Video Overview
Pema Yangzom of Yabrang village tells the story of a fox and a hen. The fox tries to kill to hen through different means, but it is the fox who ends up dying in the end. The story shows that trying to destroy others’ life will eventually destroy oneself. She first heard this story from her mother Pema Lhadon when she was a child.
༉ སྲུང་གཏང་ནི་གི་ལམ་སྲོལ་འདི་ དང་ཕུ་གློག་མེ་ལ་སོགས་པའི་འཕྲུལ་ཆས་ཀྱི་མཐུན་རྐྱེན་ཚུ་མེད་པའི་བསྒང་ལུ་ དར་ཁྱབ་ཆེ་ཏོག་ཏོ་སྦེ་ཡོད་པའི་འབྲུག་པའི་ལམ་སྲོལ་ངོ་མ་ཅིག་ཨིན་པས། དེ་ཡང་ ད་རེས་ནངས་པར་བཟུམ་སྦེ་བརྒྱང་མཐོང་དང་ཡོངས་འབྲེལ་ གློག་མེ་ཚུ་མེདཔ་ལས་ ཕྱི་རུ་ཧ་སུ་ཅིག་ཉལ་དགོ་ནི་དེ་གིས་ གཉིད་ལོག་མ་ཚུགས་པའི་གནས་སྐབས་ནང་ མགུ་ཧང་ཁར་བཀལ་སྦེ་ སྲུང་ཤེས་མི་རྒན་ཤོས་ཚུ་གིས་ གཞོན་ཤོས་ཚུ་ལུ་གཏང་སྡོད་པའི་སྲོལ་ དར་ཁྱབ་ཆེ་ཏོག་ཏོ་སྦེ་སྡོད་ནུག དེ་བཟུམ་སྦེ་ར་ བཀྲ་ཤིས་སྒང་རྫོང་ཁག་ ཕོངས་མེད་རྒེད་འོག་ གཡུས་ཡབ་རང་ལས་པདྨ་དབྱངས་འཛོམས་ཀྱིས་ འ་དོམ་དང་བྱམོ་གི་སྲུང་འདི་གཏངམ་ཨིན་མས། སྲུང་གི་ནང་དོན་དང་འཁྲིལ་ཏེ་ རང་གི་བསམ་སྤྱོད་ཚུ་ཡང་ཡར་རྒྱས་གཏང་ཚུགས་པའི་གོ་སྐབས་ཡོདཔ་ཨིནམ་ད་ སྲུང་འདི་ནང་ཡང་ འ་དོམ་གྱི་ཐབས་ཤེས་སྣ་ཚོགས་ཐོག་ལས་ བྱམོ་གསད་ནི་གི་རྩིས་རྐྱབ་རུང་ མཐའན་མཇུག་ལུ་འ་དོམ་ཁོ་ར་ཤི་དགོཔ་ཐོན་སོ་ནུག སྲུང་འདི་བཟུམ་སྦེ་ར་ དཔྱེ་གཏམ་ལས་ བསམ་ངན་རོགས་ལ་བསམ་ན། །རྣམ་སྨིན་རང་ལ་ཁུར། །ཟེར་དོ་བཟུམ་སྦེ་ དཔེ་དེ་ཚུ་ལུ་བལྟ་སྟེ་ རང་དགོ་འདོད་དང་བཟའ་འདོད་ཀྱི་དོན་ལས་ ཕར་ལོགསམ་ལུ་བསམ་ངན་མནོ་མ་བཏུབ་པའི་སྐོར་ལས་སྟོནམ་ཨིན་པས།
Loading ... - Oral Traditions
- Animal husbandry
- Bhutan Cultural Library
- Phongme
- Tsangla
ཤེས་རིག་དང་ལམ་སྲོལ་གྱི་དོན་ལུ་ཕབ་བཟུང་ཞུས། ཤེས་རྒྱུན་ལས་སྡེ་ལས་གནང་བ་མེད་པར་བསྒྱུར་སྤེལ་འབད་མི་ཆོག།
For educational and cultural use only. Reproduction is strictly prohibited without permission from Shejun.