དང་ཕུ་འབད་འབདཝ་མས་ ད་རེས་འབད་འབདཝ་མས་ སྤྱ་གཅིག་དང་རུས་སྦལ་གཅིག་སྡོད་སྡོདཔ་མས། ཁོང་གཉིས་ཆ་རོགས་བཟུང་བཟུངམ་མས་ཏེ་ ཁེམ་པ་བཟུང་བཟུང་མས་ ཟེར་སླབ་འོང་བ་ དང་ཕུ་ང་བཅས་ཀྱིས་འབད་བ་ཅིན་ ཆ་རོགས་བཟུང་བཟུངམ་མས་ཁོང་གཉིས་ ཆ་རོགས་བཟུང་སྦེ་ཁོང་གཉིས་ ང་བཅས་གཉིས་ཉ་གཟུང་པར་འགྱོན་ན? ཟེར་སླབ་སླབ་མས།

འགྱོ་གེ་ཏེ་ ཟེར་འགྱོ་འགྱོཝ་མས་ཉ་གཟུང་པར་ ཉ་གཟུང་པར་འགྱོ་སྟེ་ ཕྱི་རུ་འབདཝ་ད་ སྤྱ་ཁོ་ཉ་ཐོབ་སྦེ་ འབག་སྟེ་ཟ་ཟཝ་མས་ཏེ་ རུས་སྦལ་འདི་ཨ་ནཱི་རང་མ་ཐོབ་པས་ དྲྭཝ་བཟེད་ནི་རང་ ཉ་གཟུང་ནི་གི་འོང་བ་ཏེ་ སྤག་ཤིང་གིས་འབད་དྲྭཝ་བཟོ་ནི་ དྲྭཝ་བཟེད་ནི་ཆུ་ནང་དེ་སྦེ་ འ་ནཱི་བཟོ་ནི་གི་མ་ཐོབ་མས་ཏེ་ཁོ་ དེ་ལས་ ནངས་པར་ཡང་འགྱོ་དོ་མས་ཁོང་གཉིས་ ནངས་པར་འགྱོཝ་ད་སླབ་དོ་མས་ ཏེ།

སྤག་ཤིང་འཚོལ་དོ་མས་ཁོ་ དྲྭཝ་འཐག་ནི་གི་ སྦ་འཚོལ་བར་འགྱོཝ་ད་ལུ་ སྤག་ཤིང་གཅིག་བརྡུང་བལྟ་དོ་མས་ ཏོང་ཏོང་བཏང་དཀྲོག་བལྟ་དོ་མས་ ཁོ་འབག་ནི་སྦེ་ དེ་འབདཝ་ད་ དབའི་ཁོ་རེ་ ངེའི་ཨ་ཞང་གི་སྦ་ཨིན་སྨ་རེད་ མ་དཀྲོགས་ཤིག་ཟེར་ སླབ་སླབ་མས་སྤྱ་གིས་ མི་བྱིན་དོ་མས་ ཏེ།

ད་རུང་སོ་སོ་ཅིག་འབད་སར་འགྱོ་སྟེ་ ཏོག་ཏོག་ཏོག་བཏང་འབདཝ་དོ་མས་ དབའི་ཁོ་རེད་ ངེའི་ཨ་ཁུ་གི་སྦ་ཨིན་སྨ་རེད་མ་དཀྲོགས་ཤིག་ ཟེར་སླབ་སླབ་མས། ད་རུང་གཅིག་དཀྲོགས་བལྟ་དོ་མས་ ངེའི་ཨ་པ་གི་སྤག་ཤིང་ཨིན་སྨ་རེད་མ་དཀྲོགས་ཤིག་ཟེར་ སླབ་སླབ་མས་ དེ་སྦེ་སླབ་ཅི་སླབ་ཅི་ མ་བྱིནམ་མས་ ཏེ་དེ་ལས་ ཉ་མ་ཐོབ་མས།

དེ་ལས་ ཁོ་གིས་རྟིང་བདའ་སྟེ་ ཁོ་གི་སྦ་བཤུབ་སྟེ་བཀོ་བཏང་པའི་ ཚར་ཤུལ་འཐུ་འབག་སྦེ་ མར་བཟེད་བཟེདཔ་མས་ཏེ་ཁོ་གིས་ དེ་བསྒང་ལུ་ཉ་གནམ་མེད་ས་མེད་སྦོམ་ཙང་ཙ་འཁྱིལ་སྡོད་ནུག་ཟེར་ཨིན་པས། ཉ་སྦོམ་སྦོམ་ཐོབ་སྦེ་ ཉ་གསད་མ་ཚུགས་པར་ པོང་པོང་བཏང་བརྡུང་དོ་མས་ཁོ་གིས་ ཆུའི་མཐའ་མར་ དེ་འབདཝ་ད་ སྤྱ་ཀྲང་ཀྲིང་བཏང་བལྟ་བར་ལྷོད་ལྷོདཔ་མས་ ཏེ།

དབའེ་ག་ཅི་འབད་དོ་ཁྱོད་ ཟེར་སླབ་དོ་མས་ ག་ཅི་པ་ཅ་ལི་པོང་ཅ་ལི་བཏང་བརྡུངམ་སྨོ་ཁྱོད་ ཟེར་སླབ་དོ་མས། པ་ཅ་ལི་ཡང་བརྡུང་འོང་ པོང་ཅ་ལི་ཡང་བརྡུང་འོང་ང་ར་ ཁྱོད་ཀྱི་སྦ་འདིནི་ ཁྱོད་ཀྱིས་མ་བྱིན་ ཟེར་སླབ་སླབ་མས། དེ་ལས་འབད་དོ་མས་ཏེ་ དེ་ལས་ འམ་་་ད་ངེའི་ཨེན་ཏའི་ཁྱིམ་ནང་ཟ་བར་འབག་གེ་སྨེ་ཁོ་རེད་ ཟེར་སླབ་སླབ་མས། མི་དགོ་ང་རའི་ཁྱིམ་རོ་ཁོག་ནང་ཟ་འོང་ ཟེར་སླབ་སླབ་མས།

ངེའི་ཨེན་ཏའི་ཁྱིམ་ནང་འབག་གེ་ས་ མི་དགོ་ང་རའི་ཁྱིམ་རོ་ཁོག་ནང་ཟ་འོང་ཟེར་ སླབ་སླབ་མས་ཁོ་གིས་ དེ་ལས་སྤྱ་དྲག་སྟེ་ ཨེན་ཏའི་ཁྱིམ་ནང་འབག་འབགཔ་མས་ཏེ་འབག་འབད་ ཁོ་གིས་འབག་འབད་ ངེའི་ཨ་ཞང་དང་ ཨ་པ་དང་ཨའི་འདི་ཚུ་ འབོ་བར་འགྱོ་ཤིག་ཁྱོད་ཟེར་ སླབ་སླབ་མས་ཏེ་ ཁོ་གིས་སྤྱ་གིས་ བཙོ་མ་ཚརཝ་ལས་རང་ ཨ་ནཱི་ཡར་ཐབ་ཁར་ལས་མ་བཏོནམ་ལས་ སླབ་དོ་མས་ཏེ་ འགྱོ་ཤིག་ངེའི་ཕམ་ཚུ་འབོ་བར་ དེ་འབདཝ་ད་འགྱོ་དོ་མས་ཏེ།

འགྱོ་དོ་མས་ཁོ་ར་ མར་གཅིག་ཁར་འགྱོ་སྟེ་ ཨོ་འོ་ཨ་ཞང་ཉ་ཟ་བར་ཤོག་ལོ་ཟེར་ སླབ་དོ་མས་ དེ་ལས་ སྐད་རང་མེད་དོ་མས་ ཤོབ་རྐྱབ་དོ་མས་ཏེ་ཁོ་གིས་ ཁའེ་ཁྱོད་ནཱ་རང་ཨིན་པས་ཏེ་ ནཱ་འདི་ག་ཏེ་འོང་ནི་ཏེ་ མར་རང་འགྱོ་མས་ཏེ་ཟེར་ སླབ་སླབ་མས་ མར་རང་འགྱོ་འགྱོཝ་མས་ མར་འགྱོ་སྦེ་ དབའེ་ཨ་ཁུ་ ཨ་ཞང་ཤོག་ལོ་ཉ་ཟ་བར་ ཟེར་སླབ་སླབ་མས།

སྐད་རང་མེདཔ་ཨིན་པས་ ཁའེ་ནཱ་རང་ཨིན་པས་ཁྱོད་ཡང་ མར་རང་འགྱོ་ད་ཨ་ཙི་ཅིག་ ཟེར་སླབ་སླབ་མས་ ད་རུང་མར་རང་འགྱོ་འགྱོཝ་མས་ཏེ་ ཁོ་ཐག་རིང་ས་རང་ཐལ་ཐལཝ་མས་སྐད་རྐྱབ་ཅི་རང་ ཨཱ་་་ཉ་བཏོན་འབག་སྦེ་ ཤིང་ཐོག་ཁར་ཟ་བར་འབག་འབགཔ་མས་སྤྱ་གིས་ ཤིང་གི་ཐོག་ཁར་ཟ་བར་འབག་སྦེ་ ཁོ་གིས་ཟ་ཚར་དོ་མས་ཏེ་ཧ་ལམ་ ལོག་སྟེ་འོང་པའི་སྐབས་ལུ་ ཉ་འདི་མིན་འདུག་ལོ་ཏེ་ ཤིང་ཐོག་ཁར་ཟ་བར་འབག་ནུག་ཟེར་ ཨིན་པས་ལོ་ཏེ་ ཨ་ཞང་དང་ཨ་ཁུ་ཚུནི་ག་ནི་མ་འཕྱད་པས་ཏེ་ དེ་ལས་ལོག་འོང་སྦེ་ དེ་ལས་ རྟིང་བདའ་སྟེ་སོང་ནུག་ཏེ་ ཤིང་གི་རྩ་བར་འགྱོ་སྟེ་ ཨའེ་ང་ར་ལུ་ཡང་ བགོ་བཤའ་རྐྱབ་གནང་ ཟེར་སླབ་དོ་མས་ཏེ་ མས་བྱིན་དོ་མས་ཏེ་ཁོ་གིས།

ཤིང་གི་ཐོག་ཁ་ལུ་ཟ་ཡི་རང་སྡོད་དོ་མས་ཏེ་ དེ་བསྒང་གསེར་སྦྱངམ་འོང་མས་ལོ་ཧེ་མ་རང་ ངེ་རིང་ངེ་རིང་བཏང་སྟེ་ ཨའེ་ཨ་ཅོ་རུས་སྦལ་ག་ཅི་འབད་སྔུཝ་སྨོ་ ཟེར་སླབ་སླབ་མས་ ངེའི་ཉ་འདིནི་ཤིང་གི་ཐོག་ཁར་ཟ་བར་འབག་སོང་ཡི་སྤྱ་གིས་ ཟེར་སླབ་སླབ་མས།

ང་འགྱོ་གེ་སྨ་རེད་ཟེར་འགྱོ་སྦེ་ ཁོ་གིས་ ཉ་ཟ་ནི་སྦེ་ འ་ནཱི་སྦེ་སྡོད་པའི་བར་ན་རང་ བརྡུངས་བྱིན་བྱིནམ་མས་ལགཔ་ཁ་རང་ དེ་འབདཝ་ད་ཉ་ཀོག་ཏོ་གཅིག་ཤོར་སོང་སོངཔ་མས་ དེ་ལས་འདི་འཐུ་ཟ་ཟཝ་མས་ཏེ་ས་ཁ་ལས་རུས་སྦལ་འདི་ ད་རུང་ཨ་ཙི་ཅིག་ཁར་སྔུ་སྡོད་སྡོདཔ་མས། དེ་ལས་ སྦྱངམ་པོ་ཏོམ་ཟེར་མི་འདི་འོང་དོ་མས་ འ་ནཱི་གིས་ག་ཅི་འབད་སྔུཝ་སྨོ་ ཟེར་སླབ་སླབ་མས།

ངེའི་ཉ་ཤིང་ཐོག་ཁར་ཟ་བར་འབག་ཡི་སྤྱ་གིས་ ཟེར་སླབ་སླབ་མས། ད་རུང་འགྱོ་དོ་མས་ཏེ་ ང་འགྱོ་གེ་སྨ་རེད་ཟེར་འགྱོ་སྦེ་ ད་རུང་བརྡུངས་བྱིན་དོ་མས་ ད་རུང་ཀོག་ཏོ་གཅིག་ཤོར་སོང་སོངཔ་མས་ ཨ་ཙ་ཙ་ ཨ་ཙ་ཙ་འབདཝ་ད་ ཤོར་འགྱོ་དོ་མས་ ཁོ་གིས་ད་རུང་ཁམ་ཏོ་གཅིག་ཟ་ནི་ཐོབ་ཐོབ་མས་ དེ་ལས་ཨ་ཙི་ཅིག་ཁ་ལས་ སྦྱངམ་[འཇིམ་རྔམ་?]གིས་ ངེ་རིང་ངེ་རིང་བཏང་འོང་སྦེ་ ཁྱོད་ག་ཅི་འབད་སྔུཝ་སྨོ་ ཟེར་སླབ་སླབ་མས།

ངེའི་ཉ་སྤྱ་གིས་ཤིང་ཐོག་ཁར་ཟ་བར་འབག་ཡར་སོ་ཡི་ ང་ར་འདིནི་ཤིང་གུ་འཛེགས་མ་ཚུགས་ ཟེར་སླབ་སླབ་མས་ ད་རུང་ང་འགྱོ་གེ་སྨ་རེད་ཟེར་ འགྱོ་འགྱོཝ་མས་ཏེ་ ཨཱ་ཁོ་གིས་ རྫམ་བཤེད་ས་གུ་ལུ་བརྡུངས་བྱིན་སྦེ་ ཀ་ལ་རྫམ་དང་སྦྲགས་ཏེ་ ཤོར་སོང་སོངཔ་མས་ཏེ་ ཨཱ་ཤོར་སོང་སྦེ་ དེ་ལས་ཁོ་གིས་འཐུ་སྦེ་ཟ་དོ་མས་ཏེ་ དེ་ཅིག་གི་བར་ན་སླབ་དོ་མས་ ཏེ་དབའེ་ང་ཡང་མ་ཟ་སྨ་རེད་སྒུགས་ཤིག་སྒུགས་ཤིག་ཟེར་ སླབ་དོ་མས་ཏེ་ ཤིང་གུ་ལས་བབས་མ་ཚརཝ་ལས་སྤྱ་གིས།

དེ་ལས་ འར་འུར་བཏང་རུབ་སྟེ་ཟ་སྦེ་འགྱོ་དོ་མས་ཏེ་ཁོང་གཉིས་ འགྱོ་སྦེ་ཡར་ལྷོདཔ་ད་ལུནི་ ཚལ་ལུ་གི་ཤིང་གཅིག་འཕྱད་འཕྱདཔ་མས་ཏེ་ ཚལ་ལུ་གི་ཤིང་གཅིག་ལྟེམ་ལྟེ་འབད་དེ་བཏགས་བཏགསཔ་ཅིག་འཕྱད་འཕྱདཔ་མས་ཁོང་གཉིས་ ཁོ་གིས་སླབ་དོ་མས་ཏེ་ སྤྱ་གིས་ཡུདཔ་ཐེངས་ཅིག་གི་ནང་ ཤིང་གུ་འཛེགས་ཏེ་ཟ་དོ་མས་ཏེ་ དེ་ལས་རུས་སྦལ་འདི་ཤིང་གུ་འཛེགས་མི་ཚུགས་དོ་མས་ཏེ།

ཨཱ་ཡར་གྱི་འདི་ང་ལུ་བྱིན་གནང་མས་ ཟེར་སླབ་སླབ་མས་ ཨེའེ་་་་་ཨ་ནཱི་ཡ? ཨ་ནཱི་འདི་ང་ར་ཟ་འོང་སྨེ་ཟེར་ ཁོ་ར་ཟ་ཟཝ་མས་ ད་རུང་ཨ་ཡར་གྱི་འདི་ང་ལུ་གཏང་གནང་མས་ ཟེར་སླབ་སླབ་མས་ ཨེའེ་་་་་ཨ་ནཱི་ཡ? ཨ་ནཱི་འདི་ང་ར་ཟ་འོང་བ་ཟེར་ ད་རུང་ཁོ་ར་ཟ་དོ་མས་ དེ་ལས་ མི་བྱིན་དོ་མས་ཏེ་ མ་བྱིན་པར་ ཁྱོད་ཡང་འོང་ན? ཤིང་ཐོག་ཁར་ ཟེར་སླབ་སླབ་མས།

འོང་ནི་ཟེར་ སླབ་སླབ་མས་ཁོ་ར་འདིནི་ སྤྱ་གིས་འབག་སྟེ་ ཤིང་གི་ཐོག་ཁར་བཀལ་བཀཝ་མས་ཏེ་ཁོ་ དེ་ལས་ཤིང་གི་ཐོག་ཁར་བཀལ་སྦེ་ ཤིང་གི་སྦུག་ལུ་སྒྲིང་སྒྲིང་བཏང་ [ལྟིར་?]བཞག་བཞགཔ་མས་རུས་སྦལ་འདི་ དེ་ལས་ ནང་རྡོག་སྟེ་སྡོད་དོ་མས་ཏེ་ སྤྱ་འདི་མཐོང་ས་རང་མེདཔ་སྦེ་ཡར་སོངཔ་མས་ཏེ་ ནང་རྡོག་སྟེ་ག་དེ་སྦེ་འབདན་ན་ཟེར་ ང་འདི་འབབ་མི་ཚུགས་ནི་མས་ཟེར་ དེ་ཅིག་གི་བར་ན་ལུ།

ཨ་ནཱི་འོང་མས་ཟེརཝ་མས་ལོ་ འགོ་དང་པ་རང་གཟིག་འོང་མས་ཟེརཝ་མས་ལོ་ དབའེ་ཨ་ཅོ་གཟིག་ང་ཕབ་གནང་མས་ཁྱོད་ཀྱིས་ ཟེར་སླབ་སླབ་མས་ ཟ་བཅུག་ག་ཁྱོད་ཀྱིས་ ཟེར་སླབ་སླབ་མས་ ཟ་འདི་མི་བཅུག་ ཟེར་སླབ་སླབ་མས་ ཨཱ་ཟ་མ་བཅུག་པ་ཅིན་ ང་ལས་སྦོམ་པའི་དཔོན་གཅིག་འོང་དེས་ ཨ་ཛའི་ཛའི་ཟེར་ ཡར་སོང་ཡི་ལོ་ དེ་ལས་ཨ་ཙི་ཅིག་ཁ་ལས་འབད་བ་ཅིན་ སེམས་ཅན་སྟག་འོང་དོ་མས་ཏེ།

དབའེ་ཨ་ཅོ་སྟག་ ང་ཕབ་བྱིན་གནང་ཁྱོད་ཀྱིས་ ཟེར་སླབ་སླབ་མས་ ཟ་བཅུག་ག་ཁྱོད་ར་ ཟེར་སླབ་སླབ་མས་ ཟ་འདི་མི་བཅུག་ ཟེར་སླབ་སླབ་མས་ཏེ་ ཟ་མ་བཅུག་པ་ཅིན་ང་ལས་སྦོམ་པའི་དཔོན་གཅིག་འོང་དེས་སྨེ་ ཨ་ཛའི་ཛའི་ ཟེར་སླབ་སླབ་མས་ དེ་ལས་འདི་གི་ཤུལ་ལས་ སེང་གེ་འོང་དོ་མས་ སེངྒེ་ལུ་ ཨའེ་ཨ་ཅོ་སེངྒེ་ ང་ཕབ་བྱིན་གནང་ ཟེར་སླབ་སླབ་མས།

ཟ་བཅུག་ག་ཁྱོད་ར་ ཟེར་སླབ་སླབ་མས་ ཟ་འདི་མི་བཅུག་ ཟེར་སླབ་སླབ་མས་ ཟ་མ་བཅུག་པ་ཅིན་ ང་ལས་སྦོམ་པའི་དཔོན་འོང་དོ་སྨ་རེད་ཟེར་ ད་རུང་འགྱོ་འགྱོཝ་མས་ཏེ་ དེ་ལས་ ཨ་ནཱི་འོང་དོ་མས་ཏེ་ གུང་ གུང་མེན་པར་ཐིག་ ཐིག་འོང་དོ་མས་ ཐིག་འོངམ་ད་ལུ་ ཐིག་གི་ཤ་འབད་བ་ཅིན་ཟ་འོང་ལོ་མེན་ན་ང་བཅས་ཚུ་གིས་ འ་ནཱི་ཐིག་འོངམ་ད་ལུ་ ཨའེ་ཨ་ཅོ་ཐིག་ ང་ཕབ་བྱིན་གནང་ ཟེར་སླབ་དོ་མས་ དེ་འབདཝ་ད།

ཟ་བཅུག་འོང་ག་ཁྱོད་ར་ ཟེར་སླབ་སླབ་མས་ཏེ་ ཟ་ཡང་བཅུག་འོང་ད་ ཟེར་སླབ་སླབ་མས་ཏེ་ དེ་ལས་ ཕབ་ནི་འདི་མེན་པས་ཏེ་མེན་ན་ མར་ས་ཁར་མཆོང་ནི་འདྲོག་དོ་མས་ཏེ་ཁོ་ རོགས་ཀྱི་ཐོག་ཁར་མཆོང་ནི་འདི་ མ་འདྲོག་དོ་མས་ དེ་ལས་ ཁྱོད་ག་ཕུབ་རྐྱབ་སྟེ་སྡོད་ཤིག་ ང་ཁྱོད་ཀྱི་ཐོག་ཁར་མཆོང་གེ་ ཟེར་སླབ་སླབ་མས་ཏེ་ དུམ་གྲ་ཅིག་ཐིག་འདི་སྦོམ་སྦེ་རང་ཡོད་དོ་མས་ཏེ།

དེ་འབདཝ་ད་ ཁྱོད་ཀྱིས་ཨ་ནཱ་མ་མཆོང་སྨ་རེད་ ཨ་ནཱ་མཆོང་པ་ཅིན་ འ་ནཱ་ལུ་མཆོང་སྨ་རེད་ ཟེར་སླབ་སླབ་མས་ཏེ་ དེ་ལས་ ག་ཕུབ་རྐྱབ་སྟེ་སྡོད་དོ་མས་ཁོ་ ཨཱ་ཁོ་གིས་ ཨ་ནཱ་མཆོང་འོང་ག་ཏེ་ ཨ་ནཱ་རང་མཆོང་མཆོངམ་མས་ཏེ་ ཁོ་ཟ་ནི་ལུ་འདྲོག་སྟེ་ དེ་ལས་ ཨ་ཙི་གུ་མཆོངམ་ད་ ང་བཅས་མི་རང་འབད་རུང་ ཧེད་བཏང་ཤི་འོང་བ་ དེ་ལས་ ཤི་ཤིཝ་མས་ཏེ་ ཁོ་མཆོང་འོངམ་ད།

ཤི་སྟེ་ བསད་བཞག་བཞགཔ་མས་ཁོ་གིས་ བསད་བཞག་སྦེ་ ཡར་ལྷོད་ལྷོདཔ་མས་ཏེ་ ཁོ་གི་རྟིང་བདའ་སྟེ་འགྱོ་བ་ཅིན་ ཁོ་འདི་མ་འཕྱད་པས་སྤྱ་འདི་ ཡར་ལྷོདཔ་ད་ལུནི་ ཁོང་འབད་བ་ཅིན་ གཡུས་ཅིག་གི་ནང་ གནམ་མེད་ས་མེད་ ཚེས་བཅུ་འབད་དེ་ ག་ཅི་འདེ་འདུག་ལོ་མི་འཛོམས་ཏེ་ ཁོ་འགྱོ་སྦེ་ ཕྱེན་ཐེངས་ཕོག་གཅིག་ པུང་བཏང་ བཏང་བྱིན་བྱིནམ་མས་ལོ་ཁོ་གིས།

དེ་འབདཝ་ད་ ག་ཤ་འབག་སྟེ་འོང་ཡི་ ག་ཤ་འབག་སྟེ་འོང་ ག་ཤ་འབག་སྟེ་འོང་ཡི་ཟེརཝ་མས་ལོ་རོགས་ཀྱིས་ དེ་འབདཝ་ད་ ང་ཨིན་ང་ ཟེར་སླབ་སླབ་མས་ཁོ་གིས།

ཨའེ་ཤ་ཁ་ནང་ཟེརཝ་ད་ལུ?

ཤ་འདུག་ཟེར་ སླབ་པར་འོངམ་ད་ཕྱེན་བཏང་ནི་སྡོད་སྡོདཔ་འདྲས་མེན་ན་དང་ཕུ་ འ་ནི་གིས་ཨིན་པས། དེ་འབདཝ་ད་ འགྱོ་དོ་མས་ཏེ་ཁོ་ ཨ་ནཱི་སླབ་དོ་མས་ཏེ་ ང་ཨིན་ང་ཟེར་ དེ་ལས་བྱིན་ཤིག་བྱིན་ཤིག་ཆང་བྱིན་ཤིག་ ཇ་བྱིན་ཤིག་ ལྟོ་བྱིན་ཤིག་ཟེར་ བྱིན་བྱིནམ་མས་ཏེ་ཁོ་ལུ་ ཇ་ལྟོ་བྱིན་སྦེ་ དེ་ལས་ སླབ་དོ་མས་ཏེ་ ཡོད་ག་ཤ་ ཟེར་སླབ་སླབ་མས་ ཡོད་མར་ཚལ་ལུ་ཤིང་གི་རྩ་བར་ ཟེར་སླབ་སླབ་མས་ དེ་ལས་ ག་ཅི་དང་ག་ཅི་རང་འབག་འགྱོ་དགོ་ག་ ཟེར་སླབ་སླབ་མས།

ཙེའུ་ སྟ་རེ་ དཔའ་རྟགས་འདི་ཚུ་འབག་དགོ་སྨ་རེད་ ཟེར་སླབ་སླབ་མས་ཁོ་གིས་ དེ་ལས་ འབག་སྟེ་འགྱོ་དོ་མས་ཏེ་ མར་འགྱོ་བ་ཅིན་ ག་ཏེ་སྨོ་ཤ་རུས་སྦལ་ ཟེར་སླབ་སླབ་མས་ མར་རང་འགྱོ་ཤིག་ ཟེར་སླབ་སླབ་མས་ ད་རུང་འགྱོ་དོ་མས་ ད་རུང་ག་ཏེ་སྨོ་ཤ་རུས་སྦལ་ ཟེར་སླབ་སླབ་མས་ མར་རང་འགྱོ་སྨེ་ ཟེར་སླབ་སྟེ་ ད་རུང་འགྱོ་དོ་མས་ ད་རུང་མར་ཨིན་ ཟེར་སླབ་དོ་མས་ཁོ་གིས།

མར་ཚལ་ལུ་ཤིང་གི་རྩ་བར་ཡོད་ཟེར་ སྟོན་བྱིན་སྦེ་ དེ་ལས་ཤ་བཏོག་སྟེ་ གནམ་མེད་ས་མེད་མི་དགུ་དང་བཅུ་ཐམ་འབད་རུང་ ཨ་ནཱི་ཤ་འབག་མི་ཚུགས་དོ་མས་ཏེ་ གནམ་མེད་ས་མེད་ཤ་ དེ་ལས་འབག་སྦེ་ དེ་ལས་ཁོ་ལུ་ ཏེ་ཁྱོད་ལུ་ཤ་གི་རིན་ག་ཅི་དགོ་ནི་ ཟེར་སླབ་སླབ་མས་ཏེ་ དེ་འབདཝ་ད་ ག་ནི་ཡང་མི་དགོ་ ཟེར་སླབ་ནུག་མེན་ན་ཁོ་གིས་ དེ་ལས་ ཁོ་ལུ་བྱིན་རང་བྱིན་པ་ཅིན་ ཨ་ནཱི་བྱིན་གནང་ཟེར།

པུ་དོང་ཆེམ་འབད་མི་བྱིན་གནང་ཟེར་ པུ་་་་དོང་་་་ཆེམ་་་པོ་ཏོང་་་ཏི་ལིང་འབད་མི་བྱིན་གནང་ ཟེར་སླབ་སླབ་ཨིན་ལོ་ཁོ་གིས་ འ་ནཱི་བྱིན་བྱིནམ་མས་ཏེ་ དེ་ལས་ པུ་དོང་ཆེམ་ཟེར་མི་འདི་ ཨ་ནཱི་ཨིན་པས་ཏེ་ རོལ་མོ་ རྔ་ དེ་ལས་ དུང་དཀར་ དེ་ལས་ འདི་ཚུ་བྱིན་དོ་མས་ཏེ་ པོ་ཏོང་པ་ ཏི་ལིང་པ་ཚུ་བྱིན་དོ་མས་ཁོ་ལུ་ འ་ནཱི་བྱིན་སྦེ་བཏང་བཏངམ་མས་ རིན་གོང་རང་འ་ནེ་ཅིག་ཨིན་པས་ དེ་ལས་ཡར་སྤོག་ཏོ་གུ་འགྱོཝ་སྦེ།

པུ་་་དོང་་་་ཆེམ་་་་་པོ་ཏོང་་་་ཏི་ལིང་བཏང་ བཏང་སྡོད་པའི་ལོ་ཁོ་ར་རྐྱངམ་ཅིག་ དེ་འབདཝ་ད་ ཁོ་གི་ཆ་རོགས་ལྷོད་དོ་མས་ཏེ་ད་རུང་ མིག་ཏོ་རང་ཀྲང་ཀྲིང་བཏང་སྦེ་ལྷོད་ཅི་ཟེརཝ་མས་ལོ་ཏེ་ ཛའི་ག་ཏེ་ལས་ཐོབ་ཅི་ཁྱོད་ར་འབདནི་ ཟེར་སླབ་མས་ཟེརཝ་མས་ལོ་ ག་དེ་སྦེ་ཐོབ་ཅི་ ག་གིས་བྱིན་དེས་ ཟེར་སླབ་དོ་མས་སྤྱ་གིས་ དེ་འབདཝ་ད་ སླབ་དོ་མས་ཏེ་ ཁྱོད་ཀྱིས་ང་ཤིང་གུ་བཀོ་བཞག་སྦེ་ ང་འབབ་མ་ཚུགས་པར་སྡོདཔ་ད་ལུ།

རོགས་ཐིག་འོང་སྟེ་ ཁོ་ཕབ་བཅུག་སྟེ་ ཁོ་གུ་མཆོང་ ཁོ་བསད་དེ་ ཁོ་གི་ཤ་རོགས་ལུ་བྱིན་ཏེ་ འ་ནཱི་གི་རིན་གོང་བྱིན་བྱིནམ་ཨིན་ ཟེར་སླབ་སླབ་མས་ཏེ་ ཤ་གི་རིན་གོང་ཐོབ་ཐོབ་ཨིན་ ཟེར་སླབ་སླབ་མས་ཏེ་ ཨཱ་དེ་འབད་བ་ཅིན་འདི་ ང་ཡང་འགྱོཝ་དྲག་ནི་མས་ཟེར་ དེ་ལས་ཁོ་ཡང་ ཏོར་ཏོ་ལ་གཅིག་ཡར་བདའ་མར་བདའ་འབད་དེ་ ཏོར་ཏོ་ལ་བསད་བཏང་སྦེ་ ཤིང་གི་འདབ་མའི་ནང་ ཤོམ་འདབ་ནང་སྤུར་འབད་བཞག་དོ་མས་ལོ་ཁོ་གིས་ བཞག་སྦེ་ དེ་ལས་

དེ་ལས་རོགས་མི་དམངས་ཀྱི་སྦུག་ན་འགྱོ་སྦེ་ ཕྱེན་པུང་བཏང་དོ་མས་ལོ་ཁོ་གིས་ཡང་ དེ་འབདཝ་ད་ག་ཤ་འབག་འོང་ག་ ག་ཤ་འབག་འོང་ག་ཟེར་ ང་ཨིན་ང་ཟེར་ འབད་འབདཝ་མས་ལོ་ཁོ་གིས་ དེ་ལས་ ག་ཏེ་ཡོད་ཤ་སྤྱ་འབད་བ་ཅིན་ མར་ཡོད་ཟེར་ སླབ་སླབ་མས་ཏེ་ བྱིན་ཤིག་བྱིན་ཤོག་ཁོ་ལུ་ ལྟོ་བྱིན་ཤིག་ ཇ་བྱིན་ཤིག་ཟེར་ བྱིན་དོ་མས་ཏེ་ད་རུང་།

ལྟོ་ སྦང་ཆང་འདི་ཚུ་ བྱིན་དོ་མས་ཏེ་ དེ་ལས་ བྱིན་ཟ་སྦེ་ འགྱོ་ཤིག་འགྱོ་གེ་ཟེར་ འགྱོ་དོ་མས་ཏེ་ ག་ཅི་འབག་དགོ་ཟེརཝ་ད་ ད་རུང་ཙེའུ་ དང་འདི་ཚུ་འབག་དགོ་ཟེར་ སླབ་དོ་མས་ཁོ་གིས་ཡང་ འབག་སྦེ་འགྱོ་དོ་མས་ཏེ་ འགྱོ་སྟེ་ མར་ཧ་ལམ་ཅིག་ལྷོད་ལྷོདཔ་མས་ ག་ཏེ་སྨོ་ཤ་སྤྱ་ ཟེར་སླབ་སླབ་མས་ མར་རང་འགྱོ་མས་ ཟེར་སླབ་སླབ་མས།

ད་རུང་འགྱོ་དོ་མས་ ཀྱེ་ཤ་སྤྱ་ ཟེར་དོ་མས་ མར་རང་འགྱོ་མས་ ཟེར་སླབ་སླབ་མས་ ཀྱེ་ཤ་སྤྱ་ཟེར་དོ་མས་ མར་རང་འགྱོ་མས་ ཟེར་སླབ་དོ་མས་ ལྟ་མ་ག་ཏེ་ཡང་འཕྱད་ནི་མིན་འདུག་ཁོ་གི་འདི་ ལྟ་མ་འབདཝ་ད་རྐངམ་གི་རྩ་བར་ ཨ་ནཱ་བལྟ་ཤིག་ཟེརཝ་མས་ལོ་ དེ་བསྒང་ལུ་འདབ་མ་གི་ནང་ན་སྤུར་ཏེ་འདུག་ལོ་ནཱ་ལུ་ དེ་ལས་ཏེ་ འམ་ཤ་ཨ་ནཱི་ཨིན་ན་ཟེར་བ་ཅིན་ ཨིན་ཟེར་སླབ་དོ་མས་ཏེ་ དེ་ལས་ཤ་བཀོ་བཞག་སྦེ་ཁོ་ར་ཁྱིམ་ནང་འཁྱིད་སྦེ།

ཨཱ་་་སྒོ་ག་ར་སྒྲིང་སྒྲིང་བསྡམས་ སྒོ་སྒྲིག་འདི་ཚུ་ག་ར་བསྡམས་སྦེ་ དྲང་བཏང་བཏངམ་མས་ཏེ་ཁོ་ར་ བླ་མ་མཁྱེན་ནོ་ མི་དམངས་འབད་དེ་ དྲང་བཏང་བཏངམ་མས་སྤྱ་འདི་ དེ་སྦེ་དྲངམ་ད་ལུ་ བླ་མ་མཁྱེན་ནོ་ ལྟ་མ་འབདཝ་ད་ པགས་ཀོ་རང་བཤུབ་སྟེ་ འགྱོ་འགྱོཝ་མས་ཏེ་ཁོ་འདི་ པགས་ཀོ་སློང་སྟེ་རང་ དེ་ལས་འགྱོ་དོ་མས་ བཏང་བཏངམ་མས་ཏེ་ བཏང་སྦེ་མཇུག་མ་འདི་ཚུ་ཡང་ སྤུ་ག་ཏེ་ཡང་མེད་པར་ ཅ་ཀྲེང་ཀྲེང་བཏང་ མར་གཟུགས་ཡང་ག་ར་ བཤུབ་འགྱོ་འགྱོཝ།

དེ་ལས་འགྱོ་དོ་མས་ཏེ་འགྱོ་སྦེ་ ཁོ་རའི་ཨམ་སྲུ་འབད་སར་འགྱོ་དོ་མས་ཏེ་ ཨམ་སྲུ་དང་ཨ་ལོ་ཚུ་ལུ་ ཤ་འབག་དོ་སྨ་རེད་ཆུ་ཚན་བསྐོལ་ཤིག་ ཟེར་སླབ་དོ་མས་ཏེ་ཁོ་གིས་ ཆུ་ཚན་བསྐོལ་ཤིག་ ཤ་འབག་དོ་སྨ་རེད་ཟེར་ འགྱོ་དོ་མས་ཏེ་ ལྟ་མ་འབདཝ་ད་ལུ་ ཨམ་སྲུ་གིས་ཆུ་ཚན་བསྐོལ་སྦེ་བཞག་བཞགཔ་མས་ཏེ།

དེ་འབདཝ་ད་ཁོ་ར་ཆུ་འཁྱུ་ནི་ཨིན་པས་ཏེ་ ཁྲག་འཁྱུ་བཏང་ནི་འབད་ དེ་ལས་ཕར་ལྷོད་དེ་ དེ་ལས་ཨམ་སྲུ་གིས་ ཆུ་བླུགས་དོ་མས་ཏེ་ ཨམ་སྲུ་གིས་ ཆུ་བླུགས་ཅི་བླུགས་ཅི་ ཆུ་ཨ་ཙི་རེ་བླུགསཔ་ད་ ཨ་པ་ནེར་ནེར་བཏང་འབད་དོ་མས་ གཟུགས་ནེར་ནེར་བཏང་བཟོ་དོ་མས་ དེ་འབདཝ་ད་ ད་རུང་བླུགས་དོ་མས་ ད་རུང་ནེར་ནེར་བཏང་བཟོ་དོ་མས་ འཚིགས་དོ་མས་མེན་ན་ཏེ་ དེ་འབདཝ་ད་ ཨ་ལོ་ཚུ་གིས་ ཨ་པ་བགའཝ་མས་ ཨ་པ་བགའ་དེས་ཟེར་ འབད་དོ་མས་ལོ་ ཨ་པ་ནེར་ནེར་བཏང་བཟོཝ་ད་ ཨ་པ་བགའཝ་མས་ ཨ་པ་བགའཝ་མས་ཟེར་འབད་དོ་མས་ལོ་ ཨ་ལོ་ཚུ་གིས།

ལྟ་མ་འབདཝ་ད་ ནེར་ནེར་བཏང་འབད་བའི་བར་ན་རང་ ཨ་པ་ཤི་ཤིཝ་མས་ཏེ་ ཨ་པ་དེ་ཁར་རང་ ཆུ་ཚན་བླུགས་ཅི་བླུགས་ཅི་རང་འབགཔ་ད་ལུ་ དེ་འབདཝ་ད་ཨ་པ་བགའ་དེས་ཟེར་ ལུས་ལུསཔ་ཨིན་ལོ་ཨ་ལོ་ཚུ་ དེ་ལས་འ་ནེ་ཅིག་ དང་ཕུ་འབད་བ་ཅིན་གཏམ་ ད་ལྟོ་སྲུང་ བྱ་ཀང་ཀུ་རུ་གི་མཇུག་མ་ཕྱེད་ཀ་ཟ་ ཕྱེད་ཀ་བཀོ་ད།

སྲུང་གི་ད་བཅུད་དོན་འབད་བ་ཅིན་ ག་ཅི་ཨིན་ན་སྨོ་ད་ མི་ལུ་མགུ་སྐོར་རྐྱབ་མི་བཏུབ་ཟེར་བའི་དོན་ཨིན་ན?

ཨིན་པས་ མི་ལུ་མགུ་སྐོར་རྐྱབ་མི་བཏུབ་ ཁོ་གིས་གནམ་མེད་ས་མེད་མགུ་སྐོར་རྐྱབ་ནུག་མེན་ན་ཏེ་ ཁོ་ལུ་བལྟ་ཤིག་ཉ་བཟུང་པ་ཅིན་ སྦ་མ་བྱིན་ སྦ་འབད་བ་ཅིན་ ཁོ་གི་ཨ་ཞང་དང་ ཨ་ཁུ་གི་ཨིན་ཟེར་བཞག་ནུག དེ་ལས་ ཁོ་ཚར་ཤུལ་གྱི་འབད་ ཁོ་གིས་བཀོ་མི་ཚར་ཤུལ་གྱི་འཐག་འབག་སྟེ་འགྱོ།

དེ་འབདཝ་ད་ལུ་ ཁོ་གིས་ཉ་ཐོབ་ད་ ཁོ་གིས་ཤིང་ཐོག་ཁར་ཟ་བར་འབག་ དེ་ལས་ཁོ་ལུ་མགུ་སྐོར་རྐྱབ་ དེ་ལས་ཏེ་ ཚལ་ལུ་ཕབ་བྱིན་གནང་ཟེར་བ་ཅིན་ ཚལ་ལུ་འདི་ག་ནི་ཡང་ཕབ་མ་བྱིན་པར་ ཨ་ནཱི་ཤིང་ཐོག་ཁར་བསྐྱལ་བཞག་སྦེ་ དེ་སྦེ་མགུ་སྐོར་རྐྱབ་མི་བཏུབ་ མི་ལུ་མགུ་སྐོར་རྐྱབ་མི་བཏུབ་ཟེར་བའི་བློ་ཨིན་པས་ཏེ་ མི་ལུ་ང་རྒྱལ་ཕྲག་དོག་དེ་སྦེ་བསྐྱེད་མི་བཏུབ་ཟེར་ཨིན་པས།། །།