༉  ཆུ་ཁ་སྤང་མེ་ཁ་ལས་ པདྨ་བཟང་མོ་གིས་གཏང་མི་སྲུང་འདི་ རྒྱལ་ཁབ་ནང་ ད་རེས་ནངས་པ་བཟུམ་སྦེ་ དམངས་གཙོའི་རིང་ལུགས་དེ་མ་བཙུགས་པའི་ཧེ་མ་ རྒྱལ་ཁབ་དེ་རྒྱལཔོ་ཚུ་གིས་འབད་སྐྱོང་སྡོད་པའི་སྐབས་སུ་ དབང་ཚད་ཆ་མཉམ་རྒྱལ་པོའི་ཕྱག་ལུ་འབདཝ་ལས་ མི་སེར་རེམ་གཉིསམ་ ཨ་ཙི་དྲག་དོ་ཟེརཝ་ད་ར་ འབད་ཚུགསནི་ བང་ཅན་དབང་ཅན་བཙོང་སྟེ་ འབད་མ་ཚུགསནི་ ཐབས་ཤེས་གནས་སྐབས་ཀྱི་སྒོ་ལས་འབད་ ཁྲལ་དང་འུར་ལཱ་ཚུ་བཀོལ་ཏེ་ སྡུག་སྦྱོང་བཏང་བའི་ལོ་རྒྱུས་ཚུ་ཡོད་དོ་བཟུམ་སྦེ་ སྲུང་འདི་ནང་ཡང་ རྒྱལཔོ་ཅིག་གིས་ སྤྱང་ཀའི་བུཚ་ཅིག་ལུ་ རྡོའི་གོ་ལ་བཙེམ་བཅུག་བཅུགཔ་དང་ གླང་གི་བའུ་ཅུང་འཚོལ་བཅུག་པའི་སྐོར་ལས་ཨིན་པས། དེ་འབདཝ་ད་ རྒྱལཔོ་དེ་དབང་ཤུགས་ཆེ་སྟེ་འབད་རུང་ སྤྱང་ཀའི་བུཚ་དེ་ རིག་པ་གསལ་དྲགས་འབད་ནི་དེ་གིས་ ག་དེ་སྦེ་འབད་བལྟ་རུང་ བུཚ་དེ་གླགས་འཁེལ་མ་ཚུགས་པས། དེ་ཡང་ རྒྱལཔོ་དེ་གིས་ བུཚ་དེ་ལུ་རྡོའི་གོ་བཙེམས་འབག་ཤོག་ཟེརཝ་ད་ བུཚ་དེ་གིས་ རྡོའིའ་གོ་བཙེམ་ནི་གི་དོན་ལས་ བྱེམ་གྱི་སྐུདཔ་དགོ་པས་ ཟེརཝ་ལ་སོགས་པའི་ཐོག་ལས་རིག་པ་བཏང་སྟེ་ འབད་ར་མ་ཚུགས་པས། སྲུང་འདི་ནང་ལས་འཐོན་དོ་བཟུམ་སྦེ་ སྔར་གྱི་བསོད་ནམས་ཀྱི་སྟོབས་ཀྱིས་ཐོབ་པའི་ སྟོབས་དང་གོ་ས་ག་དེ་ཅིག་སྦོམ་སྟེ་འབད་རུང་ ནང་སེམས་ཀྱི་རིག་པ་དེ་ ཐ་ན་མི་ཉམ་ཆུང་ཅིག་ལུ་ཡང་ཡོད་ཟེར་ སྟོནམ་ཨིན་པས།