Skip to main content Skip to search
09 Dec 2014
4 min 36 sec
Rinchen Dorji
Video Overview
Creators: 
Yeshi Wangchuk

ཕུན་ཚོགས་དོན་གྲུབ་ཀྱིས་འབད་བ་ཅིན་ ད་ལྟོ་རྡོའི་རྩིགཔ་སྒོར་སྒོར་སྦེ་ མཇལ་ནི་ཡོད་མི་འདི་ པད་མ་གླིང་པ་མགར་བཟོ་གནང་ས་ཨིན་པས། ཁོ་གི་ལོ་རྒྱུས་དང་འཁྲིལཝ་ད་ གཏེར་སྟོན་པད་མ་གླིང་པ་དབུ་གུར་ནང་བཞུགས་པའི་སྐབས་ གུ་རུ་རིན་པོ་ཆེ་དངོས་སུ་སྦེ་བྱོན་ཏེ་ གསུང་གྲོས་གནང་གནངམ་ གཡུས་སྒོའི་མི་ ཨམ་ཚེ་དབང་སྐྱིད་ཀྱིས་ མཇལ་མཇལཝ་ཨིན་ཟེར་ ཨིན་པས། དེ་མ་ཚད་ པད་མ་གླིང་པའི་ཕྱག་བཟོ་ བུམ་པ་དང་དྲིལ་བུ་ ཁུ་ལེ་བཟོ་ནི་གོ་ལང་འདི་ཚུ་ཡང་ ད་ལྟོའི་བར་ན་ཡང་ཡོད་ ཟེར་ཨིན་པས།

 

Phuntsho Dendup describes Pema Lingpa's smithy in Kheng Buli in Zhemgang Dzongkhag (district). It is believed that Guru Rinpoche visited this place and told Terton King Pema Lingpa about the goddesses’ prophecies. A woman called Tshewang Ki witnessed these meetings, later spreading the news throughout the locality. From that time, people became fully devoted to Guru Rinpoche, constantly chanting his mantras. It is also believed that one can see the remains of an iron piece at the site, if he/she is lucky enough.

 

Transcript search
No results found for this search
0 of 0
  • ཕུན་ཚོགས་དོན་གྲུབ་/Phuntsho Dendup:
    འ་ནཱི་འདི་ གཏེར་བཏོན་པདྨ་གླིང་པ་ མགར་བའི་གི་ ཕྱག་ལཱ་མཛད་ས་གི་ མགར་ཚང་ཟེར་མི་འདི་ ནཱི་ཨིན་པས་ཟེར་ ཞུ་ནི་སྦེ་ཨིན་ལགས།
  • ཕུན་ཚོགས་དོན་གྲུབ་/Phuntsho Dendup:
    གཏེར་བཏོན་པདྨ་གླིང་པ་འདི་ དབུ་གུར་སྤུབས་ཏེ་གིས་ ཏེ་ འ་ནཱ་བཞུགས་པའི་གི་རིང་ལུ་ དེ་ལས་ ཟངས་མདོག་དཔལ་རི་ལས་ གུ་རུ་རིན་པོ་ཆེ་ དགེ་བཤེས་ཀྱི་ རྣམ་པ་ཅིག་ལུ་སྤྲུལ་ཏེ་ ནཱ་ལུ་བྱོན་ནུག་ལགས།
  • ཕུན་ཚོགས་དོན་གྲུབ་/Phuntsho Dendup:
    དེ་ལས་ རྫོགས་པ་ཆེན་པོ་གི་གདམས་ངག་ མཁའ་འགྲོ་གི་ ལུང་བསྟན་འདི་ཚུ་ག་ར་ འདི་ནཱ་ལུ་ཏེ་ གསུངས་ཞིནམ་ན་ལས་ ཏེ་ གཏེར་བཏོན་པདྨ་གླིང་པ་ལུ་ དེ་སྦེ་གསུངས་ནུག་ལགས།
  • ཕུན་ཚོགས་དོན་གྲུབ་/Phuntsho Dendup:
    ཁྱོད་ དུས་རྙིང་སྙིགས་མ་ལྔ་བདོ་ལུ་ཏེ་ ཆོས་འདི་ ག་ཅི་རང་སྤེལ་ཏེ་གིས་འབད་རུང་ མཁའ་འགྲོ་གི་ བཀའ་དང་བསྟུན་ཏེ་ སྤེལ་དགོ་ཟེར་ དེ་སྦེ་ གསུངས་གནང་ནུག་ལགས།
  • ཕུན་ཚོགས་དོན་གྲུབ་/Phuntsho Dendup:
    དེ་ལས་ འ་ནཱེ་སྦེ་ གསུང་པའི་བར་ན་ལུ་ བར་ཡོང་ལས་ ཨའི་ཚེ་དབང་སྐྱིད་ཟེར་མི་དེགིས་ དགེ་བཤེས་ཅིག་དང་ གཏེར་བཏོན་པདྨ་གླིང་པ་ གསུང་གྲོས་གནང་ས་ མོ་གིས་མཇལ་ནུག་ལགས།
  • ཕུན་ཚོགས་དོན་གྲུབ་/Phuntsho Dendup:
    དེ་ལས་ གཡུས་ཁ་གི་ ཉེ་འདབས་ཀྱི་ མི་འདི་ཚུ་ལུ་ དབའེ་ ད་འབདན་ གཏེར་བཏོན་པདྨ་གླིང་པ་འབད་སར་ མགྱོནམ་ཅིག་ལྷོད་ཅི་ ང་བཅས་ར་ མགྱོནམ་གྱི་ ཁ་བཟང་ལུ་ འགྱོ་གེ་ཟེར་ ཁོང་ག་ར་ ཉེ་འབདས་ཀྱི་ ཨམ་འདི་ཚུ་
  • ཕུན་ཚོགས་དོན་གྲུབ་/Phuntsho Dendup:
    ལ་ལུ་གིས་ ཆུམ་འབག་ ལ་ལུ་གིས་ ཀར་བརྔོ་བརྔོཝ་ དེར་མ་གི་ནང་ལུ་འབག་ ལ་ལུ་གིས་སྒོང་རྡོག་འབག་ ནཱི་ཚུ་ག་ར་ འབག་ཞིནམ་ན་ མཛརཝ་འདི་ཚུ་ འབག་ཞིནམ་ན་ལས་ སིང་ཆང་ ཨ་རག་འདི་ཚུ་ འབག་ཞིནམ་ན་ལས་ གཏེར་བཏོན་པདྨ་གླིང་པ་ བཞུགས་སར་ ནཱ་བཅར་ནུག་ལགས།
  • ཕུན་ཚོགས་དོན་གྲུབ་/Phuntsho Dendup:
    ཏེ་ ནཱ་བཅར་པའི་བསྒང་ལུ་ དབུ་གུར་གྱི་ སྦོ་ལོགས་ཁར་ལྷོདཔ་ཅིག་ ཏེ་ གུ་རུ་རིན་པོ་འདི་ན་རང་ ཡལ་སོང་ནུག་ལགས།
  • ཕུན་ཚོགས་དོན་གྲུབ་/Phuntsho Dendup:
    དེ་ལས་ ཨམ་ཚེ་དབང་སྐྱིད་ཟེར་མི་དེ་གིས་ དབའེ་ ད་ལྟོ་ཡོད་མི་ མགྱོནམ་འདི་(དང)གུ་རུ་རིན་པོ་ཆེ་འདི་ གཏེར་བཏོན་པདྨ་གླིང་པ་འདི་ ཉི་མའི་ཟེར་ལ་འཛེག་སྟེ་གིས་སྦེ་ གསུང་གྲོས་གནང་བཞུགས་ནུག་ཟེར་ཨིན་པས་ལགས།
  • ཕུན་ཚོགས་དོན་གྲུབ་/Phuntsho Dendup:
    ད་དེ་ལས་ ཨམ་ཚེ་དབང་སྐྱིད་ཀྱིས་ ཁྱོད་ ག་དང་གཅིག་ཁར་ གསུང་གྲོས་གནངམ་སྨོ་ཟེར་ ད་ལྟོ་ཡོད་མི་གི་ མགྱོནམ་འདི་ ག་ཏེ་ཡར་སོང་ཡི་ག་ཟེར་ ག་སྨོ?ཟེར་ ཞུ་བའི་གི་ལན་ལུ།
  • ཕུན་ཚོགས་དོན་གྲུབ་/Phuntsho Dendup:
    གཏེར་བཏོན་པདྨ་གླིང་པ་གིས་ གུ་རུ་རིན་པོ་ཆེ་ཨིནམ་འདྲས་ཟེར་ དེ་སྦེ་ཞུ་ནུག་ལོ། དེ་ལས་ ཨམ་ཚེ་དབང་སྐྱིད་ཟེར་མི་འདི་ ཡ་ ང་བཅས་ཆ་ཁྱབ་ཟེར་ ད་གཡུས་འདི་ནང་ལུ་སྐྱེས་ཏེ་ ལྷ་བཟང་ནུག་ཟེར་ སྐལ་པ་བཟང་ནུག་ཟེར།
  • ཕུན་ཚོགས་དོན་གྲུབ་/Phuntsho Dendup:
    དེ་ལས་ བཛྲ་གུ་རུ་འདི་ཚུ་བགྱངས་ གསོལ་འདེབས་འདི་ཚུ་ བགྱངས་ཞིནམ་ན་ལས་ དད་པ་འདི་ སྙིང་ཐག་པ་ལས་རང་ ཏེ ་ སེམས་ནང་ན་ལས་རང་ དད་པ་བསྐྱེད་དེ་ ཏེ་ གུ་རུ་རིན་པོ་ཆེའི་ གསོལ་འདེབས་ཕུལ་ཞིནམ་ན་ལས་ ཆོས་སེམས་ ཧེ་མ་ལས་ལྷག་སྟེ་ དེ་སྦེ་འགྱུར་ཡར་སོང་འདུག་ཟེར་ ཞུ་ནི་སྦེ་ཨིན་ལགས།
  • ཕུན་ཚོགས་དོན་གྲུབ་/Phuntsho Dendup:
    ད་ལྟོ་ ནཱ་གཏེར་བཏོན་པདྨ་གླིང་པ་ འ་ནཱི་ནང་ལུ་ བཞུགས་པའི་སྐབས་ལུ་ ང་བཅས་ར་ སེམས་ཅན་གྱི་ སེམས་ཅན་སངས་རྒྱས་ནི་གི་དོན་ལུ་ བུམ་པ་ཅིག་དང་ རྡོ་རྗེ་དང་ དྲིལ་བུ་ དེ་མ་ཚད་ ང་བཅས་ར་ ཁུ་ལི་ བཟོ་ནི་གི་ ཨ་ནཱི་ སྒོ་ལང་ཟེར་མི་འདི་
  • ཕུན་ཚོགས་དོན་གྲུབ་/Phuntsho Dendup:
    གནམ་མེད་ས་མེད་ རྩ་ཆེ་ཏོག་ཏོ་འདི་ ཀེ་ཇི་ ༢ དང་ གཱརམ་ ༧༠༠ འདུག་ལགས། འ་ནཱི་སྒོ་ལང་འདི་ ཏེ་ ང་བཅས་ གཡུས་ཁར་ར་འདུག་ལགས་འ་ནཱི། འ་ནཱི་ཡང་ ནཱ་བཞུགས་པའི་བསྒང་ལུ་
  • ཕུན་ཚོགས་དོན་གྲུབ་/Phuntsho Dendup:
    ཏེ་ གཏེར་བཏོན་པདྨ་གླིང་པ་གིས་ བརྡུངས་བཞག་སྟེ་ དེ་སྦེ་འདུག་ཟེར་ ཞུ་ནི་སྦེ་ཨིན། འ་ནཱི་ བརྡུངས་བཞག་དགོ་མི ་ཁུངས་འདི་ཡང་ ག་ཅི་སྨོ་ཟེར་བ་ཅིན་ ཏེ་ ཁུ་ལི་ བཟོ་བཟའ་བ་ཅིན་འདི་ ཏེ་ ང་བཅས་ར་ ངན་སོང་གསུམ་ནང་ མི་ལྷུང་ནི་གི་དོན་ལུ་
  • ཕུན་ཚོགས་དོན་གྲུབ་/Phuntsho Dendup:
    ཞིང་ཁམས་ནང་ སྐྱེ་ནིའི་དོན་ལུ་ སེམས་ཅན་དུད་འགྲོ་ ག་ཅི་རང་ཨིན་ཏེ་གི་འབད་རུང་ ཨ་ནཱི་ ཟས་འདི་ ཁ་ལ་རེག་པ་ཙམ་གྱིས་ རྣམ་མཁྱེན་སངས་རྒྱས་ཀྱི་ གོ་འཕང་འཐོབ་ནི་གི་དོན་ལུ་ ཏེ་ ཐུགས་ཀྱི་ དགོངས་བཞེད་དེ་སྦེ་ཨིན་པས་ཟེར་ ཞུ་ནི་སྦེ་ཨིན་ལགས།
  • ཕུན་ཚོགས་དོན་གྲུབ་/Phuntsho Dendup:
    ཏེ་ བུམ་འདི་ཡང་ ཏེ་ ང་བཅས་ར་ བུམ་པ་གི་ཁྲུས་ཆུ་ནང་ལས་ ཁྲུས་ཆུ་འཐུངམ་ཅིག་ ཁ་ལ་རེག་པ་ཙམ་གྱིས་ བྱོལ་སོང་གི་ དུད་འགྲོ་གི སྐྱེསཝ་མི་ལེན་ མཐོ་རིས་ལྷའི་མི་དང་ གོ་འཕང་འཐོབ་ནི་གི་དོན་ལུ་ ད་ ཚེ་ད་རེས་ ང་བཅས་ར་ སྡོད་པའི་རིང་ལུ་ ཁོག་པ་ནང་ལུ་དུག་ དུག་ལྔ་དུག་གསུམ་ ག་ར་ཞི་ནི་གི་དོན་ལུ་ ཏེ་ བུམ་ནང་གི་ ཏེ་ བུམ་པ་ བཟོ་གནང་དགོ་པའི་རྒྱུ་མཚན་ འདི་ཨིན་པས་ཟེར་ ཞུ་ནི་སྦེ་ཨིན་ལགས།
  • ཕུན་ཚོགས་དོན་གྲུབ་/Phuntsho Dendup:
    དྲིལ་བུ་འདི་ཡང་ ང་བཅས་ར་ ཆོས་རྔ་ཆེན་པོ་སྒྲ་ཡི་ནས། །སྡུག་བསྔལ་སེམས་ཅན་མཐར་བགྱིད་ཤོག །ཟེར་ ཨ་ནཱི་ དྲིལ་བུ་གི་ སྒྲ་ཐོས་པ་ཙམ་ཅིག་གིས་ ཏེ་ ང་བཅས་ར་ མཇལ་བ་ཐམས་ཅད་ཀྱིས་ མཐོང་གྲོལ་ཨིན་པས། བཏགས་ཐམས་ཅད་ཀྱིས་ བཏགས་གྲོལ་ཨིན་པས། གསུང་ཐོས་པ་ཙམ་ཅིག་གིས་ དྲིལ་བུ་གི་གསུང་ཐོས་པ་ཙམ་ཅིག་གིས་ ཁམས་གསུམ་ འཁོར་བ་ནང་གནས་པའི་ སེམས་ཅན་ཐམས་ཅད་ རྣམ་མཁྱེན་སངས་རྒྱས་ཀྱི་གོ་འཕང་ འཐོབ་ནི་གི་དོན་ལུ་ དེ་སྦེ་ཏེ་ ཨ་ནཱ་བརྡུངས་ཏེ་ བཞག་དགོ་མི་གི་ ཏེ་ གཏེར་བཏོན་པདྨ་གླིང་པ་གི་ ཐུགས་ཀྱི་དགོངས་བཞེད་འདི་ དེ་སྦེ་ཨིན་པས་ཟེར་ ཞུ་ནི་སྦེ་ཨིན་ལགས།
  • ཕུན་ཚོགས་དོན་གྲུབ་/Phuntsho Dendup:
    འ་ནཱི་གི་ འ་ནཱི་གི་ མགར་ཚང་འདི་ ང་བཅས་ སྔོན་མར་ག་ཨིནམ་ཅིག་ བཅོ་ཁ་ཡང་མ་རྐྱབ་ ག་ནི་ཡང་མ་འབད་ལགས། སྔར་ལྟར་དུ་རང་སྦེ་ ཏེ་ ང་བཅས་ རྡོ་ཅིག་རང་མ་འཐུཝ་འབད་ དེ་སྦེ་བཞག་ཡི་ཟེར་ ཞུ་ནི་སྦེ་ཨིན་ལགས།
  • ཕུན་ཚོགས་དོན་གྲུབ་/Phuntsho Dendup:
    སྐལ་པ་བཟང་པོ་འདི་ཚུ་ ནཱ་ལྕགས་བརྡུང་བརྡུངས་པའི་གི་ ཧེ་མ་གི་ ཨ་ནཱི་ ལྕགས་རོ་འདི་ཚུ་ཡང་ རོགས་ཨ་ནཱི་ འཐོབ་ནི་གི་ ལུང་བསྟན་ཅན་འདི་ཚུ་གིས་འདི་ ཨ་ནཱེ་སྦེ་ འཐོབ་པའི་ སྲོལ་འདུག་ཟེར་ ཞུ་ནི་སྦེ་ཨིན་ལགས།