06 Jan 2016
4 min 46 sec
Video Overview
Creators:
Tibetan & Himalayan Library
This is a video of Tsering Jyi from Yonru Village in Chentsa singing a song called "A Rainbow Appears above the Pass." This song is part of a collection of folk songs from the Rebgong cultural area.
འདི་ནི་ཁ་གཡང་འབོད་པའི་གླུ་ཞིག་ཡིན། ཕ་ཨ་ཁུ་རྣམས་ཚེ་ཐག་རིང་བར་སྨོན་པའི་གླུ་ཞིག་རེད།
གླུ་འདིའི་ནང་དོན་གཙོ་བོ་ནི་འཇའ་ཁ་དོག་སྣ་ལྔ་ཤར་བ་འདི་ཚེ་འདི་ཕྱི་མཁྱེན་པའི་བླ་མ་འཁྲུངས་པའི་རྟེན་འབྲེལ་དང་། རི་མགོ་ནས་བསང་ཕུད་པ་དང་རྫ་མགོ་སྨུག་གིས་ཁེབས་པ་འདི་དབང་སྡུད་ཆེ་བའི་དཔོན་པོ་འཁྲུངས་པའི་རྟེན་འབྲེལ་ཡིན་པ། བྲག་དམར་པོའི་ཐེམ་ལ་རྒོད་པོ་བབས་པ་འདི་ཕ་ཨ་ཁུ་སྐྱེས་པའི་རྟེན་འབྲེལ་དང་དགུང་ནམ་འཕང་བསྟད་ནས་འཕུར་བ་ཚེ་ཐག་རིང་བའི་རྟེན་འབྲེལ་ཡིན་པ་བརྗོད་ཡོད།
- ༼ཡེ་་་ཡ་རེ་ཡེ་་་ལེན་གོ༽
- ཁའི་གན་ནས་འཇའ་ཞིག༼ཡེ་་་ཨོ་ཡེ་ཡེ༽ཤར་ནོ་འདི།།
- ཕ་བླ་མ་འཁྲུངས་པའི༼ཡེ་་་ཨོ་ཡེ་ཡེ༽རྟེན་འབྲེལ་རེད།།
- འཇའ་ཁ་དོག་སྣ་ལྔ༼ཡེ་་་ཨོ་ཡེ་ཡེ༽ཚང་ནོ་འདི།།
- ཚེ་འདི་ཕྱི་མཁྱེན་པའི༼ཡེ་་་ཨོ་ཡེ་ཡེ༽རྟེན་འབྲེལ་རེད།།
- རི་མཐོན་པོའི་མགོ་ནས༼ཡེ་་་ཨོ་ཡེ་ཡེ༽བསང་ཞིག་ཕུད།།
- དཔོན་ཆེན་པོ་འཁྲུངས་པའི༼ཡེ་་་ཨོ་ཡེ་ཡེ༽རྟེན་འབྲེལ་རེད།།
- སྨུག་དཀར་པོས་རྫ་མགོ༼ཡེ་་་ཨོ་ཡེ་ཡེ༽ཁེབས་ནོ་འདི།།
- དཔོན་དབང་སྡུད་ཆེ་བའི༼ཡེ་་་ཨོ་ཡེ་ཡེ༽རྟེན་འབྲེལ་རེད།།
- སྟོད་བྲག་དམར་དཀྱིལ་ལ༼ཡེ་་་ཨོ་ཡེ་ཡེ༽རྒོད་པོ་བབས།།
- ཕ་ཨ་ཁུ་སྐྱེས་པའི༼ཡེ་་་ཨོ་ཡེ་ཡེ༽རྟེན་འབྲེལ་རེད།།
- དགུང་ནམ་འཕང་བསྟད་ནས༼ཡེ་་་ཨོ་ཡེ་ཡེ༽འཕུར་ནོ་འདི།།
- རྒས་ཚེ་ཐག་རིང་པའི༼ཡེ་་་ཨོ་ཡེ་ཡེ༽རྟེན་འབྲེལ་རེད།།
- གླུ་ཤེས་ནི་མིན་ར༼ཡེ་་་ཨོ་ཡེ་ཡེ༽དགའ་ནི་ཡིན།།