༉  རྒཔོ་བགྲེསཔ་ཕུར་རྒྱལ་འབྲུག་པ་གིས་ རྩི་རང་རྫོང་ཁག་གི་ རྒེད་འོག་ལ་ལུ་ཅིག་གི་མིང་ ཧེ་མ་ལྷོ་མཚམས་ཀྱི་ཁ་སྐད་ནང་ཡོད་མི་འདི་ ཤུལ་ལས་རྒྱལ་ཡོངས་ཁ་སྐད་རྫོང་ཁ་ནང་ ག་དེ་སྦེ་བཏགས་ཡོད་གའི་སྐོར་ལས་བཤད་པ་རྐྱབ་ཨིནམ་ད་ རྩི་རང་རྫོང་ཁག་ནང་ ཧེ་མ་རྒེད་འོག་ཡོངས་བསྡོམས་ ༢༢ ཡོད་མི་འདི་ ཤུལ་ལས་མཉམ་བསྡོམས་འབད་དེ་ ༡༢ ནང་བཟོ་སྟེ་འདུག བུ་རི་ཆུའི་སྦོ་ལོགས་ཁར་ཡོད་མི་ སྒང་ཏོ་འདི་ སྤུངས་སྤུངསམ་བཟུམ་སྦེ་ཡོདཔ་ལས་ ཕུར་རྒྱལ་འབྲུག་པ་གིས་འབད་བ་ཅིན་ མ་ཎི་ཀྲར་དང་ བུ་རི་ཆུ་ དེ་ལས་དཱན་ཤྲཱིར་རྒེད་འོག་ཚུ་གཅིག་ཁར་བསྡོམས་ཏེ་ མིང་ སྤུངས་སྟེང་ཆུ་རྒེད་འོག་ཟེར་ བཏགས་ནུག་ཟེར་ཨིན་མས། དེ་ལས་རྒྱབ་ཁའི་ལ་འདི་ རང་ལུགས་ཀྱི་ཞབས་བྲོ་རྐྱབ་པའི་ཚུལ་སྦེ་ཡོདཔ་ལས་ གྲང་ར་སྒང་དང་ ཀར་ཏི་ཀེ་རྒེད་འོག་ བཱ་ར་རི་གཉིས་གཅིག་ཁར་བསྡོམས་ཏེ་ སེམས་ལྗོངས་རྒེད་འོག་ཟེར་ བཏགས་ཡོདཔ་མ་ཚད་ གོ་པཱ་ནི་རྒེད་འོག་གི་རྒྱབ་ཁའི་ལ་འདི་ དུང་བཟུམ་སྦེ་ཡོདཔ་ལས་ མིང་དུང་ལེགས་སྒང་ཟེར་བཏགས་བཏགསཔ་མས། འདི་བཟུམ་སྦེ་ བཱོ་ཀ་རི་དང་ ས་ལ་མི་རྒེད་འོག་གཉིས་གཅིག་ཁར་བསྡོམས་ཏེ་ དཀྱིལ་འཁོར་བཟུམ་སྦེ་ཡོདཔ་ལས་ དཀྱིལ་འཁོར་ཐང་ཟེར་བཏགས་ཡོདཔ་ད་ མཇུག་ར་ ལབ་ཤེ་བཱོ་ཏེ་གི་རྒེད་འོག་ནང་ མི་སེར་ཆ་མཉམ་ འཚོ་བ་རང་མགོ་རང་འདྲོངས་སྦེ་ཡོདཔ་ལས་བརྟེན་ དགའ་ས་གླིང་ཟེར་བཏགས་ཡོདཔ་ད་ མི་དབང་ཨ་ཞེ་རྡོ་རྗེ་དབང་མོ་དབང་ཕྱུག་མཆོག་ སྤྱི་ལོ་ ༢༠༠༣ ལུ་བྱོན་པའི་སྐབས་ པཱ་ཏེ་ལེ་གི་རྒེད་འོག་འདི་ དང་ཕུ་རྒེད་འོག་དེ་ནང་ མི་ཕྱུགཔོ་ཅིག་དང་ ཁོ་གི་ཨརཝ་གི་ལོ་རྒྱུས་དང་འཁྲིལ་ཏེ་ རྒེད་འོག་དེའི་མིང་ལུ་ གསེར་གྱི་ཐང་རྒེད་འོག་ཟེར་ མིང་གནས་འགྱུར་བཅོས་གནང་ཡོདཔ་ཨིན་པས།