ཧེ་མ་གཡུས་ཚན་ཅིག་ནང་ མི་ཉམ་ཆུང་ཅིག་སྡོད་སྡོདཔ་མས། མི་སྤྱང་ཀ་ ཏེ་བུམོ་བདུན་ཡོདཔ་མས། འ་ནཱི་མི་དེ་ལུ་ བུམོ་ཙང་ཙ་ བུ་མིན་འདུག བུམོ་ཙང་ཙ་ར་བདུན། སྤྱང་ཀའི་མི་ ཏེ་ཆུ་འདི་ ཁྱིམ་གྱི་སྦོ་ལོགས་ཁར་མཚོ་ཅིག་ཡོད་ལོ། འ་ནཱི་ཚོ་ལས་འཐུང་ནི་གི་ཆུ་ཨ་རྟག་ར་ འ་ནཱ་ལས་འཐུང་དོ་ཡོདཔ་མས། འཐུང་ནི་ཆུ་ཡང་དེ་རང་། དེ་ལས་ བུམོ་ཚུ་ཡང་སྦོམ་འགྱོ་ ནམ་ཅིག་འབདཝ་ད་ ཏེ་བུམོ་ཚུ་ ཆུ་དབོག་ནི་ གོ་ལ་འཁྱུ་ནི་ ག་ཏེ་གུ་ཏེ་འགྱོ་ནི་ ཏེ་བུམོ་གཉིས་པ་འདི་ ཨ་རྟག་ར་མཚོ་ནང་ཨ་ནཱི་སྦེ་ལྟ་འོང་ལོ་མཚོ་ནང་།

ཨ་རྟག་ར་ མཚོ་ནང་བལྟ་ནི་ ཏེ་ག་ཅི་མཐོང་ཅི་ཁྱོད་ཀྱིས་ ཟེར་སླབ་ད་ལུ་ མོ་གིས་འདི་ མར་མར་ནང་ན་ གསེར་གྱི་ཁྱིམ་འདུག མི་ཡང་གསེར་གྱི་མི་འདུག ཁོ་གིས་ང་འབོཝ་མས་ཏེ། དེ་འབདཝ་ད་ ཨ་པ་དང་ཨའི་ལུ་མ་སླབ་སྨེ་ ཨ་པ་དང་ཨའི་གིས་ང་ལུ་ཚོགས་བརྡ་གཏང་འོང་། ཟེར་སླབ་སྦེ་ ཨ་ཞེམོ་དང་ནུམོ་ཆ་ཁྱབ་བློ་སླབ་སླབ་མས་ཏེ། བློ་སླབ་སྦེ་ ཏེ་སོ་སོ་ཨ་ཞེམོ་དང་ནུམོ་ཚུ་གིས་བལྟ་བ་ཅིན་ ག་ཅི་ཡང་མི་མཐོང་ ཆུ་རྐྱངམ་ཅིག་མཐོང་འོང་།

ཏེ་ ཉིནམ་ཨ་རྟག་ར་ རྟིང་བདའ་ འབོ་སྟེ་ ད་རེས་ཡང་འབོཝ་མས་ཏེ་ རྟིང་བདའ་འབོཝ་མས་ཟེར་ ད་འདི་ང་འདི་ ཉིནམ་ཅིག་ འ་ནཱི་མི་དང་གཅིག་ཁར་འགྱོ་ནི་ ང་འབོ་སྦེ་ ཟླཝ་ལེ་ཤ་ཡར་སོ་ཡི། ད་འདི་ འགྱོ་དགོ་པས་ང་ ཁོ་གཅིག་ཁར། ཨ་པ་དང་ཨའི་ལུ་མ་སླབ་ ཟེར་སླབ་སླབ་མས་ཏེ། འ་ནཱ་ལས་ དབའེ་ཤི་འོང་ འ་ནཱ་འཛུལ་བ་ཅིན་ཤི་འོང་ ཟེར་སླབ་རུང་ མར་གྱི་གོ་ལ་ བུམོ་ཚུ་གི་གོ་ལ་ ཨ་ནཱི་སྦེ་བཤེད་སྦེ་ སྐྱུར་བཏང་ཐིམ་ཡར་སོ་ཡི་ལོ་སྟེ་ཨ་ནཱི་བུམ་འདི་ ཨ་ཞེམོ་བུམོ་སྦོམ་ཤོས་འདི་ ཨ་ནཱི་སྦེ་ཡར་སོ་ཡི་ལོ།

བླ་་་་་་ འ་ནཱ་ལས་འདི་ བུམོ་འདི་ ཨ་ནཱ་སྦེ་ མཆོང་ཡར་སོ་ཡི་ མཚོ་གི་ནང་ན་ ཨ་ནཱི་བཟུམ་ ཨ་ནཱི་སྦེ་མཐོང་ཡི་ཟེར་ འ་ནཱ་ལས་ཤི་སོ་ཡི་ ཟེར་སླབ་སྦེ་ དགེ་བ་འབད་འབདཝ་མས། དགེ་རྩ་འབད་ཚར་ ག་ར་ཚར་སྦེ་ ད་བུམོ་འདི་ཤི་སོ་ཡི་ཟེར་ འ་ནཱ་ལས་ དེ་ཚེ་ལས་འབདན་ གནམ་མེད་ས་མེད་ལེགས་ཤོམ་ཡར་སོ་ནུག་སྟེ་ཁྱིམ་ནང་ ཁྱིམ་ནང་ལེགས་ཤོམ་ ད་ཀླུ་གིས་བྱིན་བྱིནམ་འདྲས་ཏེ།

ཁྱིམ་ནང་ལེགས་ཤོམ་འགྱོ་ ཕྱུགཔོ་ སྒྲོམ་ནང་ཡང་ཏི་རུ་ལྟེམ་ལྟེ་ ཨ་ནཱི་སྦེ་ར་སྡོད་ འ་ནཱ་ལས་ ཨ་ནཱི་ ༼ལི་བི་ བཏབ་ད་ལུ་ཡང་༽ ག་ར་ མ་ཧེ་ལུ་གྱུར་ཡི་ལོ། དེ་ལས་ སོ་སོ་སྲནམ་ཅུམ་བཏབ་ད་ལུ་ བ་གླང་གྱུར་ ཞིང་ག་ར་ བ་གླང་ མ་ཧེ་ ༼བེ་ར་༽ ལུག་ གནམ་མེད་ས་མེད་འོང་སྦེ་སྡོད་དེ་ གནམ་སེད་ས་མེད་ལེགས་ཤོམ་ཡར་སོ་ནུག་སྟེ།

ལེགས་ཤོམ་ ག་ཅི་བཏབ་རུང་ལེགས་ཤོམ་སྦེ་རྡོག་མ་བཏགས་ཏེ་ ཕྱུགཔོ་འགྱོ་འགྱོ་ཝ་མས། ཏེ་ཕྱུགཔོ་འགྱོ། ཕྱུགཔོ་འགྱོ་སྦེ་ ཏེ་ལོ་གསུམ་ཡར་སོ་ནུག སོ་གསུམ་འགྱོཝ་ད་ལུ་འདི་ མར་ཀླུའི་ཨ་ལོ་སྐྱེས་ནུག ཁོང་གཉེན་རྐྱབ་ཅི་བ་སྟེ་ ཀླུ་ཡི་ཨ་ལོ་སྐྱེས་སྦེ་ གནམ་མེད་ས་མེད་ཨ་ལོ་ལེགས་ཤོམ་སྐྱེས་ ཁོང་གཉིས་ཆ་ར་གིས་དགའ་མི་ ཏེ་ འ་ནཱི་བུམོ་གིས་སླབ་ནུག

ད་འདི་ ང་བཅས་གཉེར་རྐྱབ་སྦེ་ ལོ་གསུམ་ཡར་སོ་ཡི་ ཨ་པ་དང་ཨའི་གི་སྦོ་ལོགས་ཁར་ ཚར་ཅིག་ཡང་འགྱོ་འགྱོཝ་མེད་ འགྱོ་གེ་ང་བཅས་ ཨ་པ་དང་ཨའི་འཕྱད་གེ་ ཨ་ལོ་ཡང་འབག་གེ་ སྟོན་གེ་ ཟེར་སླབ་ཅི་ལོ། སླབ་པའི་སྐབས་ལུ་ འ་ནཱི་མི་ མོ་གི་རྨགཔ་གིས་འདི་ མ་པ་ལས་ཉན་མི་བཏུབ་པས་ལོ་སྟེ། མི་བཏུབ་ ང་བཅས་འགྱོ་རང་མི་བཏུབ་ཟེར་ དེ་ལས་ ཨ་ནཱི་སྦེ་སླབ་རུང་ ཉིནམ་གཉིས་གསུམ་ དབུ་ཚུགས་རྐྱབ་ཅི་རྐྱབ་ཅི་ འ་ནཱ་ལས་འདི་ དབུ་ཚུགས་རྐྱབ་ད་ལུ་ ཁྱོད་འགྱོ་བ་ཅིན་འགྱོ་ ང་དང་ཨ་ལོ་འདི་མི་འགྱོ་ ཟེར་སླབ་ནུག

རྨགཔ་གིས་དེ་སྦེ་སླབ་རུང་ མེན་ ཁྱོད་མ་འགྱོ་ ཨ་ལོ་འདི་ ང་འབག་འགྱོ་ནི་ ཨ་ལོ་སྟོན་ནི་ཨ་པ་དང་ཨའི་ལུ་ ཟེར་སླབ་ནུག་སྨོ་ཤིག ཨ་ལོ་ གཟེམ་ནང་བཙུགས་སྦེ་ [ཨ་ཅོ་ལྟོ་ར་?] གིས་སྤུབས་ཏེ་འབག་སྦེ་ ཁྱིམ་གྱི་གདོང་ཁར་ ངལ་འཚལ་སྟེ་སོྡད་ཅི་ལོ་སྨོ་ཤིག སྡོདཔ་ད་ ཡ་་་་ ང་བཅས་ཀྱི་ ཤི་མི་བུམོ་འོང་ནུག་ཟེར་ ཨ་ཞེམོ་དང་ནུམོ་ ང་བཅས་ར་ཨ་ཞེམོ་འོང་ ཟེར་སླབ་སྦེ་ ག་ར་སེམས་དགའ་སྟེ་ གཟེམ་ནང་ག་ཅི་འབག་འོང་ཡི་ ཟེར་སླབ་སྦེ་ བལྟ་བའི་སྐབས་ལུ་ མ་ལྟ་ མ་ལྟ་ ང་གི་ཨ་ལོ་ཡོད་ ཟེར་སླབ་ཅི་ལོ་བ་སྨོ་ཤིག

འ་ནཱ་ལས་འདི་ བང་ཆེན་བཙོང་སྟེ་ གཟེམ་དང་ [ཨ་ཅོ་ལྟོ་ར་འདི་?] ཨ་ནཱི་སྦེ་ཁ་ཕྱེ་བལྟཝ་ད་ སྦུལ་འདུག་ལོ་སྟེ། ཨ་ནཱི་སྦེ་འཁྱིལ་སྦེ་ ཁ་ཨ་ནཱི་སྦེ་ཐོན་ཏེ་ ལྕེ་སེབ་སེབ་བཏོན་ཏེ་ འ་ནཱ་ལས་འདི་ ཡ་བླ་་་་་ ཨ་ཞེམོ་གིས་འདི་ སྦུལ་ཡང་འབག་འོང་ནུག་ཟེར་ ག་ར་རུབ་སྟེ་ ཁྱིམ་གྱི་གདོང་ཁ་ར་ ག་ཕུབ་རྐྱབ་སྦེ་ ཕྱེ་འཐག་འཐག་ར་བརྡུངས་ཏེ་བསད་ཅི་ལོ། གསདཔ་ད་ལུ་འདི་ ཁྲག་ཐོན་ཡི་ལོ་སྟེ།

འ་ནཱི་སྦུལ་གསདཔ་ད་ བརྡུངས་ཏེ་གསདཔ་ད་ ཁྲག་ཐོན་ཡི་ལོ། ད་རེས་ནངས་པར་ཡང་ མི་ཚུ་གིས་སྦུལ་གསདཔ་ད་ལུ་ ཁྲག་འཐོན་པ་ཅིན་ ལེགས་ཤོམ་མེན་ལོ་སྟེ། སྦུལ་ལ་ལུ་གསདཔ་ད་ལུ་ ཨོམ་འཐོན་འོང་ འ་ནཱི་ཨོམ་འཐོན་པ་ཅིན་ ག་ཅི་མི་འབད་ རང་ལུ་མི་གནོད་ལོ་བ་སྟེ། ཏེ་ཨ་ནཱི་སྦེ་ སྦུལ་བསད་ད་ཡི་ ང་བཅས་ཀྱིས་བལྟཝ་ད་ལུ་སྦུལ་ མོ་གིས་འདི་ ཨ་ལོ་མཐོངམ་མས་ལོ།

ཏེ་ མོ་གི་ཨ་ལོ་བསད་ད་ཡི་ འ་ནཱ་ལས་འདི་ ཨ་ནཱི་འབད་བའི་སྐབས་ལུ་འདི་ སྔུ་ནུག ང་གི་ཨ་ལོ་བསད་ད་ཡི་ཟེར་སྔུ། དེ་ལས་ ད་རུང་ལོག་འགྱོ་ནི་གི་དོན་ལུ་ མཚོའི་མཐའ་མ་འགྱོ་སྦེ་ ཨ་ནཱི་སྦེ་བལྟ་བའི་སྐབས་ལུ་འདི་ མགྱོགས་པར་ཤོག་ ཨ་ལོ་འབག་སྦེ་ཤོག་སྨ་རེད་ དེ་འབདཝ་ད་ ཨ་ལོ་འབག་སྦེ་ཤོག་སྨ་རེད་ མགྱོགས་པར་ཟེར་ མར་ལས་སླབ་དེས་ ཟེར་སླབ་མས་ལོ།

འ་ནཱ་ལས་འདི་ ད་ འགྱོ་ནི་ང་འདི་ ད་ང་གསད་འོང་ ང་གི་རྨགཔ་གིས་གསད་འོང་ ཁྱེད་ཆ་ཁྱབ་ཀྱིས་ ང་གི་ཨ་ལོ་བསད་ད་ཡི་ ང་འགྱོ་ནི་ མི་སྡོད་ཟེར་ འགྱོ་ཡི་ལོ། འགྱོཝ་ད་ལུ་ ད་ང་འགྱོ་ནི་ འ་ནཱ་ལས་འདི་ ཨ་ནཱི་མཚོ་ག་ར་སྤར་འོང་ མཚོ་སྤར་སྦེ་ ཨོམ་འཁོལ་བ་ཅིན་ ང་མ་ཤི་བ་ཡོད་ ཟེར་ཤེས་དགོ འ་ནཱ་ལས་ ཁྲག་འཁོལ་བ་ཅིན་ ང་ང་གི་རྨགཔ་གིས་བསད་ནུག་ཟེར་ ཤེས་དགོ་སྨེ། ཟེར་སླབ་སྦེ་ཡར་སོ་ཡི་ལོ་བ།

མཚོ་ནང་འཛུལ་ཏེ་ཡར་སོ་ཡི་ འགྱོཝ་ད་ལུ་འདི་ མཚོ་ག་ར་ ཨ་ནཱི་སྦེ་སྤར་ཡི་སྤར་ཡི་ འ་ནཱ་ལས་འདི་ ཁྲག་འཕྱུར་བཏང་འཁོལ་ཡི་ལོ་སྟེ། འ་ནཱ་ལས་འདི་ ཤི་ཤིཝ་མས།། །།