Video Overview
༉ ང་བཅས་ར་ གླུ་གཞས་ག་ཅི་ར་ཨིན་རུང་ གཞི་གཅིག་ལུ་བཞག་ཞིནམ་ད་བརྩམས་དོ་ཡོདཔ་ད་ ལྷུན་རྩེ་ཀུར་སྟོད་རྒེད་འོག་ ཟིམ་སྤོངས་ལས་སེངྒེ་བཟང་མོ་གིས་འཐེན་མི་གླུ་གཞས་ ཙཱ་རི་གནས་ཟེར་མི་དེ་ཡང་ ཙཱ་རི་གནས་ལུ་སྐྱེས་ཏེ་ཡོད་པའི་སྨྱུག་མ་བཅད་དེ་ མདའ་བཟོ་བཟོཝ་གི་སྐོར་ལས་ཨིན་མས། འ་ནཱི་ཙཱ་རི་སྨྱུག་མ་འདི་རྩ་བ་ལས་བཅད་པའི་སྐབས་སྐྱོ་བ་མ་ཚད་ ཟུར་ཁ་ལས་བཀག་པའི་སྐབས་ ཕངས་ཡང་ཕངསམ་མས་ ཨིན་ཏེ་འབད་རུང་ མདའ་བཟོ་སྟེ་སྒྲོ་གཅིག་ལས་བཞི་ཚུན་ཚོད་བཀལ་བའི་སྐབས་ལུ་ ག་ཅི་བཟུམ་རང་འགྱོཝ་ཨིན་ནའི་སྐོར་ལས་བཤད་པ་རྐྱབ་སྟེ་འཐེནམ་ཨིན་མི་དེ་ཡང་ སྒྲོ་གཅིག་བཀལ་བའི་སྐབས་ལུ་ གངས་རི་དཀར་པོའི་སྟོད་ལུ་དར་ཅོག་འཕྱར་འཕྱརཝ་དང་འདྲ་བས་ཟེར་དང་ སྒྲོ་གཉིས་བཀལ་བའི་སྐབས་ལུ་ ཐང་དཀར་རྒོད་པོ་ནམ་མཁའ་ལས་འཕུར་འཕུརཝ་དང་འདྲ་བས་ དེ་ལས་ སྒྲོ་གསུམ་བཀལཝ་ད་ལུ་ སྔགས་པ་མཐུ་སྟོབས་ཅན་གྱི་ཕུརཔ་དང་འདྲ་བས་ཟེར་དང་ སྒྲོ་བཞི་བཀལ་བའི་སྐབས་ལུ་ རྫོང་ཆེན་ཁྲ་མོའི་ཟུར་བཞི་ཕྲང་ཕྲངམ་དང་འདྲ་བས་ཟེར་ མདའ་ལུ་བསྟོད་པའི་གླུ་གཞས་ཅིག་ཨིནམ་ད་ མ་གཞི་འཐེན་ནི་གི་གནས་སྟངས་འབད་བ་ཅིན་ མདའ་རྩེད་འགྲན་བསྡུར་རེ་འབད་བའི་སྐབས་ལུ་འཐེན་ནི་གི་གླུ་གཞས་ཅིག་ཨིན་མས།
This song revolves around the traditional arrow ('sacred grass') from Tsari in Tibet. The verses describe detailed parts of an arrow, from head to tail. It elevates the arrow to the status of sacred grass and lists its numerous uses. For instance, the sacred bamboo used to craft arrows is also used as a prayer flag on mountain tops. When men shoot at the archery range, the arrow flies in the air like a popular vulture. The song glorifies the Tibetan 'grass' and its many functions.
- Kurtoe
- སེངྒེ་བཟང་མོ་ Singye Zangmoསྭོ་དང་སྨྱུག་མ་རོང་ལས་བཅད་ཚེ་
- བསོད་ནམས་སྟོབས་རྒྱས་ Sonam Tobgayཨ་ཙི་བཞུགས་ལགས། ལོག་འཐེན་གནང་ད་ལགས། ཨོང་བཏུབ་ལགས། ལོག་འཐོན་པར་ཆོག བཏོག་བཀོ་གེ་ལགས།
- སེངྒེ་བཟང་མོ་ Singye Zangmoགདངས་འདི་སོར་དགོཔ་འདྲས་ལགས། ཨ་ནཱི་འདི་ ཁ་ཙ་ཁ་ཉིནམ་གྱི་གདངས་བཟུམ་ཅིག་ཨིན་མས་མེན་ན་ལགས།
- བསོད་ནམས་སྟོབས་རྒྱས་ Sonam Tobgayཨེ་བཏུབ་ལགས། གདངས་སོ་སོ་ཡོད་པ་ཅིན་ སོ་སོ་སྦེ་འཐེན་གནང་།
- སེངྒེ་བཟང་མོ་ Singye Zangmoཙཱ་ལ་རི་གནས། སྨྱུག་མ་རོང་ལས་སྐྱེས་ཚེ་ཡ་ལ་ནི་དགའ་ཡང་དགའ། །ཙཱ་ལ་རི་གནས།
- སེངྒེ་བཟང་མོ་ Singye Zangmoཙཱ་ལ་རི་གནས། སྨྱུག་མ་ར་ལས་བཅད་ཚེ་ཡ་ལ་ནི་སྐྱོ་ཡང་སྐྱོ། །ཙཱ་ལ་རི་གནས།Feels happy when bulrush grows in the valley, Feels sorrow when bulrush chop out from root.
- སེངྒེ་བཟང་མོ་ Singye Zangmoཙཱ་ལ་རི་གནས། སྨྱུག་མ་ཟུར་ལས་བཀག་ཚེ་ཡ་ལ་ནི་ཕངས་ཡང་ཕངས། །ཙཱ་ལ་རི་གནས།
- སེངྒེ་བཟང་མོ་ Singye Zangmoཙཱ་ལ་རི་གནས། མདའ་མོ་ང་ལ་གྲོ་གཅིག་ཡ་ལ་ནི་བཀོད་ཙམ་ན(ཙ་ན)། །ཙཱ་ལ་རི་གནས།Feels pretty when bulrush cleave from side, When feather is attached to (me) bulrush.
- སེངྒེ་བཟང་མོ་ Singye Zangmoཙཱ་ལ་རི་གནས། གངས་དཀར་སྟོད་ལ་དར་ཅོག་ཡ་ལ་ནི་འཆར་བ་འདྲ། །ཙཱ་ལ་རི་གནས།
- སེངྒེ་བཟང་མོ་ Singye Zangmoཙཱ་ལ་རི་གནས། མདའ་མོ་ང་ལ་གྲོ་གཉིས་ཡ་ལ་ནི་བཀོད་ཙམ་ན(ཙ་ན)། །ཙཱ་ལ་རི་གནས།If bulrush flag in the peak, When two feather attached to (me) bulrush.
- སེངྒེ་བཟང་མོ་ Singye Zangmoཙཱ་ལ་རི་གནས། ཐང་དཀར་རྒྱལ་པོ་ནམ་ལ་ཡ་ལ་ནི་ལྡིང་པ་འདྲ། །ཙཱ་ལ་རི་གནས།
- སེངྒེ་བཟང་མོ་ Singye Zangmoཙཱ་ལ་རི་གནས། མདའ་མོ་ང་ལ་གྲོ་གསུམ་ཡ་ལ་ནི་བཀོད་ཙམ་ན(ཙ་ན)། །ཙཱ་ལ་རི་གནས།It looks like king Thangkar hover in sky, When third feather is attached to (me) bulrush.
- སེངྒེ་བཟང་མོ་ Singye Zangmoཙཱ་ལ་རི་གནས། སྔགས་པ་མཐུ་སྟོབས་ཅན་གྱི་ཡ་ལ་ནི་ཕུར་པ་འདྲ། །ཙཱ་ལ་རི་གནས།
- སེངྒེ་བཟང་མོ་ Singye Zangmoཙཱ་ལ་རི་གནས། མདའ་མོ་ང་ལ་གྲོ་བཞི་ཡ་ལ་ནི་བཀོད་ཙམ་ན(ཙ་ན)། །ཙཱ་ལ་རི་གནས།It looks like supper power holders hover in sky, When fourth feather is attached to (me) bulrush.
- སེངྒེ་བཟང་མོ་ Singye Zangmoཙཱ་ལ་རི་གནས། རྫོང་ཆེན་ཁྲ་མོའི་ཟུར་བཞི་ཡ་ལ་ནི་འཕྲང་པ་འདྲ། །ཙཱ་ལ་རི་གནས།
- སེངྒེ་བཟང་མོ་ Singye Zangmoཙཱ་ལ་རི་གནས། མདའ་ལ་ལྟོང་གཅིག་ཡ་ལ་ནི་བཏོན་ཙམ་ན(ཙ་ན)། །ཙཱ་ལ་རི་གནས།It looks like scale of perfect four corners, When made one tong to (me) bulrush.
- སེངྒེ་བཟང་མོ་ Singye Zangmoཙཱ་ལ་རི་གནས། རྫོང་ཆེན་ཁྲ་མོའི་གུར་ཁང་ཡ་ལ་ནི་[འཁྲིད་པ་?]འདྲ། །ཙཱ་ལ་རི་གནས།
- སེངྒེ་བཟང་མོ་ Singye Zangmoཙཱ་ལ་རི་གནས། མདའ་མོ་ང་ལ་ལྟོང་སྐུད་ཡ་ལ་ནི་དཀྱིས་ཙམ་ན(ཙ་ན)། །ཙཱ་ལ་རི་གནས།It looks like making straight of dzongs heads, When (i) bulrush cover with threat.
- སེངྒེ་བཟང་མོ་ Singye Zangmoཙཱ་ལ་རི་གནས། དམ་ཆོས་པུ་ཏི་སྐུ་བཅིང་ཡ་ལ་ནི་ཕུལ་བ་འདྲ། །ཙཱ་ལ་རི་གནས།
- སེངྒེ་བཟང་མོ་ Singye Zangmoཙཱ་ལ་རི་གནས། མདའ་མོ་ང་ལ་ལྕགས་གཅིག་ཡ་ལ་ནི་བཙུགས་ཙམ་ན(ཙ་ན)། །ཙཱ་ལ་རི་གནས།It looks like offering the dharma belt, When arrow is put with arrowhead.
- སེངྒེ་བཟང་མོ་ Singye Zangmoཙཱ་ལ་རི་གནས། ཁམས་པ་དབུ་ཚུ་ཆེ་བའིཡ་ལ་ནི་ཀྲིང་ཀ་འདྲ། །ཙཱ་ལ་རི་གནས། །Looks like expert holding great spare.
- སེངྒེ་བཟང་མོ་ Singye Zangmoལགས་སོ་ལགས།། །།Thank you,
Loading ... - Oral Traditions
- Folk Song/Dance
- Kurtoe
- Kurtoe
- Dzongkha
Shejun ཤེས་རིག་དང་ལམ་སྲོལ་གྱི་དོན་ལུ་ཕབ་བཟུང་ཞུས།ཤེས་རྒྱུན་ལས་སྡེ་ལས་གནང་བ་མེད་པར་བསྒྱུར་སྤེལ་འབད་མི་ཆོག།
For educational and cultural use only. Reproduction is strictly prohibited without permission from.