Video Overview
This story talks about unstoppable human desire that leads to downfall in one's life. A man owned a duck that laid a golden egg every day but he never became wealthy. Thus, he thought if he killed the duck he could extract all the eggs at once and become rich, but instead, he got none. So his desire led to losing what he had been blessed with.
མི་སྡེའི་ནང་ ཡོན་ཏན་སྦྱང་བརྩོན་འབད་ནིའི་ ཐབས་ཤེས་ལེ་ཤ་ཅིག་ཡོད་པའི་ནང་ལས་ དང་ཕུགས་ང་བཅས་རའི་ ཕམ་རྒས་ཤོས་ཚུ་གིས་ ཕྱི་རུ་མལ་ཆ་ནང་འཛུལ་ཞིནམ་ལས་ ཨ་ལོ་ཚུ་ལུ་ སྲུང་བཏང་བྱིན་ནི་འདི་གཅིག་ཨིནམ་ད་ འདི་ལས་བརྟེན་ མི་སྡེའི་དང་འབྲེལ་བའི་ ཡོན་ཏན་མ་འདྲཝ་ལེ་ཤ་ཅིག་ཐོབ་ཚུགས་དོ་ཡོདཔ་ཨིན། སྲུང་ཟེར་མི་འདི་ མི་བློ་རིག་ཅན་ཚུ་གིས་བཟོ་བཟོཝ་དང་ ཡང་ན་ནང་པའི་ཆོས་དང་འབྲེལ་བའི་ སྲུང་གི་དཔེ་དེབ་ཚུ་ནང་ལས་ ལྷབ་དོ་ཡོདཔ་ད་ ད་ལྟོའི་སྲུང་འདི་ ང་བཅས་ར་ མི་ཚུའི་རྒྱུད་ལུ་ཡོད་པའི་འདོད་པ་འདི་གིས་ མཇུག་ལུ་ལེགས་ས་མེན་པ་ ཉེས་ས་བཀལ་འོང་ཟེར་བའི་དོན་སྟོནམ་མས། ཏེ་སྲུང་འདི་ནང་ མི་གཅིག་ལུ་ ཉིན་ལྟར་བཞིན་དུ་ དམ་བྱ་གསེར་གྱི་སྒོང་རྡོག་འབུད་མི་ཡོད་རུང་ ཁོ་ཕྱུགཔོ་འགྱོ་མ་བཏུབ་ལས་ ཁོ་གི་མནོ་བསམ་ལུ་ བྱ་འདི་བསད་ཞིནམ་ལས་ སྒོང་རྡོག་ཆ་མཉམ་སྟབས་ཅིག་ཁར་བཏོན་ནི་གི་རྩིས་རྐྱབ་སྟེ་ བྱ་འདི་བསད་པའི་སྐབས་ བྱ་གི་ཕོཝ་ནང་སྒོང་རྡོག་ལེ་ཤ་མེད་སྦེ་ ཕྱུགཔོ་མེན་པ་སྤྱང་ཀ་ཡར་སོངཔ་མས། སྲུང་གི་བཅུད་དོན་འདི་ ང་བཅས་ར་ག་ར་འབད་རུང་ འདོདཔ་བཙོང་སྟེ་ ཚར་གཅིག་གུ་ཕྱུགཔོ་འགྱོ་ནི་གི་ མནོ་བསམ་བཏང་ནི་མི་འོང་ཟེར་བའི་དོན་མས།
- Samtse
- ཧར་ཀ་བྷ་དུར་པར་དན།Harka Bdr Pradhan: ད་ང་གིས་སྲུང་ཐུང་ཀུ་ཅིག་ཞུ་བ་ཅིན། སྲུང་འདི་ག་ཅི་གི་སྐོར་ལས་སྨོ་ཟེར་བ་ཅིན་ འདོདཔ་ཆེ་བ་ཅིན་སྡུག་བསྔལ་མྱོང་ཟེར་བའི་སྐོར་ལས་ཨིན། འདི་ང་བཅས་གིས་ ག་དེ་སྦེ་ཧ་གོཝ་སྨོ་ཟེར་བ་ཅིན།
- : འར་ཀ་བྷ་དུར་པར་དན།Harka Bdr Pradhan དང་ཕུ་གཡུས་གཅིག་ནང་མི་སྤྱང་ཀ་གཅིག་ཡོདཔ་མས། ཁོ་ལུ་བྱ་འདམ་བྱ་གཅིག་དང་བྱམོ་གཅིག་ཡོདཔ་མས། བྱ་འདམ་བྱ་འདི་གིས་རྟག་བུ་ར་གསེར་གྱི་སྒོང་རྡོག་བུད་དོ་ཡོདཔ་མས། ཉིནམ་གཅིག་ནང་གསེར་གྱི་སྒོང་རྡོག་རེ། ཁོ་གིས་གསེར་གྱི་སྒོང་རྡོག་འདི་རྟག་བུ་ར་འཐུ་སྟེ་བཙོང་དོ་ཡོདཔ་མས། ཁོ་གིས་སྒོང་རྡོག་ལེ་ཤ་བཙོང་སྟེ་འབད་རུང་ ཁོ་ཕྱུགཔོ་མ་འགྱོ་བས།
- :འར་ཀ་བྷ་དུར་པར་དན།Harka Bdr Pradhan ཏེ་ཉིནམ་ཅིག་ ཁོ་ག་ཅི་འབད་ཡི་ཟེར་བ་ཅིན་ ཁོ་གནམ་མེད་ས་མེད་ཕྱུགཔོ་འགྱོ་དགོ་མནོ་ ཕྱུགཔོ་ལས་ཡང་ཕྱུགཔོ་འགྱོ་དགོ་མནོ་ནུག་འཛམ་གླིང་གི་ ཉིནམ་ཅིག་འབདཝ་ད་ ཁོ་གི་འདམ་བྱ་ གསེར་གྱི་སྒོང་རྡོག་བྱིན་མི་འདི་བསད་ད་ནུག ཁོ་གི་མནོ་བསམ་ལུ་འདམ་བྱ་འདི་བསདཔ་ཅིགན་ སྒོང་རྡོག་ལེ་ཤ་འཐོབ་འོང་མནོ་ནུག དེ་འབདཝ་ད་ ཁོ་ར་ལུ་ཡོད་པའི་འདམ་བྱ་གསེར་གྱི་སྒོང་རྡོག་བུད་མི་དེ་ཡང་མེདཔ་ཡར་སོངཔ་མས།
- :འར་ཀ་བྷ་དུར་པར་དན།Harka Bdr Pradhan དེ་ལས་འགོ་བཟུང་སྟེ་ ཁོ་སྤྱང་ཀ་ཡར་སོ་ནུག འདོདཔ་ཆེ་བ་ཅིན་ ང་བཅས་ར་ ལས་ཀྱིས་སྤྱང་ཀ་འགྱོ་འོང་ཟེར་ཨིན་མས།། །།
Loading ... - Oral Traditions
- Folk Fiction
- Samtse
- Samtse
- Nepali
ཤེས་རིག་དང་ལམ་སྲོལ་གྱི་དོན་ལུ་ཕབ་བཟུང་ཞུས། ཤེས་རྒྱུན་ལས་སྡེ་ལས་གནང་བ་མེད་པར་བསྒྱུར་སྤེལ་འབད་མི་ཆོག།
For educational and cultural use only. Reproduction is strictly prohibited without permission from Shejun.