སྤ་རོ་ཧུང་རལ་ལས་ བོ་ཁུམ་གྱིས་གཏང་མི་ དབུས་སུ་ཕྱུག་པའི་ད་ལེགསམ་གི་སྲུང་དེ་ ཧེ་མ་ རྡོ་ཕུག་ཟེར་སར་ ཨཔ་གཅིག་དང་ཨམ་གཅིག་ལུ་ རྡོ་ཕུག་ཉ་ཀ་འཕུ་ཤེས་ཟེར་སླབ་མི་ བུ་གཅིག་བ་མེད་མི་དེ་ཡང་ ཨ་ཙི་རྩ་རྒས་འཚམས་ཅིག་སྦེ་ཡོད་མི་དེ་ རོགས་གཞན་གྱི་ནོར་འཚོ་ཡི་འཚོ་ཡི་སྡོདཔ་ད་ དབུས་སུ་ཕྱུག་པའི་བུམོ་དང་ ལས་གནམ་བསྐོས་ཅིག་ཡང་ཡོད་ནི་འདི་གིས་ བུམོ་དེ་ ཨཔ་དང་ཨའི་ལུ་སླབ་སྦེ་ཁོ་འཕྱད་པར་སོང་ ཁོང་གཉིས་ཕྱད་སྦེ་ རོགས་ཀྱི་ནོར་འཚོ་བ་ལས་ང་གི་ནོར་འཚོ་སྡོད་གེ་ ཟེར་སླབ་སྦེ་འཁྱིད་ཞིནམ་ལས་ ཉི་མ་ནོར་འཚོ་བ་འགྱོ་ ཕྱི་རུ་ལོག་ལྷོདཔ་ད་ཆུ་འཁྱུ་འབད་ཞིནམ་ལས་ ཟླཝ་གཅིག་བ་ཟླཝ་གཅིག་ ཁོ་ཡང་བཟང་ཅིག་ཡང་ཐོན་སྦེ་ ཡུདཔ་ཅིག་ལས་ཁོང་གཉིས་གཉེན་རྐྱབ་ནུག དེ་ལས་ གཉེན་ཚར་བའི་ཤུལ་ལུ་ ཁོང་ཚོང་རྐྱབ་པར་བོད་ལས་ཡར་སོང་སྡོདཔ་ད་ རྐྱེན་ངན་གྱི་དབང་གིས་འབད་ ཨམ་ཅུམ་ཅིག་ཡང་ཐོབ་སྟེ་ ལོ་དག་པ་ཅིག་ ཁོང་གཉིས་ཕྱད་མ་ཚུགས་ཏེ་འབད་རུང་ ལས་གནམ་བསྐོས་མ་རྫོགས་པ་ལས་བརྟེན་ཏེ་ ད་རུང་ ལོག་ཕྱད་ནུག ལོག་ཕྱད་པའི་ཤུལ་ལས་ ཨ་ལོ་བུཚུ་ཡང་མངམ་སྦེ་སྐྱེས་ དགའ་སྐྱིད་ལོངས་སུ་སྤྱོད་དེ་སྡོད་སྡོདཔ་གི་ལོ་རྒྱུས་ཡོད་ཟེར་ བོ་ཁུམ་གྱིས་བཤད་པའི་ཁར་ སྲུང་དེ་ སྤྱང་ནང་ཀ་ལུ་ལཱ་ས་འགྱོཝ་ད་ ཨམ་ཀ་ལུམ་གསེས་མི་ལས་ཉན་ཉནམ་ཨིན་ཟེར་ བཤདཔ་ཨིན་པས།