09 Dec 2014
11 min 26 sec
Video Overview
Creators:
Yeshi Wangchuk
གཞལམ་སྒང་ཆ་འོག་ ཁེངས་བུ་ལི་ལུ་ཡོད་པའི་བར་ལྷ་ཁང་གི་སྐོར་ ཕུན་ཚོགས་དོན་གྲུབ་ཀྱིས་བཤད་མི་ནང་ བར་ལྷ་ཁང་འདི་ གཏེར་སྟོན་བཞི་པ་ རིག་འཛིན་པདྨ་གླིང་པའི་གདན་ས་ཨིན་པས། འདི་ནང་ སྐུ་རྟེན་དང་ལྡེབས་རིས་ཚུ་ རེ་རེ་བཞིན་དུ་སྦེ་གསོལ་སྟོན་འབད་དེ་བཤད་པ་རྐྱབ་ཨིན་པས། འདི་ནང་གི་རྟེན་ཚུ་ཡང་ གུ་རུ་དྲག་དམར་གྱིས་གཙོས་པའི་པདྨ་གླིང་པའི་སྐུ་འདྲ་ དེ་ལས་ གཞན་ཁར་མེད་པའི་ལྡེབ་རིས་ཅིག་ པདྨ་གླིང་པ་ ས་གནས་དེ་ཁར་མགར་བའི་ཕྱག་ལཱ་མཛད་སར་ གུ་རུ་རིན་པོ་ཆེ་དགེ་བཤེས་ཅིག་ལུ་སྤྲུལ་ཏེ་ པདྨ་གླིང་པ་དང་གཅིག་ཁར་གསུང་གྲོས་གནང་པའི་ལྡེབ་རིས་ཚུ་ཡང་ ཡ་མཚན་ཆེ་ཏོག་ཏོ་སྦེ་མཇལ་ནི་འདུག
Phuntsho Dendup shares an account of Buli temple. It was said that the temple was the residence of Pema Lingpa, a great treasure discoverer from the Bumthang region. He shares about the statues and the wall painting of the temple in great detail. It houses the residence of the wrathful Guru as a central statue, accompanied by Pema Lingpa and other statues. The statue of Pema Lingpa can be seen while he was working as a blacksmith, talking with Guru Rinpoche in the form of a Buddhist scholar.
- Juli
- ཕུན་ཚོགས་དོན་གྲུབ་/Phuntsho Dendup:ད་འ་ནཱི་ བར་ལྷ་ཁང་འདི་ གཏེར་བཏོན་བཞི་པ་ རིག་འཛིན་པདྨ་གླིང་པ་གི་ གདན་ས་འདི་ ཨ་ནཱ་ཨིན་པས་ཟེར་ ཞུ་ནི་ཨིན་ལགས།
- ཕུན་ཚོགས་དོན་གྲུབ་/Phuntsho Dendup:ལགས་སོ། ཨ་ནཱི་འདི་ ང་བཅས་ར་ འབྲུག་ལུགས་ གུ་རུ་དྲག་དམར་ཟེར་མི་འདི་ ནཱ་ལུ་ རྟེན་ངོ་མ་ ངོ་མ་རང་ འ་ནཱི་ གུ་རུ༌དྲག་དམར་འདི་ཨིན་ཟེར་ ཞུ་ནི་ཨིན་ལགས།
- ཕུན་ཚོགས་དོན་གྲུབ་/Phuntsho Dendup:འ་ནཱི་ གུ་རུ༌དྲག་དམར་འདི་ གནམ་མེད་ས་མེད་ བཀའ་གཉན་དྲགས་ བྱིན་རླབས་ཆེ་དྲགས་ཅིག་ཨིན་ཟེར་ ང་བཅས་རའི་ ཕམ་འདི་ཚུ་གིས་ དེ་སྦེ་སླབ་དེས།
- ཕུན་ཚོགས་དོན་གྲུབ་/Phuntsho Dendup:འ་ནཱི་གི་ ནང་སྐོར་ནང་ལུ་ ཐུགས་ཁར་ ཡེ་ཤེས་སེམས་དཔའ་འདི་ གྲུབ་ཐོབ་ཆོས་དབྱིངས་རང་གྲོལ་གྱི་སྤྲུལ་སྐུ་
- ཕུན་ཚོགས་དོན་གྲུབ་/Phuntsho Dendup:ཆུ་བྲག་བླ་མ་ བསོད་ནམས་རྒྱལ་མཚན་གྱིས་ རྡོ་འདི་ ཨ་ནཱི་ ཕྱག་པར་འདི་ ཨ་ནཱི་ གུ་རུ་དྲག་པོ་གི་ ཐུགས་ཁར་དུ་ ཡེ་ཤེས་སེམས་དཔའ་སྦེ་ ཕུལ་ཡི་ཟེར་ ང་བཅས་ཀྱི་ ཕམ་བཟང་པོ་འདི་ཚུ་གིས་ དེ་སྦེ་ཞུཝ་མས་ལགས།
- ཕུན་ཚོགས་དོན་གྲུབ་/Phuntsho Dendup:ད་ནཱེ་ཞུཝ་ལས་བརྟེན་ཏེ་གི་ ང་བཅས་ར་ བུ་ལི་གཡུས་སྒོ་འདི་གིས་ གུ་རུ་དྲག་དམར་འདི་ གནམ་མེད་ས་མེད་ཀྱི་ བཀའ་གཉན་དྲགས་ བྱིན་རླབས་ཆེ་དྲགས་འདི་ རྟེན་གཙོ་བོ་འདི་ ནཱེ་ཨིན་ཟེར་ ཞུ་ནི་སྦེ་ཨིན་ལགས།
- ཕུན་ཚོགས་དོན་གྲུབ་/Phuntsho Dendup:དེ་ལས་འ་ནཱི་འདི་ འ་ནཱི་འདི་ལགས་ ང་བཅས་ར་ ད་རེས་ནངས་པ་གི་ གསརཔ་བསྒྲུབས་བསྒྲུབས་པའི་ གུ་རུ་སྣང་སྲིད་ཟིལ་གནོན་ཨིན་ཟེར་ ཞུ་ནི་སྦེ་ཨིན་ལགས།
- ཕུན་ཚོགས་དོན་གྲུབ་/Phuntsho Dendup:འ་ནཱི་འདི་ ང་བཅས་ར་ འབྲུག་རྒྱལ་དང་པོ་ གོང་ས་ཨོ་རྒྱན་དབང་ཕྱུག་མཆོག་གིས་ ཆུ་བྲག་བླམ་ བསོད་ནམས་རྒྱལ་མཚན་ལུ་ གནང་པའི་གི་ ཕྱག་སྟོང་སྤྱན་སྟོང་གི་ སྐུ་འདི་ འ་ནཱི་ཨིན་ཟེར་ ཞུ་ནི་སྦེ་ཨིན་ལགས།
- ཕུན་ཚོགས་དོན་གྲུབ་/Phuntsho Dendup:འ་ནཱི་འདི་ ང་བཅས་ གུ་རུ་སྣང་སྲིད་ཟིལ་གནོན་གྱི་ སྐུ་དེ་འདི་ཨིན་ཟེར་ ཞུ་ནི་སྦེ་ཨིན་ལགས།
- ཕུན་ཚོགས་དོན་གྲུབ་/Phuntsho Dendup:གཏེར་བཏོན་པདྨ་གླིང་པ་གི་ སྐུ་འདི་ འ་ནཱི་ཨིན་ཟེར་ ཞུ་ནི་སྦེ་ཨིན་ལགས།
- ཕུན་ཚོགས་དོན་གྲུབ་/Phuntsho Dendup:འ་ནཱི་འདི་ མགོན་ཁང་གསརཔ་ཨིན་ལགས། ང་བཅས་ར་ དཔལ་མི་དབང་མངའ་བདག་རིན་པོ་ཆེ་དང་ རྒྱལ་བཙུན་གྱིས་ མགོནམ་སྐྱབས་བྲལ་གསུམ་གྱི་ སྐུ་དང་ བཀའ་ཁྲབ་འདི་ཚུ་ ནཱ་གནང་ནི་སྦེ་ ཐུགས་བསྐྱེད་ཞལ་ཀྱིས་བཞེས་ཚར་ཡི། ད་ ད་རེས་ནངས་པ་རང་ ནཱ་ལྷོད་ནི་སྦེ་ཨིན་ཟེར་ ཞུ་ནི་སྦེ་ཨིན་ལགས།
- ཕུན་ཚོགས་དོན་གྲུབ་/Phuntsho Dendup:རྟེན་གཙོ་བོ་འདི་ འབྲུག་ལུགས་ གུ་རུ་དྲག་དམར་འབད་ནི་དེ་གིས་ ང་བཅས་ནཱ་ལུ་ ཚེས་བཅུ་གནང་པའི་སྐབས་ལུ་ གུར་དྲག་གི་གཏོརམ་འདི་ འ་ནཱི་ཨིན་ལགས།
- ཕུན་ཚོགས་དོན་གྲུབ་/Phuntsho Dendup:འ་ནཱི་འདི་ ཕྱག་སྟོང་སྤྱན་སྟོང་གི་ ཞིང་ཁམས་འདི་ འ་ནཱི་སྦེ་ཨིན། ང་བཅས་ ལོ་བསྟར་བཞིན་དུ་སྦེ་བསྙུང་གནས་ཚོགས་གནང་དོ་ ཏེ ་ཉུང་གནས་ཚོགས་པའི་སྐབས་ལུ་ ཏེ་ ཕྱག་སྟོང་སྤྱན་སྟོང་གི་སྐུ་འདི་ ཞིང་ཁམས་འདི་ འ་ནཱི་ཨིན་ཟེར་ ཞུ་ནི་སྦེ་ཨིན་ལགས།
- ཕུན་ཚོགས་དོན་གྲུབ་/Phuntsho Dendup:འ་ནཱི་འདི་ ང་བཅས་ར་ ལྷ་ཁང་འདི་ནང་ལུ་ ཟླཝ་དང་པ་ལས་ འགོ་བཙུགས་ཏེ་ ཟླཝ་ ༡༢ པ་ཚུན་ཚོད་ ལོ་གཅིག་གི་རིང་ལུ་ ཚེས་བཅུ་འདི་ ཟླཝ་གཅིག་ཡང་ མ་ཆདཔ་སྦེ་གནང་ནི་ཡོད། ཏེ་ གུ་རུ་རིན་པོ་ཆེ་གི་ གུ་རུ་མཚན་བརྒྱད་ཀྱི་ ལྷ་ཚོགས་ཨིན་ཟེར་ ཞུ་ནི་སྦེ་ཨིན་ལགས།
- ཕུན་ཚོགས་དོན་གྲུབ་/Phuntsho Dendup:ནཱ་ལུ་ གདན་ས་བཅགས་མི་ གྲུབ་ཐོབ་ཆོས་དབྱིངས་རང་གྲོལ་གི་སྐུ་འདི་ ལྡེབས་རི་འདི་ འ་ནཱི་ཨིན་ཟེར་ ཞུ་ནི་སྦེ་ཨིན་ལགས། འ་ནཱི་གི་ ཡང་སྲས་འདི་ ད་འ་ནཱ་ལྷ་ཁང་ གདན་ས་བཅགས་མི་ ཧེ་མ་ ལྷ་ཁང་རྙིངམ་འདི་ འདོམ་བཞི་འབད་མི་ཡོད་ལགས།
- ཕུན་ཚོགས་དོན་གྲུབ་/Phuntsho Dendup:འདི་འདོམ་བཞི་འབད་མི་འདི་ ཉམས་ཆགས་ཤོར་ཞིནམ་ན་ལས་ ཏེ་ ང་བཅས་ར་ རྒེད་འོག་བདག་སྐྱོང་ མཁྱེན་སྤྲུལ་དགའ་རབ་རྡོ་རྗེ་ མི་སེར་འབད་ གསརཔ་བཞེངས་མི་གི་ལྷ་ཁང་འདི་ འ་ནཱི་ཨིན།
- ཕུན་ཚོགས་དོན་གྲུབ་/Phuntsho Dendup:ད་ཧེ་མ་ ང་བཅས་ར་ གདན་ས་བཅགས་མི་འདི་ ཆུ་བྲག་ བླམ་བསོད་ནམས་རྒྱལ་མཚན་ ཁོ་གིས་ གདན་ས་ བཅགས་གནང་གནངམ་ཨིན་པས་ཟེར་ ཞུ་ནི་སྦེ་ཨིན་ལགས།
- ཕུན་ཚོགས་དོན་གྲུབ་/Phuntsho Dendup:ལྷ་ཁང་རྙིངམ་འདི་ ཉམས་ཆགས་ཤོར་ འ་ནཱི་འདི་ ང་བཅས་ར་གིས་ གསརཔ་བཞེངས་བཞེངས་པའི་ གསརཔ་བསྒྲུབས་བསྒྲུབས་པའི་ ད་ཅི་ གོང་ཞུ་དོ་བཟུམ་འ་ནཱི་ཨིན་ཟེར་ ཞུ་ནི་སྦེ་ཨིན་ལགས།
- ཕུན་ཚོགས་དོན་གྲུབ་/Phuntsho Dendup:ཨ་ནཱི་བསྐོར་ཏེ་གིས་ བཞུགས་མི་འདི་ གྲུབ་ཐོབ་ཆོས་དབྱིངས་རང་གྲོལ་གྱི་ བླ་བརྒྱུད་འདི་ཚུ་ཨིན་པས་ཟེར་ ཞུ་ནི་སྦེ་ཨིན་ལགས།
- ཕུན་ཚོགས་དོན་གྲུབ་/Phuntsho Dendup:ཕུར་པ་གནམ་ལྕགས་སྤུ་གྲི་ ཡིད་དམ་ཀི་ལ་ཡ་ཟེར་མི་འདི་ འ་ནཱི་ཨིན་པས། ད་ཚེ་དཔག་མེད་དང་ དེ་ལས་ ང་བཅས་ར་ སྒྲོལ་དཀར་ རྣམ་འཇོམས་ ཚེ་ལྷ་རྣམ་གསུམ་འདི་ཨིན་པས་ཟེར་ ཞུ་ནི་སྦེ་ཨིན།
- ཕུན་ཚོགས་དོན་གྲུབ་/Phuntsho Dendup:འ་ནཱི་ ཀུན་མཁྱེན་ཀློང་ཆེན་རབ་འབྱམས་ ཀུན་མཁྱེན་འཇིགས་མེད་གླིང་པ་ བྱམས་མགོན་མི་ཕམ་ ཀློང་ཆེན་ཡབ་སྲས་གསུམ་འདི་ འ་ནཱི་ཨིན་ལགས།
- ཕུན་ཚོགས་དོན་གྲུབ་/Phuntsho Dendup:གཏེར་བཏོན་པདྨ་གླིང་པ། ཐུགས་ཟླ་བ་རྒྱལ་མཚན། རིག་འཛིན་པདྨ་འཕྲིན་ལས། པད་གླིང་ཡབ་སྲས་གསུམ་འདི་ འ་ནཱི་ཨིན་ཟེར་ ཞུ་ནི་སྦེ་ཨིན་ལགས།
- ཕུན་ཚོགས་དོན་གྲུབ་/Phuntsho Dendup:ད་ཅི་གི་མར་ གོང་ལུ་ཞུ་མི་ གཏེར་བཏོན་པདྨ་གླིང་པ་ མར་ལུ་ མགར་ཚང་ནང་ལུ་ དབུ་གུར་ནང་ལུ་སྦེ་ གུར་སྤུབས་བཞུགསཔ་ད་
- ཕུན་ཚོགས་དོན་གྲུབ་/Phuntsho Dendup:གུ་རུ་རིན་པོ་ཆེ་ དགེ་བཤེས་ཀྱི་ རྣམ་པ་སྤྲུལ་ཏེ་གིས་སྦེ་ བཀའ་རྫོགས་པ་ཆེན་པོ་གི་ དམ་ཅན་འདི་ཚུ་གནང་ མཁའ་འགྲོ་གི་ ལུང་བསྟན་དང་ འཁྲིལ་འཁྲིལ་བའི་ ཆོས་འདི་གསུང་དགོཔ་སྦེ་ གུ་རུ་རིན་པོ་ཆེ་གིས་ དགེ་བཤེས་ཀྱི་ རྣམ་པ་སྤྲུལ་ཏེ་གིས་ གཏེར་བཏོན་པདྨ་གླིང་པ་ལུ་ གསུངས་པའི་སྐབས་ལུ་
- ཕུན་ཚོགས་དོན་གྲུབ་/Phuntsho Dendup:ཏེ་ ང་བཅས་ ནཱ་ལས་ ཁེངས་བུ་ལི་ལས་ ཨའི་ཚེ་དབང་སྐྱིད་ཟེར་མི་འདི་ མོ་ཨིན་པས། ཏེ་ མོ་གིས་ མཐོང་ཞིནམ་ན་ལས་ དགེ་བཤེས་ཅིག་དང་ གཏེར་བཏོན་པདྨ་གླིང་པ་ ནཱ་གསུང་གྲོས་གནང་ས་ མོ་གིས་མཇལ་སྦེ་ དེ་ལས་ གཡུས་ཁའི་ མི་འདི་ཚུ་ལུ་
- ཕུན་ཚོགས་དོན་གྲུབ་/Phuntsho Dendup:ད་ཅི་གོང་ལུ་ ཞུ་དོ་བཟུམ་ གཏེར་བཏོན་པདྨ་གླིང་པ་འབད་སར་ མགྱོནམ་ཅིག་ལྷོད་ཅི་ཟེར་ ང་བཅས་ར་ ཆང་གི་ཆང་འབག་ དེ་ལས་ སྒོང་རྡོག་དང་ ཛརཝ་འབག་ དེ་ལས་ཆུམ་འབག་ དེ་ ཤིང་འབྲས་རྣམ་པ་སྣ་ཚོགས་འབག་ དེ་ལས་ འ་ནཱི་འདི་ཚུ་ག་ར་ འབག་ཞིནམ་ན་ལས་
- ཕུན་ཚོགས་དོན་གྲུབ་/Phuntsho Dendup:འདི་ཚུ་ ཨ་ནཱི་ ཁོང་གིས་ འབག་ཞིནམ་ན་ལས་ གཏེར་བཏོན་པདྨ་གླིང་པ་གི་ སྐུ་མདུན་ལུ་ འ་ནཱི་བཅར་པའི་བསྒང་ལུ་ དབུ་གུར་ནང་ལུ་ ལྷོདཔ་ཅིག་ ཨ་ནཱི་ དགེ་བཤེས་འདི་ཡལ་སོང་ནུག ཏེ་ ཡལ་སོང་ཞིནམ་ན་ལས་ མོ་གིས་ ཁྱོད་ ད་ལྟོ་ནཱ་ཡོད་མི་གི་ མགྱོནམ་འདི་ ག་ཏེ་ཡར་སོང་ཡི་ག་ཟེར་ ཞུ་བའི་བསྒང་ལུ།
- ཕུན་ཚོགས་དོན་གྲུབ་/Phuntsho Dendup:གུ་རུ་རིན་པོ་ཆེ་འདི་ ཞལ་ཉིམ་གི་ཟེར་ལུ་འཛེག་ཏེ་གིས་སྦེ་ གསུང་གྲོས་གནང་བཞུགས་ནུག་ཟེར་ དེ་ལས་ ཨའི་ཚེ་དབང་སྐྱིད་ཟེར་མི་འདི་ མོ་ཨིན་པས། མོ་གིས་ཏེ་ ད་ལྟོ་ཡོད་མི་ མགྱོནམ་འདི་ ག་ཏེ་ཡར་སོང་ཡི་ག་ ཁྱོད་ག་དང་གཅིག་ཁར་ གསུང་གྲོས་གནང་སྨོ? ད་ལྟོ་གི་མགྱོནམ་འདི་ ག་སྨོ་ཟེར་དྲི་བའི་བསྒང་ལུ་
- ཕུན་ཚོགས་དོན་གྲུབ་/Phuntsho Dendup:གཏེར་བཏོན་པདྨ་གླིང་པ་གིས་ ཨའི་ཚེ་དབང་སྐྱིད་ལུ་ ཨའི་ཚེ་དབང་སྐྱིད་དང་ ཨམ་ཆ་ཁྱབ་ལུ་ ད་ལྟོ་ ནཱ་གསུང་གྲོས་གནང་མི་འདི་ གུ་རུ་རིན་པོ་ཆེ་ཨིནམ་འདྲེས་ཟེར་ ནཱེ་སྦེ་ཞུ་ཞིནམ་ན་ལས།
- ཕུན་ཚོགས་དོན་གྲུབ་/Phuntsho Dendup:ཏེ་ མོ་(ཁོང)འདི་ཚུ་ ཨ་ནཱི་ག་ར་ སེམས་སྙིང་ནང་ལས་རང་ སྐྱོ་བ་བསྐྱེད་དེ་ ང་བཅས་ གཡུས་འདི་ནང་ལུ་སྐྱེས་ཏེ་ ལྷ་བཟང་ནུག་ཟེར་
- ཕུན་ཚོགས་དོན་གྲུབ་/Phuntsho Dendup:ལྷག་པར་དུ་ཡང་ བཛྲ་གུ་རུ་བགྱངས་ གུ་རུ་རིན་པོ་ཆེའི་ གསོལ་འདེབས་ཕུལ་ཏེ་ གཡུས་འདི་ནང་གི་ འ་ནཱི་འདི་ཚུ་ གནམ་གང་ དུས་བཟང་ ཚེས་བཟང་འདི་ཚུ་ནང་ འ་ནཱི་འདི་ཚུ་ག་ར་ གཏེར་བཏོན་པདྨ་གླིང་པ་ སྒར་བའི་གི་ཕྱག་ལཱ་
- ཕུན་ཚོགས་དོན་གྲུབ་/Phuntsho Dendup:དྲིལ་བུ་ སྒོ་ལང་ བུམ་པ་ འ་ནཱི་འདི་ཚུ་ ཕྱག་ལཱ་ནམ་པའི་སྐབས་ལུ་ འ་ནཱི་འདི་ཚུ་ག་ར་ གཏེར་བཏོན་པདྨ་གླིང་པ་ འ་ནཱེ་སྦེ་ གསུང་ཞིནམ་ན་ལས་ ཆོས་སེམས་ལྷག་པར་དུ་ འགྱུར་ཏེ་གིས་སྦེ་ ཁོང་ཚུ་ མ་འདྲཝ་སྦེ་རང་ ནཱ་ལུ་ བསམ་པ་འདི་ཚུ་ག་ར་ ཆོས་ལུ་འགྱུར་ཏེ་གིས་སྦེ་ འ་ནཱེ་སྦེ་ བཞུགས་པའི་ལོ་རྒྱུས་འདི་ ད་ལྟོ་ གསལ་རི་རི་འདུག་ཟེར་ ཞུ་ནི་ཨིན་ལགས།
- ཕུན་ཚོགས་དོན་གྲུབ་/Phuntsho Dendup:འ་ནཱི་འདི་ སངས་རྒྱས་ཤཱཀྱ་ཐུབ་པ་ བསྟན་པ་ཤཱཀྱ་ཐུབ་པ་ གཡས་ཤཱ་རི་བུ་དང་ གཡོན་མངྒལ་གི་བུ་
- ཕུན་ཚོགས་དོན་གྲུབ་/Phuntsho Dendup:འཕགས་པ་ཐུགས་རྗེ་ཆེན་པོ་ གཡས་མུ་ཏིག་གི་ཕྲེང་བ་འཛིན་པ། གཡོན་ཨུཏྤལ་སྔོན་པོ་རྣམས་པ། ནོར་བུ་པདྨ་ཅན་ཕྱག་ན་འཛིན་པ། དབུ་ལ་བཅུ་གསུམ་མངའ་བའི་རྒྱན་གསོལ་བ། རི་དྭགས་ཀྱི་པགས་པ་ནུ་མ་གཡོན་པ་བཀབ་པ་ ལང་ཚོ་ལྡན་པ་ཟེར་ ཨ་ནཱི།
- ཕུན་ཚོགས་དོན་གྲུབ་/Phuntsho Dendup:སྤྱན་རས་གཟིགས་འདི་ འཇམ་དབྱངསཕྱག་ན་རྡོ་རྗེ་སྤྱན་རས་གཟིགས། །རིགས་གསུམ་མགོན་པའི་སྐུ་འདི་ནཱེ་ཨིན་པས་ཟེར་ ཞུ་ནི་སྦེ་ཨིན་ལགས།
- ཕུན་ཚོགས་དོན་གྲུབ་/Phuntsho Dendup:འ་ནཱི་འདི་ ཀར་གླིང་ཞི་ཁྲོ་གི་ལྷ་ཚོགས་ཨིན་ལགས། ཆོས་སྐུ་ཀུན་ཏུ་བཟང་པོ་ འ་ནཱ་ལས་སྦེ་དེནི་ཏེ་ ཤར་ན་ རྡོ་རྗེ་སེམས་དཔའ་གི་ཞིང་ཁམས་ ལྷོ་ན་ རིན་ཆེན་བྱུང་གནས་ཀྱི་ཞིང་ཁམས་ ནུབ་ན་ སྣང་བ་མཐའ་ཡས་ཀྱི་ཞིང་ཁམས་ བྱང་ན་ དོན་ཡོན་གྲུབ་པའི་ཞིང་ཁམས་ དབུས་རྣམ་པ་སྣང་མཛད་ཀྱི་ཞིང་ཁམས།
- ཕུན་ཚོགས་དོན་གྲུབ་/Phuntsho Dendup:ཞི་བ་ཞི་བཅུ་རྩ་གཉིས་ཀྱི་ ལྷ་ཚོགས་འདི་ ཏེ་ མ་པ་ཞི་ཁྲོའི་ལྷ་ཚོགས་འབདཝ་ད་ ང་བཅས་ ནཱ་ཡོད་མི་འདི་ ཞི་ཁྲོ་རྣམ་པ་སྣ་ཚོགས་ཡོད་ལགས། ཨ་ནཱི་འདི་ ཀར་གྲིང་ཞི་ཁྲོ་གི་ལྷ་ཚོགས་ ཞི་བ་ཞི་བཅུ་རྩ་གཉིས་ཨིན་ཟེར་ ཞུ་ནི་སྦེ་ཨིན་ལགས།
- ཕུན་ཚོགས་དོན་གྲུབ་/Phuntsho Dendup:ཁྲག་སྟོང་ལྔ་བཅུ་རྩ་བརྒྱད་ཁྲོ་བའི་ལྷ་ཚོགས་འདི་ཨིན་ཟེར་ ཞུ་ནི་ཨིན་ལགས། ཀར་གླིང་ཞི་ཁྲོ་གི་ ཤར་བཛྲ་ཧེ་རུ་ཀ་ ལྷོ་ན་རོལ་ན་ཧེ་རུ་ཀ ནུབ་ན་པདྨ་ཧེ་རུ་ཀ བྱང་ན་ཀརྨ་ཧེ་རུ་ཀ དབུས་ན་བུདྡྷ་ཧེ་རུ་ཀ ཞལ་གསུམ་ཕྱག་དྲུག་ ད་ཁྲོ་བའི་ལྷ་ཚོགས་འདི་ ཞི་བ་ཞི་བཅུ་རྩ་གཉིས་ཨ་ཕི་ཨིན། ཁྲག་སྟོང་ལྔ་བཅུ་རྩ་བརྒྱད་འདི་ འ་ནཱི་ཨིན་ཟེར་ ཞུ་ནི་ཨིན་ལགས།
- ཕུན་ཚོགས་དོན་གྲུབ་/Phuntsho Dendup:འ་ནཱི་ ནོར་ལྷ་འབད་རུང་འདྲ། མིའི་ལྷ་འབད་རུངའདྲ རྣམ་སྲས་ཟེར་མི་འདི་ འ་ནཱི་ཨིན་ལགས། ང་བཅས་ར་ ཚེ་རིང་མོ་ཟེར་མི་འདི་ འ་ནཱི་ཨིན་ལགས། ཇོ་མོ་བཀྲིས་ཚེ་རིང་མོ།
- ཕུན་ཚོགས་དོན་གྲུབ་/Phuntsho Dendup:ཕྱག་གཡས་གསེར་གྱི་རྡོ་རྗེ་ ནམ་མཁའ་ལ་བཞེས་ཞིང་ཟེར། སེང་གེ་དཀར་མོ་ལ་ཆིབས་པ། གཡོན་འཆི་མེད་ཚེའི་བུམ་པ་འཛིན་པ། ཚེ་རིང་མོའི་ལྷ་ཨིན་པས་ཟེར་ ཞུ་ནི་སྦེ་ཨིན་ལགས།
- ཕུན་ཚོགས་དོན་གྲུབ་/Phuntsho Dendup:ང་བཅས་ ནཱ་ལུ་ ཡར་རིན་པོ་ཆེ་གི་ དགོན་པ་སྔ་འགྱུར་མདོ་སྔགས་ཕན་བདེ་གླིང་ལུ་འབད་རུང་ ཞིང་སྒྲུབ་གནང་ནི་ཡོད། དང་ཕུ་འབདན་ ང་བཅས་གནང་པའི་ ད་རེས་ནངས་པ་ དགེ་འདུན་གྱི་སྡེ་ ཡར་འབད་ཞིནམ་ན་ལས་ ཞིང་སྒྲུབ་ནཱ་ཡང་གནང་དོ། ཡར་ཡང་གནང་དོ། འ་ནཱི་འདི་ ང་བཅས་ར་ སངས་རྒྱས་འོད་དཔག་མེད་ཀྱི་ ཞིང་ཁམས་འདི།
- ཕུན་ཚོགས་དོན་གྲུབ་/Phuntsho Dendup:ངོ་མཚར་སངས་རྒྱས་སྣང་བ་མཐའ་ཡས་དང་། །གཡས་སུ་ཇོ་བོ་ཐུགས་རྗེ་ཆེན་པོ་དང་། །གཡོན་དུ་སེམས་དཔའ་ཐུགས་རྗེ་ཐོགས་རྣམས་ལ། །སངས་རྒྱས་བྱང་སེམས་དཔག་མེད་འཁོར་གྱིས་བསྐོར། །ཟེར་ཨ་ནཱི་
- ཕུན་ཚོགས་དོན་གྲུབ་/Phuntsho Dendup:ཏེ་ ཞལ་གཅིག་ཕྱག་གཉིས་ རྣམ་གཞག་ལྷུང་བཟེད་འཛིན་པའི་ ནུབ་ཕྱོགས་བདེ་བ་ཅན་གྱི་ཞིང་ཁམས་ སངས་རྒྱས་འོད་དཔག་མེད་ཀྱི་ ཞིང་ཁམས་འདི་ ང་བཅས་ ཞིང་བསྒྲུབ་གནང་པའི་གི་སྐབས་སུ་ལུ་ མི་འདི་ཚུ་ བསྐྱེད་རིམ་བསྒོམ་ཐངས་ ལྷ་གསལ་ཐངས་
- ཕུན་ཚོགས་དོན་གྲུབ་/Phuntsho Dendup:དེ་ལས་ རིན་པོ་ཆེ་གིས་ མཁན་སྤྲུལ་དགའ་རབ་རྡོ་རྗེ་གིས་ ཡར་ལས་ཆོས་གསུངས་ མི་འདི་ཚུ་ འ་ནཱེ་སྦེ་བསྒོམ་དགོ ཕྱག་མཚན་འ་ནཱེ་སྦེ་འདུག དམིགས་པ་འ་ནཱེ་སྦེ་ བསྐྱེད་དགོ་ཟེར་འབད་ནིའི་དོན་ལུ་ རིན་པོ་ཆེ་གིས་ ཨ་ནཱེ་སྦེ་ བྲིས་གནང་མི་འདི་ ཞིང་ཁམས་བཀོད་གནང་མི་འདི་ ནཱེ་ཨིན་ཟེར་ ཞུ་ནི་ཨིན་ལགས།
- ཕུན་ཚོགས་དོན་གྲུབ་/Phuntsho Dendup:འ་ནཱི་ ང་བཅས་ཀྱི་ར་ བུ་ལི་གི་བཙན་ དང་ཕུ་འབད་བ་ཅིན་ ཡབ་བཙན་ ལྷ་བཙན་དཀར་པོ་ཟེར་མི་འདི་ འ་ནཱི་ཨིན་ལགས། ཡུམ་ཆེན་སྨན་མོ་ ཀུན་ཏུ་བཟང་མོ་ཟེར་མི་འདི་ ད་རེས་ ང་བཅས་ར་མར་ མར་ལུ་ཡོད་མི་ མཚོ་འདི་ ཡུམ་ཆེན་ཀུན་ཏུ་བཟང་མོ་གི་ སྨན་མོ་གི་ སྐུ་འདི་ འ་ནཱི་ཨིན་ཟེར་ ཞུ་ནི་ཨིན་ལགས།
- ཕུན་ཚོགས་དོན་གྲུབ་/Phuntsho Dendup:ཨོཾ་མ་ཎི་པདྨེ་ཧཱུཾ་ཧྲཱིཿ ཨོཾ་མ་ཎི་པདྨེ་ཧཱུཾ་ཧྲཱིཿ
Loading ... Collection:
Subcollection
- Oral Traditions
Subject
- Account of Sacred Objects
Referenced Places
- Juli
Recording Location
- Buli
Language
- Dzongkha
Creator:
Yeshi Wangchuk
Other:
Gelong Palden
Editor:
Dr.Karma Phuntsho
Editor:
Rinchen dorji
Contributing Contributor:
Phuntsho Dendup
Publisher:
Tibetan and Himalayan Library
Sponsor:
Arcadia Fund (Other)
Data Entry:
Copyright Owner:
Shejun Agency
Year Published:
2018
Rights Summary:
ཤེས་རིག་དང་ལམ་སྲོལ་གྱི་དོན་ལུ་ཕབ་བཟུང་ཞུས། ཤེས་རྒྱུན་ལས་སྡེ་ལས་གནང་བ་མེད་པར་བསྒྱུར་སྤེལ་འབད་མི་ཆོག།
For educational and cultural use only. Reproduction is strictly prohibited without permission from Shejun.
Visibility:
Public - accessible to all site users
Shanti AV Id:
3533
Versions:
Date Created:
Tuesday, December 9, 2014
Date Issued:
Tuesday, March 17, 2015