17 Aug 2018
6 min 40 sec
Video Overview
Creators:
Dudul Dorjee, Tibetan & Himalayan Library, Lhamo
འདི་ནི་ཕ་མས་བསྐྱུར་བའི་མིང་སྲིང་གཉིས་འདྲེ་མོའི་ལག་ཏུ་ཚུད་པ་ན་བ་གླང་གིས་བསྐྱབས་པའི་གཏམ་རྒྱུད་ཅིག་ཡིན།
- གུ་རུ་སེམས།དེང་མ་དེང་མ་ཞིག་ལ།
- རྒད་པོ་བཟའ་ཟླ་གཉིས་ལ་བྱིས་པ་གཉིས་ཡོད།
- དེ་ནས་བྱིས་པ་གཉིས་ལ་ཁྱོད་གཉིས་སོང་ནས་གྲོ་མ་བཏུས་ནས་ཤོག་དང་ཞེས།
- ཨ་ཕས་ལག་གཡུགས་བྱེད་དུས།
- ཕྱིར་ཤོག་ཟེར་དུས་ཁྱོད་གཉིས་ཤོག་ཟེར།
- ཡ་ཡ་ཟེར།
- དེ་ནས་བྱིས་པ་གཉིས་གྲོ་མ་བཏུ་རུ་སོང་།
- བར་ཞིག་ལ་བལྟས་དུས་ལག་གཡུགས་བྱེད་བཞིན་འདུག
- ཨ་ལ་ཨ་ཕས་ལག་གཡུགས་བྱེད་བཞིན་ཡོད་པས་འགྲོ་ཡ་ཟེར།
- དེ་ནས་སོང་བ་རེད།
- སོང་དུས་དེ་བ་ཚང་གིས་བྱིས་པ་གཉིས་སྐྱུར་ནས་བུད་སོང་།
- བྱིས་པ་གཉིས་ལ་ཡུལ་མེད་པར།
- དེ་ནས་ངུ་ཞོར་དུ་ཡར་ལ་སོང་ནས་ཨ་ཡེ་ཞིག་དང་འཕྲད།
- ཨ་ཡེ་དེས་ཁྱོད་གཉིས་ཅི་ཞིག་ལ་ངུ་བ་ཡིན།
- གང་ལ་འགྲོ་བ་ཡིན་ཟེར་དུས།
- ཨ་ཕ་ཨ་མ་གཉིས་ཀྱིས་ངེད་གཉིས་སྐྱུར་ནས་རི་སྤོས་ནས་བུད་སོང་།
- དེ་ལྟར་ངུས་པ་ཡིན་ཟེར།
- ཨ་ཧ་བོ་སྐྲག་དགོས་པ་མ་རེད།
- དེར་ཁྱོད་གཉིས་ངུ་དགོས་པ་མ་རེད།
- ཁོང་ཚང་ལ་ཡོང་ནས་བསྡད་ན་ཆོག་པ་རེད།
- ཁོང་ཚང་གི་ར་རྫི་བྱོས་ཟེར།
- ཡ་ཡ་ཟེར་ནས་ཉིན་འགའ་ལ་ར་མ་འཚོས་ནས་བསྡད།
- དེ་ནས་ར་མ་འདོགས་དུས་ཅི་ལྟར་འདོགས་དགོས་ཟེར་ན།
- དཀར་ཁྲ་མ་ཡིས་དཀར་ཁྲ་མ་ཐོགས།
- ནག་ཁྲ་མ་ཡིས་ནག་ཁྲ་མ་ཐོགས་ཞེས་བཤད་ན་བཏགས་འཇོག་ཟེར།
- ཉིན་འགའ་ཡི་རྗེས་ནས་ཁྱོད་གཉིས་ར་རྫི་བྱེད་མི་དགོས།
- ཁྱོད་གཉིས་ཀྱིས་ནས་ཁྲ་ཐུས།
- ངས་ཁྱོད་གཉིས་ལ་ལས་ཀ་འཇོག་ཟེར།
- ཁྱིམ་ཕྱེད་ཀ་ལ་ནས་སྔོན་གཏོར་ནས།
- ཁྱིམ་ཕྱེད་ཀ་ལ་ནས་ཁྲ་བརྔོས་པ་གཏོར་ནས།
- མོ་ཉིན་མོར་བུད་སོང་།
- དེ་ནས་ཡ་ཡ་ཞེས་བཤད་དེ་ནས་ཁྲ་བཏུས་ནས་བསྡད།
- ཉིན་ཞིག་ལ་སྔ་མོ་ནས་ནས་ཁྲ་བཏུས་ནས།
- ཆུ་ཁ་རིང་ཐུང་ལ་སོང་ནས་བ་གླང་ཞིག་བཞུར་ནས་ཡོང་།
- བ་གླང་དེ་བཞུར་ནས་ཡོང་སྟེ།
- ནང་ནས་བ་མོ་ཞིག་གིས་ཁྱོད་གཉིས་ཅི་ཞིག་ལ་ངུས་པ་ཡིན་ཟེར།
- ཁོང་གཉིས་ཨ་ཕ་ཨ་མ་གཉིས་ཀྱིས་སྐྱུར་ནས།
- ཨ་ཡེ་ཞིག་གི་ལག་ཏུ་ལྷུང་ནས།
- ཨ་ཡེ་དེས་ནས་ཁྲ་ཐུས་ཟེར་བས།
- ནས་སྔོན་ནས་སྔོན་ས་ལ་བཏུ་དགོས།
- ནས་བརྔོས་ཡོད་པ་བརྔོས་པའི་ས་ལ་བཏུ་དགོས།
- དེར་སུན་སྣང་སྐྱེས་ཞེས་བཤད་དེ།
- དེར་སྐྱོན་མི་འདུག་ཟེར།
- མོ་ཁྱོད་གཉིས་ཀྱི་རྗེས་ལ་ཡོང་།
- མོ་ཁྱོད་གཉིས་ཀྱི་རྗེས་ལ་ཡོང་།
- ཁྱོད་གཉིས་ཀྱིས་ར་འཕྲུག་དུས་མོར་ཤོད་དང་ཟེར།
- ཡ་ཡ་ཟེར།
- ཁྱེད་གཉིས་གཉོར་བའི་ཨ་ཡེ་དེའི་སྲོག་ཅི་ཡིན་པ་ཨེ་ཤེས་ཟེར།
- དེའི་སྲོག་མར་རྒྱབ་ན་ཁབ་རིང་ཞིག་ཡོད།
- དེ་སླ་ངའི་ནང་དུ་འཕངས་ནས་བརྔོ་དགོས་པ་རེད།
- བརྔོས་ནས་ཕྱིར་མར་རྒྱབ་ཏུ་འཇོག་དགོས་ཟེར།
- དགོང་མོ་ཁབ་རིང་དེ་ཁྱེད་གཉིས་ཀྱི་གཅིག་གི་ལག་ཏུ་བཟུང་།
- སྒོར་འབུད་དུས།
- ཡ་ཡ་ཟེར།
- དེ་ནས་ནུབ་ཇ་འཐུང་ནས།
- གཉིས་ཀས་ནུབ་ཇ་འཐུང་བའི་རྗེས་སུ།
- བ་མོ་ཡོང་ནས་ཨ་རོད་བུ་ཁྱོད་སོང་ནས་ཁ་གྲག་དགོས་ཟེར།
- ཡ་ཟེར་ནས་བུ་སོང་ནས་ཁ་གྲགས་དུས།
- ཁྱོད་འདི་ཞེས་བཤད་དེ་ད་རུང་ར་ཐུག་ནས།
- བུ་མོ་ཁྱོད་སོང་དང་གན་གྱིས་མ་ཐུབ་ཐལ་ཟེར།
- ངེད་ཚང་གི་གན་གྱིས་མི་ཐུབ་པ་རེད།
- ཁྱོད་སོང་ནས་བ་མོར་ཁ་གྲགས་རོགས་བྱོས་ཟེར།
- དེ་ནས་ཡ་ཡ་ཟེར།
- བུ་མོ་སོང་ནས་ཁ་གྲགས་སྟེ།
- ཁྱོད་ཟེར་ཁུལ་བྱས་ནས་བ་མོར་ཞོན་ནས།
- དེ་ནས་བ་མོ་བྲོས་པ་ཡིན།
- དེའི་ཚད་ལ་མོ་རྗེས་ལ་རྒྱུགས།
- དེ་ནས་བུ་མོས་བྱིས་པ་གཉིས་ཀྱི་ལག་ནས།
- མོ་ཡི་སྲོག་འདྲ་བའི་ཁ་རིང་དེ།
- རྗེས་ཆོད་དུས་རེ་རེ་བཀུག་ན།
- ཕར་གཡོ་ཚུར་གཡོ་བྱས་ནས་ལོག་རྩིས་བྱས།
- དེ་ནས་བར་ཞིག་ལ་ཡར་ལ་ཡོང་ཏུ་བཅུག་ནས།
- ཤ་ལ་མགོར་སྐོར་འཕངས་ནས་འདྲེ་མོ་ལོག་སོང་བ་རེད།
- དེ་ནས་བ་མོ་དང་ཆ་བོ་སྐྱིད་པོ་བྱས་ནས་ཡུལ་ནས་བསྡད།
- དེ་ལྟར་བྱས་པ་རེད།
- དེ་ནས་ཉིན་ཞིག་ལ་བ་མོ་ཡིས།
- ང་ཚོར་ཟ་རྒྱུ་འཐུང་རྒྱུ་མེད་པར།
- ཁྱོད་གཉིས་དེ་ལྟར་བསྡད་ནས་བཟོད་པ་མ་རེད།
- མོ་བཤོས་དང་ཟེར།
- དེ་ནས་མོ་བཤས་ནས།
- སྤུ་དཀར་པོ་དཀར་པོ་ས་ལ་བཞག
- དམར་པོ་དམར་པོ་ས་ལ་བཞག
- ནག་པོ་ནག་པོ་ས་ལ་ཞོག་ཅེས་དེ་ལྟར་བཤད།
- ཁོང་གཉིས་ཀྱིས་ཁྱོད་བཤའ་མི་ཐུབ་ཟེར།
- ཁྱོད་འདི་འདྲའི་བ་མོ་དྲིན་ཆེན་ཞིག
- ཨ་མ་དང་ཁྱད་པར་མེད།
- དེ་ལ་སྐྱོན་མེད་དེ་ཁྱོད་གཉིས་ཀྱིས་བཤོས་ཟེར།
- དེ་ནས་བཤས་པ་རེད།
- ཁྱོད་གཉིས་ཀྱིས་བཤས་ན་ཡང་ཤ་མ་ཟ་ཟེར།
- ཤ་ཁྱོད་གཉིས་ཀྱིས་གྲི་ལྡོག་ཅིག་ཀྱང་མ་ཟ་ཟེར།
- ཡ་ཟེར།
- བ་མོ་བཤས་ནས།
- སྤུ་དཀར་པོ་དཀར་པོ་ས་ལ་བླུགས།
- དམར་པོ་དམར་པོ་ས་ལ་བཟུང་།
- དེ་ལྟར་བྱས་ཏེ་ཀོ་བ་བཤུས་ནས།
- ཀོ་བ་ཐང་ལ་བཏང་ནས།
- དེ་ལྟར་བཤས་པ་རེད།
- བུ་ཡིས་ང་ལྟོགས་ནས་ཤི་ཐལ་ཟེར་ནས།
- བ་རྒན་མ་ཡི་བརླ་ཐོག་ནས་ཤ་ལྡོག་ཅིག་ཟོས་པ་ཡིན།
- དེ་ལྟར་བྱས་ནས་བཞག་པ་རེད།
- ནམ་ལངས་ནས་བལྟས་དུས།
- སྤུ་དཀར་པོ་ལུག་ཡིན་པ་རེད།
- ནག་པོ་ནོར་ཡིན་པ་རེད།
- དམར་པོ་རྟ་ཡིན་པ་རེད།
- ཀོ་བ་སོང་ནས་ར་དང་ལུག
- དེ་གཉིས་ཀ་རྒྱུ་ཟོག་གསེར་གསུམ་གྱི་ནང་ནས་བསྡད།
- དེ་ནས་ཉིན་ཞིག་ལ་བ་རྒན་མ་བཤས་ཟིན་འདོད་ནས།
- གཉིས་ཀས་མ་ཎི་བཏོན་ནས་བསྡད།
- བ་མོ་ཉིན་ཞིག་ལ་ཞོལ་དེ་ནས་གྱོལ་ནས་ཡོང་བཞིན་ཡོད།
- དེ་ནས་ཨ་ལ་བ་མོ་ཐོན་ཐལ་ཟེར་ནས།
- གཉིས་ཀ་སྔོན་ལ་རྒྱུགས་ནས།
- ཁྱོད་ལ་ཅི་བྱུང་བ་ཡིན།
- ཁྱོད་གྱོལ་བ་འདི་ཅི་རེད་ཟེར་ནས།
- དེ་ངས་ཁྱོད་གཉིས་ལ་བཤའ་བའི་སྔོན་ལ།
- ཤ་ལྡོག་པོ་ཞིག་ཀྱང་མ་ཟ་ཞེས་བཤད་པ་ཡིན་ལ།
- དེ་ལྟར་བུ་འདིས་ངའི་བརླ་ཐོག་ནས་ཤ་ཟོས་པས།
- མོ་ད་རུང་ཤ་མ་སོས་པར་ད་རུང་གྱོལ་བ་འདི་རེད།
- འདི་ལ་ཅི་ཞིག་བཟང་བ་རེད།
- འདི་འབྱོར་སྤྱད་དང་ཤ་འདི་འཚོ་སྤྱད་ལ་ཅི་བཟང་བ་རེད་ཟེར།
- རྡོ་གཡའ་མ་ཁྲག་འབྱོར་ཟེར་བ་དེ་བཙལ་དུ་འགྲོ་དགོས་ཟེར།
- དེ་སོང་ནས་བཙལ་ནས་ཡོང་སྟེ་གླན་ན་སོས་འགྲོ་བ་རེད།
- དེ་ནས་བུ་དེ་བཙལ་དུ་སོང་ནས།
- རྡོ་གཡའ་མ་ཁྲག་འབྱོར་ཟེར་བ་ལག་ཏུ་ཡོང་ནས།
- རྨ་ཁ་དེར་གླན་པས་དྲག་སོང་བ་རེད།
- དྲག་སོང་ནས་ཚང་མ་སྐྱིད་པོ་བདེ་མོ་བྱས་ནས་བསྡད་པ་རེད།
Loading ... Collection:
Subcollection
- Northeastern Tibet (Amdo) Collections
Subject
- Folk Story
Recording Location
- Tsolho Tibetan Autonomous Prefecture
Language
- Amdo Group
Terms
- དམངས་ཀྱི་སྒྲུང
Time Period:
Creator:
Dudul Dorjee
Director:
Wangchok Bum
Editor:
Wangchok Bum
Cinematographer:
Wangchok Bum
Producer:
Tibetan & Himalayan Library
Cinematographer:
Tashi Gyal
Cinematographer:
Tsering Drolma
Creator:
Lhamo
Contributing Performer:
གུ་རུ་སེམས།
Contributing Performer:
Guru Sem
Contributing Transcriber:
Drolmatso
Publisher:
Tibetan and Himalayan Library
Data Entry:
Copyright Owner:
Tibetan and Himalayan Library
Year Published:
2019
Visibility:
Public (group default)
Shanti AV Id:
20956
Versions:
Date Created:
Thursday, March 8, 2018
Digital Format:
video quicktime
Media Type:
Moving Image
Colors:
Color
