དང་ཕུ་ ཨང་རྒས་དང་ཨ་རྒས་ ཏེ་ཚལ་མ་རྫམ་པར་འགྱོ་འགྱོཝ་མས་ལགས་ ད་ ཚལ་མ་རྫམ་པར་འགྱོཝ་ད་ལུ་ ཏེ་ལམ་ཁར་ཕྱད་ཕྱདཔ་མས་ ཨང་རྒས་ སྟ་རེ་འཕྱོག་ནི་ ཨང་རྒས་ཟོརཝ་འཕྱོག་ནི་རུ་ཀེང་ཀེང་ ཨ་རྒས་སྟ་རེ་འཕྱོག་ནི་ རུ་ཀེང་ཀེང་ཟེར་ སླབ་སླབ་མསས་སྦལཔ་གིས།

དབའི་ ང་བཅས་གཉིས་ལུ་ སྟ་རེ་གཅིག་དང་ ཟོརཝ་གཅིག་ཡོད་མི་འདི་ཡང་ འཕྱོག་ནི་ཟེར་སླབ་མས་ཟེར་ འགྱོ་ཤིག་འགྱོ་ཤིག་ཨ་རྒས་ཟེར་ འགྱོ་ཤིག་འགྱོ་ཤིག་ཨ་རྒས་ཟེར་ ད་ ཨ་རྒས་ཁོང་གཉིས་འགྱོཝ་ཨིན་མས་སྨ་རེ།

ལམ་བདའ་འགྱོཝ་ད་ ཏེ་ལམ་ཁར་ འ་ནཱི་ཨ་ཙི་ཅིག་མགྱོགས་སུ་སྦེ་འགྱོཝ་ད་ སྦུལ་གཅིག་བསྣད་ད་ཨིན་མས་

ཏེ་སྦུལ་གྱིས་ སྒལ་ཏོ་གུ་ སྦུལ་ལུ་བསྣདཝ་ད་ སྦུལ་གྱིས་ཏེ་ ཨང་རྒས་དང་ ཨ་རྒས་ཀྱི་བསྣད་ད་ཡི་ཟེར་ དེ་ལས་ཏེ་ འདྲོག་སྟེ་བྱི་ཅུང་གི་ སྒོང་རྡོག་བཟའ་ད་ནུག

འ་ནཱི་ བྱི་ཅུང་ཟེར་བྱ་འོང་མེན་ན་ལགས་ ཏེ་བྱི་ཅུང་གི་སྒོང་རྡོག་བཟའ་ནུག་ལགས་ ཏེ་བྱི་ཅུང་འདྲོག་སྟེ་ ཏེ་ཏ་མ་ བྱ་དགོ་བོ་གི་མཆོ་ཏོ་གུ་ ཨ་བ་བཏང་ནུག་ལགས།

ད་ བྱ་དགོ་བོ་འདྲོག་སྟེ་ ད་རུང་ ཏེར་ཤའི་རུབ་སྦྱིས་ལུ་ ཏེ་ཆགས་ད་ནུག་ལགས་ ཏེ་ཏེར་ཤ་གི་ བཤེད་མ་ཚུགས་ པར་ ཏེར་ཤའི་བཤེད་མ་ཚུགས་པར་ ཏེ་ཆད་དེ་ཕར་ཀ་ཤའི་སྒལ་ཏོ་གུ་ཕོག་ཆེ་ནུག

ཏེ་ཀ་ཤ་ཙིགཔ་ཟ་སྟེ་ དེ་ལས་ཏེ་ ལེ་ཀོ་མ་སྨད་ཚུ་ཁ་གཏོར་བཏང་བཏངམ་ཨིན་མས་ ཚལ་མ་ནའི་ལེ་ཀོ་མ་སྨད་ཟེར་ཡོད་སྦ་ལགས་ ཏེ་འ་ནཱེ་སྦེ་ ལེ་ཀོ་མ་སྨད་ཚུ་གཏོར་བཏངམ་ད་ དེ་ལས་ཏེ་ ད་ལེ་ཀོ་མ་སྨད་ཚུ་འདྲོག་སྟེ།

དེ་ལས་ཏེ་ རྒྱལ་པོའི་ཐངམ་བརྡལ་བཞག་མི་དེ་ ཐངམ་བཟའ་ད་ནུག་ ཡ་ ཁོང་ཤོག་ཟེར་ ཁོང་ཚུ་ཤོག་ཟེར་སླབ་ད་ ས་ ལྡུམ་རེའི་ས་ཁར་ ངེའི་ཐངམ་མ་བཟའ་བ་ཅིན་ ཏེ་འ་ནཱི་ལེ་ཀོ་མ་སྨད་ཚུ་ བཟའ་ནི་གི་ས་སྒོ་མིན་འདུག་ག་ཟེར་ རྒྱལ་པོ་གིས་ སླབ་སླབ་མས་ལགས།

ཏེ་དེ་ལས་ སླབ་ད་ལུ་ བླ་མ་མཁྱེན་ནོ་རྒྱལ་པོ་ཟེར་ ང་འདི་ འ་ནཱི་ཀ་ཤ་གཅིག་འོང་སྟེ་ ང་བཅས་མ་སྨད་ཚུ་ག་ར་ ཁ་འཕྱེལཝ་ད་ འདྲོག་སྟེ་བཟའ་ཡར་སོང་ཡི་ཟེར་ ཞུ་ནུག་རྒྱལ་པོ་ལུ་ ཀ་ཤ་འཁྱིད་ཤོག་ཟེར་གསུངས་ནུག

ཏེ་ཀ་ཤ་འཁྱིདཔ་འོངམ་ད་ བླ་མ་མཁྱེན་ནོ་རྒྱལ་པོ་ཟེར་ ང་འདི་ ཏེ་ཏེར་ཤ་རུབ་སྦྱིས་ཆད་དེ་ སྒལ་ཏོ་ཁར་ཕོགཔ་ད་འདྲོག་སྟེ་ ཁོང་མ་སྨད་ཚུ་ ཁ་འཕྱེལ་ཡར་སོང་ཡི་ཟེར་ རྒྱལ་པོ་ལུ་ཞུ་ཞུཝ་མས།

ད་ ད་རུང་ ད་ ཏེར་ཤ་རུབ་སྦྱིས་ལུ་ ག་ཅི་ལོ་ ཏེར་ཤ་རུབ་སྦྱིས་འཁྱིད་ཤོག་ཟེར་ ག་ཅི་ལོ་ཨིན་མས་ལགས་ ཏེ་ཏེར་ཤ་རུབ་སྦྱིས་འཁྱིད་ཤོག་ཟེརཝ་ད་ ཁྱོད་ ཁོ་ ཀ་ཤའི་སྒལ་ཏོ་ཁར་མ་བླུག་པ་ཅིན་ ཏེ་གཞན་ས་ལྡུམ་རེ་ས་ལུ་ཨིན་ སྒལ་ཏོ་ ས་ཁར་ཕོག་ནི་གི་ས་སྒོ་མིན་འདུག་ག་ཟེར་ཟེརཝ་མས།

དེ་ལས་ བླ་མ་མཁྱེན་ནོ་ ང་ བྱ་དགོ་བོ་གིས་ཆགས་འོང་ལས་ ཆད་དེ་ཀ་ཤའི་སྒལ་ཏོ་ཁར་ཕོག་ཡི་ཟེར་སླབ་སླབ་མས་ ཏེ་བྱ་དགོ་བོ་འཁྱིད་ཤོག་ཟེར་ རྒྱལ་པོ་གིས་གསུངས་གསུངསམ་མས།

ཏེ་ རྒྱལ་པོ་གིས་ ནཱེ་སྦེ་གསུངས་སྟེ དེ་ལས་ཏེ་ ག་ཅི་ལོ་ད་ རྒྱལ་པོ་གིས་ འ་ནཱེ་སྦེ་གསུངསམ་ད་ དེ་ལས་ཏེ་ བྱ་དགོ་བོ་འཁྱིད་འོང་སྟེ་ བྱ་དགོ་བོ་ཁྱོད་ ཏེ་ཁོ་ལུ་ ག་ཅི་ཅིག་མ་འབད་བ་ཅིན་ ཏེ་འ་ནཱ་ ས་གོ་མིན་འདུག་ག་ཟེར་ཟེརཝ་མས།

བླ་མ་ ང་ བྱི་ཅུང་གིས་ ངེ་མཆོ་ཏོ་གུ་ ཨ་བ་བཏང་བྱིནམ་ལས་ ང་འདྲོག་སྟེ་ དེ་སྦེ་འཛེག་དགོཔ་བྱུང་ཡི་ཟེར་ སླབ་ནུག་ ཏེར་ཤ་རུབ་སྦྱིས་ལུ་ དེ་ལས་ཏེ་ ད་རུང་ར་ ཏེ་འ་ནཱ་ བྱི་ཅུང་འཁྱིད་འོང་འོངམ་མས།

བྱི་ཅུང་གིས་ ལ་ད་ བྱི་ཅུང་ཁྱོད་ ས་ལྡུམ་རའི་ས་འ་ནཱེམ་ཅིག་ནང་ ཏེ་ཁྱོད་ཀྱིས་ བྱ་དགོ་བོ་མཆོ་ཏོ་གུ་ ཨ་བ་མ་བཏང་པ་ཅིན་ ཨ་བ་བཏང་སའི་ ས་སྒོ་མིན་འདུག་ག་ཟེར་ གསུངས་ནུག་རྒྱལ་པོ་གིས།

དེ་ལས་ རྒྱལ་པོ་ཟེར་ ང་འདི་ ད་ད་རུང་ ངེའི་སྒོང་རྡོག་ ཏེ་ལམ་འོག་ལུ་བུད་མི་དང་ ལམ་ལྟག་ལུ་བུད་མི་འདི་ སྦུལ་གྱི་བཟའ་ནུག་ཟེར་ དེ་སྦེ་འབདཝ་ལས་འདྲོག་སྟེ་ དེ་སྦེ་བཏང་དགོཔ་བྱུང་ཡི་ཟེར་སླབ་སྟེ་ དེ་ལས་འདི་ སྦུལ་འཁྱིད་ཤོག་ཟེར།

ཏེ་སྦུལ་འཁྱིད་འོང་སྦེ་བལྟཝ་ད་ ཏེ་སྦུལ་འཁྱིད་འོང་སྦེ་བལྟཝ་ད་ ད་རུང་ ཏེ་སྦུལ་གྱིས་སླབ་ཨིན་མས བླ་མ་ ཨང་རྒས་དང་ཨ་རྒས་འོང་སྟེ་ ངེའི་སྒལ་ཏོ་གུ་ཨེབ་བྱིན་ཏེ་ ད་ང་འདྲོག་སྟེ་ ཁོའི་སྒོང་རྡོག་བཟའ་ ཡར་སོང་ཡི་ཟེར་སླབ་སླབ་མས་ལགས།

དེ་སྦེ་འབདཝ་ད་ ཏེ་ད་རུང་ འ་ནཱི་ ཨང་རྒས་དང་ཨ་རྒས་འཁྱིད་ཤོག་ཟེར་ སླབ་སླབ་ཨིན་མས་ལགས་ ཨང་རྒས་དང་ཨ་རྒས་འཁྱིད་ཤོག་ཟེརཝ་ད་ ཨང་རྒས་དང་ཨ་རྒས་འཁྱིད་དེ་བལྟཝ་ད་ ཁྱོད་ད་ ཁོ་ ས་འ་ནཱེ་ཅིག་ན་ལྡུམ་རེའི་ས་ཁར།

ཏེ་རོགས་སྦུལ་གྱིས་ སྒལ་ཏོ་གུ་ར་ མ་ཨེབ་པ་ཅིན་ ཨེབ་སའི་གོ་མིན་འདུག་ག་ཟེར་ རྒྱལ་པོ་གིས་གསུངས་གསུངསམ་ཨིན་མས་ལགས།

དེ་སྦེ་འབདཝ་ད་ ལ་ ཨང་རྒས་སྟ་རེ་འཕྱོག་ནི་ ཨ་རྒས་སྟ་རེ་འཕྱོག་ནི་རུ་ཀེང་ཀེང་ཟེར་ ཨང་རྒས་ཟོརཝ་འཕྱོག་ནི་རུ་ཀེང་ཀེང་ཟེར་ ང་བཅས་གཉིས་འདི་ སྟ་རེ་གཅིག་ཡོད་མི་ཡང་ ཏེ་འཕྱོག་ནི་ཟེར་ ཟོརཝ་གཅིག་ཡོད་མི་ཡང་ འཕྱོག་ནི་ཨིན་ཟེར་འབདཝ་ལས།

འ་ནཱེ་འབད་ནི་འདི་གིས་ ང་བཅས་གཉིས་ ཨ་ཙི་མགྱོགས་སུ་ཅིག་སྦེ་འགྱོཝ་ད་ ཨེབ་ཡར་སོང་ཡི་རྒྱལ་པོ་ཟེར་ ཞུ་ནུག་ལགས་ ཏེ་དེ་སྦེ་སླབ་མི་ག་སྨོ་ཟེར་སླབ་ནུག

སྦལཔ་ཨིན་ཟེར་སླབ་ནུག་ སྦལཔ་འཁྱིད་ཤོག་ཟེར་ ཏེ་སྦལཔ་ལས་ ཏེ་སྦལཔ་འཁྱིད་འོང་འོངམ་ ཏེ་སྦལཔ་གིས་ སླབ་ནི་ག་ནི་ཡང་མིན་འདུག

སྦལཔ་གིས་ ད་ལྟོ་ ད་ཁོ་ལྗང་ཁུ་གཅིག་ དམརཔོ་གཅིག་ རིགས་མ་འདྲཝ་མ་འདྲཝ་ ལེ་ཤ་ཅིག་ཡོད་ ཏེ་སྒལ་ཏོ་རྒྱ་གྲམ་རྒྱ་གྲམ་རྒྱ་གྲམ་སྦེ་ཡོད་མི་འདི་ སྦལཔ་འདི་ ག་ཅི་སྨོ་ཟེར་བ་ཅིན།

དང་ཕུ་རྒྱལ་པོའི་བཀའ་མ་ཉན་པར་ ཏེ་རྒྱལ་པོ་གིས་ ལྕགས་སྲེག་མེ་བཏང་སྟེ་ དབུར་དབུརཝ་ཨིན་ཟེར་ཞུ་ནི་ དེ་འབདཝ་ད་ ཁོ་གིས་འདི་ རྒྱལ་པོ་ཁྱོད་ལས་ང་སྦོམ་ སྐུ་ཀྲུག་རྐྱེན་ཟེར་འབདཝ་ད།

རྡོའི་འོག་ལུ་འཛུལ་ཏེ་ དེ་ལས་ཏེ་ ང་ལས་ཁྱོད་སྦོམ་ཟེར་བ་ཅིན་ ཡ་ཨ་ནཱི་ ག་ཅི་ལོ་ འ་ནཱ་ ལྕགས་སྲེག་གི་ དབུར་བཏང་བཏངམ་ཨིན་ཟེར་ཞུ་ནི་ལགས།