༉  མདའ་ཟུར་གཡུས་ཚན་འདི་ བུམ་ཐང་རྫོང་ཁག་ སྟངས་རྒེད་འོག་ནང་འཁོད་ཀྱི་སྤྱི་འོག་ཅིག་ཨིན། ས་གནས་བུམ་ཐང་འདི་ སངས་རྒྱས་གཉིས་པ་ཨོ་རྒྱན་གུ་རུ་རིན་པོ་ཆེ་གིས་བྱིན་གྱིས་བརླབས་གནང་པའི་གནས་རྩ་ཅན་གྱི་ས་གནས་ཅིག་ཨིན། དེ་དང་འདྲཝ་སྦེ་ བུམ་ཐང་ཆ་འོག་ མདའ་ཟུར་གཡུས་ཚན་ནང་གི་མི་ རྒས་ཤོས་ཅིག་ཨིན་མི་རྡོ་རྗེ་ཚེ་དབང་གིས་ ཧེ་མ་ལས་ཡོད་པའི་དུས་མཆོད་འབུམ་སྡེ་ ག་ཅི་དང་ག་ཅི་ར་ཡོདཔ་ཨིན་ནའི་སྐོར་ལས་བཤད་མི་ནང་ གཡུས་གཞན་ཁ་ལས་ཕར་ཡོད་དོ་བཟུམ་ཅིག་མེད་རུང་ ཧེ་མ་འབད་བ་ཅིན་ སྨྱུང་གནས་བསྲུང་ནི། གཡག་ལྷ་གསོལ་ནི་གི་སྲོལ་ཚུ་ཡོདཔ་ད་ ད་རེས་ནངས་པར་འབད་ཅིན་ ལོ་བསྟར་བཞིན་དུ་སྨྱུང་གནས་བསྲུང་ནི་ཅིག་ཡོདཔ་ཨིན་རུང་ གཡག་ལྷ་གསོལ་ནི་དེ་ ཉམས་སོང་སྟེ་ཡོདཔ་ཨིན་མས།