Video Overview
Sampa from Richanglu village in Martshala gewog, Samdrup Jongkhar sings “Request Denied, Request Accepted” (Zhuwa Mezhu Zhuwa Zhug) at his house to the Shejun Staff. The song talks about the sun’s request to stay in the sky, and a lion’s to stay on the mountain. The song was sung in their village since long ago. They did not remember who had composed it, and learned it from village elders.
བསམ་གྲུབ་ལྗོངས་མཁར་རྫོང་ཁག་ མར་ཚ་ལ་རྒེག་འོག་ རི་ཆངས་ལུ་གཡུས་ཚན་ནང་ལས་ སེམས་པ་གིས་ གླུ་གཞས་ཞུ་བ་མི་ཞུགས་ཞུ་བ་ཞུགས་ཟེར་མི་འདི་ ཤེས་བྱིན་གྱི་ལས་གཡོགཔ་ཚུ་ ལམ་སྲོལ་གྱི་ཞིབ་འཚོལ་ནང་འོང་པའི་སྐབས་ ཁོ་རའི་ཁྱིམ་ནང་འབད་འཐེན་དེ་ཡོདཔ་ཨིན། གླུ་གཞས་ཞུ་བ་མི་ཞུགས་ཞུ་བ་ཞུགས་ཟེར་མི་འདི་ནང་ལུ་ ཁྲི་གདུགས་ཉིམ་འདི་གནམ་མཁའི་སྦུག་ལུ་དང་ རི་དྭགས་རྒྱལཔོ་སེང་གེ་འདི་ གངས་ཆེན་གུ་ལུ་སྡོད་ནིའི་ཞུ་བ་ཕུལ་བའི་སྐོར་ལས་ཨིན་མས། གླུ་གཞས་འདི་ ཡིད་སྤྲོ་བའི་གླུ་གཞས་ཅིག་ཨིན་མས། གླུ་གཞས་འདི་ ཁོ་རའི་གཡུས་ཚན་ནང་ལུ་ དུས་ཧེ་མ་ལས་རང་འཐེན་སྲོལ་ཡོད་པའི་གླུ་གཞས་ཅིག་ཨིན་མས། ཁོ་གི་ གླུ་གཞས་འདི་ གཡུས་ཁའི་རྒན་ཤོས་ཚུ་ལས་ལྷབ་སྟེ་ཡོདཔ་ཨིན་རུང་ གླུ་གཞས་རྩམ་མི་འདི་བརྗེད་སོངམ་ཨིན་མས།
- སེམས་དཔའ་གཞིས་བ་(པ)མི་བཞུགས་གཞིས་བ་(པ)བཞུགས། །གཞིས་བ་(པ)དགུང་སྟོད་འཐོན་པོ་བཞུགས། །གཞུས་བ(པ)དགུང་སྟོད་འཐོན་པོ་བཞུགས། །
- སེམས་དཔའ་མགྲིན་པ་མི་བཞུགས་མགྲིན་པ་བཞུགས། །མགྲིན་པ་ཁྲི་གདུགས་ཉི་མ་བཞུགས། །མགྲིན་པ་ཁྲི་དགུགས་ཉི་མ་བཞུགས། །
- སེམས་དཔའ་ཕྱག་གཅིག་གཡས་པ་རྨ་བྱ་བསྣམས། །རྨ་བྱ་རྒྱ་གར་མདོངས་སྒྲོ་བཞུགས། །རྨ་བྱ་རྒྱ་གར་མདོངས་སྒྲོ་བཞུགས། །
- སེམས་དཔའ་ཕྱག་གཅིག་གཡོན་པ་ནེ་ཙོ་བསྣམས། །ནེ་ཙོ་རྣམས་ཀྱི་དཔལ་འཛོམས་བཞུགས། །ནེཙོ་རྣམས་ཀྱི་དཔལ་འཛོམས་བཞུགས། །
- སེམས་དཔའ་གཞིས་པ་མི་བཞུགས་གཞིས་པ་བཞུགས། །གཞིས་པ་གངས་སྟོད་འཐོན་པོ་བཞུགས། །གཞིས་པ་གངས་སྟོད་འཐོན་པོ་བཞུགས། །
- སེམས་དཔའ་མགྲིན་པ་མི་བཞུགས་མགྲིན་པ་བཞུགས། །མགྲིན་པ་སེང་ཆེན་དཀར་མོ་བཞུགས། །མགྲིན་པ་སེང་ཆེན་དཀར་མོ་བཞུགས། །
- སེམས་དཔའ་ཕྱག་གཅིག་གཡས་པ་རྨ་བྱའི་བསྣམས། །རྨ་བྱ་རྒྱ་གར་མདོངས་སྒྲོ་བཞུགས། །རྨ་བྱ་རྒྱ་གར་མདོངས་སྒྲོ་བཞུགས། །
- སེམས་དཔའ་ཕྱག་གཅིག་གཡོན་པ་ནེ་ཙོ་བསྣམས། །ནེ་ཙོ་རྣམས་ཀྱི་དཔལ་འཛོམས་བཞུགས། །ནེ་ཙོ་རྣམས་ཀྱི་དཔལ་འཛོམས་བཞུགས། །
- སེམས་དཔའ་བཀའ་དྲིན་ཆེ།
Loading ...