ཕོ་རྒནམ་རྩ་རྒས་ཅིག་དང་ནུ་གཅུང་གསལ་དྲགས་ཅིག་ཡོདཔ་མས་ དེ་ལས་ཕོ་རྒནམ་རྩ་རྒས་དང་ནུ་གཅུང་གཉིས་རྒྱལ་པོའི་རྒྱ་ཚ་འཁྱིད་སྦེ་ ལཱ་འབད་དོ་ཡོདཔ་མས། དེ་ལས་ ཕོ་རྒནམ་ལུ་རྒྱ་ཚ་གཉིས་ སྤར་མ་བཅུད་མ་རེ་ ང་ལྟོ་བཟོ་འབག་སྦེ་འོང་གེ་ཟེར་ནུག་ ཏེ་ ནུ་གཅུང་འདི་བལྟ་བར་འོངམ་ད་ ཕོ་རྒནམ་འདི་ ལྟོ་འཁྱུ་འཁྱུ་སྡོད་ནུག་ལོ་ ཏེ་ ཁྱོད་ག་ཅིག་འབདཝ་ཟེར་སླབ་ད་ འ་ནཱི་ཨ་ཝ་འདི་ལམ་ཁ་འདུག་ ཕར་འགྱོ་ཟེར་སླབ་ད་མི་ཉན་འབད་ དེ་ལས་ རྡོ་རྐྱབ་ད་ལུ་ ལྟོ་ནང་འཛུལ་སོང་ཡི་ ཏེ་ ད་ལྟོ་འཁྱུ་འཁྱུཝ་ཨིན་ཟེར་ནུག

དེ་ལས་ ནུ་གཅུང་གི་རྒྱ་ཚ་ སྤར་མ་བཅུད་མ་རེ་ཟེར་སླབ་འབད་ ཡར་སོང་ནུག་ དེ་ལས་ནུ་གཅུང་འདི་ལྟོ་འབག་འོངམ་ད་ གླང་མཇུག་མ་བཏོག་ནམ་ཅོ་བཏོག་ རྐངམ་བཏོག་ དོག་དོ་རིལ་རི་བཟོ་ཚར་ནུག་ལོ། ཡ་ ད་ ང་བཅས་རྒྱལ་པོའི་གསད་འོང་ཟེརཝ་ད་ རྩ་རྒས་འདི་གི་ གནས་སྐབས་ང་ལུ་ཡོད་ཟེར་ནུག་ དེ་ལས་ང་ལྟོ་དང་ཅ་ལ་འདི་ཚུ་འབག་འགྱོ་གེ་ཟེར་སླབ་སྦེ་ ཕོ་རྒནམ་ རྩ་རྒས་འདི་གི་ཚུགས་ཚུགས་ཟེར་ གླང་སྐྱེལ་བར་འགྱོ་ནུག དེ་ལས་རྒྱལ་པོ་རྒྱ་ཚ་ག་ཏེ་བཞགས་ནི་ཟེར་སླབ་ད་ ཏེ་ བཏག་ས་མི་འདུག་ག་ཟེར་ནུག

དེ་ལས་ནུ་གཅུང་འདི་གི་ཁུར་ཆ་བཟོ་འབད་ ཕོ་རྒནམ་རྩ་རྒས་འདི་མ་འོང་མནོ་སྦེ་ ཕྱི་ཁ་འགྱོ་སྡོད་ རྩ་རྒས་འདི་གི་ཅ་ལ་ག་ར་བཏོན་འབད་ ཐབ་གུ་ལས་དཔྱང་བཞགས་སྦེ་ རྩ་རྒས་ཁོ་རང་ཁུར་ཆ་ནང་འཛུལ་འབད་སྡོད་ནུག དེ་ལས་ནོ་གཅུང་འདི་གི་ཁུར་ཆ་འབག་འབད་འགྱོ་ནུག་ དེ་ལས་ ལ་ཅིག་བརྒལ་ད་ ཡ་ ངེའི་ ཕོ་རྒནམ་རྩ་རྒས་འདི་ ལུས་སོང་ཡི་ཟེར་སླབ་ད་ལུ་ ཕོ་རྒནམ་འདི་ཁུར་ཆ་ནང་ལས་ཡ་ཟེར་ནུག་ དེ་ལས་ནུ་གཅུང་འདི་འདྲོག་འདི་ཁུར་ཆ་འབག་འབད་བྱོག་འགྱོ་ནུག

ད་རུང་ ལ་ཅིག་བརྒལ་སྦེ་ ཕོ་རྒནམ་རྩ་རྒས་ལུས་སོང་ཡི་ཟེར་སླབ་སྦེ་ ཁུར་ཆ་ནང་བལྟཝ་ད་ལུ་ ནང་ན་ལས་ ཡེ་ཧེ་ཡེ་ཟེར་དགའ་སྦེ་ དེ་ལས་ཁུར་ཆ་ནང་ལས་ ཏེ་ ཅ་ལ་འདི་ག་ནི་ཡང་མེད་འདུག་ལོ། དེ་ལས་ད་རུང་འགྱོཝ་ད་ལུ་ ཏེ་ འདི་ལས་ལམ་དཀརཔོ་གཅིག་ དམརཔོ་གཅིག་ གནགཔོ་གཅིག་ཡོད་ས་ལས་ལམ་གནགཔོ་ ད་འགྱོ་ད་ལུ་ སྲིན་པོའི་གཡུས་ཁ་ལུ་ལྷོད་ནུག་ དེ་ལས་སྲིན་པོ་གཅིག་མཇུག་མ་རིངམོ་ཅིག་ཡོདཔ་མས། དེ་ལས་ཕོ་རྒནམ་རྩ་རྒས་འདི་གི་མཇུག་མ་ཨ་ཙི་ཅིག་འཐོན་གེ་ཟེར་ནུག་ ཏེ་ ནུ་གཅུང་འདི་གི་སྐུ་ཆེན་མ་འབད་ ང་བཅས་བཟའ་འོང་ཟེར་སླབ་རུང་ ད་རུང་ཨ་ཙི་ཅིག་བཟུང་གེ་ཟེར་ནུག་ ཏེ་ ཉན་མ་བཏུབ་སྦེ།

དེ་ལས་མཇུག་མ་བཟུང་འབད་ དུང་དུང་ཟེར་འཐེན་བཏང་ད་ནུག་ ཡུདཔ་ཅིག་ལས་ སྲིན་པོ་མཇུག་མ་འཐོན་འགྱོ་འདི་བྱོག་ཡར་སོང་ནུག དེ་ལས་ཁོང་གཉིས་ནང་ན་བལྟ་བར་འགྱོ་ནུག་ ལྡེ་མིག་ལུས་སོང་ནུག་ལོ་ དེ་ལས་ལྡེ་མིག་ཕྱེ་བལྟཝ་ད་ལུ་ མི་རྒས་ཤོས་ཨ་ལོ་གཞོནམ་སྒྲོམ་གང་འབད་བཙུགས་བཞགས་ནུག་ལོ། དེ་ལས་ད་རུང་བསྡམ་བཞག་འབད་ ཏེ་ ད་ལས་ཆུ་ཟངས་སྦོམ་ཅིག་གི་རྒྱབ་ལུ་གཡིབ་སྡོད་སྡོདཔ་མས་ དེ་ལས་གཅིག་འོང་དེ་ཟེར་མས་ ཏེ་ ཨ་ལྕོ་ཉེ་ཉེ་གཅིག་འོང་ནུག

དེ་ལས་ཡུདཔ་ཅིག་ལས་ ཨ་ལྕོ་ཉེ་ཉེ་འདི་འགྱོ་དོ་ཡོདཔ་མས་ ཏེ་ སྒོ་མཐོ་ཁ་ལས་ཡོར་ཡོར་འབད་ དེ་ལས་ཁོ་གི་ལྒང་ཕུ་ཅིག་འཕུ་འབད་ གེ་ཟ་བླུག་འབད་བཏག་བཏང་གེ་ཟེར་སླབ་ད་ མིན་དགོ་ང་བཅས་བཟའ་འོང་ཟེར་ནུག་ དེ་ལས་ཉེན་མ་བཏུབ་བ་བཏག་བཏངམ་ད་ནུག དེ་ལས་བྱོག་འགྱོཝ་ད་ལུ་ ལྒང་ཕུ་གི་རོག་རོག་བཏང་ ད་ེལས་ ཨ་ལྕོ་ཉེ་ཉེ་འདི་བྱོག་འགྱོ་ ལྒང་ཕུ་གི་ཧེ་མ་ཧེ་མ་འོང་འདི་ རྦོབ་རིལ་འགྱོ་ནུག དེ་ལས་ ཨ་འོ་ རྒྱལ་པོ་ད་རེས་མ་འདྲཝ་ལྒང་ཕུ་གི་རྦོབ་རིལ་བཏང་འདི་ ཤི་ནི་འབད་ཡི་ ཁྱོད་ཀྱི་ཕོ་བྲང་ནང་འདི་ མི་ཐོབ་ནི་མས།

ད་རུང་གཅིག་བཏང་ནུག་ རྒྱལ་པོ་མཇུག་མ་ལེན་པར་ ད་རུང་ ཁོ་གི་ང་འཕྱེན་ཨ་ཙི་ཅིག་བཏང་གེ་ཟེར་ནུག་ མ་འབད་ཟེར་སླབ་རུང་མ་ཉན་པར་ འཕྱེན་བཏངམ་ད་ལུ་ ཉི་མ་ཤར་དོ་བཟུམ་འབད་མཐོང་འདི་ སྲིན་པོ་ཡང་བྱོག་ཡར་སོང་ནུག་འབད་མི་ཚུགས་འབད་ཟེར། དེ་ལས་ ཁོང་གཉིས་ཐུགཔ་བཟོ་དོ་ཡོདཔ་མས་ དེ་ལས་ སྲུན་པོ་དང་ནུ་གཅུང་འཐབ་དོ་ཡོད་མས་ ཏེ་ དབའི་ཁྱོད་གཉིས་འཐབ་རུང་ ང་གི་ཐུགཔ་བཟོ་ས་མ་འཐབ་མ་རེ་ཟེར་ནུག་ དེ་ལས་ ནུ་གཅུང་འདི་ འུ་སྡུག་ནུག་ལོ།

སྲིན་པོ་གི་གདོང་ཁ་ལས་ཚདཔ་འཐོནམ་ད་ ནུ་གཅུང་འདི་ཁྲག་འཐོན་དོ་ཡོདཔ་མས་ ད་ལས་ཕོ་རྒནམ་འདི་ཐུགཔ་བཟའ་སྡོད་འབད་ མ་ཉེན་མས་ དེ་ལས་ནུ་གཅུང་གི་ཐུགཔ་འདི་ རྐངམ་གི་རྐྱབ་ཅིག་ཐུགཔ་འབོ་བཏང་ད་ནུག་ ཁོ་ཕོ་རྒནམ་གི་མི་ཉེན་མས་ཟེར་མནོ་ནུག་བ། འཛོགས་སོའི།