པད་མ་དགའ་ཚལ་རྗོང་ཁག་ ཤུ་མར་རྒད་འོག་ལས་ ཨམ་གནས་སྒྱུར་ དབང་མོ་གིས་མོ་རའི་གཡུས་ཁའི་ གླུ་གཞས་ཨ་ལོ་འདི་ བརྩམས་གནང་ཡོདཔ་མ་ཚད་འཐེན་འདི་ཡང་ ཡོདཔ་ཨིན་མས། གླུ་གཞས་འདི་ཡང་ ཨམ་དབང་མོ་མོརའི་ཕམ་གཅིག་ཁར་སྡོད་པའི་དགའ་བ་བྱུང་བའི་སྐོར་ལས་བཤདཔ་ཨིན་མས། གླུ་གཞས་ཨ་ལོ་འདི་མོ་སེམས་ དགའ་བའི་སྐབས་དང་མི་གཞན་གི་འཐེན་བཅུགཔ་ད་ འཐེནམ་ཨིན་མས། དེ་མ་ཚད་གླུ་གཞས་འདི་ གནམ་དུས་ཡི་དགའ་སྟོན་ དེ་ལས་ཚེས་བཅུ་ རིམ་གྲོ་དང་ལོ་གསར་བརྩི་སྲུང་འབད་བའི་ སྐབས་ཡང་འཐེན་ཡོདཔ་ཨིན་མས། ཨམ་དབང་མོ་གི་ འདི་བཟུམ་མའི་ཨ་ལོ་དང་ཁོ་རེ་འཐེན་ནིའི་ལམ་སྲོ་ལ་འདི་ ཁོང་རའི་ལུང་ཕྱོགས་ནང་ཡལ་འགྱོ་ནི་མས་ཟེར་ ཚ་གྱང་ཕོགཔ་ཨིན་མས། ཧེ་མ་འབད་ཝ་ཅིན་ ཨ་ལོ་དང་ཁོ་རེ་འཐེན་མི་ལེ་ཤ་ཡོདཔ་ཨིན་མས་ ཨིན་རུང་ད་རེས་ནངས་པར་འཐེན་མི་ ལེ་ཤ་མེདཔ་ལས་ཨམ་དབང་མོ་མོ་ར་ འདི་བཟུམ་མའི་གླུ་གཞས་རྙིངམ་འཐེན་ནི་ལུ་སྤྲོ་བ་བསྐྱེདཔ་ཨིན་མས།