ཡཱ་བཀྲ་ཤིས་པར་འགྱུར་ཅིག མགུ་རུ་པད་མའི་ཐུགས་སྲས་དབུ་ནག་བོད་ཀྱི་ལྷ་རྒྱལ་སེང་ཆེན་་ནོར་བུ་དགྲ་འདུལ་དེ་ལ། མ་ནེ་ནེ་དཀར་མོའི་ལུང་བསྟན་བྱུང་བ་ལྟར་ཁོ་རང་གཅིག་པོ་ཧོར་ལ་ཕེབས་ནས། སྤྲུལ་པ་སྣ་ཚོགས་བསྟན་དེ་སྒོ་སྲུངས་རིམ་པ་བཅུ་གཅིག་ཐེའུ་རང་སྤོ་ལོའི་བཅུ་གཉིས་རྣམས་ཐབས་དང་རྫུ་འཕྲུལ་གྱི་བཏུལ་བ་དང་།

yA bkra shis par 'gyur cig_mgu ru pad ma'i thugs sras dbu nag bod kyi lha rgyal seng chen nor bu dgra 'dul de la/_ma ne ne dkar mo'i lung bstan byung ba ltar kho rang gcig po hor la phebs nas/_sprul pa sna tshogs bstan de sgo srungs rim pa bcu gcig the'u rang spo lo'i bcu gnyis rnams thabs dang rdzu 'phrul gyi btul ba dang /

ཡང་ཉིན་གཅིག་གི་འཛོམས་པ་སྤུན་གསུམ་དུ་སྤྲུལ་ནས། ཧོར་གྱི་ཕོ་བྲང་ནང་དུ་སླེབས་པའི་སྐབས་སུ། སེར་པོ་ཧོར་གྱི་ས་ཆ་ཨ་ལྕེ་ཐམ་ག་གྲུ་བཞི། མཁར་་ཡ་སི་དཀར་མོའི་ནང་ནས། རྒན་མོ་འབྲུ་མོ་གླིང་གི་བུ་མོ་མེ་ཏོག་སྒྲོན། ཆུ་དང་མཐུན་པའི་ཆུ་མོ་ལུགས། གྲགས་ཤེས་བུ་མོ་གྲགས་ཡག་མ་དེའི་ལག་ནས་བྱུ་རུའི་རབ་གསལ་གོང་མ་ནས་མར་ལྟས་པ་དང་།

yang nyin gcig gi 'dzoms pa spun gsum du sprul nas/_hor gyi pho brang nang du slebs pa'i skabs su/_ser po hor gyi sa cha a lce tham ga gru bzhi/_mkhar ya si dkar mo'i nang nas/_rgan mo 'bru mo gling gi bu mo me tog sgron/_chu dang mthun pa'i chu mo lugs/_grags shes bu mo grags yag ma de'i lag nas byu ru'i rab gsal gong ma nas mar ltas pa dang /

ས་གང་ཡོང་འདི་ཡོང་མེད་པ། མི་སྟོད་ཚད་སྨད་ལ་འཚང་ལེ། སྨད་ཚད་སྟོད་ལ་བདེ་ལེ། མདུང་ཆུ་བཞག་ཞིག་ནི་ལག་ན་བཟུང་། སྤྲེའུ་སྟག་ཤར་ཞིག་སྟེ་རྒྱབ་ན་ཁྲིད། སྐུ་རུ་ཤྭ་སྨྱོན་ཞིག་སྟེ་མདུན་ནས་ཕེབས་པ་ཞིག སླེབས་ཡོད་པ་མཐོང་བས།

sa gang yong 'di yong med pa/_mi stod tshad smad la 'tshang le/_smad tshad stod la bde le/_mdung chu bzhag zhig ni lag na bzung /_spre'u stag shar zhig ste rgyab na khrid/_sku ru shwa smyon zhig ste mdun nas phebs pa zhig_slebs yod pa mthong bas/

འབྲོང་ཁམས་རྒན་མོའི་བསམ་པར། ཡུལ་དེ་ལ་སོ་པ་སོ་མཁན་མང་པོ་དེ་འདྲ་ཡོད་ཀྱང་། མི་དེ་གསུམ་གང་ནས་འོང་བ་ཡིན། སྐད་ཆ་འདྲ་ཡང་འདྲི་ན། བཤད་རྒྱུ་ཡོད་དམ་སྤྲེལ་ཀྱོག་འདྲ་ཡང་བྱེད་སྲིད།

'brong khams rgan mo'i bsam par/_yul de la so pa so mkhan mang po de 'dra yod kyang /_mi de gsumgng nas 'ong ba yin/_skad cha 'dra yang 'dri na/_bshad rgyu yod dam sprel kyog 'dra yang byed srid/

མི་དེ་གསུམ་གྱི་ཆ་ཚད་ལ་ལྟས་ན། གེ་སར་མི་ལས་ཆེ་བསམ་ནས། འཛོམས་པ་གསུམ་ལ་དྲི་བ་དྲི་ལན་གྱི་གླུ་ལེན་གཏམ་བཤད་མང་པོ་བྱས་པ་དང་། དེ་ནས་འཛོམས་པ་གསུམ་གྱིས། ཡཱ། རྒན་མོ་ཞལ་སྤྲོ་མ། ངེད་་ཨ་འཛོམས་སྤུན་གསུམ་གྱི་ཞྭ་འདིར་ཞྭ་བཤད་བྱས་ན། དཔོན་ཆེན་པོ་ཞིག་མིན་ན་ཞེས་བཤད་མི་ཆོག ཟས་སོགས་དཔོན་ཆེན་གྱི་སྔོན་ལ་མ་གཏོགས་བཟའ་ཡིན་མ་འདོད།

mi de gsum gyi cha tshad la ltas na/_ge sar mi las che bsam nas/_'dzoms pa gsum la dri ba dri lan gyi glu len gtam bshad mang po byas pa dang /_de nas 'dzoms pa gsum gyis/_yA/_rgan mo zhal spro ma/_nged a 'dzoms spun gsum gyi zhwa 'dir zhwa bshad byas na/_dpon chen po zhig min na zhes bshad mi chog_zas sogs dpon chen gyi sngon la ma gtogs bza' yin ma 'dod/

དཔོན་ཆེན་པོ་ཞིག་མིན་ན། ཞྭ་བཤད་དང་བཟའ་ཁོ་ཚོ་བཞག་ཟེར་ནས། འཛོམས་པ་གསུམ་བློ་ལྷོད་དེ་ཕབས་ནས། ཕར་ལྟ་ཚུར་ལྟ་བྱས་ནས་བསྡད་པ་དང་། དེ་ཡིས་དུས་སུ་གདོང་དཀར་པ་རྒན་མོ་འབྲུ་མོ་དེས། མྱུར་ཡུག་རེ་རབ་གསལ་དཀར་མོའི་ནང་ལ་རྒྱུགས་ཕྱིན་ནས། ཧོར་གུར་དཀར་རྒྱལ་པོ་ལ་འདི་རིང་འཛོམས་པ་གསུམ་གྱིས་ཞྭ་བཤད་མི་འདྲ་བ་མང་པོ་བྱེད་ཤོད་ཀྱི་ཡོད་དེ།

dpon chen po zhig min na/_zhwa bshad dang bza' kho tsho bzhag zer nas/_'dzoms pa gsum blo lhod de phabs nas/_phar lta tshur lta byas nas bsdad pa dang /_de yis dus su gdong dkar pa rgan mo 'bru mo des/_myur yug re rab gsal dkar mo'i nang la rgyugs phyin nas/_hor gur dkar rgyal po la 'di ring 'dzoms pa gsum gyis zhwa bshad mi 'dra ba mang po byed shod kyi yod de/

དཔོན་ཆེན་པོ་ཞིག་མེད་ན་བཤད་མི་ཆོག་ཟེར་བས། ཨ་སྣམ་རང་ཡང་ཞྭ་བཤད་བྱེད་སར་སྟོན་མོ་ལ་བྱོན་ཟེར་བ་དང་། ཨ་སྣམ་ཡང་སྤྲོ་སྣང་འཕྱུར་བཞིན་དགའ་ནས། ཧོར་ཕྲུག་ག་པ་དང་ལྕགས་ཚ་གཉིས་ཀྱི་ལྐོག་ནས། བྱུ་རུའི་རབ་གསལ་གོང་མ་ནས་མར་བལྟས་པ་དང་།

dpon chen po zhig med na bshad mi chog zer bas/_a snam rang yang zhwa bshad byed sar ston mo la byon zer ba dang /_a snam yang spro snang 'phyur bzhin dga' nas/_hor phrug ga pa dang lcags tsha gnyis kyi lkog nas/_byu ru'i rab gsal gong ma nas mar bltas pa dang /

དེ་ཡིས་དུས་སུ་འཛོམས་དཀར་དེ་ཡིས་ཆང་ཕུད་ལོ་ཆང་དྭངས་མ་དེ་བཏུང་། འཛོམས་སེར་དེ་ཡིས་ཇ་ཕུད་ཡང་འཛིན་དེ་བཏུང་། འཛོམས་དཔོན་དེ་ཡིས་ཤ་གཉའ་བ་དེ་ལ་སྟ་རབ་གཅིག་རྒྱབ། གཞན་བཟའ་དགོས་རྣམས་བཟས་གཏོར་དགོས་རྣམས་གཏོར་ནས། ཤ་དེ་ཡང་གྲི་ཡིས་ཚལ་གཏུབ་མང་པོ་བཟོས་ནས།

de yis dus su 'dzoms dkar de yis chang phud lo chang dwangs ma de btung /_'dzoms ser de yis ja phud yang 'dzin de btung /_'dzoms dpon de yis sha gnya' ba de la sta rab gcig rgyab/_gzhan bza' dgos rnams bzas gtor dgos rnams gtor nas/_sha de yang gri yis tshal gtub mang po bzos nas/

ཡ་ཡ་གུར་དཀར་གནམ་་གྱི་རྒྱལ་པོ་རྒྱལ་པོའི་སྲས་མོ་དབུ་བདེ་མོ་ཧོར་སྡེ་དམག་ལག་བཅུ་གཉིས་ཚོ། ངེད་སྤུན་གསུམ་ཡིན་ནོ། ཨེ་འདྲ་གདའ། ང་འཛོམས་དཀར་དུང་གི་ལ་ཐོད་བཅན། རྒྱ་གར་འཛོམས་པ་ཨ་རྒྱ་རེད།

ya ya gur dkar gnam gyi rgyal po rgyal po'i sras mo dbu bde mo hor sde dmag lag bcu gnyis tsho/_nged spun gsum yin no/_e 'dra gda'/_nga 'dzoms dkar dung gi la thod bcan/_rgya gar 'dzoms pa a rgya red/

ང་འཛོམས་སེར་གསེར་གྱི་ལ་ཐོད་ཅན། བོད་སྤུ་རྒྱལ་འཛོམས་ས་ཨ་གསལ་རེད། ང་འཛོམས་སྔོན་གཡུ་ཡི་ལ་ཐོད་ཅན། རྒྱ་ནག་འཛོམས་པ་ཨ་རྒྱལ་རེད། ངས་འཛོམས་པ་མ་ཡིན་འཛོམས་ས་ཡིན། གསེར་ཁྲི་གཉིས་བརྩེགས་ཕུལ་ལེ་གཅིག རྒན་མོས་མར་ལ་གཟིགས་ལེ་གཉིས་། འཛོམས་པས་ཡར་ལ་བལྟས་ལེ་གསུམ། འཛོམས་པའི་འཛོམས་ལུགས་དེ་འདྲ་རེད།

nga 'dzoms ser gser gyi la thod can/_bod spu rgyal 'dzoms sa a gsal red/_nga 'dzoms sngon g.yu yi la thod can/_rgya nag 'dzoms pa a rgyal red/_ngas 'dzoms pa ma yin 'dzoms sa yin/_gser khri gnyis brtsegs phul le gcig_rgan mos mar la gzigs le gnyis /_'dzoms pas yar la bltas le gsum/_'dzoms pa'i 'dzoms lugs de 'dra red/

ད་ཇ་ཞུས་ཆང་ཞུས་ཡག་བྱུང་། དེ་ནི་རྒན་མོའི་དྲི་ལན་གྱི་ཚིག་དེ་ལ་དམན་ག་གཡུ་མ་ལ་གོ་གཡུ་དང། གྲི་ཤིང་ཡུ་མ་ལ་གཉའ་ཆགསས་སྤྲད་རྒྱུ་་ཡོད་ཟེར་ནས། གླུ་འདིའི་ཕུལ་ལོ།

da ja zhus chang zhus yag byung /_de ni rgan mo'i dri lan gyi tshig de la dman ga g.yu ma la go g.yu dang/_gri shing yu ma la gnya' chagasasa sprad rgyu yod zer nas/_glu 'di'i phul lo/

ཨ་གླུ་ཨ་ལ་ཐ་ལ་དེ་ཐ་ལ་རེད། ཐ་ལ་མོ་གླུ་ཡི་ལེན་ལུགས་རེད། ཡེ་སྐྱབས་བླ་མ་ཡིད་དམ་མཁའ་འགྲོ་གསུམ་ལ་གསོལ་བ་འདེབས་འདེབས་སོ་བཏབ་བཞིན་མཁྱེན་ནོ། ཨཱ་ས་འདི་དང་ས་ངོ་མ་ཤེས་ན། ཨཱ་་ཧོར་གྱི་་ཐམ་ག་གྲུ་བཞི་རེད། ཨཱ་ཡའི་མི་ང་ཚོ་ང་ངོ་མི་ཤེས་ན། ཨ་འཛོམས་དང་ཚེ་འཛོམས་སྤུན་གསུམ་ཡིན།

a glu a la tha la de tha la red/_tha la mo glu yi len lugs red/_ye skyabs bla ma yid dam mkha' 'gro gsum la gsol ba 'debs 'debs so btab bzhin mkhyen no/_A sa 'di dang sa ngo ma shes na/_A hor gyi tham ga gru bzhi red/_A ya'i mi nga tsho nga ngo mi shes na/_a 'dzoms dang tshe 'dzoms spun gsum yin/

ཨཱ་ཇ་ཞུས་དང་ཆང་ཞུས་བཞག་འགྲིག་སོང་། ཨཱ་ཨ་འཛོམས་ང་ལ་རྟེན་འབྲེལ་འགྲིག ཨཱ་རྟ་ཐིག་དང་སྒ་དང་གོས་དང་གསུམ། གོང་ང་ཡིས་ལྷ་དང་རྟེན་འབྲེལ་འགྲིག

A ja zhus dang chang zhus bzhag 'grig song /_A a 'dzoms nga la rten 'brel 'grig_A rta thig dang sga dang gos dang gsum/_gong nga yis lha dang rten 'brel 'grig

ཨོའོ་ལགས་སོ། དེ་ནས་ཧོར་གྱི་རྒྱལ་བློན་ཚོ། ཞྭ་འདི་ལ་བཤད་པ་འདི་འདྲ་ཡོད། ང་ཨ་འཛོམས་ཚེ་འཛོམས་སྤུན་གསུམ་གྱི་མ་སོང་ས་ཆ་གཅིག་རྐྱང་མེད། དང་པོ་རྒྱ་གར་ཡུལ་དུ་སོང་། རྒྱ་གར་ཆོས་ཀྱི་རྒྱལ་པོ་དེས་ཨ་འཛོམས་འཕྲད་ལེ་དགའ་ལུགས་ཟེར། ཞྭ་མོ་མེད་གདའ་སྡུག་ལུགས་ཟེར།

o'o lags so/_de nas hor gyi rgyal blon tsho/_zhwa 'di la bshad pa 'di 'dra yod/_nga a 'dzoms tshe 'dzoms spun gsum gyi ma song sa cha gcig rkyang med/_dang po rgya gar yul du song /_rgya gar chos kyi rgyal po des a 'dzoms 'phrad le dga' lugs zer/_zhwa mo med gda' sdug lugs zer/

དེ་ནས་ནག་པོ་རྒྱ་ལ་སོང་། རྒྱ་ནག་ཁྲིམས་ཀྱི་རྒྱལ་པོ་དེས་ཨ་འཛོམས་འཕྲད་ལེ་དགའ་ལུགས་ཟེར། ཞྭ་མོ་མེད་གདའ་སྡུག་ལུགས་ཟེར།

de nas nag po rgya la song /_rgya nag khrims kyi rgyal po des a 'dzoms 'phrad le dga' lugs zer/_zhwa mo med gda' sdug lugs zer/

དེ་ནས་སྤུ་རྒྱལ་བོད་ལ་སོང་། སྤུ་རྒྱལ་བོད་ཀྱི་རྒྱལ་པོ་དེས། ཨ་འཛོམས་འཕྲད་ལེ་དགའ་ལུགས་ཟེར། ཞྭ་མོ་མེད་གདའ་སྡུག་ལུགས་ཟེར།

de nas spu rgyal bod la song /_spu rgyal bod kyi rgyal po des/_a 'dzoms 'phrad le dga' lugs zer/_zhwa mo med gda' sdug lugs zer/

ལྷ་སའི་ཇོ་བོ་ཞལ་དཀར་དེས་ཨ་འཛོམས་ཞྭ་ཞིག་དགོས་འདུག་གསུང་། ཞྭ་ཡོད་ན་ཆོས་དང་མཐུན་པས་གསུང་། ཞྭ་ཡོད་ན་འགྲེམ་སྟོན་ཆེ་བས་གསུང་། ཞྭ་ཡོད་ན་དགྲ་མགོ་ཐུལ་ལོ་གསུང་། ཞྭ་ཡོད་ན་རང་མགོ་འཁེབས་པས་གསུང་། དེ་ནས་ཞྭ་ཞིག་དགོས་འདུག་བསམ། ཞྭ་བཟོ་རྒྱུའི་ཟབ་ཅིག་མཚོན་ལགས་སོ་ཟེར་དེས་ནས། གླུ་འདི་ཕུལ་ལོ།

lha sa'i jo bo zhal dkar des a 'dzoms zhwa zhig dgos 'dug gsung /_zhwa yod na chos dang mthun pas gsung /_zhwa yod na 'grem ston che bas gsung /_zhwa yod na dgra mgo thul lo gsung /_zhwa yod na rang mgo 'khebs pas gsung /_de nas zhwa zhig dgos 'dug bsam/_zhwa bzo rgyu'i zab cig mtshon lags so zer des nas/_glu 'di phul lo/

རི་མོ་གླུ་ཨ་ལ་ཐ་ལ་ཐ་ལ་ཡ་ལ་ཐ་ལ་རེད། ཐ་ལ་མོ་གླུ་ཡི་ལེན་གླུ་རེད། རི་མོ་མཐོང་གི་ལྷ་ཡི་ཡ་ལ་ཡུལ་དུ་སོང་སྟེང་ལྷ་བུ་བརྒྱ་ཚ་ཁྲིད་ནས་འོང་ཡ། རི་མོ་སྙན་འཇེབས་ཀྱི་དབུར་ལྷ་ཡ་ལའི་འགྲམ་དུ་སོང་ལའི། སྙན་གླུ་དེ་མར་ལ་ཁྲིད་ནས་འོངས་ཡ། རི་མོ་དེ་ནས་ཀླུ་རྒྱལ་ཡ་འགྲམ་དུ་སོང་། ཀླུ་ཀླུ་དེ་སྔོ་པོ་ཁྲིད་ནས་འོང་ཡ། རི་མོ་དེ་ནས་ལྷ་ཀླུ་ཡ་སྤུན་གསུམ་དེ་དགོང་མོ་དེ་གསུམ་ལ་ཚུར་ཤོག་ཡ།

ri mo glu a la tha la tha la ya la tha la red/_tha la mo glu yi len glu red/_ri mo mthong gi lha yi ya la yul du song steng lha bu brgya tsha khrid nas 'ong ya/_ri mo snyan 'jebs kyi dbur lha ya la'i 'gram du song la'i/_snyan glu de mar la khrid nas 'ongs ya/_ri mo de nas klu rgyal ya 'gram du song /_klu klu de sngo po khrid nas 'ong ya/_ri mo de nas lha klu ya spun gsum de dgong mo de gsum la tshur shog ya/

ཨོའོ་ལགས་སོ། དེ་ནས་མ་བསྡད་ཨ་འཛོམས་གསུམ། ཨ་འཛོམས་བཟོ་བོ་སྐད་དུ་སོང་། སྟེང་ལྷ་ཡི་བཟོ་བོ་ཆོས་ལྡན་རྒྱལ། བར་དམྱལ་གྱི་བཟོ་བོ་སྟག་ལ་རྒྱལ།  འོག་ཀླུ་ཡི་བཟོ་བོ་ནོར་ལྷ་རྒྱལ། བཟོ་རྒྱལ་འབི་ཤི་དཀར་མ་བཞིན་སྡེབ་འདེབས་གཅིག་ལ་སྐད་ལ་སོང་། བཟོ་བོས་ཨ་འཛོམས་ཅི་བཟོ་ཟེར། ང་ཨ་འཛོམས་ཞྭ་བཟོ་ཞྭ་བཟོ་བྱས།

o'o lags so/_de nas ma bsdad a 'dzoms gsum/_a 'dzoms bzo bo skad du song /_steng lha yi bzo bo chos ldan rgyal/_bar dmyal gyi bzo bo stag la rgyal/__'og klu yi bzo bo nor lha rgyal/_bzo rgyal 'bi shi dkar ma bzhin sdeb 'debs gcig la skad la song /_bzo bos a 'dzoms ci bzo zer/_nga a 'dzoms zhwa bzo zhwa bzo byas/

བཟོ་བོས་རྒྱུ་ཆ་ཅི་ཡོད་ཟེར། ཕྱིང་དཀར་བཟོ་བོའི་མདུན་ལ་བཞག དེ་སྔ་མ་བཟོས་དགུ་བཟོས་ལ། རྒྱུ་ཆ་དེ་འདྲ་རིག་མ་མྱོང་། དེ་ནས་ཞྭ་དཔེ་ཅི་བཟོ་ཟེར། བཟོ་བོ་ཁྱོད་ཀྱི་རིག་པས་སྤྱོད། ངའི་ཡིད་ལ་འཕྲོད་ན་ལེགས་སོ་བྱས། དེ་ནས་བཟོ་བོས་ཟེར་ལུགས་ལ། བསྟན་པ་འཕེལ་བའི་ཞྭ་གསུམ་ཡོད། བསྟན་པ་འཕེལ་བའི་ཞྭ་གསུམ་དེ། ཤཀྱཱ་ཐུབ་པའི་དགུང་ཞྭ་གཅིག ཨོ་རྒྱན་པད་མའི་པད་ཞྭ་གཉིས། སྟོན་པ་གཤེན་རབ་མཐུན་ཞྭ་གསུམ། བསྟན་པའི་བདག་པོའི་ཞྭ་གསུམ་ཡིན། དེ་འདྲའི་ཞྭ་ཅིག་ཨེ་བཟོ་ཟེར། དེ་འདྲའི་ཞྭ་མོ་མི་བཟོ་བྱས།

bzo bos rgyu cha ci yod zer/_phying dkar bzo bo'i mdun la bzhag_de snga ma bzos dgu bzos la/_rgyu cha de 'dra rig ma myong /_de nas zhwa dpe ci bzo zer/_bzo bo khyod kyi rig pas spyod/_nga'i yid la 'phrod na legs so byas/_de nas bzo bos zer lugs la/_bstan pa 'phel ba'i zhwa gsum yod/_bstan pa 'phel ba'i zhwa gsum de/_shkyA thub pa'i dgung zhwa gcig_o rgyan pad ma'i pad zhwa gnyis/_ston pa gshen rab mthun zhwa gsum/_bstan pa'i bdag po'i zhwa gsum yin/_de 'dra'i zhwa cig e bzo zer/_de 'dra'i zhwa mo mi bzo byas/

ད་འོ་ན་བསྟན་པ་འཛིན་པའི་ཞྭ་གསུམ་ཡོད། བསྟན་པ་འཛིན་པའི་ཞྭ་གསུམ་དེ། བླ་མེའི་སེར་ཞྭ་དེ་དང་གཅིག་། བན་སྡེའི་གྲྭ་ཞྭ་དེ་དང་གཉིས། བོན་པོའི་ཞྭ་གྲྭ་དེ་དང་གསུམ། བསྟན་པ་འཛིན་པའི་ཞྭ་གསུམ་ཡིན། དེ་འདྲའི་ཞྭ་ཅིག་ཨེ་བཟོ་ཟེར། དེ་འདྲའི་ཞྭ་མོ་མི་བཟོ་བྱས།

da 'o na bstan pa 'dzin pa'i zhwa gsum yod/_bstan pa 'dzin pa'i zhwa gsum de/_bla me'i ser zhwa de dang gcig /_ban sde'i grwa zhwa de dang gnyis/_bon po'i zhwa grwa de dang gsum/_bstan pa 'dzin pa'i zhwa gsum yin/_de 'dra'i zhwa cig e bzo zer/_de 'dra'i zhwa mo mi bzo byas/

ད་འོ་ན་བསྟན་པ་བཤིག་པའི་ཞྭ་གསུམ་ཡོད། བསྟན་པ་བཤིག་པའི་ཞྭ་གསུམ་དེ། བདུད་ཞྭ་རྩི་གུ་དེ་དང་གཅིག། ཧོར་ཞྭ་རུས་རིགས་དེ་དང་གཉིས། འཇང་ཞྭ་ནང་ལོག་དེ་དང་གསུམ། བསྟན་པ་བཤིག་པའི་ཞྭ་གསུམ་ཡིན། དེ་འདྲའི་ཞྭ་ཅིག་ཨེ་བཟོ་ཟེར། དེ་འདྲའི་ཞྭ་མོ་མི་བཟོ་བྱས།

da 'o na bstan pa bshig pa'i zhwa gsum yod/_bstan pa bshig pa'i zhwa gsum de/_bdud zhwa rtsi gu de dang gcig/_hor zhwa rus rigs de dang gnyis/_'jang zhwa nang log de dang gsum/_bstan pa bshig pa'i zhwa gsum yin/_de 'dra'i zhwa cig e bzo zer/_de 'dra'i zhwa mo mi bzo byas/

ད་འོ་ན་བསྟན་པ་སྲུང་བའི་ཞྭ་གསུམ་ཡོད། བསྟན་པ་སྲུང་བའི་ཞྭ་གསུམ་དེ། སྔགས་པའི་ཞྭ་ནག་དེ་དང་གཅིག། སྒོམ་པའི་ཞྭ་དམར་དེ་དང་གཉིས། གཅོད་པའི་དོང་ར་དེ་དང་གསུམ། བསྟན་པ་སྲུང་བའི་ཞྭ་གསུམ་ཡིན། དེ་འདྲའི་ཞྭ་ཅིག་ཨེ་བཟོ་ཟེར། དེ་འདྲའི་ཞྭ་མོ་མི་བཟོ་བྱས།

da 'o na bstan pa srung ba'i zhwa gsum yod/_bstan pa srung ba'i zhwa gsum de/_sngags pa'i zhwa nag de dang gcig/_sgom pa'i zhwa dmar de dang gnyis/_gcod pa'i dong ra de dang gsum/_bstan pa srung ba'i zhwa gsum yin/_de 'dra'i zhwa cig e bzo zer/_de 'dra'i zhwa mo mi bzo byas/

ད་འོ་ན་ཕན་ཐོག་འདོད་འདེགས་ཞྭ་གསུམ་ཡོད། ཕན་ཐོག་འདོད་འདེགས་ཞྭ་གསུམ་དེ། རྒྱལ་པོའི་ལྭ་ཐོད་དེ་དང་གཅིག། བླུན་པོའི་ཝ་ཞྭ་དེ་དང་གཉིས། ཆོས་པའི་སྒོམ་ཞྭ་དེ་དང་གསུམ། ཕན་ཐོག་འདོད་འདེགས་ཞྭ་གསུམ་དེ། དེ་འདྲའི་ཞྭ་ཅིག་ཨེ་བཟོ་ཟེར། དེ་འདྲའི་ཞྭ་མོ་མི་བཟོ་བྱས།

da 'o na phan thog 'dod 'degs zhwa gsum yod/_phan thog 'dod 'degs zhwa gsum de/_rgyal po'i l+wa thod de dang gcig/_blun po'i wa zhwa de dang gnyis/_chos pa'i sgom zhwa de dang gsum/_phan thog 'dod 'degs zhwa gsum de/_de 'dra'i zhwa cig e bzo zer/_de 'dra'i zhwa mo mi bzo byas/

ད་འོ་ན་ཕན་མེད་གནོད་སྐྱེལ་ཞྭ་གསུམ་ཡོད། ཕན་མེད་གནོད་སྐྱེལ་ཞྭ་གསུམ་དེ། དྲག་པའི་ཐོད་བཅིངས་དེ་དང་གཅིག། རྐུ་མའི་སྦ་ཞྭ་དེ་དང་གཉིས། ཁྲམ་པའི་མགོ་རས་དེ་དང་གསུམ། ཕན་མེད་གནོད་སྐྱེལ་ཞྭ་གསུམ་ཡིན། དེ་འདྲའི་ཞྭ་ཅིག་ཨེ་བཟོ་ཟེར། དེ་འདྲའི་ཞྭ་མོ་མི་བཟོ་བྱས།

da 'o na phan med gnod skyel zhwa gsum yod/_phan med gnod skyel zhwa gsum de/_drag pa'i thod bcings de dang gcig/_rku ma'i sba zhwa de dang gnyis/_khram pa'i mgo ras de dang gsum/_phan med gnod skyel zhwa gsum yin/_de 'dra'i zhwa cig e bzo zer/_de 'dra'i zhwa mo mi bzo byas/

ད་འོ་ན་ཕན་མེད་གནོད་མེད་ཞྭ་གསུམ་ཡོད། ཕན་མེད་གནོད་མེད་ཞྭ་གསུམ་དེ། རྒ་པོའི་ལྤགས་ཞྭ་དེ་དང་གཅིག། རྒ་མོའི་ཐང་ཞྭ་དེ་དང་གཉིས། ཨ་སྙོམས་མོན་ཞྭ་དེ་དང་གསུམ། ཕན་མེད་གནོད་མེད་ཞྭ་གསུམ་ཡིན། དེ་འདྲའི་ཞྭ་ཅིག་ཨེ་བཟོ་ཟེར། དེ་འདྲའི་ཞྭ་མོ་མི་བཟོ་བྱས།

da 'o na phan med gnod med zhwa gsum yod/_phan med gnod med zhwa gsum de/_rga po'i lpags zhwa de dang gcig/_rga mo'i thang zhwa de dang gnyis/_a snyoms mon zhwa de dang gsum/_phan med gnod med zhwa gsum yin/_de 'dra'i zhwa cig e bzo zer/_de 'dra'i zhwa mo mi bzo byas/

ད་འོ་ན་སྒོམས་པའི་མཐོ་ལྕོག་ཨེ་བཟོ་ཟེར། ཚོང་པོ་རལ་མཐོ་ཨེ་བཟོ་ཟེར། ལག་ཐོས་ལྤགས་རས་ཨེ་བཟོ་ཟེར། དཔོན་པོའི་འབོག་མདོ་ཨེ་བཟོ་ཟེར། ཆོས་པའི་སེར་ཏོས་ཨེ་བཟོ་ཟེར། སྟག་ཤར་ཕྱིང་ཞྭ་ཨེ་བཟོ་ཟེར། རྫི་བོའི་ཆ་བྱད་ཨེ་བཟོ་ཟེར། རྫི་མོའི་གོམ་ཞུ་ཨེ་བཟོ་ཟེར། རྒྱ་གར་རས་ཞྭ་ཨེ་བཟོ་ཟེར། རྒྱ་ནག་རྔ་ཞྭ་ཨེ་བཟོ་ཟེར། མངའ་རིས་གར་ཞྭ་ཨེ་བཟོ་ཟེར། སོག་པོའི་སོག་ཞྭ་ཨེ་བཟོ་ཟེར། ཉེས་ཅན་ཕྱོགས་ཞྭ་ཨེ་བཟོ་ཟེར། སྡིགས་ཅན་བུབ་ཞྭ་ཨེ་བཟོ་ཟེར། དེ་འདྲའི་ཞྭ་མོ་མི་བཟོ་བྱས། ངའི་བཟོ་བས་ཞྭ་མོ་མི་ཤེས་ཟེར། བཟོ་བོས་དེ་ལས་མ་ཤེས་ཟེར། ཞྭ་མོ་འཚོལ་བར་འགྲོ་འགྲོ་བྱས། བཟོ་བོས་ང་འགྲོ་ང་འགྲོ་ཟེར། མ་བསྡད་ཨ་འཛོམས་ང་རང་གསུམ། གནམ་སྔོན་པོ་བླ་ཆ་མན་ཆད་དང་། ས་མཐོ་པོ་དིང་རིའི་ཡན་ཆད་ཀྱི། རི་གངས་ཀྱི་ཞབས་རེ་རྒལ་ཙམ་ནས། ས་རི་ཀླུང་ཀུན་ལ་དཔེ་བཞག་པའི་གླིང་གཞི་དེ་ལ་བསྐོར་བ་བྱས།

da 'o na sgoms pa'i mtho lcog e bzo zer/_tshong po ral mtho e bzo zer/_lag thos lpags ras e bzo zer/_dpon po'i 'bog mdo e bzo zer/_chos pa'i ser tos e bzo zer/_stag shar phying zhwa e bzo zer/_rdzi bo'i cha byad e bzo zer/_rdzi mo'i gom zhu e bzo zer/_rgya gar ras zhwa e bzo zer/_rgya nag rnga zhwa e bzo zer/_mnga' ris gar zhwa e bzo zer/_sog po'i sog zhwa e bzo zer/_nyes can phyogs zhwa e bzo zer/_sdigs can bub zhwa e bzo zer/_de 'dra'i zhwa mo mi bzo byas/_nga'i bzo bas zhwa mo mi shes zer/_bzo bos de las ma shes zer/_zhwa mo 'tshol bar 'gro 'gro byas/_bzo bos nga 'gro nga 'gro zer/_ma bsdad a 'dzoms nga rang gsum/_gnam sngon po bla cha man chad dang /_sa mtho po ding ri'i yan chad kyi/_ri gangs kyi zhabs re rgal tsam nas/_sa ri klung kun la dpe bzhag pa'i gling gzhi de la bskor ba byas/

ཤར་རིའི་ལྷ་ཡི་དཀྱིལ་འཁོར་དེ་སྒོར་སྒོར་ཟླ་བ་མཚོན་བྱ་དང་། དེ་ལ་ཞྭ་དཔེ་ཨེ་མ་བྱས། རྒྱ་གར་སྤོས་རི་ངན་ལྡན་དེ་སེང་གེ་གཡུ་རལ་རྒྱན་ལྡན་རེད། དེ་ལ་ཞྭ་དཔེ་ཞྭ་དཔེ་ཨེ་མ་བྱས། རྒྱ་ནག་རི་བོ་རྩེ་ལྔ་དེ་ལྷ་ལ་མཎྜལ་ཕུལ་གྲལ་རེད་དེ་ལ་ཞྭ་དཔེ་ཨེ་མ་བྱས། སྟོད་ཀྱི་གངས་དཀར་ཏི་སི་དེ་ཤེལ་གྱི་ཆོས་རྟེན་བཞེངས་གྲལ་རེད་དེ་ལ་ཞྭ་དཔེ་ཨེ་མ་བྱས། འདམ་གྱི་གཉན་ཆེན་ཐང་ལྷ་དེ་ལྷ་ལ་མཆོད་པ་གཤམས་གྲལ་རེད། དེ་ལ་ཞྭ་དཔེ་ཨེ་མ་བྱས། ཤར་གྱི་རྨ་རྒྱལ་སྤོམ་ར་དེ་གངས་ལ་སེང་གེ་འགྱིང་གྲལ་རེད། དེ་ལ་ཞྭ་དཔེ་ཨེ་མ་བྱས། རྒྱལ་ཚུ་རི་དམར་དབང་ཞུ་དེ། ཕ་བླ་མའི་དབང་ཞུ་གནང་གྲལ་རེད། དབང་ཞུ་དར་གྱི་རྒྱན་གྲལ་རེད། དེ་ལ་ཞྭ་དཔེ་འཇོག་དགོས་བསམ་ཟེར་ནས་གླུ་འདི་ཕུལ་ལོ།

shar ri'i lha yi dkyil 'khor de sgor sgor zla ba mtshon bya dang /_de la zhwa dpe e ma byas/_rgya gar spos ri ngan ldan de seng ge g.yu ral rgyan ldan red/_de la zhwa dpe zhwa dpe e ma byas/_rgya nag ri bo rtse lnga de lha la mN+Dal phul gral red de la zhwa dpe e ma byas/_stod kyi gangs dkar ti si de shel gyi chos rten bzhengs gral red de la zhwa dpe e ma byas/_'dam gyi gnyan chen thang lha de lha la mchod pa gshams gral red/_de la zhwa dpe e ma byas/_shar gyi rma rgyal spom ra de gangs la seng ge 'gying gral red/_de la zhwa dpe e ma byas/_rgyal tshu ri dmar dbang zhu de/_pha bla ma'i dbang zhu gnang gral red/_dbang zhu dar gyi rgyan gral red/_de la zhwa dpe 'jog dgos bsam zer nas glu 'di phul lo/

ཨ་ལ་ཨ་ལ་ཨ་ལ་དེ་རེད་ཡ། ཐ་ལ་མོ་ང་ཡི་གླུ་ཅིག་རེད་ཡ། དེ་ལ་གཡས་བསྐོར་ལན་གསུམ་བྱས།  དེ་ལ་གཡོན་བསྐོར་ལན་གསུས་བྱས།  དེ་ལ་ཕྱག་མཚལ་ལན་གསུམ་ཅིག་རྒྱབ་ཡ། བཟོ་ཨོབོ་ཞིག་གི་ཡིད་ལ་ནི་ཤར་ཡ། ཐོག་ཏུ་སོང་ན་འཇམ་ལེ་བྱས་ཡ། བཟོ་་བོ་་ཁོ་རང་གི་སྐྱིད་པའི་གྱི་བྱས་ཡ། བཟོས་དང་ང་རང་གིས་ཁ་བཀོད་དེ་བྱས་ཡ། ཉི་ཤུ་དི་དགུ་ལ་བསུ་ཇ་དེ་བཅད་ཡ། དེ་ལ་རས་དང་ཕྱིང་པ་ཡིས་སྦྱར། ཡར་བཟོ་བའི་དཀྱིལ་ལ་བཟོ་བོས་ཅིག་བཙེམ་ཡ། ཚེ་པ་གསུམ་ལ་བྱ་སྒྲོས་ཀྱིས་བརྒྱན་ཡ། ཚེ་པ་དེ་དྲུག་ལ་ཞྭ་དར་དེ་བཏགས་ཡ། ཁྱོད་ན་ཨ་འཛོམས་ཀྱི་མགོ་ལ་འདི་གྱོན་ཡ། རྟགས་རྟེན་འབྲེལ་གྱི་ཉི་མ་བཅུ་གསུམ་ཞིག་བྱས་ཡ། ཡ་སྐྱེ་སྐྱེ་སོ་སོ་བཀྲ་ཤིས་སོ།

a la a la a la de red ya/_tha la mo nga yi glu cig red ya/_de la g.yas bskor lan gsum byas/__de la g.yon bskor lan gsus byas/__de la phyag mtshal lan gsum cig rgyab ya/_bzo obo zhig gi yid la ni shar ya/_thog tu song na 'jam le byas ya/_bzo bo kho rang gi skyid pa'i gyi byas ya/_bzos dang nga rang gis kha bkod de byas ya/_nyi shu di dgu la bsu ja de bcad ya/_de la ras dang phying pa yis sbyar/_yar bzo ba'i dkyil la bzo bos cig btsem ya/_tshe pa gsum la bya sgros kyis brgyan ya/_tshe pa de drug la zhwa dar de btags ya/_khyod na a 'dzoms kyi mgo la 'di gyon ya/_rtags rten 'brel gyi nyi ma bcu gsum zhig byas ya/_ya skye skye so so bkra shis so/

ལགས་སོ། འདིར་བཞུགས་པའི་གཟིགས་མོ་གཟིགས་མཁན་རྣམས་པ་ཚོ། ཞྭ་འདི་ལ་བཤད་པ་དེ་འདྲ་ཡོད། ཞྭ་འདི་རི་བོ་མཆོག་རབ་དཔེ། ངོས་གཞི་གླིང་ཆེན་རི་བཞི་ཡིན། ཟུར་བཞི་གླིང་ཕྲན་བརྒྱད་ལ་དཔེ། བྱ་སྒྲོ་རྣམ་རྒྱལ་ཁང་བཟང་དཔེ། རས་སྐོར་མཐའ་ཡས་རྒྱ་མཚོར་དཔེ། ཞྭ་དཔེ་རྒྱན་ཚོ་རི་ལ་དཔེ།

lags so/_'dir bzhugs pa'i gzigs mo gzigs mkhan rnams pa tsho/_zhwa 'di la bshad pa de 'dra yod/_zhwa 'di ri bo mchog rab dpe/_ngos gzhi gling chen ri bzhi yin/_zur bzhi gling phran brgyad la dpe/_bya sgro rnam rgyal khang bzang dpe/_ras skor mtha' yas rgya mtshor dpe/_zhwa dpe rgyan tsho ri la dpe/

ཞྭ་ལ་ཁྱུང་ཅིག་བརྒྱན་པ་དེ། ཁམས་གསུམ་དབང་དུ་འདུས་པའི་རྟགས། ཁྱུང་ལ་གཤོག་སྒྲོ་རྒྱས་་པ་དེ། སྲིད་གསུམ་གཟིལ་གྱི་བསྣོན་པའི་རྟགས། ཞྭ་ལ་མེ་ལོང་བཏག་པ་དེ། བྱིན་རླབ་སྤྲིན་འབུམ་ཁྲིད་པའི་རྟགས། ལྕགས་འབུར་ཟུར་གསུམ་བརྒྱན་པ་དེ། ཆོས་སྐྱོངས་ལས་ལ་འབད་པའི་རྟགས།

zhwa la khyung cig brgyan pa de/_khams gsum dbang du 'dus pa'i rtags/_khyung la gshog sgro rgyas pa de/_srid gsum gzil gyi bsnon pa'i rtags/_zhwa la me long btag pa de/_byin rlab sprin 'bum khrid pa'i rtags/_lcags 'bur zur gsum brgyan pa de/_chos skyongs las la 'bad pa'i rtags/

 ཞྭ་ལ་རྡོ་རྗེ་བརྒྱན་པ་དེ། ཡིད་དམ་ལུས་ལ་ཤར་བའི་རྟགས། དེ་ལ་འབྲུ་འཛོམས་བརྒྱན་པ་དེ། དངོས་གྲུབ་འཛད་པ་མེད་པའི་རྟགས། ཞྭ་ལ་དུང་གི་བརྒྱན་པ་དེ། མཁའ་འགྲོ་རང་ལ་འཁོར་བའི་རྟགས། ཞྭ་ལ་རྩ་ཏོག་བརྒྱན་པ་དེ། རྩ་ཁམས་མཁའ་འགྲོས་གང་བའི་རྟགས། སྨུག་མན་མདོག་པོས་བརྒྱན་པ་དེ། འཕུར་བསྐྱོད་མཐིང་ལས་བཀྲ་བའི་རྟགས། 

_zhwa la rdo rje brgyan pa de/_yid dam lus la shar ba'i rtags/_de la 'bru 'dzoms brgyan pa de/_dngos grub 'dzad pa med pa'i rtags/_zhwa la dung gi brgyan pa de/_mkha' 'gro rang la 'khor ba'i rtags/_zhwa la rtsa tog brgyan pa de/_rtsa khams mkha' 'gros gang ba'i rtags/_smug man mdog pos brgyan pa de/_'phur bskyod mthing las bkra ba'i rtags/_

དུང་མིག་བྱུ་རུས་བརྒྱན་པ་དེ། དགྲ་མིག་ཁྲག་གི་འདོན་པའི་རྟགས། ཨ་དཀར་འབྲུ་དྲུག་བརྒྱན་པ་དེ། འགྲོ་དྲུག་ཐར་ལམ་འགྲེམས་པའི་རྟགས། ཞྭ་ལ་བག་རྟོག་བརྒྱན་པ་དེ། རང་རིགས་བག་ལས་དྲངས་བའི་རྟགས། ཞྭ་ལ་ཐོག་གི་བརྒྱན་པ་དེ། དངུལ་ནོར་ཐོག་དང་འདྲ་བའི་རྟགས། 

dung mig byu rus brgyan pa de/_dgra mig khrag gi 'don pa'i rtags/_a dkar 'bru drug brgyan pa de/_'gro drug thar lam 'grems pa'i rtags/_zhwa la bag rtog brgyan pa de/_rang rigs bag las drangs ba'i rtags/_zhwa la thog gi brgyan pa de/_dngul nor thog dang 'dra ba'i rtags/_

ཞྭ་ལ་ཕུར་པ་བརྒྱན་པ་དེ། མཐུ་རྩལ་ཐོག་པ་མེད་པའི་རྟགས། འཁྲབ་ཆང་མི་རྒོད་བརྒྱན་པ་དེ། དགྲ་ལས་མཐུ་རྩལ་ཆེབའི་རྟགས། གཡོན་ན་ཤེལ་ཅིག་བརྒྱན་པ་དེ། མུ་ཏིག་ཤེལ་ལས་གསལ་བའི་རྟགས། གཡུ་བྱུར་གྲུ་དཀར་བརྒྱན་པ་དེ། མི་རྒྱུད་གཡུ་ལས་བཀྲ་བའི་རྟགས། 

zhwa la phur pa brgyan pa de/_mthu rtsal thog pa med pa'i rtags/_'khrab chang mi rgod brgyan pa de/_dgra las mthu rtsal cheba'i rtags/_g.yon na shel cig brgyan pa de/_mu tig shel las gsal ba'i rtags/_g.yu byur gru dkar brgyan pa de/_mi rgyud g.yu las bkra ba'i rtags/_

ཞྭ་ལ་ཟངས་ཁབ་ཟེར་བ་དེ། ཕོ་ལས་རྟག་ཏུ་སྲུངས་བའི་རྟགས། གཡས་ལ་ལྕགས་རྟ་བརྒྱན་པ་དེ། སྐུ་སྲོག་བྲག་ལས་སྲ་བའི་རྟགས། གཡོན་ན་ལྕགས་གཞུ་བརྒྱན་པ་དེ། ཚེ་རིང་ཐུང་འདོམ་ལ་འཇལ་བའི་རྟགས།

zhwa la zangs khab zer ba de/_pho las rtag tu srungs ba'i rtags/_g.yas la lcags rta brgyan pa de/_sku srog brag las sra ba'i rtags/_g.yon na lcags gzhu brgyan pa de/_tshe ring thung 'dom la 'jal ba'i rtags/

གཞུ་རྒྱུད་ལྕགས་དཀྱུས་སྒྲིམ་པ་དེ། དགྲ་མ་བརྡུངས་ཀླད་ནས་འགུགས་བའི་རྟགས། ཞྭ་ལ་ནོར་བུ་བརྒྱན་པ་དེ། འདོད་རྒུ་ཕྱག་ཏུ་འབེབ་པའི་རྟགས། ཉི་མ་ཟླ་བ་བརྒྱན་པ་དེ། མ་རིག་མུན་པ་གསལ་བའི་རྟགས། དར་ཚོན་སྣ་ལྔ་བརྒྱན་པ་དེ། ལས་བཞི་ལྷུན་གྱི་སྒྲུབ་པའི་རྟགས།

gzhu rgyud lcags dkyus sgrim pa de/_dgra ma brdungs klad nas 'gugs ba'i rtags/_zhwa la nor bu brgyan pa de/_'dod rgu phyag tu 'beb pa'i rtags/_nyi ma zla ba brgyan pa de/_ma rig mun pa gsal ba'i rtags/_dar tshon sna lnga brgyan pa de/_las bzhi lhun gyi sgrub pa'i rtags/

རིན་ཆེན་སྣ་ལྔ་བརྒྱན་པ་དེ། སྐུ་ལྔ་འདུ་བྲལ་མེད་པའི་རྟགས། སྐུད་པ་དཀར་ནག་སྒྲིམ་པ་དེ། བདེ་སྐྱིད་རྒྱུ་འབྲས་འབྱེད་པའི་རྟགས། ཞྭ་ལ་མེ་ཏོག་བརྒྱན་པ་དེ། རྒྱུ་ལ་ཆག་ཞེན་མེད་པའི་རྟགས། ཞྭ་ལུང་དུང་གི་བརྒྱན་པ་དེ། མེ་ཚེ་ཆོས་ལ་སྐྱེལ་བའི་རྟགས།

rin chen sna lnga brgyan pa de/_sku lnga 'du bral med pa'i rtags/_skud pa dkar nag sgrim pa de/_bde skyid rgyu 'bras 'byed pa'i rtags/_zhwa la me tog brgyan pa de/_rgyu la chag zhen med pa'i rtags/_zhwa lung dung gi brgyan pa de/_me tshe chos la skyel ba'i rtags/

རྩེ་ལ་བྱ་རྒྱལ་རྒོད་སྒྲོ་གཙུགས། ལྟ་བས་ནམ་འཕངས་གཅོད་པའི་རྟགས། འུག་པའི་སྒྲོ་ཅིག་བརྒྱན་པ་དེ། སྒོམ་པའི་བཙན་ས་ཟིན་པའི་རྟགས། གླ་མོའི་སྒྲོ་ཅིག་བརྒྱན་པ་དེ། གཅོད་པའི་དཔའ་རྩལ་རྒྱས་པའི་རྟགས། རྨ་བྱའི་སྒྲོ་ཅིག་བརྒྱན་པ་དེ། དུག་ལྔ་ཟས་སུ་བཟས་པའི་རྟགས། ཆུ་བྱའི་སྒྲོ་ཅིག་བརྒྱན་པ་དེ་། འཁོར་བའི་འདམ་ལས་བརྒལ་བའི་རྟགས། ཁུ་དབྱུག་སྒྲོ་ཅིག་བརྒྱན་པ་དེ། དགེ་སྡིག་དབྱེ་བ་འཕྱེ་བའི་རྟགས།

rtse la bya rgyal rgod sgro gtsugs/_lta bas nam 'phangs gcod pa'i rtags/_'ug pa'i sgro cig brgyan pa de/_sgom pa'i btsan sa zin pa'i rtags/_gla mo'i sgro cig brgyan pa de/_gcod pa'i dpa' rtsal rgyas pa'i rtags/_rma bya'i sgro cig brgyan pa de/_dug lnga zas su bzas pa'i rtags/_chu bya'i sgro cig brgyan pa de /_'khor ba'i 'dam las brgal ba'i rtags/_khu dbyug sgro cig brgyan pa de/_dge sdig dbye ba 'phye ba'i rtags/

ནེའི་ཙོའི་སྒྲོ་ཅིག་བརྒྱན་པ་དེ། འབྲས་བུ་མངོན་གསུམ་ལོན་པའི་རྟགས། རྒྱ་བྱའི་སྒྲོ་ཅིག་བརྒྱན་པ་དེ། འགྲོ་དོན་ངོ་མཚར་སྐྱོངས་བའི་རྟགས། དེ་ཕོའི་སྒྲོ་ཅིག་བརྒྱན་པ་དེ། ཐེག་ཆེན་ས་གཞི་རྣོན་པའི་རྟགས། 

ne'i tso'i sgro cig brgyan pa de/_'bras bu mngon gsum lon pa'i rtags/_rgya bya'i sgro cig brgyan pa de/_'gro don ngo mtshar skyongs ba'i rtags/_de pho'i sgro cig brgyan pa de/_theg chen sa gzhi rnon pa'i rtags/_

ངང་པའི་སྒྲོ་ཅིག་བརྒྱན་པ་དེ། བན་ཆོས་བོན་ལ་ཤོད་པའི་རྟགས། བྱ་བ་སྒྲོ་ཅིག་བརྒྱན་པ་དེ། བོན་ཆོས་བན་ལ་འགྱུར་བའི་རྟགས། གོང་མོའི་སྒྲོ་ཅིག་བརྒྱན་པ་དེ། མཁའ་སྤྱོད་ཞིང་ཁམས་འགྲོ་བའི་རྟགས། 

ngang pa'i sgro cig brgyan pa de/_ban chos bon la shod pa'i rtags/_bya ba sgro cig brgyan pa de/_bon chos ban la 'gyur ba'i rtags/_gong mo'i sgro cig brgyan pa de/_mkha' spyod zhing khams 'gro ba'i rtags/_

ཁྲུང་ཁྲུང་སྒྲོ་ཅིག་བརྒྱན་པ་དེ། སྡུག་བསྔལ་མཚོ་ལས་ཐར་བའི་རྟགས། ཕུག་རོན་སྒྲོ་ཅིག་བརྒྱན་པ་དེ། གྲུབ་མཐའ་ཕྱོགས་རིས་མེད་པའི་རྟགས། ཕོ་རོག་སྒྲོ་ཅིག་བརྒྱན་པ་དེ། ཆོས་ཉིད་འགྱུར་བ་མེད་པའི་རྟགས།

khrung khrung sgro cig brgyan pa de/_sdug bsngal mtsho las thar ba'i rtags/_phug ron sgro cig brgyan pa de/_grub mtha' phyogs ris med pa'i rtags/_pho rog sgro cig brgyan pa de/_chos nyid 'gyur ba med pa'i rtags/

 ཁྲ་ཡི་སྒྲོ་ཞིག་བརྒྱན་པ་དེ། འགྲོ་དོན་ནུས་པ་ཆེ་བའི་རྟགས། བྱ་སྒྲོ་སྣ་ཚོགས་བརྒྱན་པ་དེ། ཆོས་ཉིད་མ་བུ་མཇལ་བའི་རྟགས། ཨ་འཛོམས་མགོ་ལ་གྱོན་པ་དེ། ས་ཆུ་གཟིལ་གྱིས་བསྣོན་པའི་རྟགས། གླིང་བཞི་དཔེ་ལ་བཞག་པ་དེ། འགྲོ་དོན་ཁྱབ་རྒྱ་ཆེ་བའི་རྟགས།

_khra yi sgro zhig brgyan pa de/_'gro don nus pa che ba'i rtags/_bya sgro sna tshogs brgyan pa de/_chos nyid ma bu mjal ba'i rtags/_a 'dzoms mgo la gyon pa de/_sa chu gzil gyis bsnon pa'i rtags/_gling bzhi dpe la bzhag pa de/_'gro don khyab rgya che ba'i rtags/

འདིར་བཞུགས་པའི་གཟིགས་མོ་གཟིགས་མཁན་རྣམས་པ་ཚོ། ཞྭ་འདི་ལ་ཆ་ཚད་དེ་འདྲ་ཡོད། ཞྭ་སོར་ལ་འཇལ་ན་སོར་གང་ཡོད། ཞྭ་ཟུར་དེ་ལ་སོར་གང་ཡོད། མངལ་སོར་གང་མིན་ལ་མིག་གདོང་ལྟ། ཞྭ་ཚོན་ལ་འཇལ་ན་ཚོན་གང་ཡོད།

'dir bzhugs pa'i gzigs mo gzigs mkhan rnams pa tsho/_zhwa 'di la cha tshad de 'dra yod/_zhwa sor la 'jal na sor gang yod/_zhwa zur de la sor gang yod/_mngal sor gang min la mig gdong lta/_zhwa tshon la 'jal na tshon gang yod/

 ཞྭ་རྩེ་དེ་ལ་ཚོན་གང་ཡོད། དགྲ་ཚོན་གང་ཡན་ལ་མི་གཏོང་ལྟ། ཞྭ་མཛུབ་ལ་འཇལ་ན་མཛུབ་གང་ཡོད། ཞྭ་འདབ་དེ་ལ་མཛུབ་གང་ཡོད། གདམས་མངག་མཛུབ་ཁྲིད་ཤེས་པའི་རྟགས། 

_zhwa rtse de la tshon gang yod/_dgra tshon gang yan la mi gtong lta/_zhwa mdzub la 'jal na mdzub gang yod/_zhwa 'dab de la mdzub gang yod/_gdams mngag mdzub khrid shes pa'i rtags/_

ཞྭ་མཐོ་ལ་འཇལ་ན་མཐོ་གང་ཡོད། ཞྭ་ཞེང་དེ་ལ་མཐོ་གང་ཡོད། ལྷ་གོང་མས་ངོ་སོ་མཐོ་བའི་རྟགས། ཞྭ་རྐང་ལ་འཇལ་ན་རྐང་གང་ཡོད། ཞྭ་གཟུགས་དེ་ལ་རྐང་གང་ཡོད། རྐང་གཉིས་ཆོས་ལ་འགྱུར་བའི་རྟགས། 

zhwa mtho la 'jal na mtho gang yod/_zhwa zheng de la mtho gang yod/_lha gong mas ngo so mtho ba'i rtags/_zhwa rkang la 'jal na rkang gang yod/_zhwa gzugs de la rkang gang yod/_rkang gnyis chos la 'gyur ba'i rtags/_

ཞྭ་ཁྲུ་ལ་འཇལ་ན་ཁྲུ་གང་ཡོད། ཞྭ་དཔང་དེ་ལ་ཁྲུ་གང་ཡོད། སྒྲུབ་པའི་གྲུབ་རྟགས་བཞག་པའི་རྟགས།

zhwa khru la 'jal na khru gang yod/_zhwa dpang de la khru gang yod/_sgrub pa'i grub rtags bzhag pa'i rtags/

 ཞྭ་པང་ལ་བཞག་ན་པང་གང་ཡོད། ཞྭ་འདབ་དེ་ལ་པང་གང་ཡོད། མི་དགེ་སྡིག་པ་སྤོངས་བའི་རྟགས། ཞྭ་ཕྲག་ལ་བཞག་དུས་ཕྲག་གང་ཡོད། ཡལ་ལ་བཞག་དུས་ཕྲག་གང་ཡོད། དགེ་བ་དང་དུ་བླངས་པའི་རྟགས། དེ་ནས་རྒན་མོ་ཞལ་སྤྲོ་མ། ཞྭ་དེ་གཅིག་དང་མི་འདྲ་ཟེར། རྒན་མོ་མཁར་བ་འཁྱེར་བའི་རྟགས།

_zhwa pang la bzhag na pang gang yod/_zhwa 'dab de la pang gang yod/_mi dge sdig pa spongs ba'i rtags/_zhwa phrag la bzhag dus phrag gang yod/_yal la bzhag dus phrag gang yod/_dge ba dang du blangs pa'i rtags/_de nas rgan mo zhal spro ma/_zhwa de gcig dang mi 'dra zer/_rgan mo mkhar ba 'khyer ba'i rtags/

ཞྭ་འདི་མི་འདྲ་ཅིག་རྐྱང་མེད། ཞྭ་རྩེ་སྒྲོ་ཡིས་བརྒྱན་པ་དེ། གངས་ཏི་སི་ཤེལ་གྱི་བསྐོར་བ་འདྲ། ཞྭ་ལ་ཟུར་བཞི་གཏོད་པ་དེ། འབབ་པའི་ཆུ་བོ་བཞི་དང་འདྲ། ཤར་ན་ཟུར་གཅིག་གཏོད་པ་དེ། སིཏཱ་སེང་གེ་ཁ་འབབ་འདྲ། ལྷོ་ན་ཟུར་གཅིག་གཏོད་པ་དེ། གངྒ་གླང་ཆེན་ཁ་འབབ་འདྲ། ནུབ་ན་ཟུར་གཅིག་གཏོད་པ་དེ། སིན་དྷུ་རྟ་ཕྱོགས་ཁ་འབབ་འདྲ། བྱང་ན་ཟུར་གཅིག་གཏོད་པ་དེ། པཀྵུ་རྨ་བྱ་ཁ་འབབ་འདྲ།

zhwa 'di mi 'dra cig rkyang med/_zhwa rtse sgro yis brgyan pa de/_gangs ti si shel gyi bskor ba 'dra/_zhwa la zur bzhi gtod pa de/_'bab pa'i chu bo bzhi dang 'dra/_shar na zur gcig gtod pa de/_sitA seng ge kha 'bab 'dra/_lho na zur gcig gtod pa de/_gng+ga glang chen kha 'bab 'dra/_nub na zur gcig gtod pa de/_sin d+hu rta phyogs kha 'bab 'dra/_byang na zur gcig gtod pa de/_pk+Shu rma bya kha 'bab 'dra/

ཞྭ་ཟུར་རས་ཀྱི་བཏུམས་པ་དེ། ཡཱ་ཙེ་གཡའ་མས་བསྐོར་བ་འདྲ། ཞྭ་འདབས་རས་ཀྱི་བསྐོར་བ་དེ། སྤུ་རེངས་ཆབ་ཀྱི་བསྐོར་བ་འདྲ། སྟོད་མངའ་རིས་བསྐོར་གསུམ་ཆགས་ཚུལ་འདྲ། ཞྭ་ལ་ལེབ་བཞི་གཏོད་པ་དེ། ལེབ་གཉིས་གཡས་རུ་གཡོན་རུ་འདྲ། ལེབ་གཉིས་དབུས་རུ་རུ་ལག་འདྲ། བར་དབུས་གཙང་རུ་བཞི་ཆགས་ཚུལ་འདྲ།

zhwa zur ras kyi btums pa de/_yA tse g.ya' mas bskor ba 'dra/_zhwa 'dabs ras kyi bskor ba de/_spu rengs chab kyi bskor ba 'dra/_stod mnga' ris bskor gsum chags tshul 'dra/_zhwa la leb bzhi gtod pa de/_leb gnyis g.yas ru g.yon ru 'dra/_leb gnyis dbus ru ru lag 'dra/_bar dbus gtsang ru bzhi chags tshul 'dra/

ཞྭ་གཡས་ལ་པད་མ་བཏགས་པ་དེ། མོན་ཁ་ཚར་མདོ་ཡིས་རྣ་ཚར་འདྲ། ཞྭ་གཡོན་ལ་པད་མ་བཏགས་པ་དེ། སོག་པོ་བྱང་གི་རྣ་ཚར་འདྲ། ཟུར་བཞི་སྣ་བཞི་བྱས་ལེ་དེ། སྨད་ཆུ་བཞི་སྒང་དྲུག་ཆགས་ཚུལ་འདྲ་ཟེར་དེ་གླུ་འདི་ཕུལ་ལོ།

zhwa g.yas la pad ma btags pa de/_mon kha tshar mdo yis rna tshar 'dra/_zhwa g.yon la pad ma btags pa de/_sog po byang gi rna tshar 'dra/_zur bzhi sna bzhi byas le de/_smad chu bzhi sgang drug chags tshul 'dra zer de glu 'di phul lo/

གླུ་ཨ་ལ་ཐ་ལ་ཐ་ལ་རེད་ཡ། ཐ་ལ་མོ་གླུ་ཡི་ལེན་གླུ་རེད་ཡ། ཕྲག་པ་གཡས་ལ་བསྐྱལ་བའི་དུས་ཡ། ཤེལ་གྱི་མཆོད་རྟེན་གྱི་འཁུར་བ་འདྲ་ཡ། ཕྲག་པ་གཡོན་ལ་བསྐྱལ་བའི་དུས་ཡ། ལག་སྟོད་ཆ་སྒམ་འཁུར་བ་འདྲ་ཡ། 

glu a la tha la tha la red ya/_tha la mo glu yi len glu red ya/_phrag pa g.yas la bskyal ba'i dus ya/_shel gyi mchod rten gyi 'khur ba 'dra ya/_phrag pa g.yon la bskyal ba'i dus ya/_lag stod cha sgam 'khur ba 'dra ya/_

ལག་གཡས་ཀྱི་ནང་དུ་བཟུང་བ་དང་དུས་ཡ། བླ་མི་བུམ་པ་དེ་བསྣམས་པ་དེ་འདྲ་ཡ། ཞྭ་རྩེ་ས་ལ་མཉལ་བ་དང་དུས་ཡ། མགར་བའི་བུད་པ་དེ་བརྒྱབ་པ་འདྲ་ཡ། ཞྭ་རྩེ་ལག་པས་རྔོག་པའི་དུས་ཡ། རྒ་བུའི་རྩམ་ཁུག་དེ་རྔོག་པ་འདྲ་ཡ། ཞྭ་དེ་ཆེ་ལ་དཀྲོགས་པའི་དུས་ཡ། རྫི་མོའི་འོ་མ་དེ་དཀྲོགས་བ་འདྲ་ཡ། ཞྭ་དེ་ཐང་ལ་བཞག་པའི་དུས་ཡ། བླ་མའི་གུར་ཆུང་དེ་ཕུབ་པ་འདྲ་ཡ། 

lag g.yas kyi nang du bzung ba dang dus ya/_bla mi bum pa de bsnams pa de 'dra ya/_zhwa rtse sa la mnyal ba dang dus ya/_mgar ba'i bud pa de brgyab pa 'dra ya/_zhwa rtse lag pas rngog pa'i dus ya/_rga bu'i rtsam khug de rngog pa 'dra ya/_zhwa de che la dkrogs pa'i dus ya/_rdzi mo'i 'o ma de dkrogs ba 'dra ya/_zhwa de thang la bzhag pa'i dus ya/_bla ma'i gur chung de phub pa 'dra ya/_

ཡར་པུད་མོའི་སྟེང་དུ་གྱོན་པའི་དུས་ཡ། ངང་པའི་མཚོ་ལྟར་དེ་བསྐོར་པ་འདྲ་ཡ། པུད་མོའི་སྟེང་དུ་སློང་བའི་དུས་ཡ། ཁྲུང་ཁྲུང་སོར་ལག་དེ་བྲལ་བ་འདྲ་ཡ། འབྲུ་མོ་གཡས་ལ་བསྐྱལ་བའི་དུས་ཡ། བུ་གཅིག་པང་ལ་བསྙལ་བ་འདྲ་ཡ། འབྲུ་མོ་གཡོན་ལ་བསྐྱལ་བའི་དུས་ཡ། ཕྱུར་པོའི་སྒྲ་སྙན་དེ་གཏང་བ་འདྲ་ཡ། འབྲུ་མོའི་ནང་དུ་སློང་བའི་དུས་ཡ། ཕྱུག་མོའི་ཆང་འཁྱིམ་དེ་འཁུར་བ་དང་འདྲ་ཡ།

yar pud mo'i steng du gyon pa'i dus ya/_ngang pa'i mtsho ltar de bskor pa 'dra ya/_pud mo'i steng du slong ba'i dus ya/_khrung khrung sor lag de bral ba 'dra ya/_'bru mo g.yas la bskyal ba'i dus ya/_bu gcig pang la bsnyal ba 'dra ya/_'bru mo g.yon la bskyal ba'i dus ya/_phyur po'i sgra snyan de gtang ba 'dra ya/_'bru mo'i nang du slong ba'i dus ya/_phyug mo'i chang 'khyim de 'khur ba dang 'dra ya/

ཞྭ་དེ་མགོ་ལ་གྱོན་པའི་དུས་ཡ། ཤྭ་མོ་ར་དར་དེ་ཆད་པ་འདྲ་ཡ། ཡཱ་ཨོའོ་ལགས་སོ་དེ་ནས་ཧོར་གྱི་རྒྱལ་བློན་ཚོ་ཞྭ་འདི་ལ་མ་ཚང་གཅིག་རྐྱང་མེད། མདུན་དེར་་སྟོན་པའི་གཙོ་འཁོར་ཚང་། བན་ཆོས་པའི་ལྷ་རྒྱལ་་དེ་ལ་ཚང་། རྒྱབ་ན་བློན་པོའི་གཙོ་ཁོར་ཚང་། འདི་དབུ་ནག་ལྷ་རྒྱལ་དེ་ལ་ཚང་། ཟུར་ལྟས་ཤེས་རབ་ལྷ་རྒྱལ་ཚང་། བོན་གཡུ་འབྲུག་ལྷ་རྒྱལ་དེ་ལ་ཚང་། རྩེ་གསུམ་རིགས་གསུམ་མགོན་པོའི་ཚུལ། སྐུ་གསུམ་སྟོན་པ་དེ་ལ་ཚང་། 

zhwa de mgo la gyon pa'i dus ya/_shwa mo ra dar de chad pa 'dra ya/_yA o'o lags so de nas hor gyi rgyal blon tsho zhwa 'di la ma tshang gcig rkyang med/_mdun der ston pa'i gtso 'khor tshang /_ban chos pa'i lha rgyal de la tshang /_rgyab na blon po'i gtso khor tshang /_'di dbu nag lha rgyal de la tshang /_zur ltas shes rab lha rgyal tshang /_bon g.yu 'brug lha rgyal de la tshang /_rtse gsum rigs gsum mgon po'i tshul/_sku gsum ston pa de la tshang /_

སྒང་དྲུག་ཐུབ་པ་རི་དྲུག་ཚོས་འགྲོ་དྲུག་ལྷ་རྒྱལ་དེ་ལ་ཚང་། གཡས་གཏད་སྒྲོལ་མ་དཀར་པོའི་ཚུལ། ཚེ་ཟིན་བའི་ལྷ་རྒྱལ་དེ་ལ་ཚང་། གཡོན་གཏད་སྒྲོན་མ་སྔོན་པོའི་ཚུལ། སྐྱབས་པའི་ལྷ་རྒྱལ་དེ་ཚང་། ཟུར་བཞི་རྒྱལ་བ་རིགས་ལྔའི་ཚུལ། ལོངས་སྐུའི་ཞིང་ཁམས་དེ་ལ་ཚང་། དེ་བཞིན་རྒྱལ་ཆེན་སྡེ་བཞི་ཚུལ། བདུད་བཞིའི་ཁ་སྣོན་དེ་ལ་ཚང་། མ་ཚང་བ་ནི་གཅིག་རྐྱང་མེད། ཐམས་ཅད་འཛོམས་ཞྭ་དེ་ལ་འདུས། གཅིག་ཏུ་འདུས་པ་ཀུན་དུ་བཟང་།

sgang drug thub pa ri drug tshos 'gro drug lha rgyal de la tshang /_g.yas gtad sgrol ma dkar po'i tshul/_tshe zin ba'i lha rgyal de la tshang /_g.yon gtad sgron ma sngon po'i tshul/_skyabs pa'i lha rgyal de tshang /_zur bzhi rgyal ba rigs lnga'i tshul/_longs sku'i zhing khams de la tshang /_de bzhin rgyal chen sde bzhi tshul/_bdud bzhi'i kha snon de la tshang /_ma tshang ba ni gcig rkyang med/_thams cad 'dzoms zhwa de la 'dus/_gcig tu 'dus pa kun du bzang /

ཆོས་ཀུན་དགོངས་པ་དེ་ལ་ཚང་། ཚང་ཡོད་ས་རྒྱལ་པོ་ཨོག་ཙོམ་བྱས། དགྲ་ཡོད་ས་རྒྱལ་མོ་ར་རྣམ་བྱས། སྔོན་སྲིད་པ་ཆགས་པའི་ཚུན་ཆད་ལ། ཞྭ་དེ་འདྲ་གཏན་ནས་ཡོད་མ་མྱོང་། ཨ་རེའི་ཁ།

chos kun dgongs pa de la tshang /_tshang yod sa rgyal po og tsom byas/_dgra yod sa rgyal mo ra rnam byas/_sngon srid pa chags pa'i tshun chad la/_zhwa de 'dra gtan nas yod ma myong /_a re'i kha/