར་དོ་བཟུམ་སྦེ་སྐད་རྐྱབ་འོང་ ཁྱོད་མ་འདྲོག་ཟེར་སླབ་ནུག

ཨའི་འདི་ ག་ར་མོ་གི་འ་ནཱི་སེམས་ཅན་སྦོམ་གྱི་འོག་ལུ་འཛུལ་ཚར་ཏེ་ དེ་ལས་ཡར་ལས་མར་ ནངས་པར་འ་ནཱི་བུ་འདི་ ཆང་བྱིན་ཏེ་ བུ་འདི་ཉལ་བཞག་སྟེ་ གཉིད་ལོག་ཆང་གིས་འགྲངས་ཏེ་ དེ་ལས་ཡར་ལས་མར་ ནངས་པར་བཟུམ་ཅིག་ཁར་ གནམ་མེད་ས་མེད་ དྲོ་པ་ བླ་་་་ འབྲུག་དང་དང་ དུང་དུང་བཏང་སྟེ་ སྐད་རང་མ་འདྲཝ་རྐྱབ་སྟེ་ ཤི་རྡོ་ག་ར་ [གྲཱ་ལ་གྲཱོ་ལོ་?]བཀོ་སྟེ་ གནམ་ག་ར་ སྤུབས་ཏེ་ ནག་དུང་དུང་བཏང་འོང་སྦེ་ཏེ།

ཨ་ནེ་ག་ཅི་འོངམ་སྨོ་ནཱ་འདི་ཟེར་ སྐད་ཡང་མ་འདྲཝ་རྐྱབ་དེས་ས་ ག་ཅི་ཨིན་སྨོ་ཨིན་ནི་དེ་ཟེརཝ་ད་ ང་བཅས་ནཱ་འདི་ ཨ་རྟག་ར་དེ་སྦེ་ར་འབདཝ་ཨིན་ཟེར་ དེ་སྦེ་ར་འབདཝ་ཨིན་ཟེར་ ཨ་ནེ་དེ་གིས་དེ་སྦེ་སླབ་བཞག་སྟེ་ ཡ་ འོང་དེས་ས་ང་ ག་ཅི་ཅིག་འོང་དེས་ང་རྡོ་གིས་འབད་ཁྱིམ་ག་ར་ཕོག་སྟེ་ [གྲཱ་ལ་གྲཱོ་ལོ་?]འབག་སྟེ་ ཨ་ནེ་ག་ཅི་ཅིག་འོང་དེས་ཟེརཝ་ད་ ག་ཅི་ཡང་མེན་ དེ་སྦེ་རང་ཨིན་ཟེར་ ཏེ་མོ་གིས་ གོ་ལ་འཐག་སྡོད་སྡོད་པའི་བར་ན་ འ་ནཱི་སྲིན་པོའི་བུམོ་གོ་ལ་འཐག་སྡོད་ས་ལས་སྡོད་མ་ཚུགས་པར།

འ་ནཱི་མི་ལུས་རིན་ཆེན་བུ་འདི་ ཕང་མར་ལེན་ཏེ་ སྲིན་པོའི་བུམོ་གིས་ སྔཝ་ད་ལུ་ མིག་ཆུ་འབུད་དེ་ འ་ནཱི་བུ་གི་ཟ་ལྟབ་གུ་ལུ་ཕོགཔ་ཨིན་མས་ བུ་གི་ཟ་ལྟབ་གུ་ལུ་ཕོགཔ་ད་ལུ་ བུ་འདི་གཉིད་ཚོར་ཏེ་ ག་ཅི་འོང་དོ་ ག་ཅི་ཡང་མི་འོང་ ག་ཅི་འདུག་ཟེར་ མགྱོགས་པར་རང་སྲིན་པོའི་བུམོ་འཐུ་སྟེ་ མར་གྱི་སྒོའི་རྒྱབ་ཁར་འབག་ཨིབ་སྟེ་ ཁོ་གིས་ཡར་གྱི་སྒོའི་རྒྱབ་ཁར་ཨིབ་སྟེ་ དེ་སྦེ་སྡོད་དེ་ ག་ཅི་ཡང་མི་འོང་ཟེར་ དེ་སྦེ་སྡོད་དེ།

སྡོདཔ་ད་ར་ ཏེ་ཕར་གྱི་སེམས་ཅན་སྦོམ་འདི་ ཕར་ལས་ཚུར་འོང་སྟེ་ སྒོ་ལས་ལྟག་ཀོ་ཕྲངམ་ཕྲང་སར་འཐོན་ཏེ་ ཕྲངམ་ཕྲང་སར་ལྟག་ལྐོག་ སྒོ་ཁ་ལས་ཚུར་འཐོནམ་ད་ ཕྲངམ་ཕྲང་སར་སྲིན་པོའི་བུམོ་གིས་ གསེར་གྱི་གྱི་ཅིག་ལུ་གྱུར་ཏེ་ གསེར་གྱི་གྱི་གྱུར་ཏེ་ དོ་རུང་ ཕར་ དྲྭཝ་བུཚུ་ འ་ནཱི་ མི་ལུས་རིན་ཆེན་འདི་གིས་ གསེར་གྱི་ཐོཝ་གྱུར་ཏེ་ ཨ་ནཱི་སེམས་ཅན་སྦོམ་དེ་གིས་ ཡོད་ག་ཟེར་སླབ་ཅིག་ ཡོད་ཟེར་ མར་གྱི་ གྱི་དཔག་སྟེ་ ཡར་གྱི་ཐོཝ་གིས་བརྡུངས་ཏེ་ ཁོ་འདི་ དེ་ནང་ཡང་ ལྟག་ལྐོག་ཚར་ཅིག་གུ་བཏོག་བཏང་ཡི་ཟེར་ཨིན་མས་ལྟག་ལྐོག

དེ་ནང་ཡང་ སེམས་ཅན་སྦོམ་གྱིས་ ག་ཅི་སླབ་དེས་ཟེར་བ་ཅིན་ ང་འདི་ཟ་ད་ ངེའི་ཕུངམ་འདི་ཟ་ད་ ང་འདི་མ་ཟ་ཟེར་ ང་ཧེ་མ་ལས་ར་ ཁྱོད་ཟ་ནི་ཨིན་ ཡ་ད་རེས་འབདན་ ཁྱོད་ཟ་རང་ཟ་ནི་ཨིན་ཟེར་ ཁོ་གིས་འ་ནཱི་ཚར་གཅིག་གུ་དུམ་ད་འཁནམ་དོགཔ་ཅིག་ འབག་སྟེ་ཕར་མེ་ནང་བཙུགས་སྟེ་ མེ་བཏང་སྦེ་ འ་ནཱི་སྦེ་བརྫམ་སྟེ་ ཁོ་གིས་མི་ཚུ་ག་ར་འཁྱིད་དེ་ཟ་བཅུག་ཡི་ཟེར་ཨིན་མས་ འཁྱིད་དེ་ སེམས་ཅན་ག་ར་དེ་སྦེ་ཟ་བཅུག་སྟེ།

འ་ནཱི་ཤ་ཚུ་ག་ར་ཟ་བཅུག་སྟེ་སྡོད་པའི་བར་ན་ར་ ཏེ་འ་ནཱི་ ཕར་ཨའི་ལུ་ ཡ་ ཨའི་ ད་རེས་འདི་ ཁོ་གིས་ང་རེ་བ་འཇོམས་ནི་ཟེར་རུང་དེམ་ཅིག་ཨིན་ འབག་ཆགས་འཇོམས་ནི་ཟེར་རུང་དེམ་ཅིག་ ཧ་ལམ་ཁོ་གིས་མཁྱེན་མཁྱེནམ་མས་བ་ཁོ་གིས། ཁོ་སངས་རྒྱས་བཟུམ་ཅིག་སྡོད་སྡོདཔ་མས་ འ་ནཱི་བུ་འདི། ཡ་ ཨའི་ཟེར་ ང་རེ་བ་འཇོམས་ནི་ཟེར་རུང་ འབག་ཆགས་འཇོམས་ནི་ཟེར་རུང་དེམ་ཅིག་རང་ཨིན་ ཨའི་ཁྱོད་ལུ་ ག་ཅི་འབད་ནི་ཨིན་རུང་ ང་གིས་དྲིན་ལན་འབྱོར་ནི་ཟེར་རུང་ ག་ཅི་འབད་ནི་ དེམ་ཅིག་རང་ཨིན་ ཨའི་ཁྱོད་ལུ་ ཁྱོད་ཀྱི་དོན་ལས་དཀཝ་མ་སྤྱདཔ་མེན་ཨའི་ཟེར།

ངེའི་སྒྲོམ་འདི་ ད་རེས་འབདན་ སྒྲོམ་ཕྱེས་ད་ ཨའི་ཟེར་སླབ་ནུག་ ཏེ་སྒྲོམ་ཕྱེས་ཟེརཝ་ད་ ཁྱོད་ཀྱི་སྒྲོམ་ནང་འདི་ ག་ཅི་ཡོད་ཟེར་ ཨ་ལོ་ཟེར་ ག་ཅི་ཡང་མེད་ཁྱོད་རའི་སྒྲོམ་ནང་ན་འདི་ཟེརཝ་ད་ ག་ཅི་ཡང་ཡོད་རུང་མེད་རུང་ ཨའི་ངེའི་སྒྲོམ་འདི་ ལྡེ་མིག་ཕྱེས་ད་ ད་རེས་འབདན་ཟེར་ ཏེ་སླབ་སྟེ་ ཁོ་གི་ཨའི་འདི་ ཨའི་འདི་ག་ར་ འ་ནཱི་སེམས་ཅན་ཤི་རུང་ ཨའི་འདི་སྲིན་པོ་ལུ་འགྱུར་ནི་སྡོད་སྡོདཔ་མས་བ།

དེ་ལས་ ཨའི་ཕྱེས་ཟེར་ ཨའི་གིས་ག་ཅི་ཡང་མེད་ཨ་ལོ་ ག་ཅི་ཡོད་ཟེརཝ་སྨོ་ མཇུག་ལུ་འ་ནཱི་ཕྱེས་བྱིནམ་ད་ ཏེ་ཨའི་འདི་ འ་ནཱ་ འ་ནཱི་དོམ་གྱི་ཕྱུག་ཀུ་དང་ སྟག་ཕྱུག་ཀུའི་པགས་ཀོ་ བཙུགས་བཞག་མི་འདི་གིས་ དོམ་དང་སྟག་གྱུར་ཏེ་ སྟག་གྱུར་འོང་སྟེ་ ཁོང་གཉིས་ཀྱིས་ སེན་མོ་བཏབ་བཏོག་སྟེ་ ཨའི་འདི་ དེ་ནང་རང་བསད་སྦེ་ ཟ་ཡི་ཟེར་ཨིན་མས་ ཟ་སྟེ་ དེ་སྦེ་རྫོགས་སྦེ་ ཏེ་ཟ་ཚར་སྦེ་ ཨའི་འདི་བསད་ཚར་ཞིནམ་ལས་ དེ་ལས་རྐྱངམ་ཅིག་ཁོང་གཉིས་ མཁསཔ་འ་ནཱི་སྦེ་སྡོད་ཡི་ ཟེར་ཨིན་མས་ལགས།

སྡོད་སྦེ་ འ་ནཱི་ཨའི་འདི་ མ་གཞི་འདི་ གཏམ་འདི་ ཁོ་འདི་ར་བརྒྱུད་འབད་བ་ཅིན་ ཧེ་མ་ཨ་རྒས་ཀྱིས་ སྲུང་བཏང་དེས་ལགས། ཨ་རྒས་གྱོངས་མི་དེ་གིས་འདི་ འ་ནཱི་བུ་དེ་གིས་འདི་ མ་གཞི་གིས་འདི་ ང་བཅས་ར་ནཱ་ལུ་ ལྷ་གཅིག་སྐྱེསཝ་ད་ འདྲེ་གཅིག་སྐྱེ་འོང་ཟེར་བའི་ འ་ནཱི་ག་ཅི་སྨོ་ཟེར་བ་ཅིན་ དེ་བསྒང་ལུ་སྲིན་པོའི་བུམོ་གཉེན་རྐྱབ་སྟེ་འཁྱིད་མ་འོང་བ་ཅིན་ ཧེ་མ་ཧེ་མ་འབད་བ་ཅིན་ འ་ནཱི་འདྲེ་འདི་ ལྷ་སྐྱེསཝ་ད་ ལྷ་འཁྲུངསམ་ད་ འདྲེ་འདི་སྐྱེ་ནི་མེད་པའི།

ཏེ་ལྷ་གཅིག་འཁྲུངསམ་ད་ འདྲེ་གཅིག་མ་པ་ལས་ར་འཁྲུངས་འོང་ཟེར་ དེ་སྦེ་འབད་མི་འདི་ དཔེ་དེ་སྦེ་ཨིན་ སྲིན་པོའི་བུམོ་མེད་པ་ཅིན་ ཁོ་འ་ནཱིམ་ཅིག་འབད་འཇོམས་ཚར་ཏེ་སྡོད་སྡོད་འོང་ཟེར་ ཏེ་སྲིན་པོའི་བུམོ་ གཉེན་རྐྱབ་འཁྱིད་འོང་འོངམ་འབད་ནི་དེ་གིས་ ཏེ་འ་ནཱི་སྲིན་པོའི་བུམོ་དེ་གིས་ དངུལ་ཁྲི་འདི་བཟུང་སྟེ་ དེ་ལས་འ་ནཱི་ ང་བཅས་རའི་མི་ལུས་རིན་ཆེན་དེ་གིས་འདི་གསེར་གྱི་ཁྲི་བཟུང་སྦེ་ ཏེ་འ་ནཱི་ ར་བརྒྱུད་དེ་ ཧེ་མ་ ཨ་རྒས་གྱོངས་མི་དེ་གིས་སླབ་དེས་ལགས། ར་བརྒྱུད་འདི་ གླིང་གེ་སེར་རྒྱལ་པོའི་ར་བརྒྱུད་རང་འགྱོ་ནི་ཨིན་ འ་ནཱི་འདི་ སྲུང་དེ་ཅིག་སྦེ་བཞག་དེས་ལགས།། །།