Video Overview
The characteristics of a good horse are extolled in this song.
ངག་རྩོམ་འདི་ནི་འདོ་བ་རྟ་ཡི་བཤད་པ་ཞིག་རེད། འདིའི་ནང་དུ་རྟ་བཟང་བོ་ཞིག་ལ་ཚང་དགོས་པའི་ཁྱད་ཆོས་དག་བརྗོད་འདུག
ངག་རྩོམ་འདི་ནི་བཤད་པའི་ནང་གསེས་རྟ་ཡི་བཤད་པ་ཞིག་རེད་ལ། བཤད་པ་འདིའི་ནང་དུ་ཕུལ་བྱུང་གི་འདོ་བ་རྟ་ཞིག་ལ་ཚང་འོས་བའི་ཁྱད་ཆོས་རྣམས་དཔེ་དོན་ཟུང་འབྲེལ་གྱི་ལམ་ནས་གསལ་བརྗོད་བྱས་པ་ཞིག་རེད།འདས་པའི་དུས་སུ་བོད་པ་ནི་འདོ་བ་རྟ་དང་འབྲལ་ཐབས་མེད་པའི་མི་རིགས་ཤིག་ཡིན་པས། དེ་དང་འབྲེལ་བའི་རིག་གནས་ཡང་ཕུན་སུམ་ཚོགས་པ་ཞིག་ཡོད་པ་རེད་ལ། རྟ་བཤད་ཐུང་ཐུང་འདིས་ཀྱང་དེའི་ཟུར་ཙམ་རྟོག་སྲིད། བཤད་པ་འདིའི་ནང་དོན་གནད་བསྡུས་ཤིག་བརྗོད་ན།ཕུལ་བྱུང་གི་རྟ་ཕོ་ཞིག་གི་ལུས་ཀྱི་གྲུབ་ཆ་དག་ག་འདྲ་ཞིག་ཡིན་འོས་པ་དག་དཔེ་དོན་ཟུང་འབྲེལ་གྱི་ལམ་ནས་བརྗོད་ཡོད་པ་དེ་རེད།
这首歌是一首赞马之歌，讲述了一匹好马所具备的特征。
这首民歌是一首赞马之歌，讲述了一匹好马应具备的各种特征。在过去，藏族人的生活离不开马，所以藏族社会有着丰富的有关马的文化。这首民歌正是讲述了这一文化，并运用比喻的方法描述了一匹优秀的好马应具备的各种特征。
- རྣ་མགོ་ནི་བདུད་ཀྱི་སོ་བ་དགོས།།
- རྣ་རྐེད་ནི་འཆམ་པའི་རྐོང་ལུང་དགོས།།
- རྣ་ཞོལ་ནི་ཟངས་མའི་སྦུ་གུ་དགོས།།
- ཕུན་ཕུན་ནི་ཅ་ལ་གཏར་འདྲ་དགོས།།
- མིག་སྒམ་ནི་སྦལ་བ་ཙི་ལང་དགོས།།
- མིག་གཉིས་ལྷ་ཕྲུག་ཉིས་འགྲོག་དགོས།།
- ཙི་ཙི་ར་མའི་གདོང་བ་དགོས།།
- གཡང་དཀར་ནི་ལུག་གི་འགྲམ་པ་དགོས།།
- སྣ་གཉིས་ནི་རྒྱ་གླུང་འབུད་སྒྲ་དགོས།།
- ཡ་ཁ་ནི་པོ་ཏི་བརྩིགས་འདྲ་དགོས།།
- མ་ཁ་ནི་ཐོམ་རྐུབ་བཏགས་འདྲ་དགོས།།
- སྐེ་ལེ་ནི་རྒྱ་གཞུ་བཀུག་འདྲ་དགོས།།
- རྔོག་མ་ནི་ལྷོ་སྤྲིན་འཁྱིལ་ཡག་དགོས།།
- སོག་པ་ནི་མེ་ལོང་སྒོར་འདྲ་དགོས།།
- དཔུང་བ་ནི་ལུག་ཐུང་བཅུག་འདྲ་དགོས།།
- ལག་གཉིས་ནི་སྤོས་ཐུར་གཤིབ་འདྲ་དགོས།།
- རྨིག་པ་ནི་བ་རུ་ཐུར་སྒོར་དགོས།།
- སྒལ་བ་ནི་སྦྲུལ་ནག་རྒྱུགས་འདྲ་དགོས།།
- རྔ་མ་ནི་བྲག་ཐོག་ཆུ་ཕྱར་དགོས།།
- རྔ་སྣེ་ནི་ཁྭ་ཏ་ཆུ་འཐུང་དགོས།།
- རྩིག་ཆེན་ནི་གུར་ཆེན་ཕུབ་འདྲ་དགོས།།
- རྩིག་ཆུང་ནི་གུར་ཆུང་ཕུབ་འདྲ་དགོས།།
- གཉིས་རྒྱ་ཟོར་བཀུག་འདྲ་དགོས།།
- ཚས་ཕུན་ར་མའི་མན་རྩིད་དགོས།།
Loading ... - Northeastern Tibet (Amdo) Collections
- Music of Amdo
- Ngawa
- Ngawa Amdo
- བཤད