Video Overview
Flowers activate our senses of touch, sight, and smell. Flowers look elegant and pretty, but they are also fragile with the seasons. In the lyrics to this song the life of flowers are a metaphor for the impermanent nature of human life.
མོང་སྒར་ ངར་རུ་སྤོངས་སྟང་ལས་ ཀུན་བཟང་གིས་འཐེན་མི་སྐྱོ་བའི་གླུ་གཞས་ ཕུ་ག་ངང་གོང་མེ་ཏོག །ཟེར་མི་འདི་ མེ་ཏོག་ཚུ་ལུ་བཤད་པ་རྐྱབ་སྟེ་འཐེན་པའི་གླུ་གཞས་ཅིག་ཨིན་མས། དེ་ཡང་ མེ་ཏོག་ཚུ་ ཀུན་གྱི་མིག་ཁར་མཛེས་པའི་རང་བཞིན་ཅན་གྱི་མེ་ཏོག་ཚུ་ ག་དེམ་ཅིག་མཛེས་ཏོག་ཏོ་སྦེ་ཡོད་རུང་ ཡུན་རིངམོ་སྦེ་སྡོད་དབང་མེདཔ་ལས་ མི་རྟག་པའི་རང་བཞིན་ཅིག་ཨིནམ་སྦེ་སྟོནམ་ཨིན་པས། དཀར་དམར་ལ་སོགས་པའི་མེ་ཏོག་ སོ་སོའི་ཁ་དོག་དང་བཀྱག་ཚུ་ ཆརཔ་དང་ཁཝ་འབབ་རུང་ ཉིམ་ཤར་རུང་ བཀྱག་མདངས་ཚུ་མ་ཡལ་བར་ ཡུན་རིངམོ་སྦེ་ སྡོད་གནང་ ཟེར་ འཐོནམ་ཨིན་པས། དཔེ་རྐྱངམ་ཅིག་ མེ་ཏོག་ལུ་སྦྱར་ཏེ་འཐེནམ་མ་གཏོགས་ དོན་ངོ་མ་ལུ་ ང་བཅས་ར་ཆ་ཁྱབ་ མི་རྟག་པའི་རང་བཞིན་ལས་མ་འདས་པ་ཅིག་ཨིནམ་སྦེ་ ཧ་གོ་དགོ་ནི་ཨིན་མས།
- Monggar
- ཀུན་བཟང་།/Kinzangཕུག་ཞུ་ངང་གོང་མེ་ཏོག །ཚོས་ཁ་མདངས་མའི་མེ་ཏོག །
- ཀུན་བཟང་།/Kinzangཆར་པ་ལོ་གསུམ་འབབ་འབབ། །ཚོས་ཁ་མ་ཡལ་བཞུགས་ཤིག །
- ཀུན་བཟང་།/Kinzangསྤང་གི་དཀར་ཁ་མེ་ཏོག །དཀར་ཁ་མདངས་མའི་མེ་ཏོག །
- ཀུན་བཟང་།/Kinzangཁ་བ་ལོ་གསུམ་འབབ་འབབ། །དཀར་ཁ་མ་ཡལ་བཞུགས་ཤིག །
- ཀུན་བཟང་།/Kinzangགངས་ཀྱི་དམར་ཁ་མེ་ཏོག །དམར་ཁ་མདངས་མའི་མེ་ཏོག །
- ཀུན་བཟང་།/Kinzangཉིན་མ་ལོ་གསུམ་ཚ་རུང་། །དམར་ཁ་མ་ཡལ་བཞུགས་ཤིག །ལ་སོ་ལགས། །