25 Sep 2014
4 min 28 sec
Video Overview
Creators:
Tibetan & Himalayan Library
Lumo Tsering from Chuma village, Repgong tells the story of the reversal of fortunes of a generous poor man and a greedy rich man.
- གནའ་གནའ་ཞིག་ལ་ས་ཆ་ཞིག་ན།
- ཕྱུག་པོ་ཚང་ཞིག་ཡོད་ནི་རེད།
- དབུལ་བོ་ཚང་ཞིག་ཡོད་ནི་རེད།
- དབུལ་བོ་མ་བུ་གཉིས་ཡོད་ནི་རེད།
- རྒན་མོ་དབུལ་བོ་མ་བུ་གཉིས་ལ་ཟ་རྒྱུ་མེད་པས།
- བུ་ཉིན་རྒྱུན་ནགས་བཏུ་རུ་སོང་ནས།
- ནགས་བཏུས་ནས་ཡོང་སྟེ།
- ནགས་བཙོང་ནས་ཁོ་མ་བུ་གཉིས་ཀྱིས་ཁ་གསོ་ཐབས་བྱས་ནས་བསྡད།
- ཁོ་ལ་བྲོ་ཁ་ཉིན་རྒྱུན་ནགས་ལ་སོང་ན་ཉུང་ཙམ་རེ་ཁྱེར་རྒྱུ་ཡོད་ནི་རེད།
- ནགས་ལ་སོང་ན་ནགས་ལམ་ན་རྡོ་སེང་གེ་ཞིག་ཡོད་ནི་རེད།
- བྲོ་ཁ་གཉིས་སུ་བགོས་ནས་ཕྱེད་ཀ་རྡོ་སེང་གེ་ལ་བྱིན།
- ཕྱེད་ཀ་ཁོ་ཡིས་ཟོས།
- དེ་ལྟར་འཚོ་བ་རོལ་ནས་བསྡད།
- ཉིན་ཞིག་ལ་ཁོ་ཡིས་དེ་ནས་བྲོ་ཁ་བྱིན་ནས།
- ངལ་གསོ་བྱས་ནས་རྡོ་སེང་གེ་ཡི་རྩིབ་ནས།
- ངལ་གསོ་བྱས་ནས་བྲོ་ཁ་ཕྱེད་ཀ་རྡོ་སེང་གེ་ལ་བྱིན་པ་དང་།
- ཕྱེད་ཀ་ཁོ་ཡིས་ཟོས་ནས་བསྡད་དུས།
- དེ་ནས་རྡོ་སེང་གེ་གིས་གསུང་བརྗོད་པ་རེད།
- ཁྱོད་ཀྱིས་ང་ལ་ད་ལྟ་བར་དུ་ཁྱོད་ཀྱི་བྲོ་ཁ་དེ་བྱིན་ནས།
- ངེད་གཉིས་ཀྱིས་མཉམ་ཟ་མཉམ་འཐུང་བྱས་ནས་བསྡད་ནི་རེད།
- ངས་ཀྱང་ཁྱོད་ལ་དྲིན་ལན་མཇལ།
- སང་ཉིན་ནངས་མོར་སྔ་མོ་ནས་ཁྱོད་ཀྱིས་ཁུག་མ་ཆེན་པོ་ཞིག་ཁྱེར་ནས་ཤོག་དང།
- ངས་ཁྱོད་ལ་གསེར་གནང་ཟེར།
- ཡ་་་རྡོ་སེང་གེ་དྲིན་ཆེན་པོ་ཡིས་གསུང་བརྗོད་ཐལ་ཞེས་བཤད་ནས།
- དགའ་ནས་བུ་ཡུལ་ལ་ཡོང་ནས།
- ཨ་མ་་་ང་ལ་རྡོ་སེང་གེ་ཡིས་གསུང་བརྗོད་པ་རེད།
- ང་ལ་སང་ཉིན་རྡོ་སེང་གེ་ཡིས་གསེར་གནང་རྒྱུ་རེད་ཅེས་བཤད་ནས།
- ཧེབ་ཡོད་པ་མ་རེད།
- ཅི་ཡང་མེད་པའི་མི།
- དལ་མོ་བྱས་ནས་ལངས་ཏེ་ཁུག་མ་ཆུང་ཆུང་ཞིག་ཁྱེར་ནས།
- སོང་དུས་རྡོ་སེང་གེ་ཡིས་ངས་ཁ་གདང་ནས་འདུག
- ཁྱོད་ཀྱིས་ངའི་ཁ་ནང་གི་གསེར་ལེན་གི་སྡོད།
- རི་མགོར་ཉི་རྩེ་རྒྱབ་དུས་གསེར་མ་ལེན།
- ངའི་ཁ་དམ་འགྲོ་ནི་རེད།
- ཁྱོད་ཀྱི་ལག་པ་ངའི་ཁ་ནང་ནས་ལུས་འགྲོ་ནི་རེད།
- དེ་ལྟར་བྱས་ན་མ་འགྲིག་ནི་རེད་ཟེར།
- ཡ་་ཞེས་བཤད་དེ་རྡོ་སེང་གེ་ཡིས་ཁ་གདང་ནས་བསྡད།
- བུ་དེས་གསེར་མུ་མཐུད་དུ་བླངས།
- ད་ཆོག་གི་ཨ་ཁུ་རྡོ་སེང་གེ་ལོ་ལོ།
- ངའི་རྩམ་ཁུག་ནང་ན་མང་པོ་ཞིག་བབས་ཡོད་པས་ཆོག་གི་ཟེར།
- ད་རུང་ལོངས་ཟེར།
- དེ་ནས་མུ་མཐུད་དུ་བླངས།
- ཨ་ཁུ་རྡོ་སེང་གེ་ལོ་ལོ་ད་ཆོག་གི་ཟེར།
- ང་ལ་མང་པོ་ཞིག་གནང་ཡོད་པས་ད་ཡིན་ཟེར།
- དེ་ན་ཆོག་ནི་བྱོས།
- ཁྱོད་ཆོག་པ་རེད་དམ་ཅེས་དྲིས།
- ང་ལ་ཆོག་གི་ང་ལ་མང་པོ་ཞིག་གནང་བ་རེད།
- ཨ་ཁུ་རྡོ་སེང་གེ་ལོ་ལོ་ཟེར།
- དེ་ན་རི་མགོར་ཉི་རྩེ་རྒྱག་ལ་ཉེ།
- ཁྱོད་སོང་ནས་མི་གཞན་ལ་མ་བཤད་ཟེར།
- ཡ་ཞེས་བཤད་དེ་བུ་དགའ་ནས་ཡོང་སྟེ།
- གསེར་དེ་ཁ་ཤས་བཙོང་ནས།
- མ་བུ་གཉིས་ཀྱིས་ཁང་བ་ཡང་བསྐྱར་ལས་ནས།
- ནང་ལ་སྣོད་ཇ་ལག་བསྒྲིགས་ནས།
- ཁོ་གཉིས་ལ་གོན་པ་གསར་བ་ཉོས་ནས།
- ཟ་མ་བསྒྲིགས་ནས་ཁོ་གཉིས་ཀྱིས་འཚོ་བ་སྐྱིད་པོ་རོལ་ནས་བསྡད་པས།
- ཕྱུག་པོ་ཚང་ཡ་མཚར་ནས།
- དེ་ཚང་གིས་ཉིན་རྒྱུན་ནགས་ཏག་ཏག་བཏུས་ནས་བསྡད་ཡོད།
- གློ་བུར་དུ་དེ་འདྲའི་ཕྱུག་པོ་ཚང་ཞིག་ཏུ་ཅི་ལྟར་གྱུར་ཞེས།
- ཡོང་ནས་བུ་དེ་ལ་དྲིས།
- དྲིས་པས་བུ་དྲང་མོ་ཡིན་པས་བཤད་པ་རེད།
- ང་ནགས་ལ་སོང་ནས།
- ཨ་ཁུ་རྡོ་སེང་གེ་ཡིས་ང་ལ་གསེར་གནང་བས།
- ངེད་མ་བུ་གཉིས་འདི་འདྲའི་ཕྱུག་པོ་ཞིག་ཏུ་གྱུར་བ་ཡིན།
- ཕྱུག་པོ་ཚང་གི་བུ་དེས་ལད་མོ་བྱས་ནས།
- ཉིན་རྒྱུན་ནགས་ལ་སོང་ནས།
- བྲོ་ཁ་ཕྱེད་ཀ་རྡོ་སེང་གེ་ལ་བྱིན།
- ཕྱེད་ཀ་ཁོ་ཡིས་ཟོས།
- བུ་གཞན་པ་དེས་ལད་མོ་བྱས་ནས།
- ཉིན་ཞིག་རྡོ་སེང་གེ་ཡིས་ཁྱོད་ཤོག་དང་སང་ཉིན་ངས་ཁྱོད་ལ་གསེར་གནང་ཟེར།
- ཡ་ཞེས་བཤད་དེ་ནངས་མོར་སྔ་མོ་ནས་ཁུག་མ་ཆེན་པོ་ཞིག་འཁུར་ནས།
- ཧེབ་རྐྱལ་ཡིན་པས་སོང་ནས།
- རྡོ་སེང་གེ་ཡིས་ངས་ཁ་གདང་ནས་འདུག
- ཁྱོད་ཀྱིས་མུ་མཐུད་དུ་ལེན་གི་སྡོད།
- རི་མགོར་ཉི་རྩེ་རྒྱབ་ནས་ཡོང་དུས་ཁྱོད་ཀྱིས་མ་ལེན།
- ངའི་ཁ་ནང་ནས་ཁྱོད་ཀྱི་ལག་པ་ལུས་འགྲོ་ནི་རེད།
- ངའི་ཁ་དམ་འགྲོ་ནི་རེད།
- ཁྱོད་མ་འགྲིག་ནི་རེད་ཟེར།
- ཡ་ཞེས་བཤད་ནས་མུ་མཐུད་དུ་བླངས།
- ད་ཆོག་གི་་་རི་མགོར་ཉི་རྩེ་རྒྱག་ལ་ཉེ་བས་ཆོག་གི་ཟེར།
- ཨ་ཁུ་རྡོ་སེང་གེ་ཡིས་དེ་ལྟར་བཤད་རུང་བུ་དེ་ཧེབ་རྐྱལ་ཡིན་པས།
- ཨ་ཁུ་རྡོ་སེང་གེ་ལོ་ལོ་ང་ལ་ད་རུང་གནོངས་ཟེར།
- ཡང་མུ་མཐུད་དུ་བླངས།
- ད་ལྟ་རི་མགོར་ཉི་རྩེ་རྒྱབ་ཡོད་པས་ཆོག་གི་ཟེར།
- ཧེབ་རྐྱལ་ཡིན་པས་ཡང་བསྐྱར་ངས་ལེན་དགོས་ཞེས་བཤད་དེ།
- ཡང་བསྐྱར་བླངས་པས་ཁོའི་ལག་པ།
- རྡོ་སེང་གེ་ཡིས་ཁ་དམ་སོང་བ་རེད།
- ཁོའི་ལག་པ་ཁའི་ནང་ནས་ལུས་ཏེ་དེ་ལྟར་བུ་དེ་ཤི་སོང་།
- ཧེབ་རྐྱལ་ཡིན་པས་དེ་ལྟར་བརླག་པ་རེད།
- དེ་ལྟར་ཚར་སོང་།
Loading ... Collection:
Subcollection
- Northeastern Tibet (Amdo) Collections
- Oral Traditions
Subject
- Folklore
- Folk Story
Recording Location
- Repgong
Language
- Amdo Group
Producer:
Tibetan & Himalayan Library
Director:
Dudul Dorjee
Cinematographer:
Dudul Dorjee
Cinematographer:
Tsedan Rgyal
Editor:
Yidam Tsering
Editor:
Dudul Dorjee
Contributing Performer:
Lumo Tsering
Data Entry:
Visibility:
Public (group default)
Shanti AV Id:
2242
