ཧེ་མ་རྒྱལ་པོ་སྤུན་ཆ་གཉིས་ཡོདཔ་མས་ ཏེ་རྒྱལ་པོ་འབད་མི་ཕོ་རྒནམ་འདི་གཤགས་སོངམ་མས། ནོར་ཅུང་འདི་རྒྱལ་པོ་འབད་འདི་ཡུན་རིངམོ་ཡར་སོང་ནུག་ དེ་འབད་རུང་ཁོ་གཉེན་མ་རྐྱབ་འབད། རྒྱལ་པོ་གཤགས་མི་འདི་གི་བཙུནམོ་འདི་རྡོ་ཆལ་ཕྱགས་སྡོད་ད་སླབ་ནུག ཁྱོད་རྒྱལཔོ་ག་བཟུམ་སྨོ་ ཡང་ན་འགན་ཁུར་ལེགས་ཤོམ་འབད་འབག་ནི་མེད་འདུག་ ཡང་ན་གཉེན་རྐྱབ་ནི་མེད་འདུག རྒྱལ་པོ་འདི་རྡོ་ཆལ་ནང་བཞུགས་བཞུགས་མས་ དེ་ལས་ད་རུང་རྒྱལ་པོ་འདི་རྡོ་ཆལ་ཟུར་ཁ་སྡོད་ནུག ད་རུང་བཙུནམོ་འདི་གི་ཁྱོད་རྒྱལ་པོ་ག་བཟུམ་སྨོ་ཟེར་ནུག་ ཁྱོད་ཀྱི་ང་ལཱ་འབད་ས་དཀྲོག་མས། བཙུནམོ་འདི་ཁྱིམ་ཕྱགས་འདི་སྡོད་ནུག་ ཏེ་མོ་ག་ཏེ་ཕྱགས་ས་ཁོ་འོང་སྡོད་དོ་ཡོདཔ་མས། དེ་ལས་བཙུནམོ་འདི་གི་ ཁྱོད་གླང་དང་འདྲ་བས་ ཡང་ན་ང་གི་ག་ཅིག་སླབ་ཨིན་ཁྱོད་ཧ་མི་དགོ་པས། ཡང་ན་བཙུནམོ་ཡང་མི་འཚོལ་པས། རྒྱལ་ཁབ་འདི་བཟུམ་གཅིག་གི་རྒྱལཔོ་འབད་ཞི་ན་ བཙུནམོ་གཅིག་དགོ་རང་དགོ

རྒྱལ་པོ་འདི་སེམམ་མ་བདེཝ་མ་ཚད་སེམས་མ་དགའ་པས། དེ་ལས་ཁོ་གཉེན་རྐྱབ་དགོ་པས་མན་ བཙུནམོ་འཚོལ་བར་རྒྱལ་ཁབ་ཐ་ཡུལ་མེད་པར་འགྱོ་ནུག འཚོལ་འདི་ལམ་རིངམོ་འགྱོ་བའི་བར་ན་རྒྱལ་ཁབ་གཞན་ཅིག་ཁར་ལྷོད་ནུག དེ་ལས་རྒྱལ་ཁབ་འདི་ནང་གི་རྒྱལ་པོ་དྲུས་ནུག་ ཁྱོད་ག་སྨོ། ག་ཏེ་ལུ་འགྱོཝ་སྨོ། ཏེ་ག་ཅིག་འབད་བར་འོང་ཡི་ཟེར་ནུག་རྒྱལ་པོ་འདི་གི ན་གི་ང་གིས་སླབ་མི་འདི་བྱིན་ནི་ཨིན་ཟེར་བ་ཅིན་ཅམ་ཅིག་དོན་དག་སླབ་ནི་ཨིན། ཏེ་ན་གི་མི་བྱིན་ཟེར་བ་ཅིན་ང་འོང་དགོ་པའི་དོན་དག་འདི་མི་སླབ་ཟེརཝ་ད། རྒྱཔ་ལོ་གི་བཏུབ་ ཁྱོད་ག་ཅིག་གནང་ཟེར་སླབ་ཅི་བྱིན་ནི་ཨིན་ཟེར་ནུག རྒྱལ་པོ་འདི་གི་གཏན་གཏན་ཨིན་ཟེརཝ་ཚར་གསུམ་སླབ་ནུག་ རྒྱལ་པོ་སོ་སོ་འདི་གི་གཏན་གཏན་ཨིན་ཟེར་ནུག ང་རྒྱལ་ཁབ་སོ་སོ་འདི་གི་རྒྱལཔོ་ཨིན་ ཏེ་ང་བཙུནམོ་གཅིག་འཚོལ་བར་འོང་ཡིགཉེན་རྐྱབ་ནི་འབད་ཟེར་ནུག འདི་འབདན་བཏུབ་པས་ ད་རེས་ཞག་ན་སྡོད་འབད་ ནང་པ་བཙུནམོ་འཁྱིལ་སོང་ཟེར་སླབ་ནུག་ བཏུབ་འདི་འབདན་ཟེར་ནུག

དེ་ལས་ཞག་སྡོད་ལྟོ་བཟའ་འབད་སྡོད་ནུག་ ད་རུང་རྒྱལ་པོ་འདི་གི་ ད་རུང་སྡོད་ཉང་མ་གསུམ་དེ་ཅིག་ཟེར་ནུག ཉི་མ་གསུམ་སྡོད་འདི་གི་རྒྱབ་ལས་བཏང་ད་ནུག་ལོ་ ཁྱོད་འ་ནི་ཅ་ལ་འདི་འབག་འགྱོ་ ལ་ག་མ་དཀྲུམ་ ཆུ་ཡོད་ས་ལྷོདཔ་ད་དཀྲུམ། འདི་གི་ཁྱོད་གི་ལཱ་འབད་བཏུབ་ཟེར་ནུག ང་འདི་ན་གི་བུམོ་བཙུནམོ་འབད་འཁྱིལ་ནི་འབད་འོང་འོངམ་ཨིན། འདི་སེམ་ཅུམ་ང་ག་ཅི་འབད་ནི་ཟེར་ནུག་ ཏེ་སེམ་ཅུམ་གཅིག་ཡོད་མེན་ན་ཚོདམ་བཟའ་མི་འ་ནི་གཅིག་བྱིན་བཏང་ནུག ཏེ་ཁོ་གི་དོན་འཛིན་མ་རི་བར་ ཚོདམ་བཟའ་མི་སེམ་ཅུམ་གི་ང་གི་བཙུནམོ་ག་དེ་འབད་བཏུབ་ནི་ཟེར་མནོ་ནུག སྒང་ཏོ་གུ་འབདམ་མ་དཀྲུམ་ ཆུ་ཡོད་ས་འབག་འབད་དཀྲུམ་ འདི་དཀྲུམ་བལྟཝ་ད་བཙུནམོ་འདི་ནང་ན་འོང་ཟེར་ནུག

ཨ་འོ་འདི་བཟུམ་དོན་འཛིན་མེད་པའི་བློ་ཟེར་ སྒང་ཁ་ལྷོདཔ་ཅིག་དཀྲུམ་ད་ནུག ཏེ་དེ་ལས་དཀྲུམ་བལྟཝ་ད་འདི་ནང་ལས་ལྷའི་སྲསམོ་བཟུམ་སྲསམོ་གཅིག་འའཁྲུངས་ནུག་ནུག་ལོ་ སེམ་ཅུམ་འདི་ནང་ལས། དེ་ལས་ཆུ་གནང་ཆུ་གནང་ཟེར་སླབ་ད་ སྒང་ཁ་འབད་ནི་འདི་གི་རྒྱལཔོ་ནོར་བཟུམ་འདི་གི་ཆུ་མ་འཐོབ་པར་སྲསམོ་འདི་ཤི་སོང་ནུག ད་ང་གི་ཨ་ཞང་རྒྱལཔོ་འདི་གི་འདི་ཆུ་འབད་ས་སོང་འབད་དཀྲུམ་ཟེར་ཡི་ ད་རུང་ཁོ་འབད་ས་གསལཝ་བཏབ་པར་འགྱོ་དགོ་འབད་མནོ་ ལོག་འགྱོ་ནུག་ལོ། ག་ཅིག་འབད་ག་ཡི་རྨགཔ་ ག་ཏེ་ལུ་དཀྲུམ་ཅིག་ཟེརཝ་ད་ ཁོ་གི་ཆུ་ཡོད་ས་དཀྲུམ་ཅི་ཟེར་ནུག ཐེ་རེ་བ་རི་ཁྱོད་ཤོབ་རྐྱབ་མས་ སྒང་ཁ་དཀྲུམ་འབད་ཆུ་མཐུང་ནི་མ་འཐོབ་པ་ཤི་སོངམ་འོང་ ཟེར་སླབ་འབད་ ཚོགས་བརྡ་བཏང་ནུག

ད་ཁྱོད་ཟླ་ངོ་དྲུག་སྡོདཔ་ད་ཅམ་ཅིག་བཙུནམོ་འཐོབ་འདི་མེན་མི་འཐོབ་ཟེར་ནུག ད་རུང་ཟླ་ངོ་དྲུག་རྒྱལ་པོ་འདི་འབད་ས་ཀཝ་བཅད་ བློ་ལེགསཔ་དང་ཚོགས་བརྡ་བཏང་ གནས་སྐབས་འདི་ཚུ་མ་རབ་ཅིག་བཏོན་བྱིན་ སླབ་བྱ་ལེགསཔ་ལེ་ཤཱ་བྱིན་ནུག་ དེ་ལས་རྒྱལ་ཁབ་ཕྱེད་ཡང་བྱིན་ནུག ཏེ་ཟླ་དྲུག་གི་རིང་ལུ་ཁོ་ཡོ་ཏམ་ལེ་ཤཱ་འཐོབ་ མི་ཤེསཔ་མཐོངམ་གཅིག་བཟོ་འདི་ ད་རུང་སེམ་ཅུམ་གཅིག་བྱི་བཏང་ནུག འ་ནི་འདི་ཧེ་མ་བྱིན་མི་བཟུམ་རང་ཨིན་ ད་ཆུ་ཡོད་སར་སོང་འབད་ཅམ་ཅིག་དཀྲུམ་ འདི་མེན་པ་ཅིག་ཁྱོད་ཁྲིམས་བཀལ་ནི་ཟེར་ནུག དེ་ལས་ཁོ་སེམས་དགའ་འདི་ཆུ་ཡོད་ས་ལྷོདཔ་ད་ སེམ་ཅུམ་འདི་དཀྲུམ་ད་ནུག

ད་རུང་ལྷའི་སྲསམོ་བཟུམ་གཅིག་འའཁྲུངས་ནུག་ ད་རུང་ཆུ་ཆུ་ཟེར་སླབ་ད་ཁོ་གི་ཆུ་ཁ་ནང་བླུག་བྱིན་ནུག དེ་ལས་སླསམོ་འདི་གི་ ང་ཁྱོད་ཀྱི་བཙུནམོ་ཨིན་ ཏེ་རི་བ་རི་བཙུནམོ་ཨིན་ཟེར་ནུག དེ་ལས་ཁོང་འོང་ནུག་ ཏེ་རྒྱལཔོ་འདི་གི་བཙུནམོ་འཁྱིལ་འོང་པའི་ལམ་ཁ་ལུ་ ལྷམ་བཙེམ་མི་གཅིག་ཡོདཔ་མས་ ཁོ་རང་གི་རྒྱལ་ཁབ་ནང་། ཏེ་ལྷམ་བཙེམ་མི་འདི་མིག་ཏོ་ཡང་གཅིག་མེད་འདུག་ལུ་ཤ་ཡང་གནགཔོ་མས་ལོ་ ཏེ་མོ་གི་ཁྱིམ་འདི་ལམ་ལྟག་མས་ལོ་ དེ་ལས་ལམ་འོག་ལུ་ཆུ་ཡོམ་འདུག་ལོ་ འདི་ན་ཤིང་ཡང་འདུག་ལོ། ད་ཁྱོད་ཤིང་གུ་འཛེག་སྡོད་ ང་རྟ་གླང་མོ་ཆེ་མི་ཚུ་ ཁྱོད་ཀྱི་དོན་ལུ་འཁྱིལ་འོང་ནང་ཨིན་ཟེར་སླབ་འབད་ ཡར་སོང་ནུག་ལོ་ བང་མི་སེར་དང་དམག་མི་ཚུ་གཉེན་རྐྱབ་ནི་འབད།

ཏེ་ལྷམ་བཙེམ་མིའི་ཨམ་ཞཝ་འདི་ཆུ་ལེན་རྗིང་ཁར་འོང་ནུག་ ཏེ་ཆུ་ཡོམ་འདི་གི་མཐའ་མར་ཤིང་གུ་སྡོད་པའི་བཙུནམོ་གི་གྱིབ་མ་འདི་ཆུ་ནང་ཕོག་ནུག་ལོ། ཏེ་ལྷམ་བཙེམ་མི་འདི་ཆུ་དབོགས་ནི་འབདཝ་ད་མཐོང་ནུག་ དབའི་ང་འདི་མིག་ཏོ་ཡང་ཞཝ་ཨིན་བྱ་རིམ་ཡང་མེད་ ད་ང་ག་དེ་འབད་འཇའ་རིས་ཡར་སོངམ་ཨིན་ན་མནོ་ནུག ད་རུང་བལྟཝ་ད་མ་མཐོང་ལོ་ ད་རུང་བལྟཝ་ད་མཐོང་ནུག དབའི་མི་གཞན་གཅིག་མས་ཟེར་མནོ་འདི་ འཇའ་མི་འཇའ་ ཞོན་མི་ཞོན་ད་ང་ག་དེ་འབད་ད་སྨོ་ཟེར་ནུག་ མོ་རང་ལུ། ད་རུང་བལྟཝ་ད་མེད་འདུག་ལོ་ ད་རུང་ལེགས་ཤོམ་འབད་བལྟཝ་ད་འདུག་ལོ། འཇའ་མི་འཇའ་ ཞོན་མི་ཞོན་ད་ང་ག་དེ་འབད་ད་སྨོ་ཟེར་སླབ་ནུག་ མོ་རང་ལུ་ ཏེ་ཚར་གསུམ་སླབ་ད་ བཙུནམོ་འདི་དགའ་ཤོར་སོང་ནུག་ལོ་ཤིང་གུ་ལས། ད་རུང་ཆུ་ནང་བལྟ་འབད་འཇའ་མི་འཇའ་ ཞོན་མི་ཞོན་ད་ང་ག་དེ་འབད་ད་སྨོ་ཟེར་སླབ་ནུག ཏེ་དེ་འབདའི་འབདའི་སྐབས་བཙུནམོ་འདི་དགའ་ཤོར་འདི་སྐེད་སྦོམ་འབད་དཁའ་ད་ནུག ཏེ་ལྷམ་བཙེམ་མི་འདི་ཡར་བཏའཝ་ཅིག་མོ་མཐོང་ད་ནུག

དབའི་ཨ་ཞེམོ་ཁྱོད་དེ་མི་ལེགས་མི་ལེགས་ ས་ཁ་འབབ་མས་ཚར་ཅིག་བཟུང་གེ་བལྟ་གེ་ཟེར་ནུག མི་བཏུབ་ང་མི་འབབ་ རྒྱལཔོ་དམག་མི་མི་སེར་ རྟ་དང་གླངམོ་ཆེ་ལེན་པར་ཡར་སོང་ཡི། ང་བཅས་གཉེན་ཡང་གཟིམ་ཅུང་ནང་འབད་རྐྱབ་ནི་ཨིན་ འདི་འབད་ནི་འདི་གི་རྒྱལ་པོ་ལོག་ད་རྟག་རང་འོང་ ང་མར་འབབ་མི་བཏུབ་ཟེར་ནུག ཚར་གཅིག་འབབ་གནང་མས་ཟེར་ ལོག་ལོག་སླབ་ད་འབབ་འོང་ནུག ཏེ་བཙུནམོ་འདི་རོ་ཡབ་ཀྱི་གསེར་གི་རྒྱན་ཆ་འདི་ཚུ་མ་བཏུབ་བཏུབ་འབད་དགོན་འདི་བཏང་ནུག་ལོ། ཏེ་ཚར་ཅིག་ཁྱོད་གི་དགོན་ཆས་འདི་ང་གི་ཡང་དགོན་བལྟ་གེ་ཟེར་ནུག འདི་དེ་འབད་མི་བཏུབ་ཟེར་ནུག་བཙུནམོ་གི་ ཏེ་ལྷམ་བཙེམ་མི་འདི་གི་ཉན་རང་བ་བཏུབ་པར་ གསེར་གི་དགོན་ཆས་རེ་རེ་འབད་ག་རང་བྱིན་ནུག ང་འཇའ་བས་ཡ་ ཨ་ཞེམོ་ཟེར་ནུག་ འཇའ་ཕས་ཟེར་ནུག

དེ་ལས་ལྷམ་བཙེམ་མི་འདི་གི་བཙུནམོ་འདི་ཆུ་ནང་འཕུལ་བཏང་འབད་བསད་ད་ནུག ལྷམ་བཙེམ་མི་འདི་གི་ཤིང་གུ་རྫེགས་འམད་སྡོད་ནུག་ལོ་ དགོན་ཆས་ག་རང་དགོན་འབད། ཏེ་རྒྱལ་པོ་འདི་རྟ་གླང་མོ་ཆེ་མི་ག་རང་འཁྱིལ་འདི་ ས་དང་གནམ་ཡང་འདི་རི་རི་འབད་བྱོན་ནུག་རྒྱལ་ཁབ་ནང་ལས། ཏེ་བཙུན་མོ་འདི་གི་རྩིབ་བཟའ་འདི་ ད་བལྟས་ཉི་མ་གི་འཚིགས་འདི་གནག་པོ་ཡང་ཡར་སོང་ཡི་ དེ་ལས་ཨོ་ལ་འོང་འདི་མིག་ཏོ་གཅིག་ཡང་མེདཔ་བཏང་ད་ཡི་ཟེར་ནུག ཏེ་རྒྱལ་པོ་ནོར་བཟུམ་འདི་ཨིནམ་དྲས་མནོ་ནུག་ མིང་རང་རྒྱལ་པོ་ནོར། ཨིནམ་དྲས་མནོ་འདི་ཤིང་གུ་ལས་འཕབ་འཁྱིལ་ཡར་སོང་ནུག་ དེ་ལས་གཟིམ་ཅུང་ནང་འཁྱིལ་འབད་བཞགས་ནུག་ བཙུནམོ་ལེགས་ཤོམ་འདི་བསད་ཡི། ཏེ་བསོད་ནམ་མེད་པའི་ཨཔ་སྲུ་གཅིག་འབད་ནི་འདི་གི་ རྒྱལ་པོ་འདི་གནང་ཡང་ཡར་རྒྱལ་མ་འགྱོ་ དཀའ་སྡུག་ནང་རང་སྡོད། ག་ཅིག་འབད་ཟེར་བ་ཅིན་བཙུནམོ་འདི་གི་ ངན་པ་ལས་བཏོན་འདི་གི

བཙུནམོ་ཆུ་ནང་བསད་ད་མི་འདི་རྗིང་ནང་ལས་ མེ་ཏོག་པདྨ་བཟུམ་འབད་སྐྱེས་ཚད་ནུག་ལོ། དེ་ལས་འ་ནི་འབད་སྡོད་པའི་སྐབས་ལུ་ རྒྱལ་ཁབ་འདི་ནང་མེ་ཏོག་པདྨ་སེར་བཟུམ་འབད་སྐྱེས་ནུག་ཟེར་བའི་གཏན་ག་ཏེ་ཡང་ཆབ་སོངམ་མ་ཚད་རྒྱལ་པོ་གི་ཡང་གོ་ཚད་ནུག དེ་རྒྱལཔོ་གི་གཟིམ་ཅུང་ནང་འབག་བཞགས་དགོ་ཟེརཝ་ད་ ལྷམ་བཙེམ་མི་སེམས་ཁར་དོགས་པ་བཟའ་འདི་ བཙུནམོ་འདི་འདི་ནང་བསད་ནི་འདི་གི་ འགྱོ་མི་བཏུབ་ཟེར་སླབ་རུང་རྒྱལ་པོ་གི་ མ་ཉན་པར་བྱོན་སོང་ནུག་དམག་མི་ཚུ་འཁྱིལ་འབད། དེ་ལས་མེ་ཏོག་འདི་འབག་འོང་འདི་གཟིམས་ཅུང་ནང་བཞགས་ནུག་ ཏེ་གཟིམ་ཅུང་སྒོ་ཁར་བཞགཔ་ད་ གནམ་ཡང་མེ་མིན་དགོ་འབད་ལོ་ ག་ཅིག་འབད་ཟེརན་འོད་ཟེར་དེམ་དེམ་འབད། ཏེ་དེ་འབད་བཞགསཔ་ད་ལྷམ་བཙེམ་མི་འདི་ལུ་དོགས་པ་བཟའ་ནུག་ལོ། མེ་ཏོག་འདི་སྒོ་ཁར་བཞགས་ནི་འདི་གི་ ལྷམ་བཙེམ་མི་འདི་ཕྱི་དང་ནང་ན་འགྱོཝ་ད་ དྲངས་འདི་རང་བཞགས་དོ་ཡོདཔ་མས། ཉི་མ་གསུམ་འགྱོ་བའི་གང་ལས་འདི་ལྷམ་བཙེམ་མི་འདི་དྲང་འདི་བསད་ནི་རང་འབད་ད་ནུག རྒྱལ་པོ་ལུ་འདི་ལེགས་ཤོམ་འབདཝ་མས་ལོ་ ཏེ་མི་གཞན་འགྱོཝ་ད་ཡང་ག་ནི་ཡང་མི་འབད་བས་ལོ།ཏ་ ཏེ་ལྷམ་བཙེམ་མི་འདི་གི་རྒྱལ་པོ་ལུ་ མེ་ཏོག་འདི་གི་ང་དྲང་བསད་ནི་མས་ འདི་གི་ན་ནི་ལས་འདི་འཚིག་འདི་འབད་རང་མ་ཚུགས་ཟེར་ནུག ད་འདི་ཁྱིམ་འོག་ས་རྡོང་ནང་བཙུགས་དགོ་ཟེར་སླབ་འདི་ས་རྡོང་ནང་བཙུགས་ནུག

དེ་ལས་འདི་ནང་ལུ་འདི་ཟྭོ་ཆག་སྐྱེས་ཚད་ནུག་ ཟྭོ་ཆག་འདི་ག་ནི་བ་ཡང་ལེགསཔ་འབད་སྐྱེས། ཏེ་ཟྭོ་ཆག་སྐྱེས་བའི་གང་ལས་རྒྱལ་པོ་འདི་ཟྭོ་ཆག་ཚོདམ་བཟའ་དགོ་མནོ་ནུག་ལོ། ད་འ་ནི་ཚོདམ་བཟོ་བཟའ་གེ་ཟེར་ནུག་ ལྷམ་བཙེམ་མི་འདི་གི་བཟའ་མི་བཏུབ་ཟེར་སླབ་ནུག་ མོ་ལུ་འདོག་པ་ཡོད་ནི་འདི་ག་ི ཏེ་བཟའ་གེ་ཟེར་རྒྱལ་པོ་གི་ཚོདམ་བཟོ་བཟའ་ནུག རྒྱལ་པོ་གི་བཟའཝ་ད་ག་ནི་ཡང་མི་འབད་བས་ལོ་ ལྷམ་བཟོ་མི་གི་བཟའཝ་ད་འཚིག་འདི་འབད་རང་མི་ཚུགས་འབད་ལོ། ད་ལས་ཟྭོ་ཆག་ཡང་འབལ་བཀོ་བཏང་ཟེར་སླབ་འདི་ འབལ་བཀོ་བཏང་ད་ནུག ཟྭོ་ཆག་ཡང་མེད་ད་ ཧེ་མ་མེ་ཏོག་ དེ་ལས་ཟྭོ་ཆག་ ད་ཚར་གཉིས་ཡང་སོང་ཡི་སྨོ་བཙུནམོ་འདི་འདི་ནང་རང་སྐྱེས་འདི། དེ་ལས་ཟོྭ་ཆག་ཡང་ཡལ་བཏང་མི་ཤུལ་ལས་ མལ་ཤིང་(སྟོང་ཤིང་)འབད་སྐྱེས་ནུག་ལོ། ཏེ་དེ་ལས་སྟོང་འདི་ག་རང་གི་བཟའ་དོ་ཡོདཔ་མས། དེ་ལས་རྒྱལ་པོ་དང་ལྷམ་བཙེམ་མི་བཙུནམོ་གཉིས་ཡང་བཟའ་བར་འགྱོ་ནུག ཏེ་ལྷམ་བཙེམ་མི་འདི་རྡོག་མ་གི་ཕོག་འདི་བསད་ནི་རང་འབད་ད་ནུག་ ད་འབདཝ་ད་རྒྱལ་པོ་ལུ་འདི་ག་ནི་ཡང་མི་འབད་བས་ལོ། མོ་འདི་རྡོག་མ་འི་ལྐོདམ་ཐོག་འདི་བཟའ་རང་མི་བཙུགས་འབད་ལོ་ ད་རུང་ཤིང་འདི་བཏོག་བཏང་ཟེར་སླབ་ནུག མོ་ལུ་འདོག་པ་ཡོད་ནི་འདི་གི་ ཏེ་ཤིང་ཡང་བཏོག་བཏང་ད་ནུག

ད་རུང་རང་སྟོང་ཤིང་འདི་གི་ཕར་ཁ་བལ་ཤིང་(ཤིང་འབྲས་ཅིག) འབད་སྐྱེས་ནུག་ལོ། ད་བཞི་ཡར་སོངའི་སྨོས། དེ་ལས་བལ་ཤིང་འདི་གུ་ལས་རྡོག་མ་བཏག་ཚད་ནུག ཏེ་བྲམ་ཟེ་ཨ་རྒས་ཅིག་དང་ཨང་རྒས་ཅིག་ཡོད་ལོ་ ཏེ་ཁོང་གཉིས་ལུ་ཨ་ལོ་གཅིག་ཡང་མེད་པར་ ལོ་དྲུག་བཅུ་ཡར་སོང་ནུག ད་ང་བཅས་ལུ་ཨ་ལོ་མ་པ་ལས་རང་མེད་ འ་ནི་ཤིང་འབྲས་འདི་འབག་འབད་ སྒྲོམ་ནང་བཞགས་གེ་ འདི་ག་ནི་བ་ལེགས་འབད་ཟེར་སླབ་ནུག འ་ནི་ཤིང་འབྲས་གི་སོད་ནམ་འབག་འོང་ལོ་ ཟེར་སླབ་འབད་ལོ་དྲུག་བཅུ་ལང་མི་རྒས་རྒས་གཉིས་ཀྱི་སྒྲོམ་ནང་བཙུགས་བཞགས་ནུག ཏེ་ཁོ་གཉིས་པར་དང་ཚུར་འགྱོཝ་ཅིག་བཞེས་སྒོ་བཟོ་བཞགས་ ཉི་མ་ཅིག་ཅིག་ལེགས་ཤོམ་འགྱོ་ནུག་ ཁོང་གཉིས་ཤིང་འབྲས་འདི་འབག་འོང་པའི་ཤུལ་ལས། དབའི་ང་བཅས་གཉིས་ལུ་ག་ཅིག་གི་དངུས་སྒྲུབ་ཨིན་མ་ ཧེ་མ་འབད་ཨ་ལོ་ཡང་མེད་སོ་བསོད་ནམ་མེད་མི་ང་བཅས་གཉིས་ ད་འ་ནི་ཤིང་འབྲས་འབག་འོང་འདི་དགའ་དང་སྐྱིད་པ་འབྱུངས་ཡི་ ཁྱིམ་ནང་ཡང་ལེགས་ཤོམ་འགྱོ་དོ་ རྒྱུ་ཅལ་ཡང་ཕར་དང་ཚུར་ལས་ཨ་རྟག་རང་འོངམ་མས། དྲོ་པ་དང་ཕྱི་རུ་ང་བཅས་ཕར་དང་ཚུར་ལས་འོངམ་ད་ལྟོ་ཡང་བཟོ་བཞགསཔ་མས། ག་ཅིག་འབད་ཨིན་མནོ་འདི་སྡོད་ནུག་ ཏེ་དུས་ཨ་རྟག་རང་ལྟོ་དང་ཚོདམ་ཚ་ཏོམ་འབད་བཟོ་བཞགས་དོ་ཡོདཔ་མས། ཏེ་འདི་བཟའ་ཉལ་འབད་དོ་ཡོདཔ་མས་ ཏེ་ཁོང་གཉིས་དཀའ་སྡུག་ཚུ་བཤེད་འབད་སྡོད་དོ་ཡོདཔ་མས།

དེ་ལས་ཉི་མ་ཅིག་འདི་ཁོང་གཉིས་བལྟ་དགོ་མནོ་འདི་དྲེགས་རང་མ་ཚུགས་འབད་ ད་འ་ནི་ཤིང་འབྲས་འདི་རང་འོང་འ་ནི་དཀྲུམ་བལྟ་གེ་ཟེར་སླབ་ནུག དེ་ལས་ཁོང་གཉིས་ལྷ་ལུ་ལྷ་གསང་གནམ་དའི་སྒོ་ལས་གསོལཝ་བཏབ་འབད་དཀྲུམ་ད་ནུག འདི་ནང་ལས་སསྲམོ་འཇའ་རིམ་གཅིག་འཁྲུངས་ནུག ཏེ་དེ་ལས་མི་གི་ཧེ་མ་གི་ལོ་རྒྱུས་ཚུ་སླབ་ནུག ཧེ་མ་རྒྱལཔོ་གཅིག་བཙུནམོ་ལྷང་པ་འོང་དེ་ལས་ སེམ་ཅུམ་གཅིག་བྱིན་ ཁོ་ལུ་སྒང་ཁ་མ་དཀྲུམ་ཟེར་སླབ་ད་ གླང་བཟུམ་འབད་མི་རྒྱལཔོ་འདི་སྒང་ཁ་དཀྲུམ་ལས་ ཧེ་མ་གི་བཙུནམོ་ཡང་བསད་དའི། དེ་ལས་ཟླ་དྲུག་གི་ཤུལ་ལས་ ཆུ་མཐའ་མ་ འཁྲུངས་མི་འདི་ང་ཨིན། རྒྱལ་པོ་གི་ང་འཁྱིལ་འོང་པའི་ལམ་ཁར་ ཆུ་འདི་གི་མཐའ་མར་ཤིང་གུ་སྡོད་ ང་མི་སེར་དང་རྟ་གླངམམོ་ཆེ་འཁྱིལ་འོག་གེ་ཟེར་འགྱོ་བའི་ཤུལ་ལས། ལྷམ་བཙེམ་མི་གི་གྱིབ་མ་ནང་མཐོང་འདི་ ད་ང་ག་དེ་འབད་འཇའ་རིས་ཡར་སོངམ་ཨིན་ན་མནོ་ནུག དབའི་མི་གཞན་གཅིག་མས་ཟེར་མནོ་འདི་ འཇའ་མི་འཇའ་ ཞོན་མི་ཞོན་ད་ང་ག་དེ་འབད་ད་སྨོ་ཟེར་ནུག་ མོ་རང་ལུ། ད་རུང་བལྟཝ་ད་མེད་འདུག་ལོ་ ད་རུང་ལེགས་ཤོམ་འབད་བལྟཝ་ད་འདུག་ལོ། འཇའ་མི་འཇའ་ ཞོན་མི་ཞོན་ད་ང་ག་དེ་འབད་ད་སྨོ་ཟེར་སླབ་ནུག་ མོ་རང་ལུ་ ཏེ་ཚར་གསུམ་སླབ་ད་ བཙུནམོ་འདི་དགའ་ཤོར་སོང་ནུག་ལོ་ཤིང་གུ་ལས། ད་རུང་ཆུ་ནང་བལྟ་འབད་འཇའ་མི་འཇའ་ ཞོན་མི་ཞོན་ད་ང་ག་དེ་འབད་ད་སྨོ་ཟེར་སླབ་ནུག ཏེ་དེ་འབདའི་འབདའི་སྐབས་བཙུནམོ་འདི་དགའ་ཤོར་འདི་སྐེད་སྦོམ་འབད་དཁའ་ད་ནུག ཏེ་ལྷམ་བཙེམ་མི་འདི་ཡར་བཏའཝ་ཅིག་མོ་མཐོང་ད་ནུག ལྷམ་བཙེམ་མི་འདི་གི་བཙུནམོ་འདི་ཆུ་ནང་འཕུལ་བཏང་འབད་བསད་ད་ཡི།

ང་སྐྱེས་བ་ཟྭོ་ཆག་ དེ་ལས་མེ་ཏོག་པདྨ་ སྟོང་གི་ཤིང་ བལ་གི་ཤིང་འབད་སྐྱེས་བའི་སྐབས་རྡོག་མ་འདི་ན་ཕམ་གཉིས་ བལ་རྡོག་མ་འདི་ལེགས་ཤོམ་ལྷ་ལུ་ཕུལ་བཞགས་ནི་ཨིན་ཟེར་འབག་འོངམ་ལས། ཁྱོད་ཀྱི་སྡུག་སྔལ་མཐོངམ་ད་ང་མཛོད་མ་ཚུ་ འདི་འབད་ནི་འདི་གི་ལྟོ་བཟོ་བྱིན་ཡི། ང་དབྱིབ་འདི་ལཱ་འབད་སྡོད་ཅིག་ ད་ང་རོགས་གི་མཐོངམ་བཟོ་ད་ཡི་འཛམ་གླིང་བཏོན་བྱིནའི་ ང་གི་རྒྱལཔོ་འདི་ས་གནས་འ་ནི་ཁ་ཡོད་ ཁ་མཐོན་བཏང་གནང་ངེའི་རྒྱལ་པོ་ལུ་ཟེར་སླབ་ད་ ཁ་མཐེན་བཏང་ད་ནུག ཏེ་དེ་ལས་རྒྱལ་ཁབ་འདྲ་མི་སྣ་ཚོག་ལས་རྒྱལཔོ་དང་མི་ཤེས་མི་མཐོངམ་འབོ་འདི་ ང་གི་སྲུང་བཏང་དོ་བཟུམ་འབད་རང་སྲུང་བཏང་ནང་སྒོ་བཙུགས་ད་ནུག་ བལ་ནང་ལས་གྲུངས་མི་བཙུནམོ་འདི་གི དེ་ལས་སྲུང་མ་བཏུབ་བཏུབཔ་འབད་བཏང་འབད་ མགུ་ལུ་མཇུག་ཚུན་ཚོད་བཏང་། དེ་ལས་མཐའ་མཇུག་ལུ་ཤིང་འབྲས་འབད་སྐྱེས་ ཤིང་འབྲས་འདི་ཁོང་ཕམ་གཉིས་ཀྱི་འབག་འོང་སྒྲོམ་ནང་བཞགས་ཡི། དེ་ལས་ང་ཁོང་གཉིས་ལུ་ཕྱགས་ཞུ་སྡོད་པའི་བར་ནང་རང་ ཁོང་གཉིས་འདོག་པ་བཟའི་ཤིང་འབྲས་འདི་འབག་འོང་མི་ཚད་ལས་ལྟོ་བཟོ་བཞགསཔ་མས་ ཁྱིམ་ཧིང་སངས་བཞགསཔ་མས་དགའ་སྐྱིད་འབྱུངས་ ག་ཅི་་ཨིན་ ཤིང་འབྲས་འདི་ང་བཅས་ཀྱི་ལྷ་ཨིནམ་འདྲས་མནོ་དཀྲུམ་ད་སྲསམོ་འཁྲུངས་ཡི་ འདི་ཁྱོད་ཀྱི་བཙུནམོ་ཨིན་མས་ཟེར་ནུག དེ་ལས་རྒྱལ་པོ་འདི་གི་མོ་ང་གི་བཙུནམོ་ངོ་མ་རང་ཨིན་མས་ཟེར་ མི་བཙུནམོ་འབད་གཟིམ་ཅུང་ནང་འཁྱིལ། དེ་ལས་ལྷམ་བཙེམ་མི་འདི་བཙོན་ཁང་ནང་བཙུགས་ དགའ་བ་དང་སྐྱིད་པ་འབད་རྒྱལ་ཁབ་སྐྱོང་སྡོད་ནུག

ད་ང་གི་སྲུང་འདི་འ་ནི་ཅིག་འབད་མཇུག་བསྡུ་ནི་ཨིན།