ང་བཅས་རའི་ འབྲུག་རང་ལུགས་ཀྱི་ཁྱིམ་རྐྱབ་ད་ པར་ཤིང་བོད་ལས་ཞུ་ནི་ཟེར་ པར་འཆམ་ནི་འགོ་བཙུགས་པའི་སྐབས་སུ་ པར་ཤིང་ཅིག་བསྐུལ་ནི་ཡོདཔ་ད་ འདི་བསྒང་ རྟེན་འབྲེལ་ཕུན་སུམ་ཚོགས་པའི་སྒོ་ལས་ ཇ་ཆང་དང་ བཞུགས་གྲལ་གྱི་རིམ་པ་ཚུ་ཡང་ སྒྲིག་སྲོལ་ཡོདཔ་ཨིན། ཁ་རྒྱུན་རིགས་གཞུང་ཚུ་ནང་ མི་ལ་ལུ་ཅིག་གིས་ པར་འཆམ་ནིའི་སྟིར་ཤིང་འདི་ འབྲུག་རྒྱལ་ཁབ་ནང་ དང་ཕུགས་མཁའ་འགྲོ་བསོད་ནམས་དཔལ་སྒྲོན་གྱི་ བོད་ལས་བསྣམས་བྱོན་བྱོནམ་ཨིནམ་སྦེ་ བཤད་དོ་ཡོདཔ་ལས་ པར་འཆམ་ནི་འགོ་བཙུགས་པའི་སྐབས་ པར་ཤིང་བོད་ལས་ཞུ་བའི་ ལམ་སྲོལ་འདི་དར་ཁྱབ་བྱུང་ནི་ཟེར་མས། ཕ་ཇོ་འབྲུག་སྒོམ་བཞི་པོ་དང་ མཁའ་འགྲོ་བསོད་ནམས་དཔལ་སྒྲོན་གཉིས་ དེ་བསྒང་ བློ་ཟེ་ཕར་ཚུར་བརྗེ་ཐོག་ལས་ ཞལ་འདྲེས་བྱུང་ཡོདཔ་ལས་ པར་འཆམ་པའི་སྐབས་ བློ་ཟེ་ཕར་ཚུར་བརྗེ་ནིའི་ལམ་སྲོལ་འདི་ཡང་ ཕ་ཇོ་འབྲུག་སྒོམ་བཞི་པོའི་སྐབས་ལས་ དར་ཁྱབ་བྱུང་ཡོདཔ་སྦེ་ ཡིག་ཐོག་ནང་བཀོད་མེད་རུང་ ཁ་རྒྱུན་སྦེ་ བཤད་ནི་འདུག། ཏེ་ད་རུང་ བླམ་ཇཕ་ཇོ་རིན་པོ་ཆེ་མཆོག་གིས་ མཁའ་འགྲོ་རྗེ་དྲན་བརྩི་སྲུང་འབད་ནིའི་དོན་ལུ་ འབྲུག་རང་ལུགས་ཀྱི་ཁྱིམ་ཅིག་རྐྱབ་སྟེ་ མོ་གི་སྐུ་འདྲ་ཅིག་བཞེངས་ཡོདཔ་ད་ ད་ལྟོ་ནཱ་གི་ བློ་ཟེ་འདི་ སྤུན་ན་རྫོང་ཁག་ལས་ དོན་གྲུབ་ཀྱིས་ དང་པ་ར་ དགྲ་གླུ་ཅིག་བཏངམ་ཨིན་རུང་ མཇུག་འདི་གཉེན་གླུ་ཅིག་གིས་སྦེ་ མཇུག་བསྡུཝ་ཨིན་པས།